និស្សិតរដ្ឋបាល-RULE

អត្ថន័យថ្ងៃបុណ្យមាឃបូជា មាន ៥ ប្រការ ថ្ងៃមាឃបូជា ខ្ញុំសូមវន្ទា ត្រៃរតនា ឱវាទបាតិមោក្ខ ស្អាងស្អាតអស្ចារ្យ បេះដូងសាសនា ជាខ្លឹមនៃធម៌ ។ បាបកុំប្រព្រឹត្ត ធ្វើតែសុចរិត កុសលបវរ សមាធិបញ្ញា ម៉ត់ហ្មងឲ្យស ជម្រះឲ្យល្អ បរិសុទ្ធសន្តាន។ ព្រះជន្មសង្ខារ សូមដាក់ហើយណា ឥតមានប្រែប្រាណ ៣ ខែខាងមុខ នឹងបរិនិព្វាន យកធម៌ជាស្ពាន កុំបីប្រមាទ។✨ជាថ្ងៃតែងតាំង នូវសាវ័កខ្លាំង ស្តាំឆ្វេងដ៏ស្អាត បញ្ញាខ្លាំងក្លា និងឬទ្ធិដ៏កាច ជួយមិនប្រមាទ ការងារសាសនា។ ✨បានសម្រេចហើយ សារីបុត្តអើយ អរហន្តចាស់ក្លា បញ្ញាលើសគេ ក្រោមតែសាស្តា ១ អង្គទេណា សាវ័កដៃស្តាំ ។ ✨អត្ថន័យទាំង ៥ ចូរអ្នកចងចាំ ខ្លឹមមាឃបូជា ជាខ្លឹមនៃធម៌ បេះដូងសាសនា ធ្វើឲ្យបានណា ឱវាទបាតិមោក ។ 🍂ខ្លឹមសារសំខាន់ថ្ងៃមាឃបូជា! ១. ជាថ្ងៃប្រកាសចេញនូវឱវាទបាតិមោក្ខ ខ្លឹមនៃធម៌ បេះដូងនៃសាសនា (១.មិនប្រព្រឹត្តអំពើបាបទាំងពួង, ២.ធ្វើកុសលឲ្យដល់ព្រម, ៣.ធ្វើចិត្តឲ្យបរិសុទ្ធ)។ ២. ជាថ្ងៃប្រជុំចតុរង្គសន្និបាតសង្ឃ ប្រកបដោយអង្គ ៤ គឺ (១.ជាថ្ងៃពេញបូរមីខែមាឃ, ២. សង្ឃនិមន្តមកជួបជុំគ្នា មានចំនួន ១.២៥០ អង្គ ដោយមិនបានព្រៀងទុក, ៣.ភិក្ខុសង្ឃទាំងអស់ សុទ្ធតែជាព្រះអរហន្ត, ៤. ភិក្ខុសង្ឃទាំងអស់សុទ្ធតែជាឯហិភិក្ខុ)។ ៣. ជាថ្ងៃដាក់ព្រះជន្មសង្ខារថា ៣ ខែខាងមុខ ព្រះតថាគតនឹងបរិនិព្វាន។ ៤. ជាថ្ងៃប្រកាសតែងតាំងអគ្គសាវ័កស្តាំឆ្វេង (ព្រះសារីបុត្រនិងព្រះមោគ្គល្លាន)។ ៥. ជាថ្ងៃដែលព្រះសារីបុត្របានសម្រេចជាព្រះអរហន្តលើលោក ជាមហាសាវ័កទី ១ ប្រសើរលើសភិក្ខុដទៃ ក្នុងចំណោមសាវ័កដែលមានបញ្ញាទាំងឡាយ។

៣ ត្រូវធ្វើពេលរើសជំនាញរៀន នៅសាកល: 1. ត្រូវតែជាជំនាញដែលខ្លួនស្រលាញ់ (Passion) 2. ត្រូវតែជាជំនាញដែលខ្លួនគិតថាពូកែ (Skill) 3. ត្រូវតែជាជំនាញដែលមានតម្រូវការទីផ្សារពិត (Market) 🚫 ៣ ហាមដាច់ខាត ពេលរើសជំនាញរៀន: 1. ហាមរើសជំនាញ តាមគេ តាមឯង តាមBFF 2. ហាមរើសជំនាញ ព្រោះគិតថាវាអាចរកលុយស្រួល 3. ហាមរៀនសិន ចាំដឹងថាអត់ចូលចិត្ត ឬពិបាក ចាំឈប់វិញ។ 👉🏻 ៣ ត្រូវធ្វើពេលកំពុងរៀនសាកល: 1. ឆ្នាំទី១ ត្រូវផ្តោតលើការរៀន និងស្រាវជ្រាវជំនាញពាក់ព័ន្ធនឹងជំនាញខ្លួនកំពុងរៀន ឲ្យអស់លទ្ធភាព 2. ឆ្នាំទី២ + ៣ ត្រូវស្វែងរកការងារហាត់ការដើម្បីដកស្រង់បទពិសោធន៍ 3. ឆ្នាំ ចុងក្រោយ ដាច់ខាត ត្រូវតែមានការងារធ្វើ និងអាចរកចំណូលបានដោយខ្លួនឯង។ 👨🏻‍🎓 ៣ ត្រូវធ្វើពេលរៀនចប់: 1. រៀនបង្កើតផែនការជីវិត កំណត់គោលដៅរយៈវែង 2. រៀនសន្សំលុយ បង្កើតខ្ទង់ចំណាយ ត្រូវចេះរៀនវិនិយោគ 3. រៀនធ្វើការទំនាក់ទំនងជាមួយមនុស្សក្នុងសង្គម, មានការដឹងគុណអ្នកមានគុណ ឪពុកម្តាយ, ចូលរួមជួយសង្គមជាតិ និង យុវវ័យជំនាន់ក្រោយ។

បណ្ណាគារសាមគ្គីពុទ្ធិ មានកិត្តិយសសូមជូនដំណឹងដល់សាធារណជនទាំងអស់ឱ្យបានជ្រាបថា៖ បណ្ណាគារសាមគ្គីពុទ្ធិ បានរៀបចំវេទិកាអំណានដើម្បីកម្ពុជា នៅថ្ងៃសៅរ៍ ទី២៨ ខែមករា ឆ្នាំ២០២៣ នាពេលខាងមុខនេះ។ សូមជម្រាបជូនថា វេទិកាអំណានដើម្បីកម្ពុជា ផ្ដោតលើវិស័យអប់រំ និងជំរុញការអាន ដែលជាផ្នែកមួយយ៉ាងសំខាន់ ក្នុងការរួមចំណែកកសាងធនធានមនុស្សនៅកម្ពុជា ជាពិសេសដាស់ស្មារតីយុវជនដើម្បីធ្វើយ៉ាងណាបង្កើតវប្បធម៌អំណាន ការចែករំលែកនៅកម្ពុជាឱ្យបានទូលំទូលាយ។ កាលបរិច្ឆេទ៖ ២៨ មករា ២០២២ ពេលវេលា៖ ៣:០០ដល់ ៥​: ០០ ល្ងាច ទីកន្លែង៖ Google meeting សម្រាប់ការចុះឈ្មោះចូលរួមដោយឥតគិតថ្លៃ៖ https://forms.gle/iUu9YZmZMGvGNghZ8 ចុះឈ្មោះរួចកុំភ្លេច Join telegram group https://t.me/+OYyx16j3XFAxOTA1 ផងណា។ បណ្ណាគារសាមគ្គីពុទ្ធិ គឺជាបណ្ដុំចំណេះដឹង និងការចែករំលែកដើម្បីសង្គមជាតិ។ ដើម្បី Join https://t.me/Samkeapute តំណរភ្ជាប់នៅក្នុងតេលេក្រាម ។ #បណ្ណាគារសាមគ្គីពុទ្ធិ

សញ្ញាណទូទៅនៃនីតិ និង មុខងារសាធារណៈ បង្រៀនដោយឯកឧត្ដមបណ្ឌិត ហួរ ឈុនគ្រី នៃ

អ្វីទៅសេវាសាធារណៈ? បង្រៀនដោយសាស្រ្តាចារ្យ​ ចេង សុជាតិ នៃសាកលវិទ្យាល័យភូមិន្ទនីតិសាស្រ្ត និងវិទ្យសាស្រ្តសេដ្ឋកិវ្វ

#តើគួរប្រឡងចេញឬសរសេរសារណា?🤔 👉សម្រាប់និស្សិតកំពុងសិក្សានៅសាកលវិទ្យាល័យជាពិសេសនិស្សិតឆ្នាំទី៣ ពិតជាមានចម្ងល់ច្រើនណាស់ហើយទាក់ទងនឹងផ្លូវដែលខ្លួនត្រូវជ្រើសដើរក្នុងពេលខាងមុខ... តើគួរប្រលងចេញ ឬ សរសេរសារណា? 💁 📌 តោះមកមើលពីគុណសម្បត្តិនៃការសរសេរសារណា៖ - យើងមានឱកាសក្នុងការធ្វើការសិក្សាស្រាវជ្រាវយ៉ាងស៊ីជម្រៅទៅលើប្រធានបទអ្វីមួយ និងជាថ្នាលមួយបណ្តុះបណ្តាលឱ្យយើងយល់ដឹងពី វិធីសាស្រ្តស្រាវជ្រាវ និងនីតិវិធីប្រមូលទិន្នន័យ ដើម្បីចងក្រងបានជាឯកសារផ្លូវការមួយដែលសាលាទទួលស្គាល់។ - សាលាបានលើកទឹកចិត្តអោយសិស្សសរសេរ ច្រើនជាងប្រលងចេញ ហេតុដូច្នេះហើយគឺអ្នកដែលជ្រើសរើសយកការ ការពារសារណា លំដាប់ពិន្ទុរបស់គាត់មិនងាយធ្លាក់ទេ លុះត្រាតែគាត់សរសេរអត់បានការអី្វសោះតែម្តង ទើបគាត់មិនអាចឡើងការពារបានល្អ។ - ក្នុងរយៈពេល៤ឆ្នាំនៃការសិក្សាថ្នាក់បរិញ្ញាបត្ររបស់យើង យើងអាចបន្សល់ទុកនូវស្នាដៃសិក្សាស្រាវជ្រាវរបស់យើងមួយនៅក្នុងបណ្ណាល័យសាលាដែរ។ 📌 លក្ខណៈសម្បត្តិនៃការប្រលងចេញ : - ការប្រលងជាកត្តាជំរុញមួយអោយនិស្សិតយកចិត្តទុកដាក់លើមេរៀន រួមទាំងការរំលឹក និងអនុវត្តមេរៀនចាស់ៗដើម្បីទទួលបានចំណេះដឹងកាន់តែច្រើន ហើយកាន់តែច្បាស់។ ដូច្នេះ ការប្រលងចេញគឺជាឱកាសល្អសម្រាប់និស្សិតដែលចង់ពង្រឹង ក៏ដូចជាសាកល្បងនូវចំណេះដឹងរបស់ខ្លួនចំពោះមុខវិជ្ជាទាំងឡាយដែលខ្លួនបានរៀន រីឯនិក្ខេបបទអាចអោយនិស្សិតសិក្សាស្រាវជ្រាវលើប្រធានបទជាក់លាក់ណាមួយអោយបានសុីជម្រៅ។ - ក្នុងរដូវកាលកូវីដសាលាបិទ ហើយធ្វើសារណាទាមទារអោយមានការជួបសាស្រ្តាចារ្យណែនាំ បើជួបតាមអនឡាញ ប្រសិទ្ធភាព និងលទ្ធផលនៃការយល់ដឹង អាចនឹងជួបផលលំបាកច្រើន។ - មិនអស់ធនធាន(ថវិកា ពេលវេលា): ពេលដែលអ្នកសម្រេចចិត្តធ្វើសារណា អ្នកត្រូវចំណាយថវិកាផ្ទាល់ខ្លួនទៅលើការបោះពុម្ព ចំណាយលើឯកសារ និងការស្រាវជ្រាវនានា ការចុះនៅទីតាំងផ្ទាល់ ពេលខ្លះអាចចុះទៅតាមខេត្តទៀតផង ដោយផ្អែកលើប្រធានបទដែលអ្នកបានជ្រើសរើស។ - មានពេលវេលាគ្រប់គ្រាន់ក្នុងការធ្វើការងារក្រៅម៉ោង ឬហាត់ការងារទៅតាមស្ថាប័នផ្សេងៗ ដើម្បីទទួលបានបទពិសោធន៍ការងារបន្ថែមក្រៅពីការផ្អែកលើការសិក្សានៅសាលាតែមួួយមុខ។ ក្នុងចំណុចនេះ អ្នកគួរប្រៀបធៀបរវាង ការរកការងារធ្វើ ការសរសេរសារណា ឬក៏ធ្វើការងារបណ្តើរសរសេរសារណាបណ្តើរ? 👉 សរុបមកវិញ ការសរសេរសារណា និងការប្រលងចេញ មានទាំងគុណតម្លៃ និង អត្ថប្រយោជន៍ផ្សេងៗគ្នា តែអ្វីដែលសំខាន់អ្នកចេះ ជ្រើសរើសយកជម្រើសមួយណាដែលផ្អែកលើលទ្ធភាពជាក់ស្តែងរបស់អ្នក និងការប្តេជ្ញាចិត្តរបស់អ្នកប៉ុណ្ណោះ។ Credit RULErs