Индигир уоттара / Момский район (улус)

Байанай күрэҕэ Чыбааҕылаах нэһилиэгэр Саха Республикатын күнүгэр аҕаларга аналлаах "Байанай" күрэҕэ ыытылынна. Күрэххэ 3 хамаанда кытынна. Хамаандалар 6 түһүмэххэ: бураны соһуу, дротик быраҕыы, канат тардыһыы, манчыыгы табыы, отууга чэй оргутуу, эстафета күрэхтэригэр илин-кэлин түһүстүлэр. Күүстээх киирсии кэнниттэн ДЭС хамаандата бастаата (капитан Федор Богдашин), ОДьКХ хамаандата иккистээтэ, оскуола үһүстээтэ. Тэрийээччилэр ыалдьыттары, күрэхтэһээччилэри минньигэс миининэн, итии чэйинэн күндүлээтилэр. Бу күн манна атыы тэрилиннэ, лотерея оонньонно. Лотереяҕа суперприһы - 40 литр бензины 1 кылаас үөрэнээччитэ Арина Крылова сүүйбүтэ соһуччу буолла. Бырааһынньык дьоҥҥо сэргэхсийиини аҕалла. @indigir_uottara

🎯🏹Аҕалар күрэхтэрин сытыы киирсиилэрэ @indigir_uottara

🎯🏹Аҕалар күрэхтэһэллэр Ааспыт нэдиэлэҕэ оройуон аҕалара мустан мунньахтаан, кэнсиэрдээн, көй салгыҥҥа күрэхтэһэн оройуоҥҥа Аҕа сылын бэлиэтээбиттэрэ. Бэҕэһээ кинилэр бачыымнарын салҕаан аны Муома нэһилиэгин дьаһалтатын көҕүлээһининэн спорт 3 көрүҥэр: ох саанан ытыыга, Дартс оонньууга, саанан ытыыга күрэх ыытылынна. Күрэҕи А.В.Карпов аатынан Оҕо спортивнай оскуолата тэрийдэ. Манна 7 хамаанда күрэс былдьаста. Саамай сытыы харахтаах, бэргэн илиилээх ОДьКХ эр дьонун хамаандата бастаата, иккис МЧС хамаандата буолла, үһүскэ Муома орто оскуолатын хамаандата таҕыста. Аҕаларбыт дьарыктанан салгыы да күрэхтэһэ турдуннар.

Өрөспүүбүлүкэ күнүнэн эҕэрдэлээн Муома орто оскуолатын үөрэнээччилэрэ хомоҕой хоһоон ааҕаллар. Салайааччы Василий Аммосов.

💚Биһиги норуот бу тыйыс тымныылаах хаар-муус дойдуну баһылаан-көһүлээн, тыыннаах кэлбит, үүммүт-сайдыбыт олохпут дириҥ философиятынан, үс тыл: өркөн өй, ил уонна эйэ буолаллар. Оттон ити олохпут философиятын толору тутуспут, саха омук үрүҥ тыынын өллөйдөөбүт биир улуу өбүгэбит Лөгөй Тойон. Сүдү киһибит туһунан хасыһан үөрэтэр, Саха сирин духуобунаһын Академиятын чилиэнэ Афанасий Мигалкины кытта көрсөн кэпсэттибит. Сиһилии

С Днем Республики Саха (Якутия)! Саха Өрөспүүбүлүкэтин күнүнэн! 27 апреля – знаменательная дата, объединяющая многонациональный народ нашей северной земли. Это праздник каждого из нас, ведь в этот день мы вспоминаем историю нашей уникальной земли, отдаем дань уважения её основателям и всем тем, кто своим трудом и упорством вносит вклад в настоящее и будущее нашей республики. Сейчас Якутия - это место, где традиции гармонично переплетаются с инновациями, где каждый житель может реализовать свой потенциал во благо общего процветания. Наша задача - продолжить эту работу, сохраняя и приумножая достигнутые успехи. С праздником! Пусть каждый день приносит вам радость, а наша Якутия процветает дальше! ▫️Бүгүн үйэлээх үгэстэри утумнаан, Саха сирин олохтоохторо сыралаах үлэлэринэн олорон ааспыт көлүөнэлэр ситиһиилэрин, кыайыыларын үксэтэллэр, чиҥэтэллэр. Дойду модун кыаҕын бөҕөргөтүүгэ өрөспүүбүлүкэ дьоһун кылаатын салгыы киллэрэр. Бука барыгытыгар чэгиэн доруобуйаны, уҕараабат эрчими, дьолу-соргуну уонна уйгулаах олоҕу баҕарабын! t.me/aisen_nikolaev

Бүгүн Сахабыт сирэ республика таһымын ылбыт күнүн бэлиэтиибит. Муома оройуонугар бары нэһилиэктэр бу күҥҥэ анаан араас тэрээһиннэри ыыталлар. Оройуон киинигэр Кыайыы болуоссатыгар мустан Хонуу олохтоохторо Саха сирин Өрөгөй ырыатын ыллаатылар. Мустубут дьону Республикабыт төрөөбүт күнүнэн "Муома оройуона" МТ баһылыгын эбээһинэһин толорооччу Артур Тарабукин уонна Муома нэһилиэгин баһылыга Иван Дягилев эҕэрдэлээтилэр. Бу күн "Движение первых" ыччат хамсааһына 14 саастарын туолбут үөрэнээччилэри Россия гражданинын паспорын ылбыттарынан эҕэрдэлээтэ, өйдөбүл бэлэх туттарда. Оҕолорго паспордарын миграционнай сулууспа салайааччыта Любовь Фазульянова биэрдэ. Халлаан төһө да тымныы буоллар болуосакка кэлбит дьон оһуохайга көхтөөхтүк кытынна. @indigir_uottara

📝✍🏻 Муус устар 25 күнүгэр Муома орто оскуолатыгар Саха Өрөспүүбүлүкэтин судаарыстыбаннаһын күнүгэр аналлаах "Ноҕоруодаптыы дьыктаан" тэрээһиннээхтик ыытылынна. Тыл үөрэхтээҕэ Семен Новгородов 1917 сыллаахха латинскай буукубаларынан сахалыы бастакы маассабай алпаабыты төрүттээбитэ. Ол алпаабыкка олоҕуран оскуола оҕолоро, төрөппүттэр, учууталлар сахалыы дьыктааны суруйдулар. Тиэкистэр тиэмэлэрэ төрөөбүт дойдуга, ийэ тапталыгар сыһыаннаах. Кыттааччылар бары олус көхтөөх кыттыыны ыллылар. Дьыктаан бары ирдэбилин тутуһан, үрдүк таһымнаах үлэлэри суруйбут кыайыылаахтар добун суругунан бэлиэтэннилэр. Улахан дьоҥҥо: 1 миэстэ - Людмила Новгородова (төрөппүт) 2 миэстэ - Матрена Хабарова (учуутал) 3 миэстэ - Лидия Неустроева (учуутал). Оҕолорго: 1 миэстэ - Слепцова Света (8 "а" кылаас) 2 миэстэ - Неустроев Руслан (10 "б" кылаас) 3 миэстэ - Аргунова Динара (9 "а" кылаас) 3 миэстэ - Фазульянова Анжелика (9 "в" кылаас). @indigir_uottara

📌 Муус устар 25 күнүттэн Индигир уонна Муома өрүстэри туорааһыннар сабылыннылар. Быйыл дьыл эрдэлээн, айан суола олус сэрэхтээх буолан, сырыы тохтотулунна. Бу күннэргэ "Муома оройуона" МТ административнай комиссията ГИМС уонна ГИБДД сулууспаларын кытта өрүһү туоруур суолларга бэрэбиэркэ ыытар. Өскөтүн суол сабыллыбытын кэннэ транспорт мууска сылдьан түбэстэҕинэ административнай эппиэтинэскэ тардыллар. Ыстараап суумата тус сирэйгэ 3000-5000 солк., дуоһунастаах сирэйгэ 25000-100000 солк., юридическай сирэйгэ 100000 - 1 млн. солк. тэҥнэһэр. Өрүс суола сабыллыбытын аахсыбакка айанныыр дьон олохторун кутталга соҥнуулларын өйдөтөр үлэни тустаах сулууспалар күннэтэ ыыталлар. ✍🏻"Муома оройуона" МТ пресс-сулууспата. @indigir_uottara