MUTTENZERKURVE BASEL

DIE ROTBLAU GASS E Gass, e Wäg, e Strossefescht, wo verbindet: Wie dr 14er (!) d Stadt (und s Land) mitem Joggeli, wie d Vogel Gryff-Fähri s Glaine mitem Grosse, wie dr St. Johanns-Rhywäg dr Totetanz mitem Rhybeli. Vieli glaube scho z wüsse, doch sueche vergääbe. Bald scho öffnet die Rotblaui Gass ihri Türe für Glai & Gross. Bis dört aane wärde jede Fritig uff dierotblaugass.ch mee Details zum Programm bekannt gää.

VOM INTERMEZZO UFF BÄRN Ab em Donnschtig schliesst dr Saal sini Türe und verschiebt sich für e Monet ins Intermezzo. Alli infos findsch uff intermezzo12.ch. Fürs Usswärtsspiel in Bärn träffe mr uns ab 13:00 im und rund um s Intermezzo am Barfi. Geträngg hets gnueg und es warte exklusivi Fanartikel. S het solangs het! Uff 16:30 laufe mir zämme zum Bahnhof. Matchtbillet (U26/AHV/IV: 20.- / Ü26: 25.-) gits am Donnschtig ab Öffnig bis am 9i und am Samschtig e Stund vor Abmarsch jewils im Intermezzo. Zuesätzlig wird wie immer au vor em Block verkauft. D Extrazüg fahre folgendermasse: ZUG 1 Basel ab: 17:38 Bärn Wankdorf aa: 18:55 Prattele: 00:31 Zrugg in Basel: 00:43 ZUG 2 Basel ab: 17:54 Bärn Wankdorf aa: 19:10 Prattele: 00:23 Zrugg in Basel: 00:33 Uff em Ruggwäg fahrt dr Zug 2 zerscht. Zugbillet lösisch am Automat so: 1. Weitere Angebote 2. Regionale Spezialangebote 3. Football-Ticket Fan-Extrazug S Halbtax oder GA zeige mir in Form vo dr Kaufquittig. Die findsch unter swisspass.ch im Menüpunggt «Rechnungen» – nid vergässe.

FCZ USSWÄRTS Samschtig Oobe – Basel fahrt uff Züri! Matchtbillet (U18: 20.- / Ü18: 25.-) wie au s Mottoshirt (10.-) gits am Donnschtig ab 18:00 im Saal, am Samschtig vis-à-vis vom Coop und vor em Block. Me het e Mottoshirt! D Extrazüg fahre folgendermasse: ZUG 1 Basel ab: 17:27 Züri Altstette aa: 18:41 Prattele: 00:35 Zrugg in Basel: 00:44 ZUG 2 Basel ab: 17:39 Züri Altstette aa: 18:58 Prattele: 00:20 Zrugg in Basel: 00:28 Uff em Ruggwäg fahrt dr Zug 2 zerscht.

CUP COURTETÉLLE Es isch ändlig wieder sowit, für die erschti Cup-Rundi gohts ins Jura. Ob mit em Velo, dr Vespa oder em Extrazug – Alli uff Courtetélle! Dr Extrazug fahrt folgendermasse: Basel ab: 13:51 Courtetélle aa: 14:42 Zrugg in Basel: 19:36 Tickets (15.- / 20.-) gits am Bahnhof gegeüber vom Coop und vor em Block.

D Billet für dr Match geege FCZ sin morn nonig beziehbar. Für die 1. Cuprundi in Courtetelle, kame morn d Billets wie akündigt am Tickethüsli kaufe.

THUN DEHAI Am Sunntig träffe mir uns am 14:00 in kurze Hose uff dr Plattform. Zwüsche 14:00-15:15 gits Tickets für Courtetelle (Studi/AHV/IV:15.- | Voll:20.-) und FCZ (U18:20.- | Ü18:25.-) bim Tickethüsli uff dr Plattform. DI SCHLÜSSEL ZUR GASS Rund um s Joggeli wärde vor em Spiel d Schlüsselaahänger für die Rotblaui Gass verkauft. Dr Aahänger söll drbi nid nur symbolisch als Zuegang zur rotblaue Gass diene, sondern au in Zuekunft Erinnerige wecke, in 25 Joor oder so. Mit em Kauf trage so alli ihre Teil zu dr rotblaue Gass bi und hälfe mit, dä vielversprächendi Daag für d FCB-Familie z ermögliche. Wie (fascht) immer gilt: Me git (nid ganz), was me wott: 20 Frangge uffwärts. Alli Infos findsch uff dierotblaugass.ch oder uff Telegram

Für e Monet züglet d Muttenzerkurve us dr Breiti an Barfi. Dr Saal12 blibt zue, s Intermezzo macht uff und dient in däre Zit als Träffpunggt für alli FCB-Fans und drüber hinus. Zmitzt in dr Stadt gits uff vier Stögg viel z entdegge und z erläbe: Usstellige, Fanartikel oder e kiehls Geträngg. S Intermezzo an dr Gärbergass 82 isch am Donnschtig, Fritig und Samschtig jewils ab 14:00 offe. Usnahmswiis ka sich das au emol ändere. Falls das eso isch, informiere mir über dr Telegram-Kanal vo dr Muttenzerkurve. Alli Infos findsch uff intermezzo12.ch

LAUSANNE DEHAI Am Samschtig träffe mir uns in kurze Hose am 16:00 uff dr Plattform. Am Container wärde die kurzi Hose verkauft. Dr Saal blibt am Donnstig & Fritig zue.

DIE ROTBLAU GASS E Gass, irgendneume in Basel, kein weiss wo. Mängmol dräggig, immer farbig, ganz sicher rotblau. E Gass, wo verbindet: S Joggeli mit sinere Stadt, dr FCB mit sine Fans, langjöörigi Aahänger mit kurzzittige Sympathisantinne. Es wird für (fascht) alli öppis und vo (fascht) allem gnueg ha. Wie immer gilt: S git mee als was me seht. Wär nid kunnt, isch trotzdäm Basler. Aber kaa denn halt nid mitschwätze, in 25 Joor oder so. Alli Infos findsch uff dierotblaugass.ch oder uff https://t.me/Die_rotblau_Gass

FÜR E SAISONSTART ALLI IN ROTBLAU UFF GÄNF Für s erschte Usswärtsspiil reise mir zämme uf Gänf. Alli in Rotblau und mit kurze Hose. Dr Extrazug fahrt folgendermasse: Basel ab: 13:07 Gänf aa: 16:55 Prattele: 23:50 Zrugg in Basel: ca. 00:00 Tickets (20.- / 25.-) gits am Fritig im Saal und am Samschtig uf em Extrazug. Uff dr Ruggfahrt gits Geträngg und Gebägg.

WM IM SAAL S näggschte Spiel vo dr Nati wird uffgrund vo dr Aaspielzit nid im Saal zeigt. Für allfälligi witteri Spiel vo dr Nati het dr Saal offe, sofärn sie nid in dr Nacht stattfinde. Am 19.07. wird dr Final zeigt – offe ab 19:00.

KULTOUR DE BÂLE 03: SAAL12 X BREITI OPEN Saisonändi trifft uff Summeraafang und gueti Vibes – es isch wieder Ziit fürs La Dolce Vita. Das Joor findets im Rahme vom Breiti Open am Samstig und mit Konzärt vo La Kulebra Cumbia und dr Kurve Jam Band statt. S zweitägige Kulturfestival lauft am 29. & 30.5. uff dr Breitimatte und bietet Musik, Kulinarik und vieles meh – s ganze Programm findsch uff breiti-open.ch. Dr Saal het am Donnstig 28.5. zue und goht drnoch in d Summerpause, het aber jeewils für d WM-Spiel vo dr Nati offe. Witter gohts am 24.7. mit dr Saaleröffnig vorem Saisonstart.

GV Verein FC Basel 1893 Me seht sich hüt an dr GV.

E LETSCHT MOL CORNAREDO Für s letschte Usswärtsspiil vo dr Saison reise mir zämme ins Tessin. Dr Extrazug fahrt folgendermasse: Basel ab: 10:42 Lugano aa: 14:30 Prattele: 22:48 Zrugg in Basel: 22:57 Tickets (20.- / 25.-) gits im Extrazug und vor em Block. Uff dr Ruggfahrt wirds öbbis z Ässe und z Trinke gä. S het so langs het.

ST. GALLE DEHAI Zum letschte Heimspiel vo däre Saison träffe mr uns am 14:00 uff dr Plattform. Vo 14:15-15:00 gits bim Kassehüsli Tickets für Lugano usswärts und rund um s Stadion kriegsch dr neuschti Schreyhals #81. Noch em Match gits uff dr Plattform Ässe, Dringge und Musik. Am Fritig het dr Saal zue.

TICKETS YB & LUGANO Am Donnschtig wärde im Saal zwüsche 18:00 und 21:00 die räschtlige Tickets für YB und d Tickets für s letzte Usswärtsspiel im Cornaredo verkauft.

YB USSWÄRTS ZUG 1 Basel ab: 13:33 (Gleis 5) Bärn Wankdorf aa: 14:50 Prattele: 20:28 Zrugg in Basel: 20:36 ZUG 2 Basel ab: 13:53 (Gleis 4) Bärn Wankdorf aa: 15:07 Prattele: 20:19 Zrugg in Basel: 20:29 Tickets wärde am Donnschtig zwüsche 18:00 und 21:00 im Saal verkauft. Dr Räscht vo de Tickets fürs Spiil gits vor Zugabfahrt vis à vis vom Coop und vor em Block.

IN ROTBLAU GEEGE THUN Träffpunggt isch am 18:00 uf dr Plattform – alli in rotblau! Vo 18:15–19:00 wärde bim alte Tickethüsli uff dr Plattform Tickets für YB verkauft (U26: 20.–/Ü26: 25.–). Morn zobe (Fritig) isch dr Saal zue.