War News

بارودۆخی هەرێمی سومی... سووپای ڕووسیا هێرشەکانیان لە هەرێمی سوومی بەدرێژایی تەواوی هێڵی سنووری دەستپێکردووەتەوە، ئەم کەرتە بە گشتی درێژییەکەی دەگاتە 61 کیلۆمەتر لە باڵی چەپەوە، یەکەکانی سوپای ڕووسیا هێڵەکانیان بەزاندووە و چوونەتە ناوەندی ناوچەی نیشتەجێبوونی میرۆپۆلیە کە وەک چەقێکی گرنگی بەرگری و لۆجستی دەورەی دەبینی لە کاتی هێرشەکانی سووپای ئۆکرانیا بۆ سەر هەرێمی کورسک لە نێوان ئابی 2024 تا نیسانی 2025.

سەرچاوە میدیاییەکانی پاکستان: ڕەنگە سبەینێ شەهباز شەریف سەرۆک وەزیرانی پاکستان درێژکردنەوەی ئاگربەستەکە ڕابگەیەنێت.

هەرچەندە دواخرا بۆ چوار شەممە کۆبونەوەکە بەڵام هەر ئەم باسم بەدری دەبێتەوە

سەرۆک کۆمار مەرسومی دەست بەکاربوونی ڕادەستی پارێزگاری نوێی کەرکوک کرد.

ئیدارەی ترەمپ دەستیکردووە بە پرۆسەی گەڕاندنەوەی 166 ملیار دۆلار کە لە ڕێگەی باجی گومرگییەوە کۆکرابووەوە، ئەم بڕیارە دوای ئەوە هات کە دادگای باڵا ئەو باجانەی کە ساڵی ڕابردوو لەلایەن تڕەمپەوە سەپێنرابوون، بە نایاسایی لەقەڵەمدا، زیاتر لە 3000 کۆمپانیا پێشتر داوای یاسایییان تۆمارکردووە بۆ خێراکردنی وەرگرتنەوەی پارەکانیان. تڕەمپ بەم کارەی کردی هەموو رۆژێک 22 ملیۆن دۆلار سووی هێناوەتە سەر حکومەت.

باسم بەدری بە 7 دەنگ لەکۆی 12 دەنگ بووە کاندیدی چوارچێوەی هەماهەنگی لە جێگەی مالکی.

ترەمپ: لە جەنگێکدا دەیبەمەوە بە جیاوازییەکی زۆرەوە، کارەکان زۆر بە باشی دەڕۆن، سوپاکەمان سەرسوڕهێنەر بووە.

یەکەم گفتوگۆی نێوان بەڕێوەبەری خۆسەر و حکومەتی سووریا بۆ ڕادەستکردنەوەی ناوچە دادوەرییەکانی قامیشلۆ و حەسەکە شکستی هێنا. بەڕێوەبەری خۆسەر سوورە لەسەر ئەوەی دۆسیەی دادوەری لەژێر دەستی خۆیدا بمێنێتەوە و ڕەتیدەکاتەوە پێکهاتە دادوەرییەکەی هەڵبوەشێنێتەوە، ئیدارەکە داوا دەکات کە دیوانی دادوەری وەک یەکەیەکی یەکگرتوو و سەربەخۆ تێکەڵ بە سیستەمی گشتی بێت، نەک ئەوەی فەرمانبەر و دادوەرەکانی بە جیاواز دابەش بکرێن یان لەناو سیستەمی دادوەری دەوڵەتدا سەرلەنوێ ڕێکبخرێنەوە.

ئیمانوێڵ ماکرۆن :- نە ئێران وە نە حزبوڵاش بە مەبەست ئێمەیان بەئامانج نەگرتووە لە هێرشەکانییان ، هەڵەی سەربازی هەیە.

ئاژانسی KANـی ئیسڕائیلی لە زاری بەرپرسانی باڵای ئیسڕائیلەوە :- هیچ ڕێکەوتنێک نەکراوە وە هیچ ڕێکەوتنێکیش نزیک نییە.

ژمارەیەک چەکداری سەر بە حوسام ئەلئەستەل کە میلیشیای نزیک ئیسرائیلن لە خان یونس دەکەونە بۆسەی چەکدارانی حەماس و کوژران.

کیم جۆنگ ئون و کچەکەی سەرپەرشتی تاقیکردنەوەی نوێترین پەرەپێدانی کۆریای باکووریان کرد لە بواری مووشەکی بالیستی. ئەو مووشەکەی تاقیکراوەتەوە Hwasong-11Raی تەکتیکیە، مووشەکەکان کڵاوەی جەنگی لە جۆری هێشووییان لەسەر بووە، 136 کیلۆمەترییان بڕیوە.

کاردانەوەی ئێران دوای ئەوەی ئەمریکا تەقەی لە کەشتیەکی ئێرانی کرد.

ئاژانسی تەسنیم :- ئێران بە دڕۆن هێرشی کردە سەر کەشتییە جەنگییەکانی ئەمریکا.

خەونی ئیمپراتۆرییەتی قەزافی... پرۆژەی دراوی ئەفریقی بۆ یەكەم جار لە لوتكەی وڵاتانی ئەفریقی لە ساڵی 1989 لەلایەن قەزافیەوە پێشنیاركراو ساڵی 1991 ڕێكخراوی ئابووری وڵاتانی ڕۆژهەڵاتی ئەفریقا دامەزرا و بڕیاردرا دراوی هاوبەشی ئەفریقی لە ساڵی 2014 بخەنە بواری جێبەجێكردنەوە، بەڵام فەرەنسا هەڕەشەی كرد ئەگەر دراوی هاوبەشی ئەفریقا دروست بكرێت هێزی سەربازی دژیان بەكاردێنێت، قەزافی لە ڕێگەی ئەم پرۆژەیەوە دەیوست ئیمراتۆریەتی ئەفریقا دامەزرێنێت نازناوی "ملك الملوك"ی ئەفریقای لە خۆی نابوو، تاكە ڕێگەش لە بەردەم قەزافیدا ئابووری بوو كە پێویستیەكی گرنگی ئەفریقیەكان بوو، كە بەهۆی هەیمەنەی فەرەنساوە كەوتبوونە دۆخی هەژاری و شەڕی ناوخۆوە. بەپێی ڕێكەوتنامەی ساڵی 1960 پاریس بۆ كۆتایهێنان بە ئیستعماری فەرەنسی لە نێوان وڵاتانی داگیركراوی ئەفریقا و فەڕەنسادا مۆركرا، بەپێی ڕێكکەوتنەكە فەرەنسا وەك مەرجی ڕێگەپێدان بە سەربەخۆییان كۆمەڵیك مەرجی بەسەردا سەپاندن، پێویستە وڵاتانی ئەفریقی دوای سەربەخۆبوونیان هەر مامەڵە بە فرانكی فەڕەنسیەوە بكەن، پێویستە لەسەریان 50% پارە و ئاڵتونی یەدەگی بانكی ناوەندیان لە بانكی ناوەندی فەرەنسا دابنێن، بەوەش فەرەنسا باجی %0.07 لەسەر ئەو یەدەگە لە وڵاتانە وەردەگرێت كە ساڵانە نزیكەی 10 ملیار دۆلاربوو و فەرەنسا بۆ فراوانكردنی هەیمەنەی لە ئەفریقا بەكاریدەهێنا، فەڕەنسا مەرجی ئەوەی بەسەر سەپاندن کە ئەو وڵاتانە ساڵانە بە ڕێژەی 8% بودجەی ساڵانەیان لە بانكی ئەفریقی قەرزبكەن كە بانكێكی فەرەنسیە و مامەڵەی بە فرانكی فەرەنسیەوە دەکرد. لە دوای ڕێكەوتنامەی ساڵی 1960 وڵاتانی ئەفریقی كەوتنە ژێر قەرزێكی زۆری فەرەنسیەوە و ئەگەرچی سەربەخۆیان لەفەرەنسا ڕاگەیاند بوو، بەڵام بەهۆی ئەو كۆت و مەرجانەوە كە ڕێكکەوتنەكە بەسەریدا سەپاندبوون، خاوەن سەربەخۆی ئابووری و سیاسیش نەبوون، بەوەش ئەفریقا كەوتە شەری ناوخۆ و ئاڵۆزییەوە و فەرەنساش چەند سیستەم و دیكتاتۆرێكی بەسەریاندا سەپاند هەروەها ڕێكکەوتنەکە ڕێگر بوو لە پێشكەوتنی وڵاتانی ئەفریقا، چونكە فەرەنسا ئابووری و سامانی سروشتی ئەم وڵاتانەی ئەفریقای بەكارهێنا بۆ بوژاندنەوە و ئاوەدانكردنەوەی فەرەنسا كە بەهۆی جەنگی جیهانی دووەمەوە وێران بوو، بۆیە لە كۆتای ساڵی هەشتاكاندا كاتێك موعەمەر قەزافی لەوپەری ناكۆكیدا بوو لەگەڵ ڕۆژئاوا بۆ خۆسەپاندنی وەك خاوەن هێز و ڕزگاركەی ئەفریقا پێشنیاری دراوی هاوبەشەی كرد، وڵاتانی ئەفریقاش بۆ دەرچوون لە ژێر كۆت و بەندی فەرەنسا بە پێشنیارەكە ڕازیبوون، بەڵام لە ژێر فشاری فەرەنسادا پرۆژەكە 4 جار دواخرا، چونكە فەرەنسا جگە لە هەڕەشەی سەربازی هەڕەشەی ئەوەیكرد كە دەست دەگرێت بەسەر ئەو 50% یەدەگی بانكییەی وڵاتانی ئەفریقا کە لە بانكی ناوەندی فەرەنسا دانراوە. ساڵی 2017 ئیمانوێل ماكرۆن لەكاتی سەردانەكەیدا بۆ ئەفریقا ڕایگەیاند، پرسی پێکهێنانی دراوی هاوبەشی ئەفریقی پەیوەستە بە ئاسایشی نیشتمانی فەرەنساوە، بۆیە ئەو وڵاتانە هێمنی و ئاسایش و سەقامگیری بەخۆیانەوە دەبینن كە فرانكی فەرەنسیان هەیە.

هێزەکانی سەنادید دەستیان کردووە بە ئامادەکردنی لیستی ناوی ئەندامە کۆنەکانیان بۆ ئەوەی بچنە ناو فیرقەی 60 بە سەرکردایەتی چیا کۆبانی، بڕیارە لە ماوەی 3 ڕۆژدا لیستی ناوەکان کۆتایی پێ بهێنرێت. ئەم هێزە بەپلەی یەکەم لە عەشیرەتی شەمەر پێکدێت.

ئەمڕۆ یەکشەممە ئێران بە فەرمی ڕایگەیاند کە بەشداری خولی دووەمی وتووێژەکان لەگەڵ ئەمریکا ناکات کە بڕیار بوو لە پاکستان بەڕێوەبچێت ئاژانسی ئیرنا ڕایگەیاندووە کە هۆکارەکەی دەگەڕێتەوە بۆ: داواکارییە "زیادەکان و نالۆژیکییەکانی واشنتۆن. بەردەوامی گەمارۆی دەریایی ئەمریکا لەسەر بەندەرەکانی ئێران. گۆڕینی بەردەوامی هەڵوێستەکانی ئەمریکا لە کاتی دانوستانەکاندا.

دەزگای هەواڵگری FBI هاووڵاتییەکی ئێرانی لە فڕۆکەخانەی لۆس ئەنجڵۆس دەستگیرکرد پێش ئەوەی بەرەو تورکیا بڕوات. ئەم کەسە تۆمەتبارە بە نێوەندگیری بۆ فرۆشتنی هەزاران پارچە چەک، بۆمب و درۆن لە ئێرانەوە بۆ سودان.

کەشتیەکی کۆمپانیایەکی فەرەنسی لە گەرووی هورمز تەقەی بەسەردا کراوە لە گەرووی هورمز لەلایەن بەلەمە ئێرانییەکانەوە تاوەکو ئاگاداربکرێتەوە بگەرێتەوە.