Patheingyi Reporter

Daily Highlight 2 Aug 25 (11:55 PM)       ယမန်နေ့ညပိုင်းမှစ၍ စကစ၏ လေကြောင်းတိုက်ခိုက်မှုများ (Source: ဝေဟင်) - ထီးချိုင့်/ကသာနယ်အစပ် ၁ကြိမ် - ကသာနယ် ၅ကြိမ် - မြဝတီနယ် ၃ကြိမ် - မြိုင်မြို့နယ် ၂ကြိမ် - ရွှေဘိုနယ် ၉ကြိမ် (မှတ်ချက်။ ဒရုန်းဖြင့် တိုက်ခိုက်ခြင်း။) - ခင်ဦးနယ် ၁ကြိမ် (မှတ်ချက်။ ဒရုန်းဖြင့် တိုက်ခိုက်ခြင်း။) - အရာတော်နယ် ၁ကြိမ် (မှတ်ချက်။ ဒရုန်းဖြင့် တိုက်ခိုက်ခြင်း။) - ရွှေကူနယ် ၃ကြိမ် - မတူပီနယ် ၁ကြိမ် - ရခိုင်ပြည်နယ်၊ မကွေးတိုင်း၊ ဧရာဝတီတိုင်း၊ မွန်ပြည်နယ်၊ ကရင်နီပြည်နယ်နှင့် ကရင်ပြည်နယ်တို့တွင် လေကြောင်းတိုက်ခိုက်မှုများ ရှိနိုင်ပါသည်။ (မိမိတို့မှ သတင်းရရှိထားသော လေကြောင်းတိုက်ခိုက်မှုများကိုသာ ဖော်ပြထားခြင်းဖြစ်ပြီး နိုင်ငံအနှံ့အပြား သတင်းရရှိခြင်းမရှိသည့် လေကြောင်းတိုက်ခိုက်မှုများ ကျန်ရှိနေနိုင်သေးကြောင်း သိစေအပ်ပါသည်။) #Thadinsubue Crd to original uploader with respect

Daily Highlight 1 Aug 25 (11:55 PM) - ဩဂုတ်လ ၂၁ ရက်နေ့ မနက်ပိုင်းက ကျောက်ဖြူနယ်အတွင်းဖြစ်ပွားခဲ့သော တိုက်ပွဲအတွင်း ဗိုလ်မှူးချုပ်ဟောင်းတစ်ဦး၏ သားဖြစ်သူ၊ DSTA အပတ်စဉ် ၈ သင်တန်းဆင်း ရေတပ် ဗိုလ်မှူး ဒေါက်တာလင်းထက်ကျော်ဆိုသူ ဒဏ်ရာများရရှိခဲ့ပြီး သေဆုံး၊ ကျောက်ဖြူနယ်တွင် ဩဂုတ်လ ၁၉ ရက်နေ့ ညပိုင်းမှစတင်၍ အာရက္ခတပ်တော် AA က တောင်မော်ဦးရေတပ်စခန်းကို အခိုင်အမာ ကာကင်းပြုထားသည့် အဝတောင်စခန်းကို ဝင်ရောက်တိုက်ခိုက်ခဲ့ရာ တိုက်ပွဲများ ပြင်းထန်နေ၊ တောင်မော်ဦးရေတပ်စခန်းမှာ AA ထိန်းချုပ်ထားသည့် ရမ်းဗြဲမြို့နယ်နှင့် ကျောက်ဖြူမြို့နယ်ကြားရှိ မဟာဗျူဟာအရ အရေးပါသည့် ရေတပ်စခန်းတစ်ခုဖြစ်ပြီး စစ်တပ်က အင်အားအများအပြား ဖြည့်တင်းထားသည့်အပြင် ရမ်းဗြဲမြို့နယ် စနဲမြို့ဘက်သို့ ထိုးစစ်များပြုလုပ်ရာတွင်လည်း အသုံးပြုနေသည့် စခန်းတစ်ခုဖြစ်ကြောင်း သိရ။ - ဩဂုတ်လ ၂၂ ရက်နေ့ နေ့လယ်ပိုင်းက ရှမ်းပြည်နယ်အရှေ့ပိုင်း မိုင်းပြင်းနယ်တွင် စစ်တပ်နှင့် RCSS/SSA တို့အကြား တိုက်ပွဲဖြစ်ပွားခဲ့ကြောင်း RCSS က သတင်းထုတ်ပြန်၊ အဆိုပါ တိုက်ပွဲမှာ ခလရ ၃၁၄ မှ ဒုဗိုလ်မှူးကြီး သန်းနိုင်စိုး ဦးဆောင်သည့် စစ်တပ်နှင့် ပြည်သူ့စစ် ပူးပေါင်းအင်အား ၆၀ ခန့်က RCSS/SSA ထိန်းချုပ်နယ်မြေအတွင်း စစ်ကြောင်းထိုးဝင်ရောက်လာရာမှ ဖြစ်ပွားခဲ့ခြင်းကြောင်း၊ တိုက်ပွဲအတွင်း စစ်ခွေး ပြည်သူ့စစ်ခွေး ၆ ကောင် သေဆုံးပြီး ၁ ကောင် ဒဏ်ရာရ၊ စစ်ခွေးများ ပြန်လည်ဆုတ်ခွာထွက်ပြေးသွားပြီး RCSS/SSA တပ်ဖွဲ့ဝင်များ ရှိနိုင်သည်ဟုယူဆရသည့် နေရာများကို လက်နက်ကြီးများဖြင့် ရမ်းသန်းပစ်ခတ်ခဲ့သဖြင့် လက်ရှိတွင် နှစ်ဖက်စစ်ရေးတင်းမာမှုများ ဆက်လက်ရှိနေကြောင်း RCSS ၏ သတင်းထုတ်ပြန်မှုတွင် ဖော်ပြထား၊ ထို့ပြင် ဩဂုတ်လ ၁၄ ရက်နေ့ကလည်း အမတ ၃၈၇ (မိုင်းခုတ်)မှ ဗိုလ်မှူးကျော်ဇင်လတ်ဆိုသူမှာ RCSS/SSA နှင့် ဖြစ်ပွားခဲ့သည့် တိုက်ပွဲအတွင်း သေဆုံးခဲ့ကြောင်း သိရ။ - ဩဂုတ်လ ၂၃ ရက်နေ့က မုံရွာ နမခမှ စစ်ကိုင်း တပ်မ ၃၃ သို့ မောင်းနှင်လာသော စစ်တပ်ယာဉ်တန်းကို လုံခြုံရေးယူပေးနေသည့် ရဲခွေးများ စစ်ကိုင်းမြို့အနောက်ဘက် ရဲတပ်ရင်း ၁၆ အနီးတွင် လမ်းသွားလမ်းလာ ပြည်သူများထံမှ ငွေကြေးတောင်းရမ်းနေစဉ် တော်လှန်ရေးအဖွဲ့များက မိုင်းဆွဲပစ်ခတ်တိုက်ခိုက်၊ ရဲခွေး ၃ ကောင် နေရာတွင်ပင် သေဆုံးပြီး အများအပြား ဒဏ်ရာရ၊ ထို့ပြင် စစ်ကိုင်းမြို့နယ်အတွင်းရှိ မြို့နယ်/ခရိုင် ထွေအုပ်၊ မြို့နယ်/ခရိုင် မြေစာရင်းရုံး၊ စည်ပင်ရုံးများအပါအဝင် စကစ၏ အုပ်ချုပ်ရေးယန္တရားတွင် ပါဝင်နေသည့် ဌာနဆိုင်ရာရုံးများမှ ဝန်ထမ်းများအနေဖြင့် အမြန်ဆုံး CDM ပြုလုပ်ကြရန်၊ အဆိုပါ ဌာနဆိုင်ရာရုံးများကို မကြာမီအချိန်အတွင်း စတင်တိုက်ခိုက်သွားမည်ဖြစ်သဖြင့် NonCDM ဝန်ထမ်းများ ထိခိုက်မှုရှိပါက တာဝန်ယူမည်မဟုတ်ကြောင်း လင်းယုန်ညီနောင်ပြောက်ကျားတပ်ဖွဲ့ (စစ်ကိုင်း) က သတိပေးထုတ်ပြန်လိုက်ကြောင်း သိရ။ - ယမန်နေ့ ညနေပိုင်းက ရွှေကူနယ်၊ ဇင်းဘုံရွာ အောက်ဘက်ရှိ ဘုရားအနီးတွင် တပ်စွဲထားသော စစ်တပ်စခန်းသို့  စက်လှေ၊ ဖလပ်သံခွန်များဖြင့် စစ်ခွေးများကို ရွှေ့ပြောင်းသယ်ယူလာစဉ် တော်လှန်ရေးအဖွဲ့များက FPV ဒရုန်းများဖြင့် တိုက်ခိုက်၊ စစ်ခွေး အများအပြား သေဆုံးပြီး စက်လှေမှာလည်း မီးလောင်နစ်မြုပ်၊ ထို့ပြင် ယမန်နေ့က ရွှေကူရှေ့တန်းစစ်မြေပြင်တွင် စစ်သင်္ဘောများ၏ လုံခြုံရေးယူရန် ထွက်ခွာလာသော စစ်တပ်စစ်ကြောင်းကိုလည်း တော်လှန်ရေးအဖွဲ့များက ပိတ်ဆို့ ချေမှုန်းတိုက်ခိုက်၊ အလားတူ ဩဂုတ်လ ၂၁ ရက်နေ့ နံနက်အစောပိုင်းမှစတင်ပြီး မန္တလေးမြို့ ဂေါဝန်ဆိပ်ကမ်းမှ ထွက်ခွာဆန်တက်လာသော စစ်တပ်သင်္ဘောအုပ်စုကို တော်လှန်ရေးအဖွဲ့များက တိုက်ခိုက်လျက်ရှိရာ ဩဂုတ်လ ၂၃ ရက်နေ့က FVP ဒရုန်းဖြင့် တိုက်ခိုက်မှုကြောင့် သင်္ဘောတစ်စီး မီးလောင်ပျက်စီးသွားကြောင်း၊ ထို့ပြင် တပ်မ ၉၉ မှ စစ်​ခွေးအရာရှိအချို့လည်း သေဆုံးသွားကြောင်း သိရ။ - ယနေ့မနက်အစောပိုင်းက မိုးအဆက်မပြတ် ရွာသွန်းပြီး ညောင်တုန်းမြို့နယ်၊ ချောင်းကြီးကျေးရွာအုပ်စုရှိ ဂန်ချောင်းထုံးဝရေကာတာမှာ ပေ ၁၀၀ ကျော်ခန့် ပဲ့ကျပြိုကျမှု ဖြစ်ပွားခဲ့ပြီး အရေးပေါ် ပြင်ဆင်မှုများ လုပ်ဆောင်နေရ၊ ဂန်ချောင်းရေကာတာမှာ သုံးပုံနှစ်ပုံခန့်အထိ ပဲ့ကျနေပြီး တာကျိုးမသွားစေရန် အရေးပေါ် ပြုပြင်နေပြီး မိုးဆက်လက်ရွာသွန်း၍ ရေကာတာကို ကြိုတင်ကာကွယ်ပြုပြင်မှုများ မပြုလုပ်နိုင်ပါက ညောင်တုန်းမြို့နယ်အတွင်း ရေကြီးရေလျှံမှုများ အရေးပေါ် ကြုံတွေ့လာနိုင်ပြီး ပြည်သူများ သတိထားနေထိုင်ကြရန် လိုအပ်ကြောင်း အသိပေးမှုများ ရှိနေ၊ ထို့ပြင် တာကျိုးပေါက်သွားပါက ရန်ကုန်–မအူပင် ကားလမ်းပိုင်းမှာလည်း သွားလာရေး ထိခိုက်နိုင်ကြောင်း၊ ရေကာတာကျိုးပေါက်ပြီး ရေအရှိန်ပြင်းထန်စွာ စီးဆင်းလာပါက ဧရာဝတီတိုင်းအတွင်းရှိ မအူပင်မြို့အပြင် ရန်ကုန်တိုင်းအတွင်းရှိ လှိုင်သာယာမြို့နယ်အထိ ရေများ ရောက်ရှိနိုင်ကြောင်း၊ လက်ရှိတွင် အခြေအနေကို ဆက်လက်စောင့်ကြည့်နေကြောင်း သိရ၊ ဆက်စပ်သတင်းများအရ ဧရာဝတီတိုင်းအတွင်းရှိ ရေဘေးသင့်ဒေသများကို ကူညီရန် စီးပွားရေးလုပ်ငန်းရှင်များနှင့် အလှူရှင်များ၏ စုပေါင်းလှူဒါန်းမှုမှ ကျပ်ငွေ ၂၃ ဘီလီယံကျော် ရရှိထားကြောင်း စကစ က ထုတ်ပြန်ထားသော်လည်း လက်တွေ့တွင် ရေဘေးသင့်ပြည်သူများထံသို့ ဆန် ၁ပြည်၊ ဆီ ၂၀ကျပ်သားနှင့် ကြက်ဥ အနည်းငယ်သာ ပေးဝေထားကြောင်း၊ အချို့နေရာများတွင် ကြက်ဥပင်မရကြောင်း၊ လက်ရှိတွင် ဧရာဝတီတိုင်းအတွင်းရှိ လေးမျက်နှာ၊ ရေကြည်၊ ကျုံပျော်၊ ဟင်္သာတ၊ ဇလွန် နှင့် ကျောင်းကုန်း စသည့် မြို့နယ်များအတွင်းမှ မြို့နှင့် ကျေးရွာအများအပြား ရေဘေးသင့်နေပြီး လယ်ဧက သိန်းနှင့်ချီ ရေဝင်နစ်မြုပ်ခဲ့သဖြင့် ​ဒေသခံများမှာ ကြီးမားစွာ ဆုံးရှုံးနစ်နာခဲ့ကြောင်း၊ သို့ရာတွင် စစ်အုပ်စုအနေဖြင့် ထိရောက်သည့် ကူညီထောက်ပံ့မှုများကို ဆောင်ရွက်ပေးခြင်းမရှိဘဲ အမည်ခံဟန်ပြသဘောမျိုးသာ လုပ်ဆောင်ပေးနေကြောင်း၊ ထို့ပြင် ရေမြုပ်သည့်ကာလ ကြာမြင့်လာသည်နှင့်အမျှ ကယ်ဆယ်ရေးစခန်းများတွင် ယားနာနှင့် အရေပြားရောဂါများ စတင်ဖြစ်ပွားနေပြီး လုံလောက်သည့် ကျန်းမာရေးစောင့်ရှောက်မှု၊ ဆေးဝါး၊ ရေကောင်းရေသန့်နှင့် တကိုယ်ရေသုံး ပစ္စည်းများ အရေးပေါ် လိုအပ်လျက်ရှိကြောင်း သိရ။ - ၂၀၂၁ ခုနှစ် ဖေဖော်ဝါရီလ ၁ ရက် စစ်အာဏာသိမ်းချိန်မှ ၂၀၂၆ ခုနှစ် ဇူလိုင်လ ၃၁ ရက်အထိ အကြမ်းဖက်စစ်အုပ်စု၏ ဖမ်းဆီးနှိပ်စက်သတ်ဖြတ်မှုများ၊ အရပ်သားပြည်သူများအပေါ် အကြမ်းဖက်တိုက်ခိုက်မှုများကြောင့် NLD ပါတီမှ လွှတ်တော်ကိုယ်စားလှယ် ၈ ဦး၊ ပါတီဝင် ၁၂၅ ဦး၊ ကလေးသူငယ် ၅၇၃ ဦးနှင့် အမျိုးသမီး ၁,၁၁၉ ဦးအပါအဝင် ပြည်သူ စုစုပေါင်း ၆,၅၀၇ ဦး သေဆုံးခဲ့ကြောင်း၊ စစ်တပ်က ငြိမ်းချမ်းစွာ ဆန္ဒပြသူများကို အကြမ်းဖက်ဖြိုခွဲခြင်း၊ ဖမ်းဆီးခံရသူများကို စစ်ကြောရေးစခန်းများနှင့် အကျဉ်းထောင်များအတွင်း ညှဉ်းပန်းနှိပ်စက်ခြင်း၊ သတ်ဖြတ်ခြင်း၊ လုံလောက်သော ဆေးဝါးကုသမှုနှင့် အခြေခံလိုအပ်ချက်များ မရရှိစေခြင်းတို့ကို ကျူးလွန်ခဲ့ကြောင်း၊ ထို့ပြင် အကျဉ်းထောင်အတွင်း အကြောင်းမဲ့ ညှဉ်းပန်းနှိပ်စက်မှုများကြောင့် သေဆုံးစေခြင်း၊ အကျဉ်းထောင်ပြင်ပသို့ ထုတ်ဆောင်ကာ သတ်ဖြတ်ခြင်းများလည်း ရှိခဲ့ကြောင်း၊ တိုက်ပွဲဖြစ်ပွားခြင်းမရှိသည့် ရပ်ရွာများအတွင်းသို့ ဝင်ရောက်ကာ ပြည်သူများကို ဖမ်းဆီးနှိပ်စက်သတ်ဖြတ်ခြင်း၊ အရှင်လတ်လတ် မီးရှို့သတ်ဖြတ်ခြင်း၊ လူသားဒိုင်းအဖြစ် အသုံးပြုခြင်း၊ အမျိုးသမီးများအပေါ် လိင်ပိုင်းဆိုင်ရာ အကြမ်းဖက်မှုများ ကျူးလွန်ခြင်းနှင့် အစုလိုက်အပြုံလိုက် သတ်ဖြတ်မှုများကိုလည်း မှတ်တမ်းတင်ထားကြောင်း၊ အဆိုပါကျူးလွန်မှုများကြောင့် ပြည်သူ ၆,၅၀၇ ဦး သေဆုံးခဲ့ပြီး သေဆုံးသူများထဲတွင် NLD ပါတီဝင် လွှတ်တော်ကိုယ်စားလှယ် ၈ ဦး၊ ပါတီဝင် ၁၂၅ ဦး၊ အသက်မပြည့်သေးသည့် ကလေးသူငယ် ၅၇၃ ဦးနှင့် အမျိုးသမီး ၁,၁၁၉ ဦး ပါဝင်ကြောင်း၊ ထို့ပြင် စစ်ခွေးများ၏ မီးရှို့ဖျက်ဆီးမှုများကြောင့် နေအိမ်နှင့် အဆောက်အအုံ စုစုပေါင်း ၇၇,၆၂၄ လုံး ဆုံးရှုံးခဲ့ရပြီး အချို့ဒေသများတွင် တစ်နေရာတည်းကို အကြိမ်ကြိမ် မီးရှို့ဖျက်ဆီးခဲ့သည့် ဖြစ်စဉ်ပေါင်း ၁,၉၈၂ ကြိမ်အထိ ရှိခဲ့ကြောင်း၊ စစ်ရေးပစ်မှတ်မဟုတ်ဘဲ အရပ်သားများ နေထိုင်ရာ ရပ်ရွာများအတွင်း လက်နက်ကြီးငယ်များဖြင့် ရည်ရွယ်ချက်ရှိရှိ ပစ်ခတ်တိုက်ခိုက်မှုများကြောင့် လူနေအိမ်များ၊ ဘာသာရေးအဆောက်အအုံများ၊ စာသင်ကျောင်းများ၊ ဆေးရုံနှင့် ဆေးပေးခန်းများအပါအဝင် အဆောက်အအုံ စုစုပေါင်း ၁၃,၂၇၉ ခု ပျက်စီးခဲ့ပြီး အပြစ်မဲ့ပြည်သူ ၃,၅၄၅ ဦး ထိခိုက်ဒဏ်ရာရရှိခဲ့ကြောင်း၊ လေကြောင်းတိုက်ခိုက်မှုများကြောင့်လည်း ပြည်သူများနေထိုင်ရာ အိုးအိမ်များ၊ ဘာသာရေးအဆောက်အအုံများ၊ စာသင်ကျောင်းများနှင့် ဆေးရုံဆေးပေးခန်းများအပါအဝင် အဆောက်အအုံ စုစုပေါင်း ၄,၄၆၉ ခု ပျက်စီးဆုံးရှုံးခဲ့ပြီး လေကြောင်းတိုက်ခိုက်မှု ဖြစ်စဉ် ၈၂၇ ကြိမ် ဖြစ်ပွားခဲ့ကာ ပြည်သူ ၁,၉၅၈ ဦး သေဆုံးခဲ့ကြောင်း၊ စစ်အာဏာသိမ်းမှုကို ဆန့်ကျင်သူများကို ဥပဒေမဲ့ ဖမ်းဆီးထိန်းသိမ်းမှုများ ပြုလုပ်ခဲ့ရာ စုစုပေါင်း ၁၉,၃၇၈ ဦး မတရားဖမ်းဆီးထိန်းသိမ်းခံခဲ့ရကြောင်း၊ အဆိုပါ ဖမ်းဆီးမှုများအနက် NLD ပါတီဝင် လွှတ်တော်ကိုယ်စားလှယ် ၁၅၀ ဦး၊ ပါတီဝင် ၂,၇၄၄ ဦး၊ အသက်မပြည့်သေးသည့် ကလေးသူငယ် ၂၆၀ ဦးနှင့် အမျိုးသမီး ၂,၇၃၅ ဦး ပါဝင်ကြောင်း၊ အကြမ်းဖက်စစ်ကောင်စီက NLD ပါတီဝင်များနှင့် ပါတီရုံးများကို အဓိကပစ်မှတ်ထား ဖိနှိပ်ချေမှုန်းခဲ့ပြီး ပါတီရုံးများကိုလည်း အကြိမ်ကြိမ် ဖျက်ဆီးခဲ့ကြောင်း၊ မှတ်တမ်းများအရ NLD ဗဟိုရုံး ၄ ကြိမ်၊ တိုင်းနှင့် ပြည်နယ်ရုံး ၁၅ ကြိမ်၊ ခရိုင်ရုံး ၆ ကြိမ်၊ မြို့နယ်ရုံး ၁၁၇ ကြိမ်နှင့် ရပ်ကျေးရုံး ၂၈ ကြိမ်၊ စုစုပေါင်း ပါတီရုံးများ ဖျက်ဆီးခံရမှု ၁၇၀ ကြိမ် ရှိခဲ့ကြောင်း၊ ထို့ပြင် ပြည်သူများ၏ နေအိမ်နှင့် ပိုင်ဆိုင်မှုများကို ဥပဒေမဲ့ ချိပ်ပိတ်သိမ်းဆည်းခြင်း၊ နေအိမ်အတွင်းရှိ ပစ္စည်းများကို ခွင့်ပြုချက်မရှိဘဲ သိမ်းဆည်းခြင်းနှင့် ဖျက်ဆီးခြင်းများကြောင့် ပြည်သူ ၈၄၇ ဦး၏ ပိုင်ဆိုင်မှုများ ချိပ်ပိတ်ခံခဲ့ရပြီး နစ်နာဆုံးရှုံးမှု ဖြစ်စဉ် ၁,၀၃၁ ခုရှိခဲ့ကြောင်း၊ အဆိုပါ ဖြစ်စဉ်များထဲတွင် NLD ပါတီဝင် လွှတ်တော်ကိုယ်စားလှယ် ၁၉၉ ဦးနှင့် ပါတီဝင် ၂၆၂ ဦးတို့၏ ပိုင်ဆိုင်မှုများလည်း ပါဝင်ကြောင်း NLD ၏ ထုတ်ပြန်ချက်တွင် ဖော်ပြထားကြောင်း သိရ။ #Thadinsubue Crd to original uploader with respect

“ရွှေဘိုခရိုင်အတွင်း၌ နေထိုင်ကြသော မိဘပြည်သူများခင်ဗျာ” ကျွန်းလှနယ် သဖန်းဆိပ်ဆည်ကြီး၏ ကန်ရေပြည့်မှတ်မှာ ၅၄၅ ပေခန့်သာ ဝင်ဆံ့ပြီး ယခုလက်ရှိ ရေပမာဏသည် ၅၄၃.၇၅ ပေသို့ ရောက်ရှိနေပါသဖြင့် ဆည်ကြံ့ခိုင်မှုရှိစေရန်အတွက် ၆.၈.၂၀၂၆ ယနေ့တွင် ရေလွှတ်နှုန်း (၈၀၀၀၀ကျူ့ဆက်) ကုဗပေ/စက္ကန့် အထိ လွှတ်ထားပါသည်။ ထိုသို့ လွှတ်ထားသော ရေများသည် ကာဘိုးဆည်အတွင်းသို့ ယနေ့ညပိုင်း (သို့မဟုတ်) မနက်ဖြန်နက်ပိုင်းအချိန်တွင် ရောက်ရှိမည်ဖြစ်ပါသည်။ ကာဘိုးဆည် မူးမြစ် (နတ်မူးမြစ်) ရေတံခါးများအားလုံး ဖွင့်လှစ်ထားသောကြောင့် အထက်မှ စုန်ဆင်းလာသော ရေများသည် အထိန်းအကွပ်မရှိ အောက်ဘက်သို့ ဆက်လက်ဆင်းလာမည်ဖြစ်ပါသည်။ သို့ဖြစ်ပါ၍ မူးမြစ် (နတ်မူးမြစ်) ရေသည် ယခုလက်ရှိ ရေပြင်ထက် ပို၍ တက်လာနိုင်သဖြင့် မူးမြစ် (နတ်မူးမြစ်) ဘေးကျေးရွာများတွင် နေထိုင်ကြသော မိဘပြည်သူများအနေဖြင့် ရေဘေးအန္တရာယ်ကို သတိပြုဂရုစိုက်ကြရန်နှင့် မွေးမြူရေးတိရစ္ဆာန်များနှင့် ကောက်ပဲသီးနှံများကို ရေလွတ်ရာသို့ အချိန်မီ ရွှေ့ပြောင်းနိုင်ကြပါရန် အသိပေးကြေညာအပ်ပါသည်။ ကျွန်တော်တို့ ရွှေဘိုခရိုင် ပြည်သူ့ကာကွယ်ရေးအဖွဲ့ ပင်မသတင်းဌာနအနေဖြင့်လည်း ရေထုတ်လွှတ်မှုပမာဏများကို အချိန်နှင့်တပြေးညီ ထုတ်လွှင့်ပြန်ကြားသွားမည်ဖြစ်ပါသည်။ မိဘပြည်သူများအနေဖြင့်လည်း ရေဘေးအန္တရာယ် အသိပေးထုတ်လွှင့်ချက်များကို အမြဲမပြတ် နားစွင့်ပေးကြပါရန် ထပ်မံအသိပေးအပ်ပါသည်။ ပင်မ သတင်းဌာန(ရွှေဘိုခရိုင်) Aug 6 , 5:09 PM

၇၉ နှစ်မြောက် အာဇာနည်နေ့ ယနေ့ကျရောက်သော ၇၉ နှစ်မြောက် အာဇာနည်နေ့တွင် ကျဆုံးလေပြီးသော ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများအား ရိုသေစွာဖြင့် ဦးစွာပထမ အလေးပြုအပ်ပါသည်။ "အာဇာနည်မျိုး သေရိုးမရှိ" ဟူသော စကားအတိုင်း ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီး ၉ဦးမှာ ကျွန်ုပ်တို့ ပြည်သူလူထု၏ နှလုံးသားထဲတွင် အစဉ်ထာဝရ ရှင်သန်နေမည်သာ ဖြစ်ပါသည်။ အာဇာနည်စိတ်ဓာတ်ဆိုသည်မှာ လွတ်လပ်ခြင်းနှင့် တရားမျှတမှုကို လိုလားတောင့်တနေသော ပြည်သူလူထု၏ အသက်ရှူသံများသာ ဖြစ်သောကြောင့် နွေဦးတော်လှန်ရေးကာလအတွင်း အကြမ်းဖက်စစ်ကောင်စီကို တိုက်ခိုက်ချေမှုန်းရင်း ကျဆုံးခဲ့ရသော ပြည်သူ့သားကောင်း တော်လှန်ရေးရဲဘော်များမှာလည်း ကျွန်ုပ်တို့ ပြည်သူလူထု၏ အာဇာနည်ပုဂ္ဂိုလ်များပင် ဖြစ်ပါသည်။ ထိုသို့ အသက်၊ သွေး၊ ချွေးများ ပေးဆပ်စွန့်လွှတ်ခဲ့သော အာဇာနည်သူရဲကောင်းများကိုလည်း ကျွန်ုပ်တို့ပြည်သူလူထုက လေးစားစွာ အလေးအမြတ်ပြုအပ်ပါသည်။ "အာဇာနည်ဟာ ၉ဦး မက" "အာဇာနည်စိတ်ဓာတ်ဖြင့် အာဏာရှင်စနစ်ကို ရိုက်ချိုးကြ" "ပုန်ကန်တော်လှန် အာဇာနည်မာန်" "အရေးတော်ပုံ အောင်ရမည်" ✊ MDY Revolution Admin Team

"The Duty Never Chosen"

SCRIPT & STORY YANGON 4 BROTHERS The Duty Never Chosen CAST ဂန္ဓမာ (Yangon 4 Brothers) လင်းထက်(Yangon 4 Brothers) Gyace (Yangon 4 Brothers) အိမြတ်(Yangon 4 Brothers) Special Thanks Ko Ba Si မမကြီး(ဆုံမှတ်) Doe Zet Andrew DIRECTED BY ALIEN REFRAME PRODUCED BY YANGON 4 BROTHERS DIRECTOR OF PHOTOGRAPHY FLAME CAMERA OPERATORS KO THET OZONE PHYO LAY EDITED BY ALIEN REFRAME ASSISTANT CAMERA BC PHOTOGRAPHY REVOGRAPHY TEAM © 2026 YANGON 4 BROTHERS Photo by Revography Team  Alien Reframe #yangon4brothers #KyimyindaingNetworks #LinnYaungNiYouthOrganization_LYNYO #owlcommunity #MayangoneDemocraticFront_MDF

“ တော်လှန်သော စိတ်ဓာတ် တန်ပြန်သော စိတ်ဓာတ် ဘယ်ကျည်ဆန် ဘယ်သေနတ်နဲ့ သတ်မှာလဲ" စစ်အုပ်စု အနေနဲ့ ရုပ်တုတွေကိုသာ ဖြိုဖျက်နိုင်ပေမယ့်၊ အာဇာနည်တို့ရဲ့ လက်ဆင့်ကမ်းလာခဲ့တဲ့ သမိုင်းဝိဥာဥ်နဲ့ လွတ်လပ်လိုစိတ်တွေကိုတော့ ဘယ်အမိန့်အာဏာနဲ့မှ ဖျက်ဆီး ဖျောက်ဖျက်နိုင်မှာ မဟုတ်ပါ။ အာဇာနည်စိတ်ဓာတ်ဆိုတာက လွတ်လပ်ရေးနဲ့ တရားမျှတမှုကို တောင့်တတဲ့ လူထုရဲ့ အသက်ရှူသံတွေနဲ့ တည်ဆောက်ထားတာပဲ ဖြစ်ပါတယ်။ လာမယ့် ဇူလိုင်လ ၁၉ ရက်နေ့မှာ ကျွန်ုပ်တို့ ပြည်သူတစ်ရပ်လုံးအနေနဲ့ -

• (၁၉) ရက်၊ မနက် (၁၀) နာရီ (၃၇) မိနစ်မှာ ရောက်ရာနေရာမှ ငြိမ်သက်ခြင်း၊ ဥဩဆွဲခြင်း၊ ဟွန်းတီးခြင်းတို့ဖြင့် အလေးပြုပေးကြပါ။ • အနက်ရောင် အဝတ်အစား၊ ဖဲကြိုး သို့မဟုတ် ဦးထုတ်များ ဝတ်ဆင်၍ ကျွန်ုပ်တို့ရဲ့ ဝမ်းနည်းခြင်းနဲ့ မမှိန်မသုန် ဆက်လက် တော်လှန်လိုသော စိတ်ဓာတ်ကို "အနက်ရောင်လှုပ်ရှားမှု (Black Movement)" ဖြင့် ဖော်ပြပေးကြပါ။ • ဗိုလ်ချုပ်ရုပ်တု၊ လွတ်လပ်ရေးကျောက်တိုင်၊ ကျဆုံးအာဇာနည်များရဲ့ ဂူဗိမာန်များဆီသို့ စုဝေးချီတက်ခြင်းဖြင့် အာဇာနည်တို့ရဲ့ သမိုင်းကို ကျွန်ုပ်တို့က အစဉ်အမှတ်ရနေကြောင်း သက်သေပြကြပါ။

Song: မေးမယ် Artist: ငဲငယ်လေး Disclaimer: We do not own the audio rights for this video. All credits and rights belong to their original rightful owners. This content is created for public awareness purposes only and not for commercial gain. Video - General Strike Coordination Body - GSCB #အာဇာနည်နေ့ #အာဇာနည်တိုင်းသမိုင်းမသေ #ဇူလိုင်၁၉ #FreedomSpirit #SpringRevolution#အာဇာနည်တိုင်းသမိုင်းမသေ #July19Movement #MartyrsDayMyanmar #yangon4brothers #KyimyindaingNetworks #LinnYaungNiYouthOrganization_LYNYO #owlcommunity #MayangoneDemocraticFront_MDF

တိုက်ပွဲသတင်းထုတ်ပြန်ချက် =================== ၂၀၂၆ခုနှစ်၊ ဇွန်လ ၂၇ ရက်နေ့ နံနက်ပိုင်းတွင် မတ္တရာမြို့နယ်အနောက်ခြမ်းရှိ ရန်သူ အခြေကုပ်ယူထားသည့် ရှင်လှတောင်ရွာအား မိမိတို့ မဟာမိတ်အင်အားစုမှ စစ်ရေးရည်မှန်းချက်အရ ဝိုင်းဝန်းပိတ်ဆို့ တိုက်ခိုက်ခဲ့ပါသည်။ ထိုတိုက်ခိုက်မှု ဖြစ်စဉ်တွင် စခ ၂ဦးသာ အသ၊ က်ရှင်ကျန်ရစ်ပြီး အပြီးသတ်သိမ်းပိုက်ရန်ကြိုးစားချိန်တွင် ရန်သူ့စစ်ကူနှင့် လေကြောင်းပစ်ကူပေးခြင်း‌‌ေကြာင့်မိမိတို့မဟာမိတ်အင်အားစုဘက်မှ ရဲဘော်များအားအထိအခိုက်အကျဆုံးနည်းစေရန် ပြန်လည်ဆုတ်ခွာခဲ့ပါသည်။ အဆိုပါတိုက်ပွဲတွင် အကြမ်းဖက်စစ်တပ်ဘက်မှ မျက်မြင် ၆ဦးထက်မနည်း ဒါဏ်ရာရရှိကာ ၁၁ဦးခန့်သေဆုံး၍ မိမိတို့မဟာမိတ်အင်အားစုဘက်မှ တော်လှန်ရေးရဲဘော်တစ်ဦး မြင့်မြတ်စွာ ကျဆုံးခဲ့ပါသည်။ ၄င်းတိုက်ပွဲဖော်ဆောင်မှုကို မတ္တရာမြို့နယ် ပကဖ ၊ No More Dictatorship နှင့်အတူ မန္တလေးခရိုင် ပကဖ၏ တိုက်ရိုက်ကွပ်ကဲမှုဖြင့် မိမိတို့ ပုသိမ်ကြီးမြို့နယ် ပကဖ၊ချမ်းမြသာစည်မြို့နယ် ပကဖ ၊ မဟာအောင်မြေမြို့နယ် ပကဖ(GZP)၊ အောင်မြေသာစံမြို့နယ် ပကဖ(Thunderbird) တို့မှ ပူးပေါင်းလုပ်ဆောင်ခဲ့ခြင်းဖြစ်ပါသည်။ #ပကဖ_ပုသိမ်ကြီးမြို့နယ်

မန္တလေးမြို့ 🚨🚨 ‼️မိဘပြည်သူများခင်ဗျာ ယခုရက်ပိုင်း မြို့ပေါ်အစစ်ဆေးများတွင် လုံခြုံရေးအရ စစ်ဆေးခြင်းထက် ငွေညှစ်ရန်အတွက် စစ်ဆေးနေခြင်းများ ဖြစ်နေပါသဖြင့် အဖမ်းဆီးသတင်းများကို အချိန်မှီတင်ပေးနေသည့် မြေပြင်သတင်းChannelများကိုကြိုတင်‌ကြည့်ရှုပြီးမှသာ အပြင်ထွက်သင့်ပါကြောင်း အသိပေးအပ်ပါသည်။ Jun 23 နေ့လယ်ခင်းပိုင်း အစစ်ဆေး သတင်းများအား ယခုpostတွင် Edit တင်ပြပေးပါမည်။ -1:45PM ၃၈လမ်း ၇၃ မှ ၇၈ကြား ဖမ်းနေ -2:05PM ၂၉လမ်း ၈၃× ၈၄ကြား ဖမ်းနေ -2:30PM အရှေ့မြို့ပတ်လမ်း၊ ၄၇× ၄၈ကြား ဖမ်းနေ -2:55PM ၁၉လမ်း× ၆၂လမ်း ဖမ်းနေ Source -MR Informer #MDYRevo https://t.me/MDYRevolution1 📮သတင်းပေးပို့ရန် @MDYRevolution_bot

မန်း-မတ္တရာသတင်း 🚨🚨 Jun 23 -8:15AM မန္တလေး ဘက်မှ မတ္တရာဘက်သို့ အင်အား ၁၅၀ခန့်ပါသော စခFawကား ၁၂စီး မောင်းသွားကြောင်း သတင်းရရှိပါသည်။ Source -MR Informer #MDYRevo 📮သတင်းပေးပို့ရန် @MDYRevolution_bot

ROSE MOVEMENT: Rose of Hope ယနေ့ကျရောက်သော နိုင်ငံတော်အတိုင်ပင်ခံပုဂ္ဂိုလ်၊ လူထုခေါင်းဆောင် ဒေါ်အောင်ဆန်းစုကြည်၏ မွေးနေ့အထိမ်းအမှတ်အနေဖြင့် ဖော်ဆောင်ခဲ့ကြသော ROSE MOVEMENT: Rose of Hope လူထုလှုပ်ရှားမှုကြီးတွင် ပူးပေါင်းပါဝင်ပြီး အကြမ်းဖက်စစ်အုပ်စုထံ "ငါတို့လူထုဟာ မင်းတို့ပြုသမျှ နုရမယ့် ဘဝ မဟုတ်ဘူးဟေ့......။" "ငါတို့ဟာ ငုံ့မခံဘဲ တုန့်ပြန်မယ့် သံမဏိနှင်းဆီတွေကွ.....” ဆိုတာကို ထပ်မံသက်သေပြ သတင်းစကားပါးခဲ့ကြတဲ့ လှုပ်ရှားမှုအချို့ကို လေးစားဂုဏ်ယူစွာဖြင့် မှတ်တမ်းတင် ဖော်ပြအပ်ပါသည်။ #ကြောက်ခေတ်ကို_မှောက်ပစ် #freedomfromfear #81For81 #FreeDASSK #FreedomForHerFreedomForAll #Proof_of_Life #MDYRevo အရေးတော်ပုံ အောင်ရမည်။ ✊

🎂 Happy Birthday ပါ အမေစု 🌹 ကျွန်တော်တို့အားလုံး ချစ်ခင်မြတ်နိုးရပါသော နိုင်ငံတော်အတိုင်ပင်ခံပုဂ္ဂိုလ်၊ လူထုခေါင်းဆောင် ဒေါ်အောင်ဆန်းစုကြည်၏ ယနေ့ကျရောက်သော ၈၁နှစ်ပြည့်မွေးနေ့တွင် အမေ ကျန်းမာပါစေ၊ ဘေးကင်းပါစေ၊ ပျော်ရွှင်ချမ်းမြေ့ပါစေကြောင်း ကျွန်တော်တို့ MDY Revolution မှ ဆုတောင်းမေတ္တာ ပို့သအပ်ပါတယ်။ ထိုမှတဖန် အကြမ်းဖက်စစ်အုပ်စုရဲ့ လက်နက်အားကိုးဖြင့် မတရား ဖမ်းဆီးအကျဉ်းချခံထားရခြင်းမှလည်း အမြန်ဆုံး ပြန်လည်လွတ်မြောက်နိုင်ပါစေ။ ကျွန်တော်တို့အားလုံး၊ အမေ့သားသမီးတွေအားလုံးကို အရင်လို မေတ္တာ ကရုဏာ မုဒိတာ အပြည့်နဲ့ ရင်ဝယ်သားကဲ့သို့ ပြန်လည်ဦးဆောင်လမ်းပြပေးနိုင်ပါစေကြောင်း ထပ်မံ၍ ဆုတောင်းမေတ္တာပို့သအပ်ပါတယ်။ အမေစုနှင့်တကွ မတရားဖမ်းဆီးခံ နိုင်ငံရေးအကျဉ်းသားများအားလုံး ပြန်လည်လွတ်မြောက်ရေး၊ လူထုတစ်ရပ်လုံး မျှောလင့်တောင့်တနေသော ဖက်ဒရယ်ဒီမိုကရေစီနိုင်ငံတော်သစ် တည်ဆောက်ရေးအတွက် အားလုံးတွင် တာဝန်ကိုယ်စီရှိကြသည့်အားလျော်စွာ ကျွန်တော်တို့ MDY Revolution Admin များမှလည်း ကိုယ်စွမ်းဉာဏ်စွမ်းရှိသရွေ့ အဆုံးတိုင် တိုက်ပွဲဝင်သွားမည်ဖြစ်ကြောင်းကိုလည်း မွေးနေ့ရှင်အမေစုကိုတိုင်တည်ပြီး ကတိသစ္စာပြုအပ်ပါသည်။ အမေစု ကျန်းမာပါစေ။ အမေစု အချုပ်အနှောင်မှ အမြန်ဆုံးလွတ်မြောက်ပါစေ။ 🙏🏻

ချမ်းသာလာနေတာကို တွေ့ရမှာဖြစ်ပါတယ်။ မြန်မာပြည်သူတွေဟာ ဒင်းတို့ ဖက်ဆစ်မိစ္ဆာတွေကို “ငုံ့ခံ” ရင်းနဲ့ ရေနွေးအိုးထဲက ဖားတွေလို့ အသေမခံနိုင်ဘူး၊ အစွမ်းကုန် စုစည်းညီညွတ်ပြီး “တုန့်ပြန်” ကြမယ်ဆိုတဲ့ ဇွဲနဘဲခတ်ပြီး တော်လှန်ခရီးကြမ်းကို ဒီအထိ လျှောက်လှမ်းခဲ့ကြပါပြီ။ အခုချိန်ကတော့ ဒီသံမဏိစိတ်ဓာတ်၊ ဘာမထီစိတ်ဓာတ်ကို အမြင့်မားဆုံး လွှင့်ထူပြီး တော်လှန်တိုက်ပွဲကို အရှိန်တိုးမြှင့်ကြဖို့ လိုပြီဆိုတာကိုလည်း မီးမောင်းထိုးပြလိုပါတယ်။ ယခု ဇွန် (၁၉) နှင်းဆီလှုပ်ရှားမှုမှသည် ရှေ့လာမယ့်ကာလတွေမှာလည်း ပြည်သူလူထုအနေနဲ့ တော်လှန်တိုက်ပွဲ လူထုလှုပ်ရှားမှုတွေမှာ “တက်စုံဖွင့် ရွက်ကုန်လွှင့်” ဖော်ဆောင်ကြမယ်ဗျာ။ ဟေ့ . . . စစ်အာဏာရူးတွေ၊ ငါတို့လူထုဟာ မင်းတို့ပြုသမျှ နုရမယ့် ဘဝ မဟုတ်ဘူးဟေ့။ “ငုံ့မခံဘဲ တုန့်ပြန်မယ့် သံမဏိ နှင်းဆီတွေ” ဆိုတာကို ဒီပြည်လုံးကျွတ် နှင်းဆီလှုပ်ရှားမှုကြီးကနေ ထပ်လောင်း သက်သေတည်လိုက်ကြပါစို့။ #ကြောက်ခေတ်ကို_မှောက်ပစ် #freedomfromfear #81For81 #FreeDASSK #FreedomForHerFreedomForAll #MDYRevo အရေးတော်ပုံ အောင်ရမည်။

❝ အမေစုနဲ့အတူ ဆက်လက်တိုက်ပွဲဝင်ကြ ❞ ══════════════ #၁၉ဇွန်_နှင်းဆီလှုပ်ရှားမှု #rosemovement #ProofOfLife ကမ္ဘာ့အသက်အကြီးဆုံး နိုင်ငံရေးအကျဉ်းသား၊ မြန်မာစစ်အာဏာရှင်အဆက်ဆက် အကြောက်ဆုံးလူသား၊ အဖိနှိပ်ခံ ပြည်သူတရပ်လုံး လေးစားယုံကြည်တဲ့ လူထုခေါင်းဆောင် ဒေါ်အောင်ဆန်းစုကြည်ရဲ့ အသက် (၈၁) နှစ်ပြည့် မွေးနေ့ မကြာခင် ရောက်ပါတော့မယ်။ အမေစုအပါအဝင် နိုင်ငံရေးအကျဉ်းသားပေါင်း (၂၂၀၀၀) ကျော်ကို အဓမ္မ ချုပ်နှောင်ထားတဲ့ စစ်အုပ်စု၊ ပြည်သူလူထုကို နေ့စဉ်နဲ့အမျှ နည်းလမ်းမျိုးစုံသုံးပြီး အကြမ်းဖက် သတ်ဖြတ်နေတဲ့ စစ်အုပ်စု၊ ပြည်သူလူထုကို အဓမ္မ ပေါ်တာဆွဲဥပဒေနဲ့ ဒုက္ခမျိုးစုံ ပေးနေတဲ့ စစ်အုပ်စု။ ဒီစစ်အုပ်စုကပဲ ရွေးကောက်ပွဲအတု လုပ်၊ လွှတ်တော်အတု ခေါ်၊ အရပ်သားအတု အစိုးရအတု ဖွဲ့ပြီး ပြည်တွင်းပြည်ပမှာ လူရာဝင်ချင်သေးသတဲ့။ လုံးလုံး အရှက်မဲ့တဲ့ ဖက်ဆစ်တွေပဲ။ လူထုခေါင်းဆောင် မွေးနေ့ရှင် ဒေါ်အောင်ဆန်းစုကြည်နဲ့တကွ အဓမ္မ ဖမ်းဆီးခံထားရတဲ့ နိုင်ငံရေးအကျဉ်းသား သူရဲကောင်းများစွာရဲ့ ဝိသေသ လက္ခဏာက စစ်အာဏာရူးတွေကို “ငုံ့မခံဘဲ တုန့်ပြန်” ခဲ့ကြတာပဲ ဖြစ်ပါတယ်။ အာဏာရှင်စနစ် တိုက်ဖျက်ရေး၊ ဒီမိုကရေစီလူ့ဘောင် တည်ဆောက်ရေး ယုံကြည်ချက်အပေါ်မှာ မယိမ်းမယိုင် မြဲမြံစွာ စွဲကိုင်ခဲ့သလို ပန်းနဲ့ အမြဲတွဲမြင်ရလေ့ရှိတဲ့ ဒေါ်အောင်ဆန်းစုကြည်ကို ကမ္ဘာက “သံမဏိ နှင်းဆီ” လို့ ဂုဏ်ပြုညွှန်းဆိုလေ့ရှိပါတယ်။ ဒါ့ကြောင့် မွေးနေ့ရှင် ဒေါ်အောင်ဆန်းစုကြည်နဲ့တကွ နိုင်ငံရေးအကျဉ်းသားအားလုံး၊ တော်လှန်တိုက်ပွဲဝင် လူထုတရပ်လုံးကို ဂုဏ်ပြုညွှန်းဆိုသောအားဖြင့် လာမယ့် ဇွန်လ (၁၉) ရက်နေ့မှာ “နှင်းဆီလှုပ်ရှားမှုကြီး” ကို ပြည်လုံးကျွတ် ဝေဝေဆာဆာ ဖော်ဆောင် ဆင်နွှဲလိုက်ကြရအောင်ဗျာ။ နှင်းဆီလှုပ်ရှားမှု၊ ပန်းသပိတ်။ ဒီလူထုတိုက်ပွဲလှုပ်ရှားမှုနည်းနာကို အထူးတလည် ရှင်းပြနေစရာမလိုဘဲ ပြည်သူလူထုက နားလည်သဘောပေါက်ကြပြီးလည်း ဖြစ်ပါတယ်။ အဲ့ဒီကာလမှာ နှင်းဆီပန်းများအပါအဝင် အဆင်သင့်ရာ ပန်းများကို ပြည်သူလူထုက ဘုရားပန်းတင်မယ်။ ပန်ဆင်ကြမယ်။ အလှပန်းအိုး ထိုးမယ်။ အပြန်အလှန် ပန်းလက်ဆောင် ပေးကြမယ်။ အွန်လိုင်းပေါ် ဓာတ်ပုံတင်ကြမယ်။ မြေပြင်လူထုလှုပ်ရှားမှုတွေကိုလည်း နှင်းဆီပန်းတွေ ကိုင်ဆောင်ကာ (လုံခြုံရေး အသိ၊ သတိ အပြည့်နဲ့) ဖော်ဆောင်ကြဖို့ပါ။ အတိုချုပ်ပြောရရင်တော့ လာမယ့် ဇွန် ၁၉ အမေစုမွေးနေ့မှာ ကျနော်တို့ ပြည်တွင်းပြည်ပ ပြည်သူလူထုတရပ်လုံးအနေနဲ့ “နှင်းဆီလှုပ်ရှားမှုကြီး” မိမိတို့ အဆင်ပြေသလို ဉာဏ်ကွန့်မြူးကာ အွန်လိုင်းကော မြေပြင်မှာပါ ဉာဏ်နဲ့ယှဉ်ပြီး နည်းနာပုံစံမျိုးစုံနဲ့ ဖော်ဆောင် ဆင်နွှဲကြပါမယ်ခင်ဗျာ။ ပြည်သူလူထုရဲ့ ဒီ“နှင်းဆီလှုပ်ရှားမှုကြီး” ကနေ စစ်အုပ်စုနဲ့တကွ တကမ္ဘာလုံးကို အသိပေးလိုက်တဲ့ တောင်းဆိုဖော်ပြချက်ကြီး (၃) ချက် ရှိပါတယ်။ ဒီသုံးချက်ကတော့- (၁) လူထုခေါင်းဆောင် ဒေါ်အောင်ဆန်းစုကြည်နှင့်တကွ နိုင်ငံရေးအကျဉ်းသားအားလုံးကို ချက်ချင်း လွှတ်ရန် တောင်းဆိုသည်။ (၂) အဓမ္မ စစ်မှုထမ်း ပေါ်တာဆွဲဥပဒေကို ချက်ချင်း ဖျက်သိမ်းရန် တောင်းဆိုသည်။ (၃) မြန်မာပြည်၏ သမ္မတသည် ဦးဝင်းမြင့်သာဖြစ်ပြီး ဒေါ်အောင်ဆန်းစုကြည်သည် နိုင်ငံတော်၏ အတိုင်ပင်ခံပုဂ္ဂိုလ်ဖြစ်ကြောင်း ထပ်လောင်း ဖော်ပြသည်။ လက်ရှိ ကျနော်တို့ ဖော်ဆောင်နေဆဲဖြစ်တဲ့ Proof of Life လှုပ်ရှားမှုကိုလည်း ဒီနှင်းဆီလှုပ်ရှားမှုကြီးနဲ့အတူ ဆက်လက် ဖော်ဆောင်သွားကြမှာဖြစ်ပါတယ်။ Proof of Life လှုပ်ရှားမှုကတော့ အချိန်ကာလ သတ်မှတ်ချက်မရှိဘဲ လှုပ်ရှားမှုရဲ့ တောင်းဆိုချက် မရမချင်း ဆက်လက်ဆင်နွှဲသွားကြဖို့လည်း ဖြစ်ပါတယ်။ အလားတူပဲ (၈၁) နှစ်ပြည့်မွေးနေ့ဖြစ်တာနဲ့အညီ ကိန်းဂဏန်း (၈၁) ကို အစွဲပြု ဖော်ဆောင်တဲ့ လှုပ်ရှားမှုများလည်း ဉာဏ်ရှိသလို ကွန့်မြူးဖော်ဆောင်သွားကြမှာလည်း ဖြစ်ပါတယ်။ စစ်အုပ်စုအဆက်ဆက်ဟာ အာဏာသာ ရူးပြီး တိုင်းပြည်အုပ်ချုပ် အစိုးရလုပ်တဲ့ အတတ်ပညာ၊ ဉာဏ်ပညာနဲ့ စိတ်စေတနာ လုံးလုံး မရှိပါဘူး။ စစ်အာဏာသိမ်းမှုရဲ့ နောက်ဆက်တွဲအကျိုးဆက်အနေနဲ့ ယနေ့ မြန်မာပြည် လူမှုစီးပွါး အခြေအနေအရပ်ရပ်ဟာ အဝီစိကို ဇောက်ထိုးဆင်းနေပါပြီ။ ကုန်ဈေးနှုန်းတွေ မိုးပျံအောင် တက်နေတာက အစ၊ လူငယ်ထုကို သေလမ်းပို့တဲ့ အဓမ္မ ပေါ်တာဆွဲနေတာ အလယ်၊ အပေါဆုံးက မူးယစ်ဆေး ဖြစ်လာတာအဆုံး၊ တိုင်းပြည်မှာ အကောင်းဆိုလို့ ဘာမှမရှိတော့ပါဘူး။ ဒါတွေအားလုံးရဲ့ ပင်မလက်သည် တရားခံသည် စစ်အာဏာသိမ်းမှုနဲ့ စစ်အာဏာရှင်စနစ်ပါပဲ။ ဒီအာဏာရှင်စနစ် သက်ဆိုးရှည်နေသရွေ့ ဒီတိုင်းပြည် အနာဂတ် ဘာတခုမှ ကောင်းလာစရာ မရှိဘူးဆိုတာကလည်း အင်မတန် ထင်ရှားပါတယ်။ ၂၀၂၁ စစ်အာဏာသိမ်းမှုနဲ့ စစ်အာဏာရှင်စနစ်ဟာ မြန်မာပြည်ရဲ့ အညွှန့်ထွက်စ၊ အရှိန်ရစ ဒီမိုကရေစီနဲ့ ဖွံ့ဖြိုးတိုးတက်မှုလေးကို သင်းသပ်ချလိုက်တာပဲ။ အာဏာရှင်စနစ်ဟာ တပ်မတော်၊ ရဲတပ်ဖွဲ့၊ နိုင်ငံဝန်ထမ်းများနဲ့တကွ အစစ်အမှန် ပြည်ခိုင်ဖြိုးပါတီဝင်ထုအပါအဝင် တိုင်းသူပြည်သားအားလုံးအတွက် ရေတိုကော ရေရှည်မှာပါ ဘာကောင်းကျိုးမှ မပြုပါဘူး။ ဒီအာဏာရှင်စနစ်လက်အောက်မှာ လက်တဆုပ်စာ စစ်ဗိုလ်ချုပ်တစု၊ ဒင်းတို့မိသားစု ဆွေမျိုးတစု၊ နီးစပ်ရာလူတစုပဲ ပိုပိုပြီး ကျိကျိတက်

“နှင်းဆီလှုပ်ရှားမှု” #၁၉ဇွန်_နှင်းဆီလှုပ်ရှားမှု #rosemovement #ProofOfLife အရေးတော်ပုံ အောင်ရမည်။ #MDYRevo

နှင်းဆီလှုပ်ရှားမှု (ROSE Movement: Roses of Hope) ၂၀၂၆ ခုနှစ်၏ ပထမဆုံးသော တစ်နိုင်ငံလုံးဆိုင်ရာ လူထုလှုပ်ရှားမှုကြီး စတင်မည်။

လာမယ့် ဇွန်လ (၁၉) ရက်နေ့၊ လူထုခေါင်းဆောင် အမေစုရဲ့ ၈၁ နှစ်ပြည့် မွေးနေ့မှာ "နှင်းဆီလှုပ်ရှားမှု (ROSE Movement: Roses of Hope)" ကို ပြည်လုံးကျွတ် လှုပ်ရှားကြမှာ ဖြစ်ပါတယ် ။

စစ်အုပ်စုရဲ့ မတရားဖိနှိပ်မှုတွေ၊ အဓမ္မစစ်မှုထမ်းခိုင်းမှုတွေနဲ့ ဟန်ပြနိုင်ငံရေး ခြေလှမ်းတွေကို ပြည်သူလူထုက လုံးဝလက်မခံဘူးဆိုတာကို ဒီလှုပ်ရှားမှုကြီးနဲ့ အတူတကွ သက်သေပြကြပါစို့။ လူထုရဲ့ ပြတ်သားတဲ့ သတင်းစကား (၃) ရပ် (၁) အမေစုနှင့်တကွ နိုင်ငံရေးအကျဉ်းသားအားလုံး ခြွင်းချက်မရှိ ချက်ချင်းလွှတ်! (၂) အဓမ္မစစ်မှုထမ်းဥပဒေ ချက်ချင်းဖျက်! (၃) ဦးဝင်းမြင့်သည် သမ္မတ၊ ဒေါ်အောင်ဆန်းစုကြည်သည် အတိုင်ပင်ခံပုဂ္ဂိုလ် ဖြစ်သည်! အတူတကွ ဘယ်လို လှုပ်ရှားကြမလဲ?

ဇွန်လ (၁၉) ရက်နေ့မှာ အောက်ပါ မိမိ ဒေသနဲ့ လုံခြုံရေးအခြေအနေများအလိုက် အောက်ပါ နည်းလမ်းတစ်ခုခုနဲ့ လှုပ်ရှားကြပါမယ်။ • ဘုရားတင်/ပန်ဆင်ပါ - နှင်းဆီပန်း (သို့မဟုတ်) ရရှိနိုင်တဲ့ အခြားပန်းတစ်မျိုးမျိုးကို ဘုရားတင်ခြင်း၊ ပန်ဆင်ခြင်း၊ အပြန်အလှန် ဝေငှခြင်းများ ပြုလုပ်ပါ။ • Online ကမ်ပိန်း - မိမိတို့ ပန်ဆင်/ကိုင်ဆောင်ထားတဲ့ ပန်းဓာတ်ပုံများကို Social Media ပေါ်တွင် တင်ပြီး အွန်လိုင်းမှ ပါဝင်ပါ။

• မြေပြင်လှုပ်ရှားမှု - မြေပြင်သပိတ်လှုပ်ရှားမှုများတွင် နှင်းဆီပန်းများ ကိုင်ဆောင်ပြီး ပါဝင်ပါ။

လူထု ကြွေးကြော်သံ - “အမေစုနှင့်အတူ ဆက်လက်တိုက်ပွဲဝင်ကြ” ဟေ့ . . . စစ်အာဏာရူးတွေ၊ ငါတို့လူထုဟာ မင်းတို့ပြုသမျှ နုရမယ့် ဘဝ မဟုတ်ဘူးဟေ့။ “

"ငုံ့မခံဘဲ တုန့်ပြန်မယ့် သံမဏိ နှင်းဆီတွေ” ဆိုတာကို ဒီပြည်လုံးကျွတ် နှင်းဆီလှုပ်ရှားမှုကြီးကနေ ထပ်လောင်း သက်သေတည်လိုက်ကြပါစို့။ #RoseMovement #RosesOfHope #ProofOfLife #June19 #FreeAungSanSuuKyi #KyimyindaingNetworks #LinnYaungNiYouthOrganization_LYNYO #WhatsHappeningInMyanmar #RejectMilitaryCoup #JusticeForMyanmar