БСТ | Яңылыҡтар

Яҙғы ташҡындың быйыл былтырғыға ҡарағанда бер ай алдан килеүе күҙәтелә Белгестәр билдәләүенсә, Оло һыуҙың иртә ҡуҙғалыуына Башҡортостан биләмәләрендә һауа температураһының ҡапыл йылытыуы һәм бер-нисә көн дауамында яуған ямғырҙар сәбәпсе. Ташҡын һөҙөмтәһендә республиканың таулы төбәктәренән тыш, Күгәрсен районында ла йылғалар ташып ярҙарынан сыҡҡан.

Инйәр йылғаһы ташыуы сәбәпле Архангел районының Аҙау ауылында ғәҙәттән тыш хәл режимы индерелде Инйәр йылғаһы ташыуы сәбәпле Архангел районының Аҙау ауылында ғәҙәттән тыш хәл режимы индерелде. Төндә ҡотҡарыусылар 103 кешене, шул иҫәптән 20 баланы эвакуациялаған. 80 кеше ваҡытлыса йәшәү пунктына урынлаштырылған. Әле улар йылы аш һәм башҡа кәрәк-яраҡтар менән тәьмин ителгән. Ташҡын урынында 90 кеше һәм 39 берәмек техника эшләй. Әле пилотһыҙ осоу аппараттары ярҙамында һыу күтәрелеүен сикләү юлдары ҡарала.

Башҡортостан башлығы һыу баҫҡан урындарҙың етди контролгә алыныуын белдерҙе Радий Хәбиров социаль селтәрҙәрендә Архангел районының Аҙау ауылында һыу баҫыу эҙемтәләрен бөтөрөү барышын яҙып сыҡты. Әле эвакуацияланған ауыл халҡы менән психологтар һәм социаль хеҙмәткәрҙәр эшләй. Архангел районынан тыш, Белорет, Благовар, Ғафури райондарында йорт ихаталары, 12 юл участкаһы һәм ике күпер һыу аҫтында ҡала. Яҙғы ташҡын менән бәйле барлыҡ хәл-ваҡиғалар контролдә тотола. Һыу баҫыу хәүефе янаған осраҡта 112 берҙәм телефон һандарына шылтыратығыҙ, тигән төбәк башлығы.

Башҡортостанда бер тәүлектә һыу баҫыу тураһында 69 хәбәр ҡабул ителгән Ғәҙәттән тыш хәлдәр буйынса дәүләт комитеты етәксеһе Кирилл Первов социаль селтәрҙә яҙыуынса, йылғаларҙа боҙ китә. Әле 11 муниципаль берәмектә 20 хәл контролгә алынған. Архангел, Белорет, Благовар һәм Ғафури райондарында 99 йорт яны биләмәһе һыу эсендә ҡалған. Тиҫтәгә яҡын районда юлдарҙы һыу баҫҡан. Тәүлек эсендә Бишбүләк районы Дүсән ауылы янында Дим йылғаһының 91 сантиметрға күтәрелеүе теркәлгән. Өфө янында Ағиҙел 81 сантиметрға артҡан. Иглин районында Ләмәҙ йылғаһы бер тәүлектә +125 сантиметрға күтәрелгән. Бөгөн төндә Инйәр йылғаһы ташыу арҡаһында Архангел районының Аҙау ауылын һыу баҫты. Урында оператив штаб булдырылды, ҡотҡарыусылар эшләй. Халыҡ хәүефһеҙ урынға күсерелде.

Башҡортостан прокуратураһында ташҡын буйынса ҡыҙыу элемтә булдырылды Һыу баҫыуҙан зыян күреүселәр хоҡуҡтары боҙолоуы тураһында хәбәр итә ала. 8-917-431-00-52 һандарына шылтыратырға була. Шулай уҡ ҡала һәм район прокурорҙары граждандарҙы ҡабул итеүҙе ойоштора, тип хәбәр итәләр ведомствонан. Башҡортостанда тағы бер ҡыҙыу линия эшләй.Архангел районында ғәҙәттән тыш хәлгә бәйле ҡыҙыу элемтә булдырылды. Уның һандары - 8-347-248-12-84. Тәүлек әйләнәһенә шылтыратырға мөмкин. Халыҡты эвакуациялау, ваҡытлыса урынлашыу, психологик ярҙам буйынса һорауҙарға яуап алырға була.

Башҡортостанда Кәрим Хәкимовтың тыуыуына 135 йыл тулыу билдәләнә Радий Хәбировтың ошо турала указы бар. Документҡа ярашлы, юбилей сараларында "Ҡыҙыл паша"ның СССР һәм яҡын көнсығыш, көнбайыш азия дәүләттәре араһында дипломатик мөнәсәбәттәрен урынлаштырыу һәм үҫтереүгә индергән өлөшөн күрһәтеүгә ҙур иғтибар була. Бишбүләк районы Дүсән ауылында тыуған Кәрим Хәкимов Совет иленең ғәрәп илдәрендәге тәүге тулы хоҡуҡлы вәкиле була.

Быйыл ташҡын иртәрәк башланды Был турала федераль кәңәшмәлә Рәсәй премьер-министры урынбаҫары Дмитрий Патрушев белдерҙе. Әле ил буйынса хәл тотороҡло. Март аҙағында Рәсәйҙең көнбайыш өлөшөндә һәм Көньяҡ Урал төбәктәрендә ташҡын көслө булыуы ихтимал, тине ул. Видеокәңәшмәлә Республика Башлығы Радий Хәбиров ҡатнашты. Башҡортостанда ташҡынды имен үткәреү өсөн саралар күрелә. Йылғаларҙа боҙ шартлатыла, эвакуация урындары әҙерләнгән, даими мониторинг алып барыла.

Башҡортостанда ташҡынға бәйле хәл контролгә алынған Был турала Республика Башлығы социаль селтәрҙә яҙа. - Архангел районынан тыш Белорет, Благовар, Ғафури районыдарында һыу баҫҡан биләмәләр бар. 12 юл участкаһы, ике күпер. Һыу баҫҡанда 112 һандарына шылтыратығыҙ, - ти Радий Хәбиров. Бөгөн төндә Инйәр йылғаһы ташып, Архангел районында Аҙау ауылын һыу баҫты. Бында оператив штаб булдырылды. 100-ҙән ашыу кеше эвакуацияланды. Халыҡ ваҡытлыса ҡабул итеү урындарына алып барыла.

Архангел районында ғәҙәттән тыш хәлгә бәйле ҡыҙыу элемтә булдырылды Уның һандары - 8-347-248-12-84. Тәүлек әйләнәһенә шылтыратырға мөмкин. Халыҡты эвакуациялау, ваҡытлыса урынлашыу, психологик ярҙам буйынса һорауҙарға яуап алырға була. Архангел районында Инйәр йылғаһы ташыу арҡаһында Аҙау ауылын һыу баҫты. Йөҙҙән ашыу кеше эвакуацияланды.

❗️ Аҙауҙа ғәҙәттән тыш хәл режимы Ҡотҡарыусылар һыу баҫҡан ауылдан 103 кешене алып сыҡҡан, шул иҫәптән егермеләп бала. Инйәр йылғаһында хәл-торош ауыр - был пилотһыҙ осҡос кадрҙарынан күренә. 300 метрҙан ашыу майҙанды һыу баҫҡан. Ваҡытлыса урынлашыу пунктында 80 кеше һәм 17 бала. Улар бөтә кәрәк-яраҡтар, йылы аш менән тәьмин ителгән. Ҡотҡарыу эштәренә 59 кеше һәм 28 берәмек техника йәлеп ителгән. 👉🏻 Телефон: 8 (347) 248-12-84

«Ашҡаҙар» радиоһы Мәскәүҙә «Сесен» халыҡ колективтары менән осрашты «Башҡортостан» телерадиокомпанияһының «Ашҡаҙар» радиоһы Мәскәүҙә «Сесен» халыҡ колективтары менән осрашты. Башҡортостан Республикаһының Рәсәй Президенты ҡарамағындағы Тулы хоҡуҡлы вәкиллегендә үткән мәҙәни сара радионың 15 йыллығына бағышланды.

Баш ҡалала «Ҡатын-ҡыҙ - милләт әсәһе» 9-cы Бөтә Рәсәй конкурсы еңеүселәре тәбрикләнде Төрлө өлкәләрҙә уңыш ҡаҙанған, әүҙем йәмәғәт эше алып барған гүзәл заттар айырым номинацияларҙа билдәләнде. Шулай уҡ ысын ил патриоттары, герой үҫтергән әсәләргә «Милләт әсәһе» миҙалы тапшырылды.

Дәүләкән районының Вперед ауылындағы янғын буйынса ике енәйәт эше ҡуҙғатылды Тикшереү версияһы буйынса, 18 март төнөндә һәләк булған балаларҙың әсәһе йыш ҡына тәрбиәгә тейешле иғтибар бирмәй, ә опека һәм попечителлек органдары сабыйҙарҙың яҙмышын күҙәтмәй. Имен булмаған ғаилә йәшәгән фатирҙа даими рәүештә санитар талаптарға ҡаршы килгән шарттар күҙәтелә, был хаҡта вазифалы кешеләргә билдәле була. Күп һанлы сигналдарға һәм нигеҙҙәргә ҡарамаҫтан, балалар ғаиләләренән алынмай, ҡатынды әсәлек хоҡуғынан мәхрүм итеү мәсьәләһен ҡарауға йүнәлтелгән саралар күрелмәй.

Ишембай районында Рәүҙәк йылғаһы ярҙарынан сығып йәшәүселәргә зыян килтергән Ишембай районында Рәүҙәк йылғаһы ла ярҙарынан сығып, Ибрай, Иҫәкәй, Һарғай ауылдарында йәшәүселәргә зыян килтергән. Оло һыу эҙемтәләрен бөтөрөү буйынса алып барылған эш тураһында репортаж.

Ташҡын ҡазаһы: Ғафури районында йорттар һәм ҡаралтылар зыян күрҙе Көндөң ҡапыл йылытыуы, бер-нисә көн дауамында яуған ямғыр Башҡортостандың тау йылғаларында һыу кимәле күтәрелеүенә килтерҙе.Ғафури районы Ташаҫты ауылы эргәһендә Еҙем йылғаһында боҙ тығындары, хатта аҫмалы күперҙең тимер-бетон ҡоролмаларына зыян килтереп, тиҫтәнән ашыу торлаҡ йорттарҙы һәм ҡаралтыларын һыу баҫты.

Радий Хәбиров ташҡынға һәм янғын хәүефе осорона әҙерлек буйынса федераль кәңәшмәлә ҡатнашты Радий Хәбиров видеоэлемтә режимында ташҡынға һәм янғын хәүефе осорона әҙерлек буйынса федераль кәңәшмәлә ҡатнашты. Сараны Рәсәй Хөкүмәте рәйесе урынбаҫары Дмитрий Патрушев үткәрҙе. Ҡышҡы йылы һауа торошо арҡаһында быйыл ташҡын ғәҙәттәгенән иртәрәк башланды. Дөйөм алғанда, әле хәл тотороҡло, әммә март аҙағында илдең Европа өлөшөнөң көнсығышында һәм Көньяҡ Уралда һыу кимәле киҫкен билдәләрҙән артыр тип көтөлә.

Өфөнөң ВДНХ-ЭКСПО майҙанында агросәнәғәт форумы асылды Халыҡ-ара форумда ауыл хужалығы ҡаҙаныштарына арналған ҙур күргәҙмә ойошторолдо. Йыл һайын март аҙағында уҙғарылған сарала быйыл 40 төбәктән 380 предприятие тауарҙары тәҡдим ителде. Форумға Африка, Ҡытай һәм Белоруссия республикаһынан да ҡунаҡтар килгән. Башҡортостан башлығы Радий Хәбиров сарала ҡатнашыусыларҙы сәләмләп Әбйәлил районында урынлашҡан экологик ферма эшенә старт бирҙе.

Башҡортостанда һуңғы боҙ күпере ябылды Краснокама районының Иҫке Йәнйегет ауылын янында Ағиҙел йылғаһында боҙ аша сыға торған юлдан үтеп булмай. Хәрәкәт боҙҙоң йоҡарыуына бәйле туҡтатылған, урында тыйыу билдәләре ҡуйылған. Водителдәргә маршруттарын алдан билдәләргә кәңәш ителә, тип белдерәләр Ғәҙәттән тыш хәлдәр министрлығының республика буйынса идаралығынан.

Башҡортостанда йәшәүселәр бер тәүлектә 5 миллион һум аҡса юғалтҡан Сумма мутлашыусыларға күсерелгән. Зыян күреүселәр полицияға ғариза менән мөрәжәғәт иткән. “Кешеләр күп осраҡта ялған инвесторҙарға ышана. Тиҙ арала ҙур табыш алырға ниәтләй. Таныш булмаған кешеләр менән телефон аша аралашмағыҙ. Билдәһеҙ иҫәптәргә аҡса күсермәгеҙ. Шикле мобиль ҡушымталарҙы ҡулланмағыҙ”, - тип белдерәләр Эске эштәр министрлығынан.

Белорет районының Ғәбдүк ауылында 15 ихатаны һыу баҫҡан Белорет районының Ғәбдүк ауылында Инйәр ташҡан, йорттарҙы һыу баҫа башлаған. Кешеләрҙе эвакуациялайҙар. Һыйырҙарҙы тауға ҡыуа алманыҡ, һыуға болғанып торалар, тип хәбәр итә зыян күреүселәр.