🕊️قناة 🌹هدى النبي صلى الله عليه وسلم 💐

━────── •●• ──────━ 🍂 قصـةُ يُوسُـف 🍂 ▨ من البئر إلى القصر ▨ مع د. بهــاء سكــران ❤️ 👈دورة مجانية جديدة وحصرية 👉 عبر أكاديمية ميراث للوعي الإسلامي 📌 جائزة الدورة .. ذبح خروفين صدقة عن جميع المشتركين 🤩 ◍بشــرط : 1️⃣ الاشتراك في الفورم .. 2️⃣ الاستماع أو مشاهدة الحلقات كاملة ▪️ الاشتراك عند طريق ملء هذه الاستمارة مجانًا ▪️ https://forms.gle/MKhRh8VDFk8pWXXA9 👈ولا تنسوا الاشتراك في الجروبات التفاعلية المخصصة للدورة ؛ الروابط موجودة داخل الاستمارة أنتم شركاء معنا في الأجر بإذن الله ، فانشروا الرابط بين أصحابكم و أحبابكم 😍 ━────── •●• ──────━ 📆 موعد الدورة : ⏪ من السبت الموافق 27 يناير 2024م ⏩حتى الخميس الموافق 8 فبراير 2024م 🎥 عدد الحلقات : 5 حلقات مرئية وصوتية مسجلة 📒 يوجد كتيب خاص بالدورة 📜 اختبار نهائي وشهادات اجتياز للدورة #قصة_يوسف #من_البئر_إلى_القصر #أكاديمية_ميراث

" إنا كنا من قبل ندعوه إنه هو البر الرحيم " أهل الجنة هيفتكروا دعواتهم في الجنة و ازاي ربنا استجاب لهم و لم يخزهم و أقر أعينهم بفضله أحسن الظن بربك و لن يخذلك أبدا " و لم أكن بدعاءك رب شقيا "

الجو برد اوووي مش قادر أتوضا🌨 اوعى تنسى إن وضوئك في البرد ده أجره كبير أوووووي عند ربنا فبيغفر لك بيه ذنوبك ويرفع درجاتك ومش بس كده ده النبيﷺ قال عنه إنه رباط يعني زي وقفة المجا&هدين اللي بينصروا دين ربنا لأن أنت كمان كده بتنصر دين ربنا بنفسك مهما كانت كسلانة أوعى تكسل عن الوضوء أو تضيع الصلاة عشان الدنيا برد أو مش قادر تقوم من تحت البطانية ...افتكر إن دي فرصة وجت لك عشان تمسح كل ذنوبك وترفع درجاتك وقوووم واضغط على نفسك هتلاقي الموضوع سهل والله ...بس أنت حاول وجاهد النبيﷺ بيقولنا : "ألا أدُلُّكُمْ علَى ما يَمْحُو اللَّهُ به الخَطايا، ويَرْفَعُ به الدَّرَجاتِ؟ قالُوا بَلَى يا رَسولَ اللهِ، قالَ: إسْباغُ الوُضُوءِ علَى المَكارِهِ" إسباغ الوضوء على المكاره يعني تقوم تتوضا كويس رغم أنه صعب عليك عشان بردان مثلا ...بس مش تتوضأ أي كلام وتمسح ع الكم والكلام ده 😅 تتوضا كويس عشان يكون وضوئك وصلاتك صح وتاخد الأجر كاااامل #رسايل

صَلُوا عَلَى خَيْرِ الأنامِ مُحَمَّدٍ لِتَزُولَ عَنْكُمْ شَقوَة الأَحْزَانِ  صَلُوا عَلَيْهِ وَأكْثِرُوا ثُمَّ أَبْشِرُوا بِجِوَارِهِ فِـي جَنَّةِ الرَّحْمَنِ اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ ﷺ .

📣 يوم السبت أول رجب كل سنة وانتم طيبين.... وبالمناسبة دي بقى ..حبينا نفكركم إن رجب من الأشهر الحرم اللي ربنا قال عنهم فلا تظلموا فيهن أنفسكم يعني ماتظلمش نفسك بارتكاب الذنوب والمعاصي لإن الذنوب فيهم أعظم من باقي السنة زي ماالحسنات فيهم أعظم من باقي السنة وخد بالك... إن أول ليلة من رجب مالهاش دعاء مخصوص والحديث الوارد فيه إن الدعاء فيها مستجاب ....حديث موضوع ❎ وكمان... أول يوم من رجب صيامه مش سنة ولا ليه فضل زيادة عن أي يوم تاني ....❌ ..السنه الدائمة طول السنة هي صيام الإثنين والخميس وثلاثة أيام البيض من كل شهر يبقى المطلوب مننا ايه في رجب؟؟!.... _نصوم الأيام المؤكدة عن الرسول ﷺ ونكثر من الأعمال الصالحة عمومًا _ونبعد عن الذنوب والمعاصي والبدع ......يلا نعمل الصح✅ #رسايل

س/ ايه حكم تأخير صلاة العشاء ؟ ج/ _للرجال ....ماينفعش تأخر صلاة العشاء لانك لازم تصلي جماعه ...ماينفعش تصلي العشاء متأخر وتضيع الجماعه _أما للنساء... ففي الحديث : "لولا أن أَشُقَّ على أمتي لأمرتُهم بالسواكِ مع الوُضوءِ ولأخَّرْتُ العشاءَ إلى ثُلُثِ الليلِ أو نصفِ الليلِ" وده معناه ..... إنه يستحب تأخير صلاة العشاء لحد نص الليل ... ولكن......بشروووووط 1️⃣ماتأخريهاش عن نص الليل ((اللي هو الساعه 11 تقريبا )) الوقت ده تكوني خلصتي فيه صلاة العشاء خلاص 2️⃣ تكوني ضامنه إنك مش هتنشغلي أو تكسلي  ويعدي نص الليل ((يعني تعدي الساعه ١١ من غير ماتاخدي بالك وتصليها بعد نص الليل ) 3️⃣ماتدخليش تنامي الا وانتي مصلية العشاء لأن الحفاظ على الصلاة في وقتها أهم من تأخيرها لوقت الاستحباب لو هتضمني الشروط ده أخري العشاء لحد قبل نص الليل بربع ساعه مثلا ..المهم تخلصي صلاة العشاء قبل الساعه 11تقريبا **** س/ هل فيه للعشاء سنه ؟ ج/ايوة ليها ركعتين سنة مؤكده تصليهم بعد صلاة العشاء *** س/صلاة الشفع والوتر دول من سنة العشاء ؟ ج/ لا...صلاة الشفع والوتر من قيام الليل

س/ ايه حكم صيام أول يوم في رجب ؟ ج/ لم يرد عن النبيﷺ حديث صحيح في صيام أول يوم من رجب وكل الأحاديث اللي فيها صيام أول يوم أو أول جمعة أو غيره ...كلها أحاديث موضوعة ⛔موضوعة مش ضعيفة ..يعني ماينفعش خاااالص تبعتها عشان تفكر الناس بصيام أول رجب أول رجب يوم عااااادي جداااا إذا وافق يوم اثنين أوخميس مثلا ..وانت متعود تصومهم خلاص صوم أما انك تصوم لأنك فاكر إن فيه أجر معين بصيام أول رجب فده غلط ولم يرد عن النبي ﷺ * س/ايه المشكلة يعني لو صومت أول يوم في رجب ماهي عبادة ؟؟ ج/المشكلة إنك خصصت يوم وليلة بعبادة ...من نفسك ..الشرع ماقالش عليها وفي الحديث : ((مَن أَحْدَثَ في أَمْرِنَا هذا ما ليسَ فِيهِ، فَهو رَدٌّ)) ماينفعش أي اخترااااع أو زياده في الدين ..حتى لو أنا شايفه كويس ..لأن الدين اكتمل ❌تخصيص أول يوم رجب بالصيام لم يرد عن النبي #رسايل

هتقضي ليلة رأس السنة فين ؟؟.... اوعى تكون ناوي تقضيها في حفلة أو سهرة من السهرات إياها .. وأيا كان مكان أو محتوى السهرة دي.. فنصيحة مني ..بلاش تحضرها بلاش تخرج اليوم ده عشان ماتبقاش شاركت في احتفالات رأس السنة .. الحفلات دي مااقصدش بيها بس حفلات المغني المشهور ولا حتى المغمور .. الحفلات دي أقصد بيها أي حفلات تلاقيها موجودة في نوادي أو كافيهات أو مطاعم أو مولات أو غيرها من الأماكن .. اهجر المعصية ..اهجر فعلها وماتعملهاش وكمان اهجر مكانها وبلاش تكون موجود في المكان اللي فيه معاصي .. ومهم جداااا كمان تهجر المعصية بقلبك .. يعني تكرهها وتنكرها .. وماتقولش ياريت أقدر أروح الحفلات دي ماكنتش أتأخر ، لإنك كده بتاخد ذنب المعصية وأنت في بيتك بنيتك دي .. خليك مهاجر ... في الحديث : ((المُسْلِمُ مَن سَلِمَ المُسْلِمُونَ مِن لِسَانِهِ ويَدِهِ، والمُهَاجِرُ مَن هَجَرَ ما نَهَى اللَّهُ عنْه)) اهجر معاصي راس السنة اهجر حفلات رأس السنة خليك مهاجر يهجر المعاصي #عيدك_هويتك #رسايل_الكريسماس #رسايل_نهاية_العام #كاريكاتير_رسايل