БСТ | Яңылыҡтар

Яҙын Башҡортостанда 2 миллион 200 мең гектарҙан ашыу ер сәселә Был турала премьер-министр Андрей Назаров белдерҙе. Баҫыуҙарҙың ҙур өлөшөндә иген культуралары була. Быйылғы уңыш өсөн көҙҙән 248 мең гектар ужым сәсеп ҡалдылырған. Ул яҡшы ҡышлаған. Әле яҙғы сәсеү өсөн орлоҡ, ашлама, яғыулыҡ-майлау материалдары әҙерләнә, техника көйләнә. Башҡортостанда уҙған йылда 11 миллиард һумға 2 мең 400 берәмек техника һатып алынған.

Башҡортостанда урман янғындарын һүндереү өсөн техника әҙерләгән Шулай уҡ яғыулыҡ-майлау материалдары тупланған. Утты һүндереүгә 11 мең ярым кешене йәлеп итеү планлаштырыла. 3 мең 300 берәмек техника бар. Урман хужалығы министры Марат Шәрәфетдинов белдереүенсә, республика төрлө хәлдәргә әҙер. Төп бурыс урман янғындарының таралыуына юл ҡуймау. Башҡортостан урман биләмәләрендә хәүефле миҙгелдең апрель айында башланыуы көтөлә.

Миңлеғәле Шайморатов исемендәге спецназ отряды ҡунаҡтар ҡабул итә Рәсәй милли гвардияһы ғәскәрҙәре көнө алдынан Миңлеғәле Шайморатов исемендәге спецназ отряды яугирҙары уҡыусылар, кадеттар өсөн экскурсиялар уҙғара, ә хәрби институттар курсанттары подразделениела стажировка үтә. Яугирҙәр уларҙы ҡорал, хәрби техника, тренажерҙар һәм берләшмәнең барлыҡҡа килеү тарихы һәм уның хәрби юлы менән таныштыра.

Ләйсән Үтәшеваның ғаиләһендә аяныслы хәл Билдәле алып барыусы, гимнаст Ләйсән Үтәшеваның 89 йәшлек ҡартатаһы Солтангәрәй Әҙелгәрәй улы вафат булған. Ул ғүмер баҡый агроном булып эшләгән. 2006 йылда Әлшәй районының почетлы гражданы исеме менән бүләкләнә.

«Башҡортостан» телерадиокомпанияһында эшләп килгән уҡытыу үҙәгенә 20 йыл тула Ошо дәүҙерҙә унда 2000-дән ашыу белгес өҫтәмә белем алған, профессилональ квалификацияһын үҫтергән. Телерадиосәнғәт мәктәп-студияһына Евразия Телевидение һәм радио академияһы академигы, Рәсәйҙең атҡаҙанған сәнғәт эшмәкәре Шәүрә Ғилманова нигеҙ һалған һәм бөгөнгәсә уны етәкләй. Телерадиосәнғәт мәктәп-студияһын тамамлаған белгестәр бөгөн БСТ, «Рәсәй», «Ҡурай», «Тамыр» кеүек алдынғы телеканалдарҙа һәм радиоларҙа эшләй.

Өфөнөң «Родина» кинотетарында «Үҙебеҙҙекеләр. Һуғыш тураһында баллада» хәрби драмаһы күрһәтелде Фильм аэроразведчиктар батальоны отряды көндәлеген бәйән итә. Картинаның ябыҡ премьераһына махсус хәрби операция ветерандары, уларҙың ғаилә ағзалары, Дәүләт Йыйылышы - Ҡоролтай депутаттары, саҡырылған ҡунаҡтар йыйылды. «Родина» кинотеатры фойеһында хәрби темаға бағышланған күргәҙмә, маскировка селтәре үреү буйынса оҫталыҡ дәресе тәҡдим ителде.

Башҡорт дәүләт медицина университеты Силәбе өлкәһе менән хеҙмәттәшлек итә Башҡорт дәүләт медицина университеты менән Башҡортостандың Силәбе өлкәһендәге даими вәкиллеге араһында хеҙмәттәшлек тураһындағы килешеүгә ҡул ҡуйылды. Яҡтар бергәләп белем биреү сифатын күтәреүгә йүнәлтелгән социаль әһәмиәтле проекттарҙы һәм башланғыстарҙы тормошҡа ашырасаҡ.

Башҡортостанда яҙғы сәсеүҙе тиҙ атҡарып сығыу планлаштырыла Ауыл хужалығы министрлығынан хәбәр итеүҙәренсә, техника паркы яңыртыла. Быйыл ер эшкәртеү машиналары һаны 250-гә арта. 11 мең 200 трактор һәм 5 мең сәскес баҫыуҙарға сыға. Әле техника 90 процентҡа әҙер, - тине Вице-премьер-Ауыл хужалығы министры Илшат Фәзрахманов. Быйыл яҙ 2 миллион гектарҙан ашыу ер сәселә.

Иглин районының социаль-иҡтисади үҫеш мөмкинлектәре ҡаралды Премьер-министр Андрей Назаров Иглиндә республика хөкүмәте кәңәшмәһен уҙғарҙы. - Бында эш хаҡы 9,2 процентҡа артҡан. Был Башҡортостан буйынса 15-се күрһәткес. Эшһеҙлек ике тапҡыр кәмегән. Социаль объекттар төҙөлә. Оло-Тәләктә социаль-мәҙәни үҙәк, Көҙәй ауылында китапхана, Иглиндә мәктәп файҙаланыуға тапшырылған. Район-үҙәгендә физкультура-һауыҡтырыу комплексы төҙөлгән. Инвестиция күләме артыу тиҙлеге буйынса Иглин уҙған йылда республика муниципалитеттары араһында 1-се урын алған. Кәңәшмәлә Андрей Назаров төҙөлөш, транспорт инфраструктураһы, мәғариф, мәҙәниәт, һаулыҡ һаҡлау, урман, ауыл хужалыҡтары, сәнәғәт, спорт һәм башҡа йүнәлештәр буйынса күрһәтмәләр бирҙе.

Өфөлә табиптар коморбид пациенттарҙы дауалау алымдарын тикшерҙе Өфөлә «Реаль клиник практикала мультидисциплинар ҡараш. Фокуста-коморбид пациент» тигән исем аҫтында төбәк-ара форумы үтте. Ҡыуатов исемендәге Республика клиник дауаханаһы ойошторған сарала Рәсәйҙең төрлө субъекттарынан билдәле медицина эксперттары ҡатнашты. Улар алдынғы эш алымдары менән уртаҡлашты, фекер алышты. Коморбид пациент тип кемдәрҙе атайҙар, дауалау процесы нисек ойошторола.

Башҡортостан артистары йыры интернет киңлеген яулай «Әй йола» триоһының «Һомай» тип исемләнгән композицияһы бер нисә көн дауамында ғына 100 миллион тапҡыр ҡарау йыйған. Бынан тыш, йыр «Бәйләнештә» социаль селтәрендә илдә иң популяр 50 йыр исемлегенә инеп, 42-се позицияға күтәрелгән. Башҡорт телендәге йырҙың ошондай чартҡа инеүе тәүгә теркәлгән. Композиция бөтә донъяла таралып, төрки халыҡтар, айырыуса ҡаҙаҡтар араһында популярлыҡ яулай, йыр менән социаль селтәрҙәрҙә илдең билдәле артистары ла бүлешә.

Ғафури районынан Ғәбдрәхим Садиҡов 101 йәшлек юбилейын билдәләне Бөйөк Ватан һуғышында Ғафури районынан 13 меңдән ашыу ир-егет ҡатнашҡан, фронттан уларҙың яртыһы ғына әйләнеп ҡайтҡан. Сафтар йылдан-йыл һирәгәйеп, әле тик бер генә ветеран иҫән. Фронт һыҙығында «Катюша» тип аталған хәрби машина менән оҫта эш иткән Ғәбдрәхим Садиҡов бөгөн 101 йәшен билдәләне.

Башҡортостандың биш ҡалаһында һәм 17 муниципаль районда соҡорҙарҙы ямау башланды М-5 федераль трассаһында ла яуаплы хеҙмәттәр автомобиль юлдары участкаларында соҡорҙарҙы тигеҙләй. Шишмә районының Уҙытамаҡ ауылы янында һалҡын асфальт ярҙамында юл ремонтлаусылар эше хаҡында репортаж.

Иглиндә бәләкәй эшҡыуарлыҡтың оло проблемалары өйрәнелде Республикала Радий Хәбиров ҡушыуы буйынса властың бизнес даирәләре менән осрашыуҙары башланды. Быға тиклем ошондай сараға Сибай эшҡыуарҙары саҡырылғайны. Сиратта Иглин, сөнки район баш ҡала менән сиктәш һәм эшҡыуарлыҡ субъекттары ла бик күп. Үҙ сиратында борсоған мәсьәләләр ҙә. Уларҙы хәл итеү өсөн район үҙәгенә республика хөкүмәтенең һәр министрлығынан белгестәр килде.

Архангел районы Аҙау ауылында ташҡындан зыян күргән граждандарҙан 106 ғариза ҡабул ителгән Уларҙың 54-нә аҡсалата ярҙам күрһәтелгән. Бөгөн урында ведомство-ара комиссия ултырышы үтте. Унда халыҡ үҙҙәрен борсоған һорауҙарға яуап алды. Ташҡын эҙемтәләрен бөтөрөү дауам итә. Йорттарҙан һыу, ҡураларҙан боҙ киҫәктәре сығарыла.

Башҡортостан мигранттарға патент биреү буйынса лидерҙар иҫәбендә Башҡортостан мигранттарға хеҙмәт эшмәкәрлеге алып барыуға патент биреү буйынса Волга буйы федераль округы төбәктәре араһында өс лидер иҫәбендә, ә был егерме ике меңдән ашыу документ. Был хаҡта Рәсәй президентының Волга буйы федераль округындағы тулы хоҡуҡлы вәкиле Игорь Комаровтың субъект башлыҡтары менән осрашыуында хәбәр ителде.

Башҡортостанда яҙғы ташҡын: тура эфирҙа брифинг Быйыл яҙ ғәҙәттәгенән иртәрәк килде. Бөгөн хәл-торош нисек. Республика йылғаларында һыу кимәле күтәреләме? Өйҙө һыу баҫһа, ҡайҙа мөрәжәғәт итергә? Властар әҙерме? Ошо һәм башҡа һорауҙарға белгестәр яуап бирә. @https://vk.com/tsur_bashkortostan (Республика идара итеү үҙәге) һәм @https://vk.com/bashkortostan_gov (республика хөкүмәте). https://vk.com/video-27097047_456288684

Балтаста ветеран, шағир Әхнәф Мазғаровтың ижадына бағышланған кисә уҙғарылды “Йөрәгемде балаларға бирәм”. Балтаста Бөйөк Ватан һуғышы ветераны, шағир Әхнәф Мазғаровтың ижадына бағышланған кисә үтте. Әхнәф Мазһар улы утты, һыуҙы кискән кеше. Ул фронттан ҡайтҡандан һуң уҡытыусы булып эшләй. 40 йылдан ашыу ғүмерен йәш быуынды тәрбиәләүгә һәм белем биреүгә арнай. Был эште тормош асылы тип иҫәпләй. Ул тыуған яҡ йырсыһы булып таныла. Байтаҡ шиғырҙарына йырҙар яҙылған.

«Өфө» аэропортынан пенсия алды һәм пенсия йәшендәге ҡырҡ кеше Минскиға юлланды «Көмөш туристар» йәнә Белоруссияла. Бөгөн иртән «Өфө» аэропортынан пенсия алды һәм пенсия йәшендәге ҡырҡ кеше Минскиға юлланды. «Башҡорт-белорус оҙон ғүмерлелеге» проекты буйынса ойошторолған сәфәр бер аҙнаға иҫәпләнгән.

Мәрйәм Солтанова исемендәге ислам колледжы ифтар үткәрҙе Мәрйәм Солтанова исемендәге ислам колледжы Башҡортостан мосолмандары диниә назараты булышлығында ифтар үткәрҙе. Өфөнөң Коллоналлар залында йошторолған дини сарала ураҙа тотоусы мосолмандар бергә ауыҙ асты.