Wellenty Diet

قالك دقت من الطيبات كلها فلم أجد أطيب من العافية 🫰🏻🌱….. صباحكم صحة و عافية ✅ 📑 يمكنكم الآن حجز موعد إستشارة غذائية في العيادة أو عن بعد داخل او خارج الوطن 🌐👏🏻 https://t.me/Live_healthyBot

🎀 يوم بعد يوم راح تبداي تحسي بالتغيير🤌🏻، تحسي بخفة✔️ و امتلاء و سعادة ^^ ✔️ منبعد تبداي تلاحظي تغيرات في شكل جسمك ( بروز عضلات ) ، تغير في المقاييس …. تتفقدي الميزان تلقاي زيادة في الوزن 🔝لكن لن تبالي هاد المرة لان في التضخيم راح تزيدي في العضلات و منه شكل جميل و تكملي في نظام عيشك الجديد 🤝 ….. بعد فترة راح يلاحضك المحيط👀 …ثم يبداو في الاستفسار عن اي خلطة تسمين تناولتي ^^ للاقتداء بك🏆 🌺 اذا كنتي حابة تزيدي وزن هذا هو الوقت المناسب نحبك تقراي كامل النصائح المذكورة أعلاه بتركيز🔍 ، طبقيها كااااامل ما تنساي حتى واحدة فيهم و ارجعي بعد شهر و نصف و خبريني النتيجة *^ 🔗 ما تنسايش تنشري القصة لجميع صديقاتك ولا اخواتك اللي حابين يزيدو وزن، و خلولي اسئلتكم في التعليقات👇🏻 🌐و انشرو القناة تاني بدون حذف الرابط 🔗 ( لا اسمح بسرقة مغامراتي مع التغذية تعبت و انا نكتب 💦، المرة القادمة نحكيلكم تجارب أخرى ^^ ) https://t.me/wellentydiet

🌸 ثالثا نظمت أوقات وجباتي 🕝( مع اضافة وجبات ثانوية في الايام اللي يكون فيها مهام زيادة ولا الجهد العضلي كيما الرياضة🔋 ) ⚖️ يعني نوازن بين النشاط و عدد السعرات 🌸 حافظت على النوم الصحي المنتظم لانه مهم جدا خلال فترة التضخيم ( يساعد العضلات في الاستشفاء ) 🌸 شرب كميات كافية من الماء موزعة على اليوم بانتظام الامر اللي ساعدني في الحصول على بشرة مشرقة و التخلص من الجفاف ناهيك عن دوره في نشاط الداخلي للجسم 🌸 عملت تحاليل دم 🔬 باش نعرف النقص في جسمي و هنا نحاول ناخد المكملات الغذائية 💊اللي يحتاحها جسمي حسب النقص اللي عندي دوريا ( خاصة فيتامين س و الزنك لتقوية المناعة…) 🌸 ايضا و أهم نقطة هي الخضار و الفواكه 🍏🍊🍇🍐 التي لم و لن و jamais نسمح فيها لانها من غير فوائدها و الفيتامينات اللي تقدمهم لجسمي … رايحة تساعد في عملية الهضم السليم و منه امتصاص مغذيات💪🏻 و منه نجاح البرنامج الغذائي👏🏻👏🏻 🌸 و اخيرا the last to the best أهم نقطة اللي تخلي البرنامج ينجح هي الانضباط ثم الانضباط ثم الانضباط ، يعني قررت نتعامل مع " الريجيم كيما يسموه " على أنه نظام عيش و ليس حمية غذائية الأمر اللي خلاني نثبت على التطبيق لفترة طويلة دون مراقبة 👊🏻 الرقم على الميزان اصلا و من أجل الاستمرار كنت أحرص على الابداع في الوصفات🫰🏻 ، احيانا آكل 80% صحي و الباقي ( كيما اريد🍫🍮🍨🍔) من اجل تفادي الوقوع في الحرمان و منه مواصلة الرحلة ^^ https://t.me/wellentydiet

كيفاش طبقت البرنامج الجديد ؟ ✍🏻 برنامج تضخيم يعني بناء عظلي و هنا الجسم باش يبني عضل خصو بروتينات و رياضة الامر واضح 🌸 أول نقطة قمت بها هي الرفع في كمية مصادر الطاقة ( الكاربوهيدرات: خبز كامل ، pain cake صباحا ، كريات طاقة ، فواكه ، عصائر عالية سعرات …..) 🌸 و تاني لازم نحفز جسمي على تخزين طاقة فنرفع في الكميات و ما ننساش كمية الدهون الصحية ( بما انو الميتابوليزم مرتفع ) 🌸و بما اننا في تضخيم اذا خصنا رفع في كمية البروتينات حتى 1.8 في اليوم🔥 🌸 ممارسة تمارين مقاومة لكامل الجسم دوريا 🏋🏻‍♀️و هاذ النقطة بالذات هي اللي راح تكون بداية تغيير لحياتك كامل 🔄 لانو الرياضة ماشي فقط لبناء العضلات و انما لتحسين مزاجيتك و تنظيم ساعتك البيولوجية ( بطريقة غير مباشرة..) ، و هاذ المرة نركز على وجية ال pre workout https://t.me/wellentydiet

راني رجعت : #قصتي مع زيادة الوزن 📚 نرجعو شوية للوراء نتفكرو أيام الدراسة ، و les cours يوميا صباحا و مساءا ، تمخميخ و 🚶🏻‍♀️مشي لمسافات طويلة صيف و شتاء ههه ،…. هدو كامل يسحقو طاقة 💪🏻 اللي يجيبها الجسم من الغذاء🥞🍏 🤌🏻 اللي كانت متوفرة على شكل 🍫🍪🍔🍕 وكوني طالبة تغذية مع الوقت قررت التخلي على هديك المصادر تع الطاقة 🍟🚫 إلا مرة في الاسبوع ( زعما وجبة مفتوحة repas plaisir ) و نلجأ في باقي الايام الى عقلية تقسيم الطبق 🍱 اللي تكلمنا عليها سابقا 🏋🏻‍♀️ مع ممارسة تمارين رياضية بشكل دوري ✍🏻 النتيجة : ✅بشرة مشرقة نوعا ما ✅شعر صحي طويل و قوي ✅ جسم خفيف مع تحسن خفيف في جودة النوم 🟢 و معاهم فقدان وزن 📈 علااااه ؟ لانو اذا لما قررت تغيير نمط الغذاء كان لازم اولا نفهم احتياجات و فيزيولوجيا الجسم 🔍 📝 اللي راني نتعامل معاه باش نركز على الكمية ايضا 👌🏻 و الجسم ديالي عندو un métabolisme hyperactif اللي كنت شرحتهولكم من قبل 🔛 بالاضافة الى نظام العيش اللي حكيتلكم عليه الفوق ( 💡 نظام عيشك و نشاطاتك اليومية جد مهمة في تحضير البرنامج الغذائي و تتغير من يوم لآخر و منه تغيير خفيف في عدد سعراتك ) 📉هنا وبعد دراسة و احتراف في الانظمة الغذائية مع فهم لجسمي قررت نقدملو مستوى أعلى من السعرات الغذائية (نعمل برنامج تضخيم prise de masse💪🏻) لكن هاذ المرة لازم نسمع لجسمي أكثر و نفهمو باش نقدملو احتياجه و بدون حرمان ( حتى في زيادة الوزن تقدري توقعي في الحرمان مثلا اذا امتنعتي تماما عن الاغذية المصنعة 🍕🍧🧁)

#رسائلكم تحبو نحكيلكم كيفاه قدرت نزيد 10kg في شهر و نصف ؟

🥩🍖 اللحوم المهرمنة هي اللحوم التي تنتج من الماشية 🐏🐓🐄 اللي يتم اطعامها هرمونات اثناء تربيتها بهدف النمو السريع و الزيادة في انتاج الحليب …📈💰 🪫و الافراط منها قادر يضر بصحتنا او نقدرو نقولو تشكل خطر حقيقي على المستهلك🚫، 🔺هذيك الدهون تقدر تتسبب في مشاكل كوليسترول 🩻 و زيادة في نسبة الدهون في الجسم و بالتالي زيادة وزن او سمنة 🔺تقدر تسبب اختلال في التوازن الهرموني💊 و منه مشاكل في النمو و مشاكل خصوبة و بلوغ مبكر 🔺الافراط من استخدام الهرمونات يقدر يؤدي الى مشاكل سرطان الله يعافينا و يعافيكم 🩺💉 ( مثل سرطان الثدي او البروستات….) 🔙 احيانا ايضا يلجأ مربو الماشية الى استخدام مضادات حيوية 🧫 ( اما لانو عدد معين من القطيع مصاب او من أجل الوقاية و الا لتحفيز النمو السريع ….) في كل الاحوال الافراط منها راح يحفز الجسم الى تطوير مقاومة ضد هديك المضادات الحيوية و بالتالي صعوبة معالجة بعض 🦠🧬 الامراض ، قابلية الجسم للإصابة بالالتهابات 📉….. ✍🏻 الحل واضح استبدالها بلحوم طبيعية لحيوانات سارحة مع تحري المصدر 📝… و اذا ما لقيتش واش ندير ⁉️ 🌱 اولا اتحراي و حاولي تفهمي مصدر اللحوم اللي تشريها🔍 ، حاولي تشري من مصادر محلية و موثوقة 🌱 ثانيا حاولي نزع الجزء الدهني من اللحم قبل الطهي🥣 🌱 ثالثا الطهي الجيد 🌡️ يقلل من المركبات الضارة الموجودة في اللحم و منه التقليل من مخاطرها 🌱قللي من استهلاك اللحوم 🗓️ ( مرة في الاسبوعين بالنسبة للحوم الحمراء ) ✅ اضيفي الى اللحوم مصدر الياف مثل الخضراوات الورقية النيئة 🥬🥒🥦 ✅ قللي من تناول اللحوم و نوعي في مصادر البروتينات بين بروتينات نباتية كالمكسرات و البقوليات….🫛🫘🥜 حولي بدون حذف رابط القناة https://t.me/wellentydiet🔗 للتسجيل في المتابعة الغذائية: https://t.me/Live_healthyBot

سؤال من متابعة عبر البوت

صباح الخير ☀️ و السعادة و الصحة الدائمة 🌱 صباح السعي و الهمم العالية ، بارك الله في المساعي التي تحفها الثقة بالله و التوكل عليه ، بارك الله في الخطى التي تحركت ثقة بقدرته اللهم لا تخيب سعينا واجعل لنا دربا رحيبا و فوزا عضيما 🤲🏻🌺