لهفّه

٦ / ٩ / ٢٠٢٦

‏بعض الليالي مامرتني مرور الكرام ‏احداثها مُحزنه وامراضها مُزمنه ‏وأنا اللي أقصى طموحاته يعيش بـ سلام ‏فاقد شعور السلام الداخلي كم سنه ‏انا الحزين الحزين اللي عليه الكلام ‏وأنا الغريب الغريب المغترب بـ وطنه ‏ياصاحبي صاحبك ماهو على مايرام ‏ الحزن مثّر على نفسّيته وبدنه

‏سجد قلبي على رمل الضلوع و هزَّه التنهيد ‏و أنا في جوفي خيام الندم و الخوف منصوبه ‏يا ربَّ أفهق هلاكي و المنايا و الدروب بعيد ‏ما دام المودماني للتراب تقوده دروبه ‏يا غيَّاث الضوامي و الثمام وجرهديِّ البيد ‏أعذني من جهنم و الحشر و الموت و كُروبه ‏أنا ماني بـ لا مُشرك و لا فاسق و لا عربيد ‏أنا إللي لا عصى و أخطأ تجهَّم و أقلقه ثوبه ‏و أنا إللي يرتجف مثل إرتجاف الخايف الرعديد ‏ليا شاف القبور الضيقات و حسَّ بـ ذنوبه ‏أنا عبدك ولد عبدك وجدَّاني أهل التوحيد ‏خطاياي أخجلتني يا الله الغفران و التوبه ‏أنا الإنسان حمَّال النقايض و الكمد و الكيد ‏غريق الطين و اللَّذات من راسه لـ عرقوبه ‏أنا عبدك يا ربِّي و أنت تفعل ما تشاء و تريد ‏سألتك يا الله العفو العظيم و هيِّن دروبه

‏لا تخليني غريب الدار وانا . . في بلادي !!

‏كيف أوصفّكْ يا وجهٍ بـ حسنه سماوي ‏وأنت حسنك ملى سمع الحياة وبصرها ‏جادلٍ يوم جات الريح في ثوب غاوي ‏كل ما جت تعرّيها سترها شعرها ‏ضاع عقل الرزين وتاه طرف الحياوي ‏بين لولو قلادتها — و لولو ثغرها

‏في رحاب عيونك الحور ينقال القصيد ‏من عشق مثلك يْعشق القصيد ويكتبه ‏شاعر ٍثروة قصيده معَ إنفاقه تزيد ‏يجلبه من مبسم الغيد ما يستجلبه ‏كل هيفاء ودهّا تِلهمه عن كل جيد ‏وكل شاعر ودّه إنّه لنفسه ينسبه

‏مرحبابك في محلك ورى عوج الضلوع ‏في مكان مابه حدٍ ! بـ وسطه خاشرك ‏ㅤ ‏أنت لو واصلتني من ربوع إليّا ربّوع ‏داري وش هي ظروفك وقلبي عاذرك

‏كل ما أسمع من يقول التجربة حلوه ومرّه ‏قلت يا إنسام الصبا لو تسمحين إخذي و هاتي ‏الغلا في داخل ضلوعي و في عيني مقرّه ‏يا الفريد إللي سطا حبك على عقلي و ذاتي ‏ أنت من حبيت خيره و أنت من حبيت شره ‏و أنت من يطري علي من وين ما تطري غناتي ‏الجمال إللي طلع فوق الثراء مطلاع درّه ‏من يلوم إللي ليا شاف الحلا سوا سواتي ‏كل يوم أصافح طيوفك غلا مدري مبرّه ‏ووين ما لديت أشوفك وجهتي ف أربع جهاتي ‏ما قدرت اعيش لذات الحياه المستمرّه ‏لا بغيت أواكب الحاضر رجعت ل ذكرياتي ‏كل حاجه معك ما تسوا لها مثقال ذره ‏كيف لا وانا على شانك زهدت ف تضحياتي ‏المكانة يا حبيبي في ضلوعي مستقره ‏ما يحركها المطر و الريح لو الريح عاتي ‏يوم جيتك جيّت اللي يدري إن الموت مره ‏تاركِ من خلفي الدنيا وأهلها و أمنياتي ‏ايه و اللي نفسي ب يده ورزقي و المجرّه ‏انك إللي تستحق أفضلك عن مغرياتي ‏مستعد أفرش لك الفرحه و البسك المسرّه ‏بس أبي تحفظ غرامي زين يا زينة حياتي

‏ما في قلبي أماكن خاليه .. و لا معي قلبين ‏و لا عندي فضول اقول للطارق من الطارق ؟ ‏يا باب الحب خلك هكذا مغلق ليوم الدين ‏يكفيني غياب .. اللي حضوره يصنع الفارق !

‏سوالفكّ .. تمحى الليل وتقصّر المشوار ‏وجمالك لو اسولف به .. اتطوّل الرمسه ‏انا ماعرف احبك بـ خلسه ، احب اجهار ‏ولو انك تقولين انا احبك .. بـ همسه ‏تمرين وعيون البني تشخص الابصـار ‏تروحين .. وكبود الرعابيب منحمسه ‏معك خمس ميزات ولو تقول وش تختار ؟ ‏من الواحد اليا الخمسه ، افضّل الخمسه

‏سرى الليل وأنا أراقبك يا بارد الذعذاع ‏و صدري حزين و سيرة النوم مرفوضه ‏ماغير اجتلد وأقوم وأهدّي الأوضاع ‏ورغم الهدو أحس في داخلي فوضه ‏اشك الجبال احيان ماهيب فوق القاع ‏تقول انها بين السراجيف معروضه ‏صدوف الدهر تأخذ من الراحه استقطاع ‏مثل بنك الإسلامي يوم يستقطع قروضه ‏أنا فاقد من ضلوع صدري ثلاث أرباع ‏ونفسي من اللي شافت ماهي بـ محظوظه ‏ياوجدي على عمر فقدته وحلمٍ ضاع ‏ومن ضاع حلمه مستحيل احدٍ يعوضه ‏ياليت الزمن نقدر نسوّي له استرجاع ‏لكن دبرة الله فوق الإنسان مفروضه ‏سمحنا من اللي عايشٍ جو الاستلكاع ‏وعقليته عقليه الطفل فـ الروضه ‏ما ندري طويل لسان ولا طويل ذراع ‏اليا صار فـ أعراض البشر يعلن عروضه ‏قواعد سلوم الناس من راي و استطلاع ‏عسى من سعى في كسرها ينكسر حوضه ‏اشوف الجفاء يشرى واشوف الجميل يباع ‏وانا اخاف بكره لا يصير الردى موضه

‏هموم الليالي فـ الصدر دول يردف دول ‏بديت استشك .. انه قبر ماهو بـ صدري  ‏  ‏يمر الحزن !.. و انظر له بنظرة المخذول ‏إلين استمد القوه " بـ حسنك العفري " ‏مضاد الحزن و ملاوعه ريقك المعسول ‏لو إن الثمن عمري فدا !.. يا بعد عمري  ‏تعاطيت حبك بعد ما شفت له مفعول ‏ بـ تأثيرك النفسي .. و تأثيرك السحري ‏اشوفك غزالٍ !.. يرتعد لا لمح له ( زول ) ‏و اعيد النظر لا شفت فستانك النمري ‏تميزتي .. بـ زينك على " فارعات الطول " ‏هو اللي يدور الحول : عاده على خبري ‏طقوس المسا عندك يكون القمر مذهول ‏و تغنين !.. و يلاحيك فوق الغصن قمري ‏و تزف البشاير فـ المطر : وجنه و مجدول  ‏و يصير السحاب إليا سقى غرتك .. مغري ‏حبيبك .. لو يشوف الغلا خالف المعقول ‏ماشاف الغلا واجد .. على عودك المبري ‏أشوف الخطا منك : و أقول الخطا مقبول ‏على كثر ما تخطين أسامح !.. و أنا مدري  ‏تساما الغدر .. فـ يديك حتى و أنا مقتول ‏من المفترض اشكر يدينك !.. على غدري

‏على البال ،ياللي تحسب اني من السالين ‏وانا في جميع حبال الأمال ، متجود ‏على كثر مابيني وبينك ، من الغالين ‏وشهب السنين ، مدلهة كل متعود ‏آوقف على باب الرجاء فيك ، لاذالحين ‏مثل وقفة اللي لاتقدم ولاعود

‏المدايح ماتليق الا على الرجل الوليده ‏ليت من يمدح ردي يقبض بترويج الاشاعه

‏على وَسْق الليَالي ما لقيت من الحقايق عِدَّ ‏أباعد شرهتي والله عليم بـ ْشرهة أصحابي ‏أشوْف إنّ السنين الأوَّله : بَيْن الغضب ، والوِدّ ‏مسافاتٍ .. تجدّد خطوتي ، وتضيِّق رحَابي ! ‏لو إني ما تدارَكتْ المشاعر ، والسهر ، والجِدّ ‏مضى عمْري وأنا أكسِّر غصوني ، وأطرد أسرابي ‏حبيبي أعرِفك .. وأنت متوزِّع بَين ضدّ وضدّ ‏ولكني أحبَّك ، وأعشق اِسمك يا أخر أحبابي ‏أمِلّ من الديَار الموْحشة ، وأنزل معك، وأشدّ ‏عسى دارك تبرِّد خاطري .. وتداري أعصابي ! ‏أعرْفك سيفٍ - إن مرَّ الحنايا - كن ما له حدّ .. ‏أنا أستعذّب طعونه لو يخطّ الموت فـْ كتابي .. ‏أقول إنك سؤال أحيان ، وأحيانًا أشوفك رَدّ ‏أنا يا الله وِش جاري علي ، ووش هي أسبابي ؟ ‏لو إني ما تحايل .. مثل خصرك يا رهيْف القَدّ ‏لا زلت أشدّ لك شدّ الركاب لـْ حكمة أعرابي ‏عشان الضحكة اللي ما لها بين الخلايق نِدّ ‏أسوق أقصى معاذير الغلا ، وأشدِّد ركابي ‏لو إنه ما وقف بيني وبينك فـ البسيطة : حَدّ ‏أنا اللي واقفٍ بيني وبينك : « دمعة أهدابي » ‏أنا أولى بالهوَى ، ودموع عينك ، والهدب ، والخدّ ! ‏مع إن العبرة ( اللي في خفايا صوتك ) أولى بي .. ‏إذا إنك ما دريت عن الجروح الموْجِعة ، والصدّ ؟ ‏جروحي يا حبيبي كانت أدرى فيك وأدرى بي !

‏كلّ ما مرَّت لياليك المِلاح .. وقلت : طِلّي ‏اِستردّ البال .. شرهات السنين الأوليَّة ! ‏معك قلبٍ لو يميل الوَقت كلَّه ، جايزٍ لّي ‏أعرف إنّه ما يعرف من الظنون إلَّا النقيَّة ‏جعلني ما أنسى معارِيْفه ، ولا أخلِّيه للّي ‏ما يداري رِقَّته ، وإحساسه ، وشمْسِه ، وفيَّه ‏لا تحدَّد وِش يحبَّ القلب فيك ، وِش يخلّي ‏أنت عطني من رضاك شوي ، والباقي عليَّه !

‏مايعجبني غير حرٍ مايهاب الصعاب ‏بأسه شديدٍ وقلبه لـ الحب - شجاعي

‏مساء الخير يآللي تختفي وان حضرت تبين ‏منور ولو نورك ... مغطيته آلغشوه ‏ لونك طلبت القلب ماقلت لك بعدين ‏ابهديه لك وأنت أحفظ القلب ولا أشوه

‏من كثر ماتهت في درب الخيال المريب ‏تستغرب اللي تشوف بـ وجهي المنظرة ‏تقول ليه السواد اللي بـ عينك كئيب ؟ ‏وأقول مثل السواد اللي على عنترة ‏اسري مع الليل كني يوم اخاويه ذيب ‏وانا حمامة لاجات السرب طار اكثره

‏الى متى يا اغلى البشر وانا على ذا السالفه ‏من بعد دارك والهجر يـ صاحبي شفت زهدي ‏ قلوبنا متوالفـه . . و شفوفنا متخالفـه ‏اطلب وصالك وانت تملّني وكن وقتك مدي ‏ اما اغتنم مجنون حبك بـ الوصال و والفه ‏ولا اعطني يا منوتي حريتي واطلق يدي :)