"ГУЛИСТОН" ЖОМЕ МАСЖИДИ

Вақт ғанимат Хазрат Жалолиддин Румий Маснавийларида бир ҳикоя келтирадилар. Рум шахрига бир ёш савдогар ташриф буюрди. Бу шахарда машхур бир тикувчи бор эди. Ёш савдогар шу чеварда кийим тиктиришни хохлади. Йўловчи мўйсафиддан чеварнинг дўкони қаердалигини сўради. Мўйсафид унга чеварнинг дўкони қаерда эканлигини тушунтириб берди ва огохлантирди: - Болам, у машхур чевар бўлгани билан, қўли эгри. Эхтиёт бўл. Мана ман деганларнинг матоларидан ўзларига билдирмай қирқиб олади. - Эх отахон, мен савдогарликни бекорга қилиб юрибманми? Ўғридан кўпини кўрибманми? Хали менинг матоларимни ўғирлайдиган ўғри туғилмаган! - Болам у жуда мохир ўғрида! - Отахон, мендан хеч нарса ололмайди. Манзилни кўрсатганингиз учун рахмат! Отахонга шу жавобни айтиб, савдогар чеварнинг дўкони томон равона бўлди. Дўконни қидириб топди. Ичидан чевар чиқиб келди. Чевар шундай мулозамат қилдики савдогарга, худди минг йиллик танишлардек кутиб олди. Савдогар чеварнинг олдига ўзи билан олиб келган қимматбахо матони ёйди. Чевар савдогарнинг ўлчамларини олиб матони қайчи билан қирқа бошлади. Ўз ишини бажараётиб Румнинг гўзал қизлари хақида гапирарди, турли хил латифалар айтарди. Латифаларнинг қизиқлигидан савдогар бошини тепага қилиб, қахқаха отиб куларди. Чевар бу онда тезлик билан матонинг бир томонини қирқиб олар ва беркитар эди. Кейинги сафар ундан хам кулгулироқ латифа айтарди. Савдогар кулаверганидан кўзлари юмилиб кетар, бу онда чевар матонинг яна бир парчасини қирқиб олиб яширар эди. Бирданига чевар жим бўлиб ўз ишини бажаришда давом этди. - Эй чевар, жуда қизиқ латифалар билар экансан. Нега жимиб қолдинг? Давом эт . . . - деди савдогар. - Эй савдогар, агар яна бир марта латифа айтсам, сенга кийим тор келиб қолади . . . деб жавоб қайтарди. Энди сизга бу қахрамонларни таништирай: Хикоядаги савдогар бу - сиз, мен, барча инсонлар. Мўйсафид эса бизга насихат қилгувчидир. У отамиз, устозимиз, хикоя, ибратли воқеа ва хоказолардир. Чевар бу дунёдир. Савдогарнинг стол устига ёйган узун матоси бизнинг умримиздир. Унинг қирқиб олаётган қимматбахо матоси эса, ўтаётган кунларимиздир. Дунё шундай, сизга кулгили, кўнгил-очар нарсаларни кўрсатиб, вақтингизни ўзининг ўткир қайчиси билан “зип” этиб қирқиб олаверади. Буни пайқамай қоласиз. Буни пайқаганингизда, кийимингиз сизга тор келиб қолган бўлади. Яъни вақтимиз жуда оз қолган бўлади дунёда. Вақтни бекор сарфламасликни бугун сизга ва ўзимга насихат қилдим. Ҳулоса ўзингиздан... https://t.me/guliston_jome_masjid

Бахт Ҳар бир инсон бу дунёда бахт-саодатни излайди ва бахтсизликдан қочади. Лекин кўп одамлар бахтни мол-дунёда, қасрларда, нафс шаҳватларида ёки дунё неъматларининг кўплигида деб ўйлайдилар. Аллоҳ таоло айтади: “Биз дедик: Эй Одам! Албатта бу (шайтон) сенга ва жуфтингга душмандир. Шаксиз у сизларни жаннатдан чиқариб қўймасин, акс ҳолда бахтсиз бўлиб қоласан.” (Тоҳа сураси) Яна Аллоҳ таоло айтади: “Ким Менинг ҳидоятимга эргашса, у адашмайди ҳам, бахтсиз ҳам бўлмайди. Ким Менинг зикримдан юз ўгирса, албатта унга танг ҳаёт бўлади ва Қиёмат куни уни кўр ҳолда тирилтирамиз.” (Тоҳа сураси 123–124) Агар инсон дунёдаги барча қасрларга эга бўлса, лекин унинг қалбида Аллоҳга имон, Аллоҳдан розилик ва Аллоҳнинг ҳидояти бўлмаса, у ҳақиқий бахтга эга бўлмайди. Бунинг яққол мисолларидан бири — Иброҳим ибн Адҳам раҳимаҳуллоҳдир. Унинг отаси Хуросон подшоҳларидан бири эди. У ҳам отасидан кейин подшоҳ бўлди. Лекин у подшоликни, қасрларни ва дунё лаззатларини ташлаб, Аллоҳнинг розилигини излаш йўлига кирди. У жуда содда ҳаёт кечирган. Кўпинча қуруқ нон еган. Нон жуда қаттиқ бўлиб кетганда эса уни Дажла дарёсининг сувига ботириб, кейин еган. Шунда ҳам у шундай дер эди: “Аллоҳга қасамки, биз шундай бир ҳаётдамизки, агар подшоҳлар ва подшоҳларнинг ўғиллари бизнинг қалбимиздаги лаззатни билсалар, уни олиш учун биз билан қиличлар билан урушган бўлар эдилар.” Одамлар бахтни излаб саёҳат қиладилар, мол-дунё тўплайдилар, дунё лаззатларидан баҳраманд бўлишга ҳаракат қиладилар. Лекин ҳақиқий бахтни топа олмайдилар. Аллоҳ таоло айтади: “Бахтли бўлганлар эса жаннатдадирлар, у ерда абадий қоладилар.” “Бахтсиз бўлганлар эса дўзахдадирлар.” Агар сен ҳақиқий бахтни изласанг, билгинки: Ҳақиқий бахт — Аллоҳни зикр қилишдадир, — Аллоҳга имон келтиришдадир, — амалларда ихлос қилишдадир, — Пайғамбаримиз соллаллоҳу алайҳи васалламнинг суннатларига эргашишдадир, — Аллоҳга дуо қилишдадир, — ва одамларга озор бермасликдадир. Ким мана шу нарсаларни топса, у дунёда ҳам, охиратда ҳам ҳақиқий бахтга эришган бўлади. Аллоҳдан ўзим ва сизлар учун мағфират сўрайман. Ундан мағфират сўранглар. Албатта, У — Ғафур ва Раҳимдир. https://t.me/guliston_jome_masjid

Ассалому алайкум ва раҳматуллоҳи ва баракотуҳ! Якшанба кунингиз файзли ўтсин!  «Аллоҳ Сизга хотиржамлик ва омонлик берсин». Ушбу сокин дам олиш куни қалбингизга илиқлик ва тинчлик олиб келсин.  Аллоҳим! Оиламизга қут-барака, хонадонимизга тинчлик ва танимизга соғлик бер. Ҳафта давомидаги чарчоқлар ўрнини гўзал хотиралар ва қувончли дақиқалар эгалласин. Оилавий бахтимиз боқий бўлсин.  Каналга обуна бўлинг

"ГУЛИСТОН" МАСЖИДИДА ГЎЗАЛ МАВЛИД ВА МАЪРУЗА! Абу Ҳурайра розияллоҳу анҳудан ривоят қилинади: “Жума кунида бир соат борки, мусулмон банда намоз ўқиб, Аллоҳдан бирор нарсани сўраган ҳолида ўша соатга тўғри келса, Аллоҳ унга сўраганини албатта беради”. Азиз мухлислар! Муборак Мавлиди Шарифга марҳабо! Саййидул айём — Жума кунининг файзи ва баракасидан баҳраманд бўлиш, қалбларни Расулуллоҳ соллаллоҳу алайҳи васалламга солавотлар билан нурафшон этиш ҳамда жамоат билан хайрли дуоларга шерик бўлиш бахтини бой берманг! ЖУМА АЁМИ МУБОРАК БУЛСИН

#Muslim_podcast  📱🗣BIR-IKKI HADIS BILISH — ILM EGASI BO‘LISHMI? 🎙 Ekspert: G‘ulomiddin domla Xolboyev – O‘zbekiston musulmonlari idorasi Fatvo markazi direktori o‘rinbosari, Toshkent islom instituti oʼqituvchisi 🎞Toʼliq👉FULL HD: @Muslim_podcast_uzdakoʼring! 📝 Mazkur podkastDin ishlari bo‘yicha qo‘mitaning xulosasi asosida tayyorlandi. 🥺Telegram🛍Instagram 🤪Facebook😍YouTube 🟢 MUSLIM.PODCAST.UZ GA 📲 OBUNA BO'LING ✅ VA ULASHING🗣

#xabar #anjuman #film 🗣🌙 Халқаро анжуманда 500 нафар иштирокчига Ўзбекистондаги диний-маърифий ислоҳотлар ва Муфтий ҳазратлари фаолиятига оид фильм намойиш этилди ✅Ўзбекистон мусулмонлари идораси Матбуот хизмати 📱 ISHONCHLI VA RASMIY MANBA📲 OBUNA BO'LING ▶️ YouTube | 📷Instagram | 🔵 Facebook

Расулуллоҳ_мўъжизалари Расулуллоҳ соллаллоҳу алайҳи ва салламни ўлдиришни хоҳлаган эди, Аллоҳ таоло уни хор қилди  Жобир розияллоҳу анҳудан ривоят қилинади:  «Ғаврос ибн Ҳорис исмли моҳир жангчи бўларди. У ўз қавмига: “Сизлар учун Муҳаммадни ўлдираман”, деди. Қавми: “Қандай қилиб ўлдирасан?” деб сўрашди. Ғаврос: “Уни ўлдираман”, деди яна ва Расулуллоҳ соллаллоҳу алайҳи ва салламнинг ҳузурларига борди. У зот ўтирар, қиличлари қинида турган эди.  Ғаврос: “Эй Муҳаммад! Қиличингга бир назар ташласам, майлими?” деб сўради. Расулуллоҳ: “Ҳа”, дедилар. У қилични қинидан олди ва ҳавода силкий бошлади. Аллоҳ таоло уни босиб қўйди.  Ғаврос: “Эй Муҳаммад! Мендан қўрқмайсанми?” деди. Расулуллоҳ соллаллоҳу алайҳи ва саллам: “Йўқ! Сендан қўрқмайман!” деб жавоб бердилар. “Қўлимда қилич бўлса ҳам, мендан қўрқмайсанми?” деб сўради. Расулуллоҳ: “Йўқ! Аллоҳ мени сендан ҳимоя қилади”, деб айтдилар.  Ғаврос қилични қинига солди ва Расулуллоҳ соллаллоҳу алайҳи ва салламга қайтариб берди. Шундан кейин Аллоҳ таоло:  “Эй имон келтирганлар! Аллоҳнинг сизларга (берган) неъматини эсланг: бир қавм (кишилари) сизларга қўл кўтариш (ҳужум қилиш)ни ният қилганида, қўлларини сизлардан қайтарган эди. Аллоҳдан қўрқинг! Мўминлар фақат Аллоҳга таваккул қилсинлар!” (Моида, 11) оятини туширди» Абу Нуъайм ривояти. https://t.me/guliston_jome_masjid

Мажлислар омонатдир Жобир ибн Абдуллоҳ розияллоҳу анҳудан ривоят қилинади. Расулуллоҳ соллаллоҳу алайҳи васаллам дедилар: “Мажлислар омонатдир. Фақат уч мажлис бундан мустасно: ноҳақ қон тўкиш, ҳаром шаҳвоний алоқа (зино) ва ноҳақ молни тортиб олиш ҳақидаги мажлислар” (Имом Абу Довуд ривояти). “Мажлислар омонатдир”, яъни одамлар йиғилган ҳар қандай мажлисда айтиладиган гаплар омонат ҳисобланади. Агар суҳбатдошлар маълум бир гапнинг сир сақланишини истасалар ёки вазият шуни тақозо этса, у ҳолда у гапни бошқаларга тарқатиш жоиз эмас. Бунга қуйидагилар киради: шахсий сирлар; оилавий маслаҳатлар; ишхона ёки ташкилот йиғилишлари; давлат ишларига оид махфий суҳбатлар; фақат иштирокчиларга тегишли бўлган маълумотлар. “Омонат” дегани фақат мол-мулкни сақлаш эмас, балки сирни, маълумотларни ва эшитилган гапни ҳам сақлашни ўз ичига олади. Нима учун мажлис омонат деб аталган? Чунки одамлар бир-бирига ишониб, эркин маслаҳатлашиши ва дардини айтиши учун уларнинг гаплари ташқарига чиқмаслиги зарур. Агар мажлисда ёки бирор йиғинда қатнашган киши эшитганларини бошқаларга тарқатаверса, одамлар бир-бирига ишонмай қўяди, ғийбат ва чақимчилик кўпаяди, муносабатлар бузилади, жамиятда ўзаро ишонч йўқолади. Шу боис солиҳ салафлар мажлис сирини ошкор қилишни омонатга хиёнат деб ҳисоблашган. “Фақат уч мажлис бундан мустасно...” яъни баъзи ҳолларда сир сақлаш мумкин эмас. Агар бир киши: “Мен фалончини ўлдирмоқчиман ёки унга зарар етказмоқчиман” деса ва унинг бу иши жиддий экани маълум бўлса, уни яшириш жоиз эмас. Балки қотилликнинг олдини олиш учун тегишли масъулларни ёки ҳуқуқни музофаза қилувчи ташкилотлар вакилларини огоҳлантириш шарт. “Ҳаром шаҳвоний алоқа (зино)”. Агар бир киши зино қилиш ёки бировнинг номусига тажовуз қилиш нияти борлигини билдирса, бу ҳақда ҳам сукут қилиш мумкин эмас. Бундай ҳолда жабрланувчини ёки бунинг олдини оладиган масъул шахсларни огоҳлантириш лозим бўлади. “Ноҳақ молни тортиб олиш”. Агар кимдир ўғрилик, фирибгарлик қилишни, бировнинг ҳақини тортиб олишни режалаштираётганини айтса, бу сирни ҳам сақлаб туриш жоиз эмас. Чунки бу бошқаларнинг ҳақига тажовуздир. Хўш, шундай вазиятга дуч келган киши қандай йўл тутиши лозим? Аввало, ўша одамга насиҳат қилинади ва Аллоҳдан қўрқиши эслатилади. Агар у фикридан қайтмаса ва хавф ҳақиқий бўлса, зарарнинг олдини олиш учун тегишли шахсларга хабар берилади. Бу хабар бериш фақат жиноятни тўхтатиш бўлиши керак, одамни шарманда қилиш ёки обрўсини тўкиш эмас. Хулоса қилиб айтганда, барча ҳадислар каби мазкур ҳадис ҳам мўмин-мусулмонларга жуда муҳим ахлоқий қоидани ўргатади: мажлисда эшитилган гаплар омонат ҳисобланади ва уларни эгасининг розилигисиз тарқатиш асло мумкин эмас. Бироқ агар бу сирни сақлаш оқибатида инсоннинг жонига, номусига ёки мол-мулкига катта хавф туғилса, зарарнинг олдини олиш учун шу ҳақда хабар бериш баъзи ҳолларда вожиб бўлади. Шу тариқа Ислом ҳам омонатни сақлашни, ҳам одамларнинг ҳаёти, номуси ва мол-мулкини муҳофаза қилишни таъминлайди. https://t.me/guliston_jome_masjid

“Имомлар қуёши” кимлар? “Шамсул аимма” илмий унвон бўлиб, маъноси – “Имомлар қуёши” демакдир. Бу унвон Ислом илмлари, айниқса, фиқҳ соҳасида жуда юксак мақомга эришган айрим йирик уламоларга берилган. Манбаларда бу унвон қуйидаги машҳур тўрт уламога нисбатан қўлланади: 1. Абдулазиз ибн Аҳмад Ҳалвоний (ёки Ҳалвоий) – “Шамсул аимма” унвонини олган илк машҳур ҳанафий фақиҳлардан бири ҳисобланади. У Бухоро илм муҳитининг йирик намояндаси бўлиб, кўплаб шогирдлар етиштирган. 2. Муҳаммад ибн Аҳмад Сарахсий – ҳанафий мазҳабининг энг буюк фақиҳларидан бири. У ҳам “Шамсул аимма” унвони билан машҳур бўлган. Ривоятларга кўра, у ўн икки мингга яқин рисолани ёд билган ва машҳур “ал-Мабсут” асарини зиндонда туриб шогирдларига айттирган. 3. Бакр ибн Муҳаммад Заранжарий – айрим тарихий манбаларда унга ҳам “Шамсул аимма” унвони берилгани қайд этилади. 4. Имом Кардарий – машҳур аллома, машриқ фақиҳи ва йирик ҳанафий олими бўлиб, Шамсул аимма Абул Ваҳда Муҳаммад ибн Абдусаттор Имодий Кардарий Ҳанафий Баротқиний номи билан танилган. “Кардарий” нисбаси Хоразм вилоятининг қадимий Кардар (ҳозирги Туркманистон ҳудуди, Тошҳовуз вилоятига яқин) шаҳрига бориб тақалади. Демак, “Шамсул аимма” расмий ёки оммавий тарзда ҳар кимга бериладиган унвон эмас, балки ислом илмлари, хусусан, ҳанафий фиқҳида улкан хизмат қилган ва замонасининг энг етук олимлари сифатида эътироф этилган шахсларга берилган шарафли илмий унвондир. https://t.me/guliston_jome_masjid

#xushxabar #anjuman #taqdirlash 🤝 Муфтий Шайх Нуриддин Холиқназар ҳазратларига нуфузли мукофот — Имом Қарофий номидаги "Фатво соҳасидаги юксак хизматлари учун" халқаро мукофот топшириш жараёни ✅Ўзбекистон мусулмонлари идораси Матбуот хизмати 📱 ISHONCHLI VA RASMIY MANBA📲 OBUNA BO'LING ▶️ YouTube | 📷Instagram | 🔵 Facebook

#xushxabar #taqdirlov #muftiy #anjuman 📢 ХУШХАБАР: МУФТИЙ ҲАЗРАТЛАРИ "ФАТВО СОҲАСИДАГИ ЮКСАК ХИЗМАТЛАРИ УЧУН" ХАЛҚАРО МУКОФОТИ БИЛАН ТАҚДИРЛАНДИ

🌙 Миср пойтахти Қоҳира шаҳрида бўлиб ўтаётган халқаро анжуманнинг тантанали очилиш маросимида Ўзбекистон мусулмонлари идораси раиси, муфтий Шайх Нуриддин Холиқназар ҳазратлари нуфузли мукофот — Имом Қарофий номидаги "Фатво соҳасидаги юксак хизматлари учун" халқаро мукофоти билан тақдирландилар.

⏺Юксак мукофотни Миср Араб Республикаси бош муфтийси, Бутунжаҳон фатво идоралари ва ҳайъатлари Бош котибияти раиси, профессор Назир Муҳаммад Айёд, Миср вақф вазири доктор Усома ал-Азҳарий ҳамда Халқаро Ислом фиқҳи академияси бош котиби доктор Қутб Мустафо Сано кабилар тантанали равишда топширдилар.

💬 Сўзга чиққан нотиқлар Ўзбекистонда диний-маърифий соҳада олиб борилаётган кенг кўламли ислоҳотларни юқори баҳолаб, ушбу эътироф Шайх Нуриддин Холиқназар ҳазратларининг Ислом дини маърифатини кенг ёйиш, илмий-тадқиқотларни қўллаб-қувватлаш ҳамда замонавий фатво фаолиятини янги босқичга олиб чиқишдаги фидокорона меҳнатларининг муносиб самараси эканини алоҳида таъкидлади.

🇺🇿Тақдирлаш чоғида турли мамлакатлардан келган 500 нафардан зиёд анжуман иштирокчилари эътиборига Ўзбекистондаги диний-маърифий соҳа ислоҳотлари ҳамда Муфтий ҳазратларининг кўп қиррали фаолиятига бағишланган махсус видеоролик намойиш этилди. Унда юртимиз қадимдан буюк цивилизациялар бешиги, илм-маърифат ва ислом маданиятининг муаззам маркази бўлиб келгани эътироф этилди. Шунингдек, лавҳада бугунги кунда Давлатимиз Раҳбари бошчилигида диний-маърифий соҳада амалга оширилаётган кенг кўламли янгиланишлар, нуфузли халқаро анжуманлар, муфтий Шайх Нуриддин Холиқназар ҳазратларининг самарали фаолияти, жумладан, Фатво марказининг ишга туширилиши ва мўътадилликни тарғиб этиш борасидаги салмоқли ташаббуслари атрофлича кўрсатиб берилди.

ℹМаълумот ўрнида, муфтий Шайх Нуриддин Холиқназар ҳазратлари бунга қадар ҳам бир қатор юксак мукофотларга сазовор бўлганлар: - Президентимиз фармонларига мувофиқ “Олий даражали Имом Бухорий” ордени; – Россия Федерацияси марказий диний идорасининг «Ал-Иътисом» («Ҳамжиҳатлик») медали; – Қирғизистон мусулмонлари диний бошқармасининг «Ынтымак» («Бирдамлик») медали; – «Қозоғистон мусулмонлари диний бошқармасининг 30 йиллиги» юбилей медали; – Шимолий Кавказ мусулмонларини мувофиқлаштириш марказининг «Уммат олдидаги хизматлари учун» ордени; – Россия Федерацияси Имом Бухорий номидаги диний ташкилотининг «Ал-Илм» ордени.

⏺«Фатво соҳасидаги юксак хизматлари учун» мукофоти ҳақида: Мазкур нуфузли халқаро мукофот Бутунжаҳон фатво идоралари ва ҳайъатлари Бош котибияти томонидан таъсис этилган бўлиб, буюк аллома, фақиҳ Имом Шиҳобуддин ал-Қарофий (1228–1285) шарафига номланган. Ушбу мукофот Ислом умматида мўътадиллик тамойилларини илгари суриш, бир ёқлама ва тор қарашлардан сақланиш, жамоавий ижтиҳод ҳамда фатво бериш амалиётини такомиллаштириш ва замонавий муаммоларга тўғри шаръий ечимлар ишлаб чиқишга улкан ҳисса қўшган етук уламоларга тақдим этилади.

✅Ўзбекистон мусулмонлари идораси Матбуот хизмати 📱 ISHONCHLI VA RASMIY MANBA📲 OBUNA BO'LING ▶️ YouTube | 📷Instagram | 🔵 Facebook

#xabar #anjuman #taqdirlash 🤝 Муфтий Шайх Нуриддин Холиқназар ҳазратларига нуфузли мукофот — Имом Қарофий номидаги "Фатво соҳасидаги юксак хизматлари учун" халқаро мукофот топшириш жараёни ✅Ўзбекистон мусулмонлари идораси Матбуот хизмати 📱 ISHONCHLI VA RASMIY MANBA📲 OBUNA BO'LING ▶️ YouTube | 📷Instagram | 🔵 Facebook

Ассалому алайкум ва раҳматуллоҳи ва барокатуҳ! Бугун Сешанба! 1 - Сентабр 2026 19 -  Рабиул аввал 1448 Аллоҳ таоло бугунги кунимизни барчамиз учун эзгуликларга, хайру баракаларга ва савобларга тўла қилсин! Соғ-саломат, тинчлик-хотиржамликда уйғотган Роббимизга ҳамду санолар бўлсин! Алҳамдулиллаҳ!