NAVOIY VILOYATI BOJXONA BOSHQARMASI I RASMIY KANALI

МДҲга аъзо давлатлар божхона хизматлари раҳбарлари Кенгашининг 78-йиғилиши: минтақада божхона соҳасидаги ҳамкорликнинг янги босқичи!

МДҲга аъзо давлатлар божхона хизматлари раҳбарлари Кенгашининг 78-йиғилиши тафсилотлари “Ренессанс” телеканали “Овоза” информацион дастурида!

Bugun Toshkentda MDHga a’zo davlatlar bojxona xizmatlari rahbarlari Kengashining 78-majlisi bo‘lib o‘tdi. Unda tomonlar tovar kelib chiqishiga doir sertifikatlarni raqamli shaklda almashishni yoʻlga qoʻyish, tovarlarning erkin harakatlanishidagi toʻsiqlar va cheklovlarni kamaytirish, yuk tranziti harakatini tezlashtirish, tovarlarni dastlabki deklaratsiyalashda zamonaviy axborot texnologiyalarini joriy etish masalalarini muhokama qildi. Shuningdek, kontrafakt tovarlarning transchegaraviy olib oʻtilishiga qarshi kurashishda hamda moliyaviy operatsiyalarni amalga oshirishda tashqi iqtisodiy faoliyat ishtirokchilari tomonidan huquqbuzarliklarning oldini olish, aniqlash va ularga chek qoʻyishda oʻzaro axborot almashish amaliyotini kengaytirish ilgari surildi. Majlis yakunida tegishli qaror imzolandi. Kanalga ulanish: @uzauz

Аввал хабар берганимиздек, 25-26 апрель кунлари Тошкент шаҳрида Мустақил давлатлар ҳамдўстлигига аъзо давлатлар божхона хизматлари раҳбарлари Кенгашининг 78-йиғилиши доирасида бугун Ўзбекистон анжуманлар саройида йиғилишнинг асосий тадбири бўлиб ўтди. Мажлисни Ўзбекистон Республикаси Божхона қўмитаси Раиси Акмалхўжа Мавлонов очиб берди. Таъкидланганидек, Муҳтарам Президентимиз Шавкат Мирзиёев томонидан ташқи сиёсатда олиб борилаётган очиқ, фаол ва конструктив мулоқот Ўзбекистон ва МДҲга аъзо давлатлар ўртасида сўнгги 7 йилликдаги кўрсаткичларда ҳам ўзининг муносиб ифодасини топмоқда. Аҳамият беринг, Ўзбекистон ва МДҲга аъзо давлатлар ўртасида ўзаро товар айланмаси сўнгги 7 йилда 2,5 баробарга ошган. Жумладан, Арманистон билан 10 баробарга, Озарбайжон билан 8 баробарга, Тожикистон билан 5 баробарга, Беларус ва Қирғизистон билан 3 баробарга, Россия ва Қозоғистон билан 2,5 баробарга ошган. Бу эса Ўзбекистоннинг қўшни давлатлар билан чегара-божхона постлари орқали ҳаракатланаётган жисмоний шахслар ҳамда темир йўл ва авто юк транспорт воситалари мутассил ўсиб бораётганидан ҳам далолат беради. Демак, МДҲ доирасидаги мавжуд техник майдонча ва платформаларда электрон тижоратни янада ривожалантириш, бунда мавжуд тўсиқларни зудлик билан бартараф этишни даврнинг ўзи тақозо этмоқда.

Бу борада Ўзбекистон божхона хизмати сўнгги икки йилда қатор натижаларга эришди. Жумладан, хавфларни таҳлил қилиш орқали бизнесни қўллаб-қувватлашга асосланган рақамли инфратузилмага асос солинди. Йиғилишда А.Мавлонов Ўзбекистон божхона хизмати бу борадаги тажрибани ўртоқлашишга тайёр эканлигини маълум қилди. Маълумки, МДҲга аъзо давлатлар бир-бирлари йўлга қўйилган икки томонлама ҳамкорлик доирасида қатор соҳаларда ахборот алмашиб туришади. Лекин, бунда айрим маълумотларнинг ҳамон қоғоз кўринишида алмашинилаётгани ташқи савдонинг тезкорлигига ҳалал бермоқда. Масалан, томонлар бир-бирига божхона имтиёзларини тақдим қилишларида ҳал қилувчи ҳужжат саналувчи товар келиб чиқишига доир сертификатларнинг ҳамон қоғоз шаклида тақдим қилинаётганини замонавий дунёда ҳеч нарса билан оқлаб бўлмайди. Йиғилишда МДҲаъзо давлатлар ўртасида ушбу ҳужжатни рақамли шаклда алмашишни йўлга қўйиш масаласи кўриб чиқилди. Шунингдек, МДҲ доирасида товарларнинг эркин ҳаракатланишидаги тўсиқлар ва чекловларни камайтириш, юк транзити ҳаракатини тезлаштириш, товарларни дастлабки декларациялашда замонавий ахборот технологияларини жорий этишга кўмаклашиш ўзаро ҳамкорликнинг устувор йўналишларига айланиши лозимлиги таъкидланди. Йиғилишда контрафакт товарларнинг трансчегаравий олиб ўтилишига қарши курашишда ҳамда молиявий операцияларни амалга оширишда ташқи иқтисодий фаолият иштирокчилари томонидан ҳуқуқбузарликларнинг олдини олиш, аниқлаш ва уларга чек қўйишда ўзаро ахборот алмашиш амалиётини кенгайтириш илгари сурилди. Бу эса МДҲнинг 2030 йилгача бўлган даврда иқтисодий ривожланиш стратегиясида белгиланган мақсадларга биргаликда эришишда муҳим аҳамият касб этади. Мажлисда божхона назоратини ташкил этиш, кадрларни тайёрлаш ва малакасини ошириш, божхона экспертизаси, шунингдек кенгаш фаолияти ҳамда ташкилий турдаги 12 та масала кўриб чиқилди ва якуни бўйича тегишли қарор имзоланди.

Хабарингиз бор, 25-26 апрель кунлари Тошкент шаҳрида Мустақил давлатлар ҳамдўстлигига аъзо давлатлар божхона хизматлари раҳбарларининг учрашуви бўлиб ўтмоқда. Йиғилишнинг асосий тадбири - Мустақил давлатлар ҳамдўстлигига аъзо давлатлар божхона хизматлари раҳбарлари Кенгашининг 78-мажлиси Ўзбекистон анжуманлар саройида ўз ишини бошлади.

Bugun, 26-aprel kuni, Toshkent shahrida Mustaqil davlatlar hamdo‘stligiga a’zo davlatlar bojxona xizmatlari rahbarlari Kengashining 78-majlisi bo‘lib o‘tdi. Yig‘ilishda ko‘plab masalalar qatorida bojxona tizimlarida qog‘oz hujjatlar almashinuvidan voz kechib, jarayonni elektronlashtirish va mavjud to‘siqlarni zudlik bilan bartaraf etish masalasi ham muhokama qilindi. Masalan, tomonlar bir-biriga bojxona imtiyozlarini taqdim qilishga asos bo‘luvchi tovar kelib chiqishiga doir sertifikatlarning hamon qog‘oz shaklida taqdim qilinayotgani, MDHga a’zo davlatlar o‘rtasida ushbu hujjatni raqamli shaklda almashishni yo‘lga qo‘yish lozimligi ta’kidlandi. 👉 @xushnudbek 👈