Myanmar Wanbao Mining Copper Limited

၅၄ ကြိမ်မြောက် ကမ္ဘာ့ပတ်ဝန်းကျင်နေ့၏ ဆောင်ပုဒ်မှာ "ပလပ်စတစ်ညစ်ညမ်းမှုကို အဆုံးသတ်ပါ" (End Plastic Pollution) ဖြစ်သည်။ ပြီးခဲ့သည့်ရက်ပိုင်းတွင် ကုမ္ပဏီသည် မြန်မာ၊တရုတ် ဝန်ထမ်း များအားသတ္တုတွင်းဧရိယာအတွင်း ခြေလျင်လျှောက်ကာ ပလပ်စတစ်အမှိုက်များကိုလိုက်လံကောက် ယူစေရန် စီစဉ်ပေးခဲ့ပြီး သတ္တုတွင်းဧရိယာ၏ဂေဟစနစ်ဆိုင်ရာ ထိန်းသိမ်း ကာကွယ်ရေး ကို သေးငယ် သည့်လုပ်ဆောင်မှုမှ စတင်၍ ဆောင်ရွက်ခဲ့ပါသည်။

မြန်မာနိုင်ငံ မိုးလေဝသနှင့် ဇလဗေဒ ညွှန်ကြားမှု ဦးစီးဌာနမှ ထုတ်ပြန်သော အချက်အလက်များအရ ချင်းတွင်းမြစ် နှင့် ဧရာဝတီမြစ် စသည့် အဓိက မြစ်ကြီးများသည် မိုးရာသီ ဝင်ရောက်လာသည်နှင့် ရေကြီးရေလျှံမှုများ ဖြစ်ပေါ်လာပါသည်။ နေရာအများအပြားတွင် မိုးရွာသွန်းမှုကြောင့် မြစ်ရေသည် လျင်မြန်စွာ မြင့်တက်လာပြီး ရေကြီးရေလျှံမှု ဖြစ်ပွားနိုင်ခြေများကြောင်းသိရှိရသည်။ ပြည်သူများ အနေဖြင့် ရေဘေးကြိုတင် ကာကွယ်ရေးနှင့် သဘာဝဘေးအန္တရာယ်လျော့ပါးရေးအစီအမံများကို အထူးဂရုပြုဆောင်ရွက်ကြပါရန် အသိပေးအပ်ပါသည်။

ကုမ္ပဏီမှ ၂၀၂၅ ခုနှစ် "ဘေးအန္တရာယ်ကင်းရှင်းစွာ ထုတ်လုပ်မှု လ" အစည်းအဝေး တစ်ရပ်ကို "လူတိုင်းဘေးအန္တရာယ်ကင်းရှင်းရေးကို နှိုးဆော်တိုက်တွန်းရန်၊ လူတိုင်း အရေးပေါ်အခြေအနေကို ကိုင်တွယ်နိုင်ပြီး မိမိအနီးဝန်းကျင်ရှိ ဘေးအန္တရာယ်ရင်းမြစ်များကို ရှာဖွေရန်" ဆိုသည့် ဆောင်ပုဒ် ဖြင့် မကြာသေးမီက ကျင်းပပြုလုပ်ခဲ့ပါသည်။လုပ်ငန်းခွင်အတွင်းဘေးအန္တရာယ်ကင်းရှင်းရေးဆိုင်ရာ အ ရည်အချင်းနှင့် အသိပညာများပိုမိုမြင့်မားလာစေရန်အတွက် ယခုလအတွင်း အထူးစစ်ဆေးမှုများ၊ ဘေးအန္တရာယ်ရင်းမြစ်ရှာဖွေမှုများ၊ ပညာပေးလေ့ကျင့်မှုများနှင့်အရေးပေါ်လေ့ကျင့်မှုများ စသည့် လှုပ်ရှားမှုအစီအစဉ်များကို ဆောင်ရွက်သွားမည်ဖြစ်ပါသည်။

ဝန်ထမ်းများ၏ ရှေးဦးသူနာပြုစွမ်းရည်များ စဉ်ဆက်မပြတ် တိုးတက် ကောင်းမွန်လာစေရန်အတွက် ကုမ္ပဏီသည် SOS ဆရာဝန်အား ဖိတ်ခေါ်၍ မြန်မာဝန်ထမ်းများအတွက် ရေနစ်ခြင်းအန္တရာယ် ကာကွယ်ရေး၏ ရှေးဦးသူနာပြုနည်းဆိုင်ရာ အသိပညာပေးခြင်းသင်တန်းနှင့်အတူ လက်တွေ့ လေ့ကျင့်မှုများကို ပြုလုပ်ပေးခဲ့ပါသည်။

မိုးရေတိုက်စားမှုကြောင့် ဖြစ်ပေါ်လာသော မြေဆီလွှာတိုက်စားခံရမှုကို ကာကွယ်ရန်နှင့် သဘာဝ ပတ်ဝန်းကျင်သာယာလှပ‌စေရန် ယခုတစ်ပတ်တွင် မိုးရာသီသစ်ပင်စိုက်ပျိုးခြင်းအစီအစဉ်၏ ပထမ အဆင့်အနေဖြင့် ကုမ္ပဏီမှ ဝန်ထမ်းများသည် တောင်ပေါ်ရေကန်လမ်းဘေးတွင် စက္ကူပန်းပင် (Bougainvillea) စုစုပေါင်း ၂၆၅ ပင်အား စိုက်ပျိုးခဲ့ပါသည်။

မိုးရာသီတွင် ရေကြီးရေလျှံ၍ တိုက်စားမှုကို ကြိုတင်ကာကွယ်နိုင်ရန်အတွက် ကုမ္ပဏီသည် လက်ပံတောင်းတောင်ကြေးနီစီမံကိန်း နယ်နိမိတ်အတွင်း ရေထိန်း တာတမံကို မကြာသေးမီက စတင် တည်ဆောက်ခဲ့သည်။

ကုမ္ပဏီဝင်းအတွင်းနှစ်ရှည်အပင်များဖြစ်သည့်သရက်ပင်၊ပိန္နဲပင်၊ငှက်ပျောပင်များနှင့်လယ်ကွင်းများရှိဖရဲသီးစသည့်စားသုံးပင်များကိုဂရုတစိုက် စိုက်ပျိုးစောင့်ရှောက်လာခဲ့ရာ သီးနှံများရင့်မှည့်၍ ကောက်ယူသည့် ကာလတို့ ရောက်ရှိလာပါပြီ။။ ၎င်းအသီးအနှံများအနက် စိန်တစ်လုံးမျိုး သရက်သီး သည် နူးညံ့ပြီး ချိုမြိန်သော အရသာရှိ၍ တရုတ်နှင့် မြန်မာဝန်ထမ်းများက အလွန်နှစ်သက်ကြသည်။

မေလ ၁ ရက်နေ့ အလုပ်သမားနေ့မတိုင်မီ ကုမ္ပဏီ၏ သက်ဆိုင်ရာ ဌာနတစ်ခုစီတိုင်း မှ တာဝန်ရှိခေါင်းဆောင်များမှ ဦးဆောင်လျက် သတ္တုတွင်းဧရိယာတွင် အရေးကြီးသော စက်ကိရိယာများ၊ အဆောက်အဦများနှင့် လုပ်ငန်းနယ်ပယ်များအား ဘေးအန္တရာယ်ကင်းရှင်းရေးဆိုင်ရာ စစ်ဆေးခြင်းလုပ်ငန်းကို တင်းကျပ်စွာ ပြုလုပ်ခဲ့ပြီး ဖြစ်နိုင်ခြေရှိသော အန္တရာယ်များနှင့် ပြဿနာများအား လုံးဝ တားမြစ်ထားသည့် ဘေးကင်းရေးထုတ်လုပ်မှု တာဝန်ယူမှုစနစ်ကို အကောင်အထည်ဖော်ဆောင်ရွက်ခဲ့ပါသည်။

ယခုအပတ်တွင် မိုင်းနင်းဌာနသည် NTE260 သတ္တုတွင်းသုံးထရပ်ကား(၁)စီး၏ အင်ဂျင်ကဲ့သို့သော အရေးကြီးအစိတ်အပိုင်းများကို စစ်ဆေးခြင်းနှင့် ပြုပြင်ထိန်းသိမ်းခြင်းဆောင်ရွက်နိုင်ရန်အတွက် တစ်ချိန်တည်းတွင် ကရိန်းနှစ်စင်းကို စီစဉ်အသုံးပြု၍ Dump Body ကြီးအား ဆွဲတင်ခြင်း လုပ်ငန်းကို အောင်မြင်စွာဆောင်ရွက်ခဲ့ပါသည်။ လုပ်ငန်းခွင်တွင် ညွှန်ကြားမှု အတိအကျဖြင့် ကရိန်းလုပ်ငန်းစဉ် ကို စနစ်တကျဆောင်ရွက်နိုင်ခဲ့ပြီး ဘေးကင်းရေးအစီအမံများကိုလည်း အကောင်အထည်ဖော် ဆောင်ရွက်နိုင်ခဲ့ပါသည်။

လက်တွေ့လုပ်ဆောင်ခြင်းဖြင့် ငလျင်ဘေးသင့်ဒေသများကို ပံ့ပိုးကူညီသွားပါမည်။ ဧပြီလ ၁၀ ရက် နေ့ တွင် လက်ပံတောင်းတောင် ကြေးနီစီမံကိန်း နှင့် စံပယ်တောင်၊ ကြေးစင်တောင် ကြေးနီစီမံကိန်းမှ ကိုယ်စားလှယ် များသည် ငလျင်ဒဏ် ပြင်းထန်စွာခံစားခဲ့ရသည့် စစ်ကိုင်းမြို့သို့ သွား‌ရောက်ခဲ့ပြီး ပြန်လည်ထူထောင်ရေးလုပ်ငန်း များအတွက်အသုံးပြုနိုင်စေရန် စီမံကိန်း မှ တရုတ်ဝန်ထမ်းများ နှင့်မြန်မာဝန်ထမ်းများမှ လှူဒါန်းသည့် ငလျင်ဘေး အလှူငွေစုစုပေါင်း ၈၄,၈၃၉,၀၆၂ ကျပ်ကို စစ်ကိုင်းမြို့ရှိ လူမှု့ကူညီရေးအသင်း(၃)သင်း သုခကာရီ၊ ပညာမောင်၊ မြင့်မြတ်သူ ထံသို့ လွှဲပြောင်းပေးအပ်ခဲ့ပါသည်။ ကျွန်ုပ်တို့အနေဖြင့် ငလျင်ဘေးဒဏ်သင့်ဒေသများရှိ ပြည်သူ များ အား လက်တွေ့ကျသော အကူအညီများ ပံ့ပိုးပေးနိုင်ရန် ဆက်လက်ဆောင်ရွက်နေပါသည်။

ကျွန်ုပ်တို့သည် ငလျင်ဘေးသင့်ဒေသများကို ကိုယ်ချင်းစာနာတရားအပြည့်အဝဖြင့် အထူးဂရုစိုက်ပြီး စဉ်ဆက်မပြတ် အကူအညီများပေးလျက်ရှိပါသည်။ ငလျင်ဘေးသင့်သောဒေသ ပြည်သူများ၏ အခက်အခဲများ အမြန်ဆုံး ကျော်လွှား နိုင်စေရန် လက်ပံတောင်းတောင်ကြေးနီ စီမံကိန်းနှင့် စံပယ်တောင်၊ ကြေးစင်တောင် ကြေးနီစီမံကိန်းမှ ၂၀၂၅ခုနှစ်၊ ဧပြီလ ၉ ရက်နေ့တွင် စစ်ကိုင်း ပြည်သူ့ဆေးရုံကြီးအတွက် ကျပ်သိန်း ၅၀၀ တန်ဖိုးရှိသည့် အရေးပေါ် ဆေးဝါးများနှင့် နေ့စဥ်သုံး ပစ္စည်းများ လှူဒါန်းခဲ့ပါသည်။

လက်ပံတောင်းတောင် ကြေးနီစီမံကိန်းမှ တရုတ်နှင့် မြန်မာ ဝန်ထမ်းများသည် ၂၀၂၅ခုနှစ်၊ မတ်လ ၂၈ ရက်နေ့က ဖြစ်ပွားခဲ့သည့် မြေငလျင်လှုပ်ခတ်မှုကြောင့် ပျက်စီးဆုံးရှုံးခဲ့ရသည့် မြေငလျင် ဘေးသင့် ဒေသ နှင့် ပြည်သူများအတွက် ယနေ့ ၂၀၂၅ ခုနှစ် ဧပြီလ ၃ ရက်နေ့တွင် အလှူငွေများ ထည့်ဝင်ခဲ့ကြပါသည်။ စုစုပေါင်းအလှူငွေကျပ် ၇၅ သန်းကို အချိန်တိုအတွင်း ရရှိခဲ့သည်။အဆိုပါ အလှူငွေများကို မြေငလျင်ဘေးသင့်ဒေသများအတွက် အရေးပေါ်ကယ်ဆယ်ရေးနှင့် ပြန်လည် တည်ဆောက်ရေး အတွက် အသုံးပြုသွားမည်ဖြစ်ပါသည်။

မြန်မာဝမ်ပေါင် မိုင်းနင်းကော့ပါးလီမိတက်မှ ဝန်ထမ်းအားလုံးသည် ၂၀၂၅ခုနှစ်၊ မတ်လ ၂၈ ရက်နေ့ က ဖြစ်ပွားခဲ့သည့် အလွန်ပြင်းထန်သည့် မြေငလျင်လှုပ်ခတ်မှုကြောင့် အသက်ဆုံးရှုံးမှုနှင့် ပျက်စီးဆုံးရှုံးခဲ့ရမှုများအတွက် ယနေ့ ၂၀၂၅ခုနှစ်၊ဧပြီလ ၁ ရက်နေ့၊ မြန်မာစံတော်ချိန် ၁၂ နာရီ ၅၁ မိနစ်၊ ၀၂ စက္ကန့်တွင် ဝမ်းနည်းခြင်းအထိမ်းအမှတ်အဖြစ် ဦးညွတ်ဂါရဝပြုခြင်း ပြုလုပ်ခဲ့ပါသည်။

【တရုတ်နိုင်ငံယူနန်ကယ်ဆယ်ရေးဆေးကုသမှုအဖွဲ့ မြန်မာနိုင်ငံသို့ ရောက်ရှိ】 ဒေသစံတော်ချိန် မတ်လ ၂၉ ရက် မနက် ၇:၁၀ တွင် တရုတ်နိုင်ငံ ယူနန်ပြည်နယ်မှ ကယ်ဆယ်ရေးဆေးကုသ မှုအဖွဲ့ဝင် ၃၇ ဦး ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိခဲ့သည်။ အဆိုပါအဖွဲ့သည် မြန်မာနိုင်ငံ၏ ငလျင်ဘေးအန္တရာယ်ဖြစ်ပွားပြီးနောက် အချိန်မီ အရေးပေါ်ကူညီရန် ညဉ့်နက်အထိ ခရီးဆက်လာကာ ငလျင်ဖြစ်ပြီး ၁၈ နာရီအတွင်း မြန်မာနိုင်ငံသို့ ပထမဆုံးရောက်ရှိလာသော အပြည်ပြည်ဆိုင်ရာကယ်ဆယ်ရေးအဖွဲ့ ဖြစ်ပြီး တရုတ်-မြန်မာ အစဉ်အလာဆွေမျိုးပေါက်ဖော်ချစ်ကြည်ရေးနှင့် အေးအတူပူအမျှအသိုက်အဝန်းစိတ်ဓာတ်ကို ပြသခဲ့သည်။ ကယ်ဆယ်ရေးအဖွဲ့သည် ပျက်စီးဆုံးရှုံးမှုများသော နေပြည်တော်သို့ အမြန်သွားရောက်ကာ ကယ်ဆယ်ရေးလုပ်ငန်းများတွင် ပါဝင်ဆောင်ရွက်မည်ဖြစ်သည်။ မြန်မာနိုင်ငံဆိုင်ရာ တရုတ်သံရုံး၏ သံရုံးယာယီတာဝန်ခံ Ms. Cao Jing နှင့် ရန်ကုန်တိုင်းဒေသကြီးဝန်ကြီးချုပ် ဦးစိုးသိန်းတို့က လေဆိပ်တွင် ကယ်ဆယ်ရေးအဖွဲ့ကို ကြိုဆိုခဲ့သည်။

(တရုတ်ကယ်ဆယ်ရေးအဖွဲ့ ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိလာစဥ်။ ဓာတ်ပုံ - Chinese Embassy in Myanmar)

ယခုသတင်းပတ်အတွင်းတွင် ကုမ္ပဏီ၏ OCH ဌာနဝန်ထမ်းများသည် စက်ကိရိယာများကိုအသုံးပြု၍ MT72 Coveyor Belt တွင် ပျက်စီးသွားသော နေရာကို ပြန်လည်ပုံသွန်းခြင်း နှင့် ဆာလဖာဓာတ်သွင်းခြင်းတို့ကို ပြုလုပ်ဆောင်ရွက်ခဲ့ပါသည်။

ကျွန်ုပ်တို့ဝန်ထမ်းများအတွက် သဘာဝဆန်စွာ သန့်ရှင်းသာယာသော အလုပ်ခွင် နှင့် လူနေမှု ပတ်ဝန်းကျင် အဖြစ် ဖန်တီးပေးနိုင်ရန် ကုမ္ပဏီ ၏ logistics ဌာနသည် စွန့်ပစ် PVC ပိုက်များကို အသုံးပြုပြီး camp အတွင်း ဥယျာဉ်များစွာတည်ဆောက်၍ သစ်ပင်ပန်းပင်များစိုက်ပျိုးခြင်း ကို ယခုသတင်းပတ်အတွင်းပြုလုပ်ခဲ့ပါသည်။

ကုမ္ပဏီသည် ဝန်ထမ်းများအား ၎င်းတို့၏ လုပ်ငန်းခွင် ဘေးကင်းရေး အသိအမြင် အမြဲတမ်း နိုးကြား တက်ကြွစေရန် သတိပေးလျက်ရှိပါသည်။ လုပ်ငန်းခွင်အတွင်း ကရိန်းများအသုံးပြုရန်လိုအပ်ပါက လုပ်ငန်းမစတင်မီ ဘေးကင်းရေးလုပ်ငန်းစဉ်များကို safety ဝန်ထမ်းမှ ဝန်ထမ်းများအား ရှင်းလင်း သင်ကြားပေးပါသည်။

ယခုသတင်းပတ်အတွင်း စီနိုကားကြီး workshop သည် ပရော်ဖက်ရှင်နယ်စက်ပစ္စည်းများ အသုံးပြု၍ TR100 ကားကြီးများ၏ ဒီဇယ်ပန့် စစ်ဆေးခြင်းနှင့် ချိန်ညှိခြင်းများပြုလုပ်ခဲ့ပါသည်။

ယခုအပတ်တွင် ကုမ္ပဏီသည် လုပ်ငန်းဆောင်တာများတွင် စက်ကိရိယာများ၏ ဘေးကင်းမှုနှင့် ယုံကြည်စိတ်ချရမှုရှိစေရန်အတွက် PC2000 excavator ပြုပြင်ထိန်းသိမ်းခြင်းလုပ်ငန်း ဆောင်ရွက် ကာ bucket cylinderကို ဖြုတ်ပြီး sealing components များ အစားထိုးလဲလှယ်ခြင်းတို့ကို ပြုလုပ် ခဲ့ပါသည်။