🧬Medical Courses-IUA-B26🧬

#Bio_Exams

شروحات كورس الاخلاقيات الطبية https://t.me/ooal1/7365 https://t.me/ooas32/660 https://t.me/ooas33/392 https://t.me/ooas33/501

#Embryo https://t.me/ooas32/5235

في كلِّ ليلةٍ أحاولُ أن أذكِّرَ نفسي أنَّها إذا بذلتْ أوسعَ ما تقدرُ من الأسبابِ ولم يشأ اللهُ؛ ما نالت شيئًا… وأنّها إذا حرصتْ كلَّ الحرصِ على شيءٍ لن تنالَه ما لم يكتبْهُ اللهُ لها، وأنَّها لن تتقيَ من الشَّرِّ سوى ما يصرفُه اللهُ عنها، ما أصابها ما كان ليخطئها، وما أخطأها ما كان ليصيبها، ليس لي من الأمر من شيءٍ والأمرُ كلُّه للهِ، لن ينفعني جهدي ما لم يسدِّده اللهُ، ولن تتواجدَ الأسبابُ ما لم يُهيِّئها اللهُ، إن يمسسني بضرٍّ فلا كاشف له إلّا هو وإن أرادني بخيرٍ فلا رادَّ لفضله. فتهدأ نفسي وتسكن وتتحرَّرُ من الأسباب والدُّنيا وتتعلَّق بالله واللهُ غالبٌ على أمره. وما رميت إذ رميت ولكنَّ الله رمى، فكن بجوار الرَّامي تسلم، والله غالبٌ على أمره ولكنَّ أكثر النَّاس لا يعلمون! ويقينًا ما كنت لأتذكَّر ما لم يُذكِّرني الله وهكذا تمضي بالله ولله.

مساءُ الخَير يا كُلّ الخير.. يُؤسِفني القولُ بأنّكَ لن تجدَ -دائمًا- مَن يُعينكَ على فِعل مَهامك، أو إصلاحِ نفسِكَ، أو حتّى مجرّد سَماعِك وقتما يجثمُ عليكَ الحُزن! لذا لا تجلس دونَ عملِ شيءٍ مُفيد، وتنتظر -بفارغ الصّبر- بأنْ يأتيَ أحدُهم إليكَ ويساعدك، ويسرقَ بغتةً كافّة مَا يقلقكَ، وينتشِلَكَ مِنْ بُؤسِكَ، ويقذِفَ بفُؤادِكَ السَّعادةَ، والفَرحَ، والسَّرور، فإذا عظُمَ المَطلُوبُ قَلَّ المُساعِدُ! فاستعنْ بِاللهِ، وأشغِل ذاتَكَ بالدِّراسةِ، بتلاوة القرآن، بصقل مَواهِبك، بتنمية مَهاراتِك، بمُتابعة برامج نافِعة، بتعلّمِ شيءٍ جديد، بتدبّرُ سورةٍ مَا، بحفظِ حديث نبويّ.. المُهم بأنْ لا تدَعْ الفراغَ يأكُلكَ تدريجيًّا، اِبدأ الآن، لا تحزن، فيمكنِكَ استدراك مَا فاتك -بإذن الله-، ولا تُسوّف واجباتِك، وتَراكم مهامِك، أدرِك بأنّهُ لنْ ينفعكَ أحدٌ مِنَ البشرِ بقدرِ ذاتِك، فاقض وقتَكَ بصُحبَتِها، وبِإصلاحِها دينيًّا، ودنيويًّا.

💢Electron- translation - chain https://t.me/ooas31/4111 💢Glycolysis https://t.me/ooas31/3931 💢Kerbs cycle https://t.me/ooas31/3961 💢Pentose phosphate pathway https://t.me/ooas31/3984 💢Glycogenesis https://t.me/ooas31/3662 💢Gluconeogenesis https://t.me/ooas31/4051 💢Glactose metabolism https://t.me/ooas31/4479 💢Fructose Metabolism https://t.me/ooas31/4453 💢Uronic- acid- pathway https://t.me/ooas31/4661 💢 Neutral-lipid https://t.me/ooas31/4852 💢Fatty- Acid - Synthesis https://t.me/ooas31/4863 💢Fa-Oxydation https://t.me/ooas31/5207 💢Metabolism of Cholesterol https://t.me/ooas31/4904 💢 Ketone-bodies-metabolism https://t.me/ooas31/4941 💢 Phosphate Lipid - Metabolism https://t.me/ooas31/5006

One Of Akind Student's31🤓 شروحات ون الظابطة🔥🔥 💢 شروحات ون الظابطة : 🔹 شيت د.هدى : https://t.me/ooas31/314 🔹 Method of analysis biochemistry : https://t.me/ooas31/319 🔹 Cell membrane : https://t.me/ooas31/321 🔹 carbohydrate : ملخص : https://t.me/ooas31/381 - أسئلة : https://t.me/ooas31/391 🔹 Lipids : ملخص : https://t.me/ooas31/403 اسئلة : https://t.me/ooas31/421 🔹 Proteins and amino : ملخص : https://t.me/ooas31/423 أسئلة : https://t.me/ooas31/453 🔹 Enzymes : ملخص : https://t.me/ooas31/462 أسئلة : https://t.me/ooas31/470 🔹 نيوكليك : ملخص : https://t.me/ooas31/474 أسئلة : https://t.me/ooas31/483

#Bio https://t.me/ooas32/2508

سلسلة القراية في فتيل #5_تنظيم_الوقت (1) اقبض زمنك بالثابتة! عشان تقدر تنظم زمنك لازم أول حاجة تعرفو بيضيع وين عشان تقدر تتحكم فيهو.. لو اليوم والأيام بتجي ماشة فيك ساي بدون ما تنجز حاجة و م بتعرفها مشت كيف.. لو شايف نفسك مشغول ومعصور طوالي بس بدون إنجاز يُذكر ونتيجة ملموسة والزمن بيتفلّت منك.. البوست ده ليك. حبابك❤️ المشكلة يا صديقي ليست في الزمن.. المشكلة فيك انت! بتعمل حاجات كتيرة بتسرق منك الزمن بدون ما تشعر.. بالتالي بيجيك إحساس "اليوم انتهى سريع كده مالو" ده.. مع إنها هي نفسها ال24 ساعة من اتولدت كل يوم. #الحل: بسيييط جدًا.. تراقب زمنك بيروح وين (ولو لمدة 3 أيام بس).. عن طريق إنك تسجل أو تتابع كل دقيقة أو ساعة عملت فيها شنو.. ممكن تسجل بالدقائق، أو لو صعبة عليك ممكن تسجل بالساعات (أو أنصاف الساعات، أو أثلاثها.. الخ).. المهم تحدد فترات زمنية تسجل فيها أي حاجة عملتها في المدة المعينة دي.. مثلاً كل ساعة تكتب إنت عملت شنو في الساعة دي.. تكتب أي حاجة حرفياً.. الموضوع قد يكون صعب بس لفترة مؤقتة بهدف إنك تعرف زمنك بيروح منك وين.. وصدقني ح تعرفو بصورة مبهرة لمن تتعجب! يلا في كم طريقة تعمل بيها الموضوع ده.. 1- أسهل طريقة واللي أنا بستخدمها إنك تتابع الوقت في ورقة أو النوت (المفكرة) بتاعت فونك (أنا بستخدم النوت بتاعت الفون لأنو بكون معاي دايماً في أي مكان).. ببساطة شديدة تكتب الساعة أو أي فترة انت محددها وتكتب جمبها الحاجة الـ عملتها فيها.. مثلاً: (الأرقام دي الساعات) 4ص: نوم 5: صلاة الفجر + ورد القرآن 6: رياضة + اطلاع سريع على محتوى محاضرات اليوم 7: الاستعداد للجامعة والذهاب لها 8: محاضرة 9: محاضرة 10: يوتيوب وهكذا.. أو طريقة تانية أجمل.. تسجل كل حاجة بعد تنتهي منها بزمنها.. مثلاً: من الساعة 11م - 4:30ص : نوم 4:30 - 5:10 : صلاة الفجر وأذكارها 5:10 - 5:40 : رياضة وهكذا.. يلا الطريقة دي قد تكون أصعب شوية لكن ح تضبط زمنك بصورة م عادية وتعرف كل دقيقة بتمشي وين حرفياً. 2- ممكن تستخدم تطبيقات وتسجل فيها الحاجات دي.. بس حسب تجربتي الشخصية كانت م عملية بالنسبة لي و م بتديك الحرية الـ بتلقاها في الكتابة الحرة - سواء كان في ورق عديل أو في مفكرة الهاتف - وزاتها بتشيل منك زمن. 3- لو حياتك كلها في فونك 😂 فممكن تستخدم تطبيقات لمتابعة استخدام الهاتف.. بتوريك أي حاجة عملتها في أي دقيقة بالفون وبتجي نهاية اليوم تلقى كل شي محسوب تلقائياً. ختاماً.. الفكرة دي قد تستخف بيها وتستهونها بمجرد سماعها لكن صدقني.. ح تنبهررر.. إحساس تعرف كل دقيقة بتمشي وين ده حاجة عظيمة.. و ح تقول معقولة كنت بضيّع زمني كده! #تنبيه: الموضوع قد يبدو صعب ومتعب، بس انت محتاج تعملوا مؤقتاً (مثلاً يومين أو تلاتة) وكلما تشوف الزمن بيجري منك ساي بدون ما تعرفو بمشي وين.. الفكرة بس إنك تعرف زمنك بيمشي وين.. دي أول خطوة في #تنظيم_الزمن تابعنا على قناة التلجرام: https://t.me/study_infateel #القراية_في_فتيل #AN

مرات حتى لو في حافز برضو بتسوّف والسبب في النقطة الجاية👇 ٧. طول مدة الحصول على النتائج (بُعد الحوافز).. يعني حاجة تكون محتاج تعملها زمن طويل حتى تحصل على نتيجتها.. مثلاً تقرا من بداية العام الدراسي عشان إمتحانات نهاية العام (لو مافي امتحانات ونتائج في النص فاا انت خلال الفترة دي كلها بتكون شايف نفسك بتقرا بدون نتيجة ظاهرة قدامك).. أنا بقول ليها طول الأمد، من الآية: "فطال عليهم الأمد فقست قلوبهم".. الآية.. بالتالي بتسوّف لأن الحوافز بتغيب عنك (لأنها بعد فترة طويلة) وبتشوف إنو قدامك زمن طويل ولسه في فرصة لي قدام ف م تتعب من أسي ساي "بتستبعد الـ deadline ده كأنو م ح يجي" وبتفضّل تعمل الحاجات الـ عائدها فوري ٨. الملل ٩. ضعف الإرادة والضعف أمام الملهيات والمشتتات.. يعني تكون نفسك ضعيفة قدام الملهيات دي.. جاك إشعار من الفيس أو الواتس تخلي القراية وتخش تعدي فيهم ساعة.. تجي تقرا صاحبك يتصل عليك أو يرسل ليك رسالة تخلي القراية وتلعب معاهو أو مع الشلة.. داير تقرا لكن ماتش الكورة ح يفوتك.. لكن الفلم الفلاني ح يفوتك.. لكن الحفلة ح تفوتك.. لكن أصحابك ح يمشوا يستمتعوا بدونك.. لكن الكافتريا الفلانية ح تقفل لو م مشيت أسي و م ممكن تقرا وانت جيعان طبعاً.. لكن ولكن ولكن.. فاا بتأجل القراية لأنها مملة ومتعبة وعائدها بكون بعد فترة وبتعمل الحاجات دي لأنها ممتعة ومسلية وعائدها لحظي يلا #الحلول في البداية ح أتكلم عن حلول عامة بتنفع تقريباً مع كل الأسباب الـ ذكرتها.. تاني ح أفصل في الأسباب كل واحد براهو ان شاء الله ١. وااااحد😂 قلتو كده لأنو بإذن الله هو الحل القاضي الساحق الخطير المتفجر الـ شنو كده م بعرف المهم ركزوا فيهو كويس لأنو براهو بكفي وبنتهي من مشكلة الكسل والتسويف😂 في التسويف بكون الزول غالباً مكبر الموضوع زيادة عن حجمو الطبيعي لكن مما يبدا فيهو بيلقاهو أسهل كتيير مما هو كان متوقع فااا المشكلة إذاً كيف تبدا بس؟ لأنك لمن تبدا بتكمل يلا الحل الخطير ده بخليك تبدا طوالي بدون جرجرة وهو ✨قاعدة الخمس ثواني✨😂في واحدة اسمهااا نسيتو😅😂.. المهم مرّت بحالة عصيبة بعد نجاح كبير، بقت غارقة في الديون وراها حاجات كتيرة كان مفترض تعملها لكن م بتعملها بسبب الكسل والتسويف ومشاكل كتيرة شديد فاا يوم كانت بتشاهد في التلفزيون وشافت مشهد إطلاق صاروخ للفضاء.. قبل الإطلاق طبعاً بكون في عد تنازلي 10, 9, 8 لحدي 2, 1, Go ولمن يقولوا go الصاروخ بينطلق طوالي ففكرَت كده ليشنو ما أعمل عد تنازلي برضو لمن أكون عايزة أعمل أي حاجة ومما أقول go أنطلق طوالي زي الصاروخ وأعملها؟ فطلعت بقاعدة الخمس ثواني دي أو Five seconds rule واللي خلتها تنجح نجاحات كبيرة تاني وأكتر من زمان كمان وغيرت حياتها كلها.. اتكلمت عن القاعدة دي في واحد من مؤتمرات TEDx وبعدو عملت كتاب عديل بيتكلم عنها وانتشر كتير جداً القاعدة كانت كده كلما تكون دايرة تعمل حاجة بتبدا تعد من 5 (عشان كده اسمها قاعدة الخمس ثواني) بتقول 5.. 4.. 3.. 2.. 1 Go وبعدها بتقوم طوالي وتعملها صحت من النوم لكن م قادرة تقوم من السرير؟ 5، 4، 3 ، 2، 1 go وتقوم طوالي عايزة تعمل حاجة لكن كسلانة أو مترددة؟ 5، 4، 3، 2، 1، go وتقوم تعملها طوالي.. يلا 5 دي كتيرة شوية ممكن تعد من تلاتة عشان تقوم سريع و م تدي نفسك فرصة.. عايز تقرا لكن كسلان؟ طوالي بدون ما تفكر قول ٣، ٢، ١ ولللعها وقوم طوالي على القراية عايز تقرا لكن نفسك قالت ليك بعدين أو بكرة وبدت تخدّرك بمسكّن التسويف وزيّنت ليك الفيس أو الواتس أو غيرهم؟ طوالي قول ٣، ٢، ١، fire وقوم طوالي وانطلق زي الطلقة #تنبيهات مهمة عِد بصوت عديل م في سرك مهم جداً إنك مجرد ما تنتهي من العد التنازلي تقوم طوالي وتقرا أو تعمل الحاجة الـ عايز تعملها ولا تاني القاعدة دي م ح تنفع معاك و ح تكسرها طوالي في البداية بتلقى مقاومة من نفسك وده طبيعي بس عِد وقوم طوالي بعد آخر رقم أو بعد كلمة go مثلاً وأبدا طوالي و ح تلقى الموضوع أسهل كتير مما كنت متخيل وإنك كنت مكبر الحكاية ساي أنا مثلاً كتير بسوّف وبأجل حاجات لأني بكون شايفها صعبة أو ح تاخد مني زمن كتير لكن مما أقاوم نفسي وأبدا بلقى الموضوع ساهل شديد و م كان محتاج وإني كنت مديهو أكبر من حجمو فااا بس مجرد ما تكمل العد قوم وأبدا طوالي وتاني الموضوع بيمشي براهو بإذن الله يااخ حتى لو تقرا دقيقتين بس وتقيف المهم تعمل حاجة 💙💙💙💙

القراية في فتيل #الكسل_والتسويف #تنبيه لو موضوع الكسل والتسويف بهمك فعلاً فاا أبدا أقرا البوست ده بدون تشوفو قدر كيف.. بس انت أبدا أقرا بدون تشوف نهايتو ولا تفكر فيها وبعدين بوريك ليشنو قلت ليك تعمل كده.. كل مرة بتقول ح أقرا بعدين وأقرا بكرة وبعدين بتجي وبكرة تجي والإمتحان يجي وتكون لسه م قريت حاجة؟ كل كورس أو كل سمستر أو كل سنة بتقول المرة دي ح أقرا من البداية قراية جادة وأكون زول جادي وأخلي الفارغة وأجيب أعلى معدل/درجة/نسبة وأيام الامتحانات نلقاك مزنوق زنقة كلاب؟😂 لقيت البوست ده وعجبك وقلت أحفظو وأجي أقراهو بعدين؟ لكن كلنا عارفين إنك م ح ترجع ليهو تاني😂 كلو بسبب التسويف.. تعال نعرف أسبابو وحلولها بإذن الله #سبب_المشكلة ساي بس🤣.. لو م كنت عارف الأسباب الـ بتخليك تسوّف وتأجل ف غالباً ح تكون قايل نفسك بتعمل كده بدون سبب.. لكن المفاجأة الجميلة إنو عندو أسباب وأكيد عندها حلول كمان مادام عرفناها.. ح أذكر منها الجايات ديل.. حاول أعرف أي واحد منها هو الـ بخليك تسوّف عشان تعرف تعمل معاهو شنو.. لو م قدرت تحدد واحد م مشكلة شوف الحلول بس وطبق.. .١. الإحساس بعدم وجود قيمة.. ببساطة يعني تشوف الحاجة الـ بتعمل فيها دي م منها فائدة.. زي إنك تشوف إنو القراية المفروضة عليك دي م منها فايدة.. أو مادة معينة م فيها فايدة.. أو المجال الـ بتقرا فيهو م منو فايدة أو م عندو قيمة.. بالتالي بتأجل وتسوف و م بتقرا لأن "ليشنو أتعّب نفسي وأعاني عشان حاجة م عندها قيمة؟" ٢. تجنب الفشل.. تكون عايز تعمل حاجة لكن خايف إنك تفشل.. تكون عايز تقرأ لكن خايف إنك م تجيب النسبة الدايرها حتى لو قريت.. عايز تقرأ لكن خايف ترسب برضو وتكون تعبت في الفاضي.. بالتالي م بتقرا عشان تتجنب الشعور ده.. شعور إنك تقرا في الفاضي وتتعب وفي النهاية تفشل (أديكم مثال بي حاجة تانية عشان الصورة توضح أكتر.. زول عايز يبدأ مشروع لكن خايف يفشل (عارفين طبعاً إنو أغلبية المشاريع الناشئة بتفشل لأسباب كتيرة) ف عشان خوفو من الفشل ده يلا م يبدا المشروع من الأساس ويأجل ويسوّف عشان يتهرّب من "إحتمال" الفشل وألمو وتبعاتو) ٣. تجنب الألم والمعاناة.. تخاف من الألم.. تخاف من ألم ومعاناة القراية.. تخاف من ألم الإجتهاد.. من ألم الإلتزام وترك الراحة.. من ألم إنك تفارق سريرك، فونك، أصحابك، فارغتك ولو لدقائق بس في اليوم.. من ألم إنك تمنع نفسك من الحاجات الـ بتحبها عشان تحقق أهدافك.. من ألم إنك م تطلع مع أصحابك أو م تخش سوشيال ميديا أو م تلعب أو أو أو.. فاا الخوف من ألم ومعاناة الحاجات دي كلها بخليك تفضّل الراحة والفارغة في الوقت الحالي وتسوّف وتقول ح أقرا بعدين وأقرا بكرة وبعدو، كأنك بتطبطب على نفسك وتقول "لا أنا ح أواجه الألم ده و ح أتعّب نفسي عشان أنجح وأحقق أهدافي أكييد.. لكن بس بعدين.. بكرة، أو بعدو" ٤. الـPerfectionism أو طلب الكمال.. يعني لمن تكون شايف قدامك خيارين بس.. النجاح أو الفشل بس.. يا فُل يا بلاش.. يا تجي الأول أو أي حاجة تانية بالنسبة ليك زي الطيش و م نافعة.. يا تقفل المجموع أو م تقرا.. المهم ببساطة يعني لمن تكون داير تقرا تكون عايز تقفّل النسبة مثلاً أو تجي الأول بس.. ده الخيار الوحيد الـ بتكون خاتيهو قدامك للقراية.. يعني تكون عايز حاجة perfect بس.. لو قريت لازم أعدي اليوم كلو قراية بس.. أو لازم أجي الأول.. أو لازم أفهم كل حتة في المادة وأصولها وفروعها، لازم أقطعها.. أو لازم أحفظ كل حاجة.. أو لازم أقفل المادة.. ولا م أقرا أصلاً.. مافي خيار تاني.. فااا بالتالي طبيعي إنك تسوّف وتأجل لأنك خاتي قدامك خيارات صعبة شديد ومافي حل وسط ٥. تكبير الموضوع.. يعني تكون شايف القراية دي كتيرة وصعبة ومستحيلة وانت م بتقدر عليها، و.. الخ الخ الكلام الفارغ داك.. بالتالي بتسوّف لأنك بتكون شايف قدامك حاجة كتيرة شديد وانت عايز حاجة بسيطة وساهلة (قليل وساهل) ٦. عدم وجود حافز أو دافع (سواء كان حافز إيجابي أو سلبي).. طيب نفصل شنو يعني حافز إيجابي وحافز سلبي؟ حافز إيجابي زي المكافأة أو القيمة الناتجة من الحاجة الـ بتعملها دي بعد تنجزها.. مثلا إنك تجي الأول.. تجيب درجة كبيرة.. تجيب درجة تكون وراها مكافأة.. تشتغل وتجيب قروش.. تعمل بيت.. ابتغاء مرضاة الله.. الخ.. أي حافز عايز تحققو من قرايتك دي.. الحافز السلبي زي الخوف بتاع زنقة الإمتحانات.. خوف الـ deadline.. يعني المدة المحددة النهائية دي تجي وتلقاك م أنجزت الـ وراك.. أو عقوبة زي إنك تفشل أو ترسب أو تعيد أو تتحرم من حاجة.. الخ الخ.. دي كلها حاجات بتحفزك للقراية عشان م تتعرض ليها، لأنك خايف منها.. خايف من الإمتحان والنتيجة.. خايف من الرسوب وتوابعو خايف من.. الحاجات الـ قلناها قبيل دي.. فااا لمن الحاجات دي تغيب م بكون عندك حافز إيجابي (مكافأة) شغال ليها ولا بكون عندك حافز سلبي (عقاب) خايف منو فاا بتسوّف و م بتقرا لأن مافي حافز كفاية يخليك تقرا..

#إضافة الكلام ده كنت داير اكتبو في البداية لكن في ناس م ح يكملوا ف خليتو في النهاية 😂 كتير مننا مؤخراً بقى يتشتت سريع و م يقدر يقرا حاجة طويلة او يركز لفترة طويلة في أي حاجة سواء قراية او شغل، وبقى عايز كبسولات صغيرة لأي حاجة، عايز الدرس الكبير ملخص في صفحة او اتنين، عايز يتعلم مجالو ويتفوق فيه بقراية بسيطة.. وعايز البوست ده كلو في سطرين.. والخ لكن الواقع غير.. لو داير تتفوق وتحقق اهدافك وتكون زول ناجح لازم تقعد تقرا وتشتغل لفترات طويلة وبتركيز بدون تشتت ("فترات طويلة" دي م بالضرورة يعني متواصلة).. لازم تقرا كتب كاملة.. لازم تركز المعلومات الـ بتديك ليها مواقع التواصل الاجتماعي دي والبوستات دي قشور بس بتديك وهم المعرفة لكن هي م معرفة حقيقية.. لو داير تعرف عن أي حاجة بتعمق وتعرف تفاصيلها لازم تقرا عنها كتير.. تقرا مقال كامل أو بحث أو كتاب.. مش بوست ولا اتنين ولا غيرو.. البوستات دي ممكن بس تديك راس الخيط أو الصورة العامة الكبيرة لكن م بتبني ليك معرفة حقيقية.. م سمعنا بي زول نجح او بقى خبير في حاجة من قراية البوستات أو الرسائل.. ممكن بس تلقى فيها فرص تفيدك وتطبق فيها معرفتك لكن م بتديك المعرفة زاتها.. ولازم تتخلص من فوبيا ضياع الأشياء والفرص (الزول بخاف لمن م يخش سوشيال ميديا تفوتو حاجات) واتذكر مبدأ باريتو Pareto principle واللي بقول فيه ان ٨٠٪ من النتائج الـ بتحققها بتكون ناتجة من ٢٠٪ من الأسباب (يعني ٢٠٪ من الحاجات الـ بتعملها كلها بتديك ٨٠٪ من النتائج).. فااا اكيد السوشيال ميديا دي هي من الـ٨٠٪ الـ بتديك ٢٠٪ بس من النتائج ف م تضيع زمنك فيها وركز جهدك ووقتك في الـ٢٠٪ المهمة الـ بتديك ٨٠٪ من النتائج (ممكن تحفظها بقاعدة ٢٠ ٨٠).. لمن تحدد زمن معين في اليوم للسوشيال ميديا بتلقى فيهو الحاجات المهمة لأن اللايكات براها بتخليها فوق وظاهرة لفترة.. م تخاف انها تفوتك.. اتذكر زمان قبل تخشها كانت فايتاك حاجة؟ 😂 كنا عايشين عادي بدونها.. وبالجد لو وقفتها كلها لفترة ح تشوف الفرق #تنبيه تاني: هنا انا اتكلمت عن التشتت الناتج من ظاهرة الـmonkey mind المنتشرة كتير الأيام دي.. م اتكلمت عن التشتت وعدم التركيز الـ بينتجوا من أسباب عضوية وفسيولوجية.. لكن م تخافوا غالباً دي م عندكم😂.. وبرضو م اتكلمت عن التركيز وأنواعو #تعقيب بسيط على بوست صيام الدوبامين: يوم واحد مفترض يكفي لو التزمت عديل.. لكن لو م كفّاك في حال كنت مدمن شديد مثلاً ممكن تزيدو على قدر ما تقدر.. لكن مفترض يكفي.. كمان ممكن يساعدك تتخلص من منصات السوشيال ميديا دي وتقدر ترجع تركز تاني في قرايتك وتقدر تقرا عديل.. بإذن الله الروابط في التعليقات وبطلب تاني من الناس الـ جربوا صوم الدوبامين يورونا تجاربهم😊 "ما طلعَتْ شمسٌ قطُّ إلَّا بُعِثَ بجنبَتَيْها ملَكانِ ، إنَّهما ليُسمِعانِ أهلَ الأرضِ إلَّا الثَّقلَيْنِ يا أيُّها النَّاسُ ! هلمُّوا إلى ربِّكُم ، فإنَّ ما قلَّ وكفَى خيرٌ ممَّا كثُرَ وألهَى.." حديث صحيح #القراية_في_فتيل #AN