لهفّه

الله يعقل النوم علي واعتقكم 🦦

‏مل قلبٍ سج بين الاقامه والأذان ‏مثل سجت تايب تاب قد عمره كبير ‏مر دار قدَ عصى الله فيها من زمان ‏واذرفت عينه بدمع على حدَ الغزير ‏ليت عمري عشر ولا تسع ولا ثمان ‏سالمٍ شرهة سنافي وتأنيبة ضمير ‏واخوياي محددين ومعي مثل الخوان ‏اربعه ثلاثه ثنين خمسه ب الكثير

‏اه من كثر المشاعر ومن قل الكلام ‏رغم قلّه كل ماجيت باقول اغوى ‏وكل ماونّيت واذهبت من ربعي ملام ‏رحت اقول الذيب لا احتس من حاجه عوا ‏صرت اهل الدمع حتى من اصوات الحمام ‏ماهو بْمعقول اوصّل لهذا المستوى !! ‏ودي اعيّن لغاليني اطلال ، وسلام . ‏حظ ( عنتر ) يدري ان دار عبله بالجوا

‏حبايبنا القداما كيف الاحوال وصباح الخير ‏وسلام الله عليكم كثر ماغبنا وقصّرنا ‏نسيناكم وذكّرنا الزمن وآسف على التقصير ‏ وياليته نسانا ماتذكّرنا وذكّرنا ..

‏الندم و العذر ودموع الحسافه ‏مالها قيمه بعد موت الضمير ‏البحر هادي وتغرينا ضفافه ‏بس لا هاج البحر موجه غزير

‏" يوم هلّت دموعي في سجودي ‏تمنيت الأرض لها يدين وتضمني "

‏ودي اسهب في مديح " ابلجٍ " نادر هداد ‏من مجاني راس عود عريب منسبه ‏كل يوم اشوف هقواتي بعينه " وكاد " ‏وكل ما فالخاطر يوفره قبل اطلبه ‏اخطل راسه حماوي وهوماته بعاد ‏في فعول الطيب ماله من اشباهه شبه

‏ياكم قلت لك دمعي قريب ولا صدقت ‏انا واحدً من حزني ادنا ما يحزني ‏لا تفضح همومي يا حبيبي ليا دققت ‏تراك الوحيد اللي بقى لي على ضني ‏على شان ماتكرهني اتركني ليا ضقت ‏ماودي يجيك اللي ماتتوقعه مني ‏تغيرت من ظلم الليالي ومن ما ذقت ‏ولا عاد شكلي شكلي وسني ب سني ‏ابي حاجةٍ عيت عليها ظروف الوقت ‏ليا جيت اقرب صوبها تبتعد عني

بعض الرسايل تجدد ماضي أحزاني اليوم ذا ماحسبت حساب توقيته دكتور الاسنان بالميلاد هناني ودكتور قلبي بخل حتى بتهنيته

انت كنك دعوةً قلتها في سجدتين ‏شفت فضل الله تعالى علي باوقاتها 👏🏻

‏يا مناة الشاعر اللي له ايام وسنين ‏ذاق من مر الليالي ومن لذاتها ‏والله انه ما فتني سوا غروً رزين ‏الثقل في طرف عينه وفي نظراتها ‏يا حبيبي والمواصل صفاة المومنين ‏والقلوب تقول ما تخفي بـ سداتها ‏انت كنك دعوةً قلتها في سجدتين ‏شفت فضل الله تعالى علي باوقاتها ‏لا تعودني على الهجر ودروب الحنين ‏مزين إمن الحاجة اللي على مشهاتها ‏وكان راحت بك حياتك وصار الوقت شين ‏قد تعودنا على الشينة و شداتها ‏اغتنم وصلي ترا الموت شل الراحلين ‏الوصل مقطوع بين البشر وامواتها

‏انا ادرى عليك من المناقيد والغاوين ‏ولي شيمة لا يمكن تحب ماتكره ‏لك اللي ماتدري عن تفاصيله الباقين ‏ولك الخافق اللي مثل طير على وكره

‏ما كنت اشوفك بعين الشك والاحتمال ‏وما كنت اشوف المحبه تعتبر مرحله ‏اشوفك الحاجه اللي ما تساوم بمال ‏تشرا بطيب الفعل واللين والمرجله ‏معك يطيب السهر و الشعر والانعزال ‏اول مساء ما تمنيت الفجر يدهله ‏قربك غناة الفقير وشوفتك راس مال ‏شوفي بقايا الهموم قبالك مجندله

‏ذكريات العمر تاخذني لـ سجن أيامي ‏من يدين العاطفه و أحلامي الورديه ‏ ضيّقت سود الليالي صدري المتسامي ‏بـ الفراغ العاطفي واشيائه النفسيه

‏يالجناب الدمث مدري يالجناب الليّن ‏لاتعاملني بـ أنانيّه ولا سطحيّه ‏أعتبر قلبي فقير ومعسر ومتديّن ‏وانت قلبك راعي الجمعيّه الخيريّه :)

‏اتعبت نفسي في رضا الناس وازريت ‏وان قلت لك راضي فـ لانيب راضي .. ‏ ياخي امتلى صدري هموم وتناهيت ‏يا ليت صدري مثل مخباي فاضي ..

يا سمّار لا منه تجلّى ظلام الكون لا يفتنكم العفري بـ خطواته العجله انا ما نسيت اخر لقى ؛ و اليدين شلون يوادعني بـ تلويحه — و نظرةٍ خجله عليه الطواري و المساري على المغبون يكابد همومه لين ما ينتهي اجله جفولٍ يحب اللي يعرّج على لـ عيون مع ان المعاني والسلاسة تعرّج له يا كم ودي احظى في مجيّه وانا ممنون كثر ما يجيني في خيالي على رجله وأبيع العمر لـ اجله وشعر الغزل مرهون على شان اقابل ثغره وعينه النجله ..

‏لا شان طبعك وبان أسلوبك ، الممتحق ‏نشوم شوم الحرار الصارمه / دون ليه ! ‏حتى العتب ما نعاتب كون من ، يستحق : ‏واللي ما هو يستحق عتاب / نسحب عليه

‏قفلوا باب الملامه .. وجرحي لا يطيب ‏داري أن اللي يداويه .. ماهو طارقه ‏يا كثر ما كنت أنادي بصوتَ مستريب ‏وياكثر ما جفت الروح و أرضي وارقه ‏كيف كنت أشعر بغربه و أنا ماني غريب ؟ ‏كل خطوه للمواعيد ؟ كانت حارقه ‏أدري إن الألتفاته على الي راح ؟ عيب ‏بس ذاك الوجه بالذات ! صعب أفارقه ‏الفراق أصعب من الشعر بالجرح العطيب ‏و الدموع أسهل من القتل عند المارقه ‏أكثر اللي يحسبون الهوى والحب عيب ‏لو تلد عيونهم فيه .. ترجع غارقه ! ‏ياعيوني دام ماعاد لي حظ ونصيب ؟ ‏والوصل قفت رياحه وقفى بارقه ‏انطقي لي حرف واحد يكفيني ! و أغيب ‏كل كلمة من لسانك .. تراها فارقه ‏وأذكرك لا ضاقت الارض الكون الرحيب ‏عندي لرجوى مواصلك ؟ قوه خارقه ‏كيف أبنسى عينك أن مرني وقتٍ المغيب ؟ ‏دام نور عيونك السود .. شمس شارقه

‏لا يليّن خاطرك صادق عذابٍ جاني ‏لو تشوف اني من الحزن الرقيق أحنّك ‏أنت تجبرك الظروف الراهنه تجفاني ‏وأنا تفرحني الحزون اللي تجيني منّك