MUTTENZERKURVE BASEL

VADUZ USSWÄRTS Basel SBB ab: 12:45 Sargans aa: 15:09 Ab Sargans fahre mir wie in dr Vergangeheit mit Büs witer. Prattele: 21:20 Zrugg in Basel: 21:35 Matchtbillet für Vaduz (20.- / 25.-) gits am Donnschtig im Saal, am Sunntig vis à vis vom Coop am Bahnhof und vor em Block.

Die Rotblau Gass isch Gschicht und mit ihre villi wunderbari Momänt und Begegnige. Dangge an alli, wo e Dail drvo gsi sin und uff irgende Art dä unvergässligi Daag ermöglicht hän. Trage mir Sorg zu däre wärtvolle Gmeinschaft. Villicht bis in 25 Joor odr so!

DIE ROTBLAU GASS Bald scho öffnet die Rotblaui Gass ihri Tor. Mir freue uns druff, am Samschtig jede und jedi in dr Rotblaue Gass begrüesse z dörfe. Alli Infos zum Programm und de Ständ findsch uff dierotblaugass.ch Verzelleds wiiter, stells in Familiechat und bringed alli Interessierte mit. Mir sehn uns am St. Johanns-Rhywäg. Dr Saal het dorum am Donnschtig und Fritig zue.

INTERMEZZO & ST.GALLE DEHAI Am Donnschtig, Fritig und Samschtig het s INTERMEZZO e letschts mol offe. Zum Abschluss warte nomol e paar Highlights: E neus, limitierts Trikot wird ab em Fritig Obe im Fanartikelsortimänt erhältlich si. Zuesätzlich wird am Samschtig s Getränkeaagebot mit verschiedene Spritzers erwiteret und es wartet e musikalischi Überraschig. D Versteigerig vo usgwählte Bilder in dr Galarie lauft bis am 20:00 und findet denn e gmeinsame Abschluss mit dr Schlussauktion. Am Sunntig trifft me sich am 14:00 uff dr Plattform. Dr Container het am Sunntig wieder normal offe.

SCHUTTE BASEL & LUZÄRN USSWÄRTS Am Fritig 19:00 findet d Usloosig vom berüchtigte Schutte Basel im Intermezzo statt. Am Samschtig öffnet s Intermezzo uff e gmeinsams Usklinge erscht nochem Schutte Basel (18:00). Me seht sich ab de 9i uffem Landhof und drnoch im Intermezzo. D Matchtbillet für Luzärn (Studi/AHV/IV: 20.- / Räscht: 25.-) gits am Fritig vom 4i bis am 9i im Intermezzo und am Sunntig vis à vis vom Coop am Bahnhof, sowie au vor em Block. Extrazug Basel ab: 13:37 Luzärn aa: 14:47 Prattele: 20:28 Zrugg in Basel: 20:39

HEIMSPIEL GEEGE LUGANO Am Sunntig trifft me sich in kurze Hose am 14:00 uff dr Plattform. Vor und nachem Match gits uf dr Plattform Ässe und Dringge (Cevapcici & Spritzbar). Ebefalls wird usem Container s neue Solishirt (30.- / me het e Solishirt!) verkauft. Alli andere Artikel sin aktuell vom Donnschtig bis Samschtig im Intermezzo erhältlich. Rund um s Joggeli wärde vor em Spiel d Schlüsselaahänger für die Rotblaui Gass verkauft. Drzue isch uff dierotblaugass.ch dr erschti Grundstei vom Programm gsetzt. Bis zum Fescht wärde jede Fritig witeri Ständ und Acts bekannt gää.

SION DEHAI Am Donnschtig trifft me sich in kurze Hose ab 14:00 im und rund ums Intermezzo. Uff 18:30 lauft me in Richtig Joggeli ab. D Plattformbar wird göffnet, sobald me bim Joggeli isch. Dr Container blibt zue. Rund um s Joggeli wärde vor em Spiel d Schlüsselaahänger für die Rotblaui Gass verkauft.

DIE ROTBLAU GASS E Gass, e Wäg, e Strossefescht, wo verbindet: Wie dr 14er (!) d Stadt (und s Land) mitem Joggeli, wie d Vogel Gryff-Fähri s Glaine mitem Grosse, wie dr St. Johanns-Rhywäg dr Totetanz mitem Rhybeli. Vieli glaube scho z wüsse, doch sueche vergääbe. Bald scho öffnet die Rotblaui Gass ihri Türe für Glai & Gross. Bis dört aane wärde jede Fritig uff dierotblaugass.ch mee Details zum Programm bekannt gää.

VOM INTERMEZZO UFF BÄRN Ab em Donnschtig schliesst dr Saal sini Türe und verschiebt sich für e Monet ins Intermezzo. Alli infos findsch uff intermezzo12.ch. Fürs Usswärtsspiel in Bärn träffe mr uns ab 13:00 im und rund um s Intermezzo am Barfi. Geträngg hets gnueg und es warte exklusivi Fanartikel. S het solangs het! Uff 16:30 laufe mir zämme zum Bahnhof. Matchtbillet (U26/AHV/IV: 20.- / Ü26: 25.-) gits am Donnschtig ab Öffnig bis am 9i und am Samschtig e Stund vor Abmarsch jewils im Intermezzo. Zuesätzlig wird wie immer au vor em Block verkauft. D Extrazüg fahre folgendermasse: ZUG 1 Basel ab: 17:38 Bärn Wankdorf aa: 18:55 Prattele: 00:31 Zrugg in Basel: 00:43 ZUG 2 Basel ab: 17:54 Bärn Wankdorf aa: 19:10 Prattele: 00:23 Zrugg in Basel: 00:33 Uff em Ruggwäg fahrt dr Zug 2 zerscht. Zugbillet lösisch am Automat so: 1. Weitere Angebote 2. Regionale Spezialangebote 3. Football-Ticket Fan-Extrazug S Halbtax oder GA zeige mir in Form vo dr Kaufquittig. Die findsch unter swisspass.ch im Menüpunggt «Rechnungen» – nid vergässe.

FCZ USSWÄRTS Samschtig Oobe – Basel fahrt uff Züri! Matchtbillet (U18: 20.- / Ü18: 25.-) wie au s Mottoshirt (10.-) gits am Donnschtig ab 18:00 im Saal, am Samschtig vis-à-vis vom Coop und vor em Block. Me het e Mottoshirt! D Extrazüg fahre folgendermasse: ZUG 1 Basel ab: 17:27 Züri Altstette aa: 18:41 Prattele: 00:35 Zrugg in Basel: 00:44 ZUG 2 Basel ab: 17:39 Züri Altstette aa: 18:58 Prattele: 00:20 Zrugg in Basel: 00:28 Uff em Ruggwäg fahrt dr Zug 2 zerscht.

CUP COURTETÉLLE Es isch ändlig wieder sowit, für die erschti Cup-Rundi gohts ins Jura. Ob mit em Velo, dr Vespa oder em Extrazug – Alli uff Courtetélle! Dr Extrazug fahrt folgendermasse: Basel ab: 13:51 Courtetélle aa: 14:42 Zrugg in Basel: 19:36 Tickets (15.- / 20.-) gits am Bahnhof gegeüber vom Coop und vor em Block.

D Billet für dr Match geege FCZ sin morn nonig beziehbar. Für die 1. Cuprundi in Courtetelle, kame morn d Billets wie akündigt am Tickethüsli kaufe.

THUN DEHAI Am Sunntig träffe mir uns am 14:00 in kurze Hose uff dr Plattform. Zwüsche 14:00-15:15 gits Tickets für Courtetelle (Studi/AHV/IV:15.- | Voll:20.-) und FCZ (U18:20.- | Ü18:25.-) bim Tickethüsli uff dr Plattform. DI SCHLÜSSEL ZUR GASS Rund um s Joggeli wärde vor em Spiel d Schlüsselaahänger für die Rotblaui Gass verkauft. Dr Aahänger söll drbi nid nur symbolisch als Zuegang zur rotblaue Gass diene, sondern au in Zuekunft Erinnerige wecke, in 25 Joor oder so. Mit em Kauf trage so alli ihre Teil zu dr rotblaue Gass bi und hälfe mit, dä vielversprächendi Daag für d FCB-Familie z ermögliche. Wie (fascht) immer gilt: Me git (nid ganz), was me wott: 20 Frangge uffwärts. Alli Infos findsch uff dierotblaugass.ch oder uff Telegram

Für e Monet züglet d Muttenzerkurve us dr Breiti an Barfi. Dr Saal12 blibt zue, s Intermezzo macht uff und dient in däre Zit als Träffpunggt für alli FCB-Fans und drüber hinus. Zmitzt in dr Stadt gits uff vier Stögg viel z entdegge und z erläbe: Usstellige, Fanartikel oder e kiehls Geträngg. S Intermezzo an dr Gärbergass 82 isch am Donnschtig, Fritig und Samschtig jewils ab 14:00 offe. Usnahmswiis ka sich das au emol ändere. Falls das eso isch, informiere mir über dr Telegram-Kanal vo dr Muttenzerkurve. Alli Infos findsch uff intermezzo12.ch

LAUSANNE DEHAI Am Samschtig träffe mir uns in kurze Hose am 16:00 uff dr Plattform. Am Container wärde die kurzi Hose verkauft. Dr Saal blibt am Donnstig & Fritig zue.

DIE ROTBLAU GASS E Gass, irgendneume in Basel, kein weiss wo. Mängmol dräggig, immer farbig, ganz sicher rotblau. E Gass, wo verbindet: S Joggeli mit sinere Stadt, dr FCB mit sine Fans, langjöörigi Aahänger mit kurzzittige Sympathisantinne. Es wird für (fascht) alli öppis und vo (fascht) allem gnueg ha. Wie immer gilt: S git mee als was me seht. Wär nid kunnt, isch trotzdäm Basler. Aber kaa denn halt nid mitschwätze, in 25 Joor oder so. Alli Infos findsch uff dierotblaugass.ch oder uff https://t.me/Die_rotblau_Gass