БСТ | Яңылыҡтар

Махсус хәрби операцияла ҡатнашыусыларға ярҙам концерты старт ала Башҡортостанда махсус хәрби операцияла ҡатнашыусылар һәм уларҙың ғаиләләренә ярҙам итеү йылы 11 ғинуарҙа Рәмил Баҙамшиндың хәйриә концерты менән башлана. Билеттар һатыуҙан алынған килем Миңлеғәле Шаймортатов исемендәге махсус хәрби операция ветерандары һәм инвалидтарын социаль яҡлау фондына күсереләсәк.

Махсус хәрби операцияла ҡатнашыусы «Дельфин» Яңы йылды ғаиләһе менән үткәрҙе Яңы йыл байрамын ғаилә менән, балалар янында. Өфөнән махсус хәрби операцияла ҡатнашыусы «Дельфин» ҡушаматлы яугир ике аҙналыҡ отпускыһын дүрт балаһы, туғандары янында үткәргән. Ғаиләһе менән ил баш ҡалаһы Мәскәүгә Кремль шыршыһына барғандар. Яугир тыуған ерҙән көс алып яңынан яуҙаштары янына Донбассҡа, алғы һыҙыҡҡа юллана. Ул полкташтарына исемле посылкалар ҙа алған.

Башҡортостанда янғын хәүефһеҙлеге буйынса комиссия ултырышы үтте Башҡортостан Хөкүмәте Премьер-министры урынбаҫары Ирек Сәғитов етәкселегендә республиканың ғәҙәттән тыш хәлдәр Һәм янғын хәүефһеҙлеген тәьмин итеү буйынса комиссияһы ултырышы үтте. Видеоконференция форматында үткән ултырышта муниципаль район биләмәләренә халыҡты иҫкәртеү сараларын көсәйтеү тураһында ҡарар ҡабул ителде.Профилактика төркөмдәре вәкилдәренә асоциаль тормош алып барған кешеләргә, күп балалы ғаиләләргә, яңғыҙ йәшәгән граждандарға рейдтар үткәреү бурысы ҡуйылды.

Шишмә районында Ҡыш бабайҙар парады ойошторолдо Ул район үҙәгенең төп урамдары буйлап уҙҙы. Конкурста Ҡыш бабай, ҡарһылыуҙар,ҡар бөртөктәре һәм башҡа әкиәт геройҙары ҡатнашты. Халыҡ араһында йыл хужаһы булған йылан образын һайлаусылар ҙа күп.

Хыялын тормошҡа ашырыр өсөн Антарктидала эшләп ҡайтҡан Өфөнән Артур Исҡужин йыл ярым ерҙәге иң һыуыҡ ҡитғала командировкала булып, теген производствоһын асыуға аҡса йыйған. Хәҙер замандашыбыҙ этно стилдәге кейем брендын халыҡҡа тәҡдим итә.

Яңы йылдың тәүге сәғәттәрендә Башҡортостанда 10 бала донъяға килгән Улар 5 малай һәм биш ҡыҙ. Сабыйҙарҙың ата-әсәләрен социаль селтәр аша Радий Хәбиров та ҡотлаған. Республика башлығы медицина хеҙмәткәрҙәренә рәхмәт һүҙҙәрен еткереп, аҡ халатлылар байрам көндәрендә лә үҙ эшен яратып һәм ихлас башҡара, тип билдәләгән.

Бишбүләк районы ирекмәндәре махсус хәрби операциялағы яҡташтарыбыҙға ярҙам итә Хәрәкәткә райондың 26 ауылы тоташҡан. Ирекмәндәр шул тиклем күп, хатта уларға хәрби кәрәк-яраҡтар етештереү өсөн материал етмәй. Шуға улар Республика башлығына мөрәжәғәт иткән. Бишбүләк ирекмәндәренең фронтҡа ярҙамы ошо билбауҙар тегеүҙән башлана. Бөгөн оҫталар 25-тән ашыу әйбер төрө етештереә. Улар араһында - носилка, буржуйка мейестәре, ҡоро аш, маскировка селтәрҙәре һәм башҡалар.

Башҡортостанда хәрби хеҙмәткә контракт төҙөгән өсөн түләү 2 миллион һумға тиклем арттырылды 1 ғинуарҙан алып республиканан Оборона министрлығы менән килешеү төҙөүселәргә бер тапҡыр 2 миллион, артабан ай һайын 210 мең һум түләнә. Шулай итеп контракт төҙөүселәр тәүге йылда 4 миллион 520 мең һум аҡса аласаҡ. Башҡортостанда махсус хәрби операцияла ҡатнашыусыларға һәм уларҙың ғаилә ағзаларына 40-тан ашыу ярҙам сараһы ҡаралған.

Всех жителей Башкортостана поздравляю с новым, 2025 годом! Вместе со всей страной мы продолжаем решать задачи специальной военной операции. Наши земляки достойно сражаются за Отечество. Весь Башкортостан – рядом с ними. Все мы, плечом к плечу, приближаем нашу общую победу.   Мы отвечаем на сложные вызовы реальными делами. Делаем всё для движения республики вперёд, благополучия наших жителей. Это непростое время научило нас многому, заставило задуматься о главном. Стать мудрыми, стойкими. Ещё больше сплотиться перед лицом испытаний. Мы направили нашу энергию на преодоление трудностей и созидание. Ещё больше стали ценить наших любимых, родных и близких. Желаю вам крепкого здоровья, благополучия и достатка, уюта и тепла в ваших домах! Бәхетле булығыҙ, ҡәҙерле дуҫтар! Яңы йыл менән! С Новым годом!

🌟 БСТ каналында — Яңы йыл тамашаһы! Яңы йылда һәр кем мөғжизәгә һәм иң изге теләктәренең тормошҡа ашырына ышана. БСТ телеканалы яратҡан тамашасыларына онотолмаҫлыҡ кис әҙерләй. 🎄Байрам студияһына Башҡортостандың иң билдәле йырсылары йыйылды. 31 декабрҙә – «Мәңгелек йырҙар. Йондоҙҙар» тапшырыуы. 😍Ситтә ҡалмағыҙ! Бөтә республика менән бергәләп йырлайбыҙ! https://vk.com/video-85076499_456255603

БСТ каналында — башҡорт рок тамашаһы 1 ғинуар 21:00 сәғәттә республиканың төп телеканалында «Дәрүиш рухы+» башҡорт рок концерты экранға сыға!

Көмөш ирекмәндән Яңы йыл бүләге Балаларға - йөрәк йылыһы һәм бүләктәр. Көмөш ирекмән Юрий Иванов Ғәзиз Әлмөхәмәтов исемендәге республика гимназия-интернатының уҡыу алдынғылары менән осрашып, Яңы йыл бүләктәрен тапшырҙы.

Өфө районы Подымалов ауылында йәшәүсе өс йәшлек Зарина Әсфәғәнова Яңы йылға бүләк алып ҡыуанды Йылдың иң тылсымлы байрамында ҡыҙ яңы ҡурсаҡлы булды. Был бүләкте «Теләктәр шыршыһы» акцияһынан Өфө районы хакимиәте башлығы Николай Ельников алған. Быйыл акцияға 3 меңгә яҡын ғариза ҡабул ителгән. Уларҙың 300-ҙән ашыуы шыршынан алынған. Депутаттар, эшҡыуарҙар ошо теләктәрҙе тормошҡа ашырырға тырыша.

БСТ телеканалы сәхнә легендалары менән бергә Яңы йыл кисен ҡаршыларға саҡыра Нәжиә Аллаярова, Фидан Ғафаров, Нурия Ирсаева, «Карауанһарай»ҙың тәүге составы... БСТ телеканалы сәхнә легендалары менән бергә Яңы йыл кисен ҡаршыларға саҡыра. «Мәңгелек йырҙар, йондоҙҙар» тип аталған тапшырыу төрлө йылдарҙа популяр булған йырҙарҙы иҫкә төшөрөргә, сәхнә йондоҙҙарына ҡушылып йырларға саҡыра.

Өфөлә мәҙәниәт учреждениелары етәкселәренә йөк автомобиле асҡыстары тапшырылды Яңы йылға бүләккә транспорт асҡысы. Бөгөн Башҡортостан башлығы Радий Хәбиров республиканың мәҙәниәт учреждениелары етәкселәренә йөк автомобиле асҡыстарын тапшырҙы. 2024 йыл Башҡортостандың мәҙәниәт учреждениелары өсөн ижади йәһәттән дә, матди-техник базаны нығытыу яғынан да уңышлы булған. Тәү сиратта театр, филармония, музейҙарҙың транспорт паркы яңыртылған.

Йыл йомғаҡтары һәм яңы йыл байрамында хәүефһеҙлек мәсьәләһе Бөгөн Башҡортостан башлығы Радий Хәбиров рәйеслегендә уҙған оператив кәңәшмәлә ошо һәм башҡа һорауҙар ҡаралды. Төп темалар тураһында репортаж.

Өфөлә башҡорт йәмәғәтселеге журналист Рәзил Бикбулатовты һуңғы юлға оҙатты Рәзил Бикбулатов 1996 — 2003 йылдарҙа Башҡортостан телерадиокомпанияһында, «Тамыр» студияһында хәбәрсе, «Сәләм» тапшырыуында мөхәррир булып эшләне. Артабан 2004 — 2006 йылдарҙа хеҙмәттәшебеҙ «Йәшлек» гәзитендә эшләне. 2006—2008 йылдарҙа «Берҙәм Рәсәй» партияһының төбәк бүлексәһенең матбуғат секретары вазифаһын башҡарҙы. 2008 — 2013 йылдарҙа Башҡортостан Милли китапханаһының йәмәғәтселек менән бәйләнештәр буйынса директор урынбаҫары вазифаһын башҡарҙы. 2014 — 2019 йылдарҙа — Рәсәй Федерацияһы Баҡсасылар союзының Башҡортостан буйынса матбуғат секретаре. 2019 йылдан «Аманат» балалар журналының баш мөхәррире урынбаҫары итеп тәғәйенләнә. Мәрхүмдең яҡындарының һәм туғандарының ауыр ҡайғыһын уртаҡлашабыҙ.

Дүртөйлө-Әсет трассаһы яҡты була М-12 фдеераль трассаһы төҙөлөшө дауам итә. "Автодор" корпорацияһынан хәбәр итеүҙәренсә, Башҡортостан биләмәләрендә 60 километрҙа яҡтыртыу ҡоролмалары урынлаштырылды. Республикала 140 километрҙа 54 трансформатор станцияһы, 7 мең 700 фонарь ҡуйыу планлаштырыла. Магистралдең Дүртөйлө-Әсет участкаһы Башҡортостан, Пермь крайы, Свердловск өлкәһе аша үтә.

🎊БСТ каналында - «СУЛПЫЛАР - 2024» асыҡ телевизион конкурсы финалы! Моңло йырҙар, сағыу номерҙар! Йәш йырсылар менән бер сәхнәлә эстрадабыҙ йондоҙҙары сығыш яһай! 31 декабрҙә 12:00 сәғәттә БСТ каналын ҡабыҙырға онотмағыҙ!🎊 https://vk.com/video-85076499_456255614

Яңы йылда Өфөлә автобустарҙың йөрөү ваҡыты оҙайтыла “Башавтотранс” компанияһынан белдереүҙәренсә, һүҙ 31 декабрҙән 1 ғинуарға тиклем 6-сы, 75-се, 51-се, 69-сы, 74-се һәм 226-сы маршруттар хаҡында бара. Билдәле булыуынса, ҡайһы бер рейстар башланғыс һәм аҙаҡҡы туҡталыштарҙан төнгө сәғәт 1-ҙә һәм 3-сө яртыла ҡуҙғала.