និស្សិតរដ្ឋបាល-RULE

✍️ សៀវភៅស្នាក់នៅ និង​សៀវភៅ​គ្រួសារ ខុសគ្នាយ៉ាងម៉េចខ្លះ? 📙📕 លក្ខណៈ​ខុសគ្នា​រវាងសៀវភៅស្នាក់នៅ និងសៀវភៅគ្រួសារ មានដូចខាងក្រោម ១.📕សៀវភៅ​ស្នាក់នៅ៖ ជាសៀវភៅ​ប្រើប្រាស់​សម្រាប់​​ជាវិធាននគរបាល​ ដើម្បី​ស្រង់​ព័ត៌មាន​អំពី​ចំនួន​មនុស្ស​ដែលស្នាក់នៅ​ក្នុងលំនៅឋាននីមួយៗ រួមទាំងលំនៅឋាន​នៃទីតាំងប្រមូលផ្តុំ។ សៀវភៅនេះ ពុំអាច​ត្រូវបាន​ប្រើប្រាស់​ធ្វើជា​ឯកសារ​សម្រាប់​អះអាង ឬបញ្ជាក់​ពីភាព​ជាកម្មសិទ្ធិ​លើ​លំនៅឋាន​បានឡើយ និង​ផ្តល់​បាន​តែមួយគត់​ជូនចំពោះ​បុគ្គល​ឬគ្រួសារ ឬក្រុមគ្រួសារ​ដែលជាម្ចាស់​ ឬជាអ្នកជួល​កំពុងស្នាក់នៅ​ក្នុង​លំនៅឋាន​អចិន្ត្រៃយ៍​ណាមួយ​ជាកំណត់ ទោះ​បុគ្គល ឬគ្រួសារ ឬក្រុមគ្រួសារ​នោះមានលំនៅឋាន​លើសពីមួយក៏ដោយ។ -បុគ្គលត្រូវចុះបញ្ជី​ស្នាក់នៅ និង​ផ្តល់​សៀវភៅស្នាក់នៅ៖ ប្រជាពលរដ្ឋ​គ្រប់រូប រួមទាំងជនបរទេស​អន្តោប្រវេសន្ត​ដែលកំពុងរស់នៅលើទឹកដី​នៃព្រះរាជាណាចក្រ​កម្ពុជា ត្រូវចុះឈ្មោះ​ក្នុងបញ្ជី​ស្នាក់នៅ និង​ទទួលបាន​សៀវភៅ​ស្នាក់នៅ​មួយ​ជាកំណត់​លំនៅឋាន​ដែលខ្លួនស្នាក់នៅ​អចិន្ត្រៃយ៍។ -បុគ្គលមិនត្រូវចុះបញ្ជី​ស្នាក់នៅ និង​ផ្តល់សៀវភៅ​ស្នាក់នៅ៖ ជនបរទេសមិនមែនអន្តោប្រវេសន្ត ដូចមានចែងក្នុងច្បាប់ស្តីពីអន្តោប្រវេសន៍, ជនបរទេសចូល​ និង​ស្នាក់នៅ​ដោយ​ខុសច្បាប់ក្នុងព្រះរាជាណាចក្រកម្ពុជា, កងយោធពលខេមរភូមិន្ទ កងរាជអាវុធហត្ថ និងកងនគរបាល​ជាតិ​ដែល​កំពុងរស់នៅ​ប្រមូលផ្តុំ​ក្នុងបន្ទាយ​មិនចាត់ទុកជាលំនៅឋាន ប៉ុន្តែបុគ្គលទាំងនោះ​ត្រូវចុះឈ្មោះ​ក្នុងបញ្ជី​ស្នាក់នៅតាមលំនៅឋានអចិន្រ្តៃយ៍ជាមួយក្រុមគ្រួសារ​រៀងៗខ្លួន។ ២.📙សៀវភៅគ្រួសារ៖ ជាសៀវភៅ​ប្រើប្រាស់​​សម្រាប់​បញ្ជាក់​ពីចំណងញាតិ​ភាព​ដែលមាន​សញ្ជាតិខ្មែរ​រួមមានសហព័ទ្ធ (ប្តីឬប្រពន្ធ) កូនបង្កើត ឬកូនស្មុំ។ សៀវភៅ​នេះ ពុំអាចត្រូវបានប្រើប្រាស់​ធ្វើជាឯកសារ​សម្រាប់​អះអាង​ ឬបញ្ជាក់​ពីភាព​ជាកម្មសិទ្ធិ​លើលំនៅឋាន​បានឡើយ។ -បុគ្គល​ត្រូវចុះបញ្ជី​គ្រួសារ និងផ្តល់​សៀវភៅ​គ្រួសារ៖ គ្រួសារ​ដែលមាន​សមាជិក​ជាសញ្ជាតិខ្មែរ និង​កំពុង​រស់នៅ​អចិន្រ្តៃយ៍ លើទឹកដី​នៃព្រះរាជាណាចក្រ​កម្ពុជា។ ចំពោះសមាជិក​គ្រួសារ​ដែលមានសញ្ជាតិខ្មែរ​ ហើយកំពុងរស់នៅក្រៅប្រទេស​ត្រូវបានចុះឈ្មោះ​ជាមួយឪពុកម្តាយ​ដែលកំពុង​ស្នាក់នៅ​អចិន្ត្រៃយ៍ លើទឹកដី​នៃព្រះរាជាណាចក្រកម្ពុជា។ -បុគ្គល​មិនត្រូវចុះបញ្ជីគ្រួសារ និងផ្តល់សៀវភៅគ្រួសារ៖ ជនប្រទេសគ្មានសិទ្ធិ​ចុះបញ្ជី​គ្រួសារ និងប្រើប្រាស់​សៀវភៅ​គ្រួសារ​នេះឡើយ៕ 👉ពេលទៅ​ធ្វើសៀវភៅ​ស្នាក់នៅ-សៀវភៅគ្រួសារ កុំភ្លេចយកឯកសារទាំងនេះដាក់​តាមខ្លួន! •​ ​សេចក្ដីចម្លង​សំបុត្រ​កំណើត​ ​ឬ​ ​សេចក្ដីចម្លង​បញ្ជាក់​សំបុត្រ​កំណើត​ ​•​ ​អត្តសញ្ញាណ​ប័ណ្ណ​សញ្ជាតិ​ខ្មែរ​ ​•​ ​សំបុត្រ​អាពាហ៍​ពិពាហ៍​ ​(​បើ​មាន​)​ ​•​ ​លិខិតអនុញ្ញាត​ផ្លាស់ប្ដូរ​ទីលំនៅ​ ​ពី​នគរបាល​ប៉ុស្តិ៍​រដ្ឋបាល​ ​ទីកន្លែង​ចាស់​ដែល​សាមីខ្លួន​ធ្លាប់​រស់នៅ​ ​(​ប្រសិនបើ​មានការ​ផ្លាស់ប្ដូរ​ទីកន្លែង​រស់នៅ​)​ ​។​ ២​.​ ​សៀវភៅ​ស្នាក់នៅ​ ​សា​ម៉ី​ខ្លួន​ដែល​ជា​អ្នក​ចង់​កែតម្រូវ​ត្រូវ​ទៅកាន់​ប៉ុស្តិ៍​នគរបាល​រដ្ឋបាល​ ​និង​ ​ត្រូវ​ភ្ជាប់​ឯកសារ​ ​មួយចំនួន​ដូច​ខាងក្រោម​ ​៖​ ​ ​•​ ​សៀវភៅ​ស្នាក់នៅ​ ​•​ ​សេចក្ដីចម្លង​សំបុត្រ​កំណើត​ ​ឬ​សេចក្ដីចម្លង​បញ្ជាក់​សំបុត្រ​កំណើត​ ​•​ ​អត្តសញ្ញាណ​បណ្ណ​សញ្ជាតិ​ខ្មែរ​ ​•​ ​សំបុត្រ​អាពាហ៍​ពិពាហ៍​ ដកស្រង់ចេញពី៖ សេចក្តីណែនាំ​ស្តីបែបបទ និងនីតិវិធី​នៃការងារ​ចុះបញ្ជី និងគ្រប់គ្រង​ការស្នាក់នៅ របស់​អគ្គនាយកដ្ឋានអត្តសញ្ញាណកម្ម

ប្ដីប្រពន្ធរៀបការរួចដឹកគ្នាទៅចុះសំបុត្រអាពាហ៍ពិពាហ៍ មានអត្ថប្រយោជន៍ អេតាស៊ីវិល សម្រាប់ ប្ដី/ប្រពន្ធ ទើបរៀបការរួច ១. ជា ប្ដី ប្រពន្ធ ស្របតាមផ្លូវច្បាប់ ដែលមិនអាចរំលាយទៅវិញបាន តាមទំនើងចិត្តរបស់ខ្លួនឡើយ ២. ទ្រព្យសម្បត្តិរួម ក្រោយអាពាហ៍ពិពាហ៍ ត្រូវចែកគ្នាស្មើនៅពេលលែងលះ ៣. កាន់តែមានសុភមង្គល និងជឿទុកចិត្តគ្នា ពេលមានសំបុត្រ អាពាហ៍ពិពាហ៍ ៤. ទទួល មរតក ស្របច្បាប់ ៥. ចុះសំបុត្រកំណើត ឬបញ្ជាក់សំបុត្រកំណើតកូន ៦. ធ្វើប្លង់ ដី ឬ ផ្ទះ ៧. ធ្វើសៀវភៅស្នាក់នៅ សៀវភៅគ្រួសារ ៨. ការពារប្រឆាំង នឹងទ្វេពន្ធភាព ( ការពារប្រឆាំង ការមានប្ដីច្រើន ឬមានប្រពន្ធច្រើន ) ៩. ជួយការពារទ្រព្យសម្បត្តិរួមរបស់ ប្ដី ប្រពន្ធ ១០. ទទួលអាហារកិច្ច ពេលឱពុកម្ដាយ លែងលះគ្នា ១១. គ្មានអំពើហិង្សា ចំពោះកូន ១២. ការគាំទ្រ ដល់កូន។

ការជ្រើសរើសអ្នកស្ម័គ្រចិត្តសម្រាប់ព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ដែលជាព្រឹត្តិការណ៍ប្រវត្តិសាស្ត្រមួយដ៏អស្ចារ្យ និងជាមោទកភាពរបស់កម្ពុជាក្នុងនាមជាម្ចាស់ផ្ទះបានមកដល់ហើយ 🏟🇰🇭 -ទទួលពាក្យ៖ ថ្ងៃទី០១ ខែកុម្ភៈ ដល់ថ្ងៃទី០១ ខែមីនា ឆ្នាំ២០២៣ -ចុះឈ្មោះ៖ www.cambodia2023.com/en/volunteer-register #អ្នកស្ម័គ្រចិត្ត #SEAGames32 #aseanparagames12 #កីឡាបៃតង #CleanGreenSport

ឱកាសល្អ! មន្ទីរពេទ្យជាតិ តេជោសន្តិភាព ជ្រើសរើសមន្ត្រីជាប់កិច្ចសន្យាចំនួន ៣០០នាក់ (ផុតកំណត់៖ ១០ កុម្ភៈ ២០២៣)

កុំភ្លេចចូល ដើម្បីទទួលបាននូវពុទ្ធិថ្មីៗ

បណ្ណាគារសាមគ្គីពុទ្ធិ មានកិត្តិយសសូមជូនដំណឹងដល់សាធារណជនទាំងអស់ឱ្យបានជ្រាបថា៖ បណ្ណាគារសាមគ្គីពុទ្ធិ បានរៀបចំវេទិកាអំណានដើម្បីកម្ពុជា នៅថ្ងៃសៅរ៍ ទី២៨ ខែមករា ឆ្នាំ២០២៣ នាពេលខាងមុខនេះ។ សូមជម្រាបជូនថា វេទិកាអំណានដើម្បីកម្ពុជា ផ្ដោតលើវិស័យអប់រំ និងជំរុញការអាន ដែលជាផ្នែកមួយយ៉ាងសំខាន់ ក្នុងការរួមចំណែកកសាងធនធានមនុស្សនៅកម្ពុជា ជាពិសេសដាស់ស្មារតីយុវជនដើម្បីធ្វើយ៉ាងណាបង្កើតវប្បធម៌អំណាន ការចែករំលែកនៅកម្ពុជាឱ្យបានទូលំទូលាយ។ កាលបរិច្ឆេទ៖ ២៨ មករា ២០២២ ពេលវេលា៖ ៣:០០ដល់ ៥​: ០០ ល្ងាច ទីកន្លែង៖ Google meeting សម្រាប់ការចុះឈ្មោះចូលរួមដោយឥតគិតថ្លៃ៖ https://forms.gle/iUu9YZmZMGvGNghZ8 ចុះឈ្មោះរួចកុំភ្លេច Join telegram group https://t.me/+OYyx16j3XFAxOTA1 ផងណា។ បណ្ណាគារសាមគ្គីពុទ្ធិ គឺជាបណ្ដុំចំណេះដឹង និងការចែករំលែកដើម្បីសង្គមជាតិ។ ដើម្បី Join https://t.me/Samkeapute តំណរភ្ជាប់នៅក្នុងតេលេក្រាម ។ #បណ្ណាគារសាមគ្គីពុទ្ធិ

គិតមុនគូរ សូមប្រយ័ត្ន! ទម្លាប់៦យ៉ាង របស់អ្នករៀនថ្នាក់បរិញ្ញាបត្រ ពេលរៀនចប់អាចដើរទាត់ខ្យល់​ប្រយ័ត្នប្រយែង​ផង Team RULE កនយើង​ ........................ ឈាន​ជើង​ចូល​ដល់​ថ្នាក់​ឧត្ដម​សិក្សា គឺ​ជា​ជំហាន​មួយ​ឆ្ពោះ​ទៅ​រក​អនាគត​ដ៏​ល្អ ប៉ុន្តែ​ទន្ទឹម​នឹង​នោះ ការ​កសាង អភិវឌ្ឍ​ខ្លួន​អំឡុង​ពេល​សិក្សា​កាន់​តែ​សំខាន់​ទៀត ដើម្បី​ទទួល​បាន​នូវ​ភាព​ជោគជ័យ។ ខាង​ក្រោម​នេះ ជា​ការ​ចែក​រំលែក​បទ​ពិសោធន៍ ពី​​សាស្ត្រាចារ្យបង្រៀន​នៅ​សាកល​វិទ្យាល័យ ពី​ទម្លាប់​មួយ​ចំនួន​របស់​អ្នក​សិក្សា​ច្រើន​តែ​រៀន​ចប់​ហើយ មិន​ទទួល​បាន​ភាព​ជោគជ័យ។ ១. ខ្សោយ​ផ្នែក​ទំនាក់ទំនង ឱកាស​ទទួល​បាន​បទពិសោធន៍ ចំណេះដឹង និង​ឱកាស​ផ្សេងៗ​ជាច្រើន​ទៀត សុទ្ធ​តែ​ផ្ដើម​ចេញ​ពី​ទំនាក់ទំនង។ ហេតុអ្វី​បាន​ទំនាក់ទំនង​សំខាន់​សម្រាប់​អ្នក​សិក្សា? សំណួរ​នេះ​មិន​ពិបាក​ឆ្លើយ​ទេ ព្រោះ​មនុស្ស​ម្នាក់​ៗ ​មិន​អាច​រស់​នៅ​ក្នុង​សង្គម​តែ​ម្នាក់​ឯង​ ដោយ​មិន​មាន​ទំនាក់ទំនង​ឡើយ ជា​ពិសេស​អ្នក​សិក្សា​នេះ​តែ​ម្ដង។ មិន​ពូកែ​ទំនាក់ទំនង​ ក៏​មិន​ខុស​អី​ពី​រង់ចាំ​ឱកាស​ធ្លាក់​ពី​លើ​មេឃ​ដែរ។ ២. មិន​ទម្លាប់​បង្កើន​ភាព​ក្លាហាន ភាព​ក្លាហាន​ក៏​សំខាន់​ណាស់​ដែរ បើ​នៅ​តែ​គិត​ថា ខ្លួន​ឯង​ធ្វើ​មិន​បាន មិន​ហ៊ាន​សួរ មិន​ហ៊ាន​ឆ្លើយ នោះ​ក៏​គ្មាន​ថ្ងៃ​រីក​ចម្រើន​ដែរ។ ត្រូវ​ដឹង​ថា ភាព​ក្លាហាន​នាំ​ឲ្យ​យើង​ឆ្ពោះ​ទៅ​មុខ​ជានិច្ច បើ​យើង​ជ្រើស​រើស​ដើរ​ផ្លូវ​ត្រូវ។ ៣.ទម្លាប់​ពឹង​ផ្អែក​អ្នក​ដទៃ ការ​សិក្សា​ដើម្បី​ឲ្យ​តែ​បាន​ពិន្ទុ និង​សិក្សា​ដើម្បី​ចេះ​ពិត​ប្រាកដ​ គឺ​ខុស​គ្នា ហើយ​អនាគត​ក៏​ខុស​គ្នា​ដែរ។ ទម្លាប់​អ្នក​សិក្សា​មួយ​ចំនួន មិន​បាន​ដាក់​ចិត្ត​ដាក់​កាយ​រៀន​ឲ្យ​ចំជា​រៀន​នោះ​ទេ បែរ​ជា​គិត​ថា​ធ្វើ​យ៉ាង​ណា​យក​សញ្ញាបត្រ​ឲ្យ​បាន។ ដូច្នេះ​ហើយ​ជានិច្ចកាល​គេ​តែង​អាង​មិត្ត​រួម​ក្រុម មិន​ខិត​ខំ​លើ​កិច្ច​ការ​ស្រាវជ្រាវ តែង​ខ្ចី​សៀវភៅ​គេ​យក​ទៅ​ចម្លង តែង​សុំ​ថត​ចម្លើយ​ពេល​ប្រឡង​ជាដើម។ ៤. មិន​ចេះ​គ្រប់​គ្រង​ពេល​វេលា ពេលវេលា​ពិត​ជា​សំខាន់​បំផុត បើ​ប្រើ​ពេល​វេលា​ខុស មិន​ចំ​គោលដៅ ចូល​ចិត្ត​ប្រើ​ពាក្យ​រង់ចាំ​ស្អែក សុទ្ធ​តែ​បង្អាក់​ការ​រីកចម្រើន​របស់​ខ្លួន​ឯង។ ភាព​ភ្លើតភ្លើន​ ភាព​ភ្លេច​ខ្លួន​ អាច​នាំ​ទៅ​រក​ភាព​បរាជ័យ​ក្នុង​ជីវិត​សម្រាប់​អ្នក​មក​រៀន​នៅ​ភ្នំពេញ។ ដូច្នេះ​ហើយ​ត្រូវ​ជៀសវាង​ធ្វើ​រឿង​ដែល​ឥត​ប្រយោជន៍​ដូច​ជា ការ​សេពគប់​ជាមួយ​មនុស្ស​ភ្លើតភ្លើន ដើរលេង​ចំណាយ​លុយ​ដែល​ឪពុក​ម្ដាយ​ខំ​ឱ្យ ធ្វើ​ខ្លួន​ហ៊ឺហា​មិន​មើល​មាឌ​​ ត្រូវ​ជៀសវាង​ដាច់​ខាត។ ដូច្នេះ​គួរ​ចំណាយ​ពេល​ធ្វើ​រឿង​ដែល​មាន​ប្រយោជន៍​ច្រើន​ដូច​ជា ការ​សិក្សា​ភាសា​បរទេស រៀន​កុំព្យូទ័រ សិក្សា​ស្រាវជ្រាវ​ជាដើម។ ៥. ចាប់​យក​ជំនាញ​ព្រោះ​ហេតុផល​ណា​មួយ ការ​ចាប់​ជំនាញ​ដែល​កំពុង​ត្រូវ​ប៉ាន់​តម្រូវ​ការ​ទីផ្សារ​ការងារ គឺ​ជា​រឿង​សំខាន់​មួយ តែ​អ្វី​ដែល​កាន់​តែ​សំខាន់​នោះ គឺ​សិក្សា​ឲ្យ​ត្រូវ​នឹង​ទេពកោសល្យ និង​សមត្ថភាព​របស់​ខ្លួន។ ការ​ជ្រើស​រើស​ជំនាញ​ ព្រោះ​ហេតុផល​ណា​មួយ ដូចជា៖ កត្តា​គ្រួសារ កត្តា​តាម​មិត្តភក្ដិ នឹង​ធ្វើ​ឲ្យ​ខាត​បង់​ពេល​វេលា ចេះ​មិន​ច្បាស់​លាស់។ ៦. សិក្សា​លើ​តែ​ជំនាញ​មួយ​មុខ ជំនាញ​ពិត​ជា​សំខាន់​ដើម្បី​ឆ្ពោះ​ទៅ​រក​គោល​ដៅ​ដែល​យើង​ចង់​បាន តែ​បើ​មាន​តែ​ជំនាញ​តែ​មួយ​មុខ ក៏​មិន​អាច​ឆ្លើយ​តប​នឹង​តម្រូវ​ការ​ទីផ្សារ​ការងារ​បាន​ដែរ។ ដូច្នេះ​ហើយ​ក្រៅ​តែ​ជំនាញ​អ្នក​សិក្សា គួរតែ​ចេះ​ឲ្យ​ច្បាស់នូវ​ភាសា​អង់គ្លេស កុំព្យូទ័រ ការ​ចូល​កម្មវិធី​បណ្ដុះបណ្ដាល​នានា និង​វគ្គសិក្សា​ខ្លី​ៗជា​ច្រើន​សម្បូរបែប​ទៀត។ យ៉ាង​ណា​ក្ដី និស្សិត​ក៏​ត្រូវ​ប្រុង​ប្រយ័ត្ន​ចំពោះ កម្មវិធី​សិក្សា​ទាំង​នោះ​ផង​ដែរ ត្រូវមើល​ប្រភព​ឲ្យ​បាន​ច្បាស់​លាស់

រូបសញ្ញា (Mascot) តំណាងស៊ីហ្គេមនៅកម្ពុជា ២០២៣ គឺជាទន្សាយពីរ ឈ្មោះ បូរី (ឈ្មោល) និងរំដួល (ញី) ក្នុងឯកសណ្ធានក្បាច់គុនបុរាណនៃក្បាច់គុនល្បុក្កតោ។ -ទន្សាយឈ្មោល ដាក់ឈ្មោះ "បុរី" ដែលតំណាងឲ្យសាមគ្គីភាព។ -ទន្សាយញី ដាក់ឈ្មោះ "រំដួល" ជាផ្កាតំណាងជាតិកម្ពុជា។ ទន្សាយ ជាតួអង្គគួរឱ្យស្រឡាញ់ក្នុងរឿងនិទានខ្មែរ ដែលបង្ហាញពីតម្លៃដ៏ខ្លាំងក្លាក្នុងការបង្រៀនរបស់ពុទ្ធសាសនា គឺការបំផុសគំនិត តម្លាភាព យុត្តិធម៌ ចំណេះដឹង និងការជួយក្នុងសហគមន៍។ ជម្រើសនៃទន្សាយក៏បញ្ជាក់ពីសមភាពយេនឌ័រក្នុងកីឡា៕ Via: Kampuchea Thmey Media #SEAGames32 #ASEANParaGames12

មុខវិជ្ជា៖ នីតិមុខងារសាធារណៈ (សង្ខេប) បង្រៀនដោយសាស្រ្តាចារ្យបណ្ឌិត៖ ស៊ន សុឃន (ទីប្រឹក្សាក្រសួង នៃក្រសួងមុខងារសាធារណៈ)