ماذا بعد! 🖤

دوامة أفكار غير منتهيه.

ابقى الروشنه وقلة الادب والاختلاط ينفكم بقى.

كلها كام سنه ولا طولت أوي70،وهترجعوا للتراب.

دا مش مكانك ياللي عايز تبقى اروش واحد ع الارض، ولا مكانك ياللي عاوزه تحتلي الكوكب.

انتوا بتحسبوها ازاي بس !

والله يجماعه مفيش حاجه ف الدنيا تستاهل تخسر جنه عرضها السموات والارض عشانها.

عمتا كلنا نقدر نلبس ديق ونبين شعرنا، ونحط ميكب ونضحك ونخرب الدنيا، بس احنا عارفين الدين بيقول أيه، وطالعين من بيوت فيه رجاله.

عاوزه تباني روشه ومفيش منك، وبنت كاريزما ومش عارفه ايه !

وتلبسي لبس مش عاوزه اقول عامل ازاي، وطرحتك سنه وهتوقع من ع شعرك، وماشي ومفكره مفيش حد قدك، انتي مقدرتيش ابوكي، هتلاقي حد يقدرك ؟

يعني ايه أهلك صارفين عليكي دم قلبك ومدخلينك كليه ولا ثانويه، وانتي بتكلمي دا وبتبص ع دا ؟

هتقول ل ربنا انا راجل ف عادي دا يعني ؟

يعني ايه تنسي مبادئك دينك، وتقعد تبص ع دي ولا تقعد تكلم دي، وطب ويوم الحساب يستا ؟

يعني ايه، تدور ع طريقه تخلي البنات تتلزق فيك، وبعدين والله اللي هيتلزقوا فيك دول، هما أصلاً ملزقين، واتلزقوا قبل كدا كتير، يعني أنت وهما حاجه مقرفه وملزقه.

أنت كدا مقرف يستا والله، أنت كدا فاضي وجواك فاضي، وهتفضل فاضي.

ازاي أنسان ممكن يعيش ع انه يسف ع دا ولا يحط ع دا، أو انه عاوز يبقى روش وأنه يكلم عشروميت بنت وأنه كدا اوڤ مفيش منه.

يعني ازاي ممكن أنسان يعيش من غير محاولات انه يكون افضل ويحقق حاجه مفيده وهدف ف حياتي.

انا مش عارفه الانسان ازاي يقبل ع نفسه الفشل !

صياح عشوائي، بس يا رب يكون هادف

بعد غياب طول من الصياح.. انا جايه اقولكم بعد اذنكم يعني أبغي اصيح👀.

عموما يعني انا مقتنعه اني استاهل كل حاجه حلوه وحنينه ف الدنيا 💗.