Ethiopia Meteorology Institute

ዋልታ አዲስ

Etv- Afan Oromo

ኢንስቲትዩቱ እየሰጠ ያለ ትንበያ በተጨባጭ መሬት ላይ እየተከሰተ ካለው ጋር የቀረበ መሆኑን ተገለፀ ///////////////////////////////////////////////////// የኢትዮጵያ ሚቲዎሮሎጂ ኢንስቲትዩት ደንበኞቹና ባለድርሻ አካላት በተገኙበት የክረምት ወቅት ትንበያ በኢንስቲትዩቱ የሚቲዎሮሎጂ ትንበያና ቅድመ ማስጠንቀቂያ ምርምር ዘርፍ ም/ዋና ዳይሬክተር ዶ/ር አሳምነው ተሾመ ይፋ በተደረገበት መድረክ የመጪው ክረምት 2016/17 በትሮፒካል ፓስፊክ ውቅያኖስ የባህር ወለል ሙቀት ከመደበኛ በታች መሞቅ (ENSO-LA NINA) እንዲሁም የሰሜናዊ ህንድ ውቅያኖስ የባህር ወለል ሙቀት ከመደበኛ በላይ መሞቅ (Positive IOD) ሆኖ ሊቆይ እንደሚችል የሚቲዎሮሎጂ የትንበያ መረጃዎችን ዋቢ በማድረግ ማብራርያ ሰጥተዋል፡፡ ክረምት ዋነኛ የዝናብ ወቅታቸው በሆኑት የሰሜን፤ ሰሜን ምዕራብ፤ ምዕራብ፤ ደቡብ ምዕራብ፤ መካከለኛው፤ ሰሜን ምስራቅ እና ምስራቅ የሀገሪቱ አካባቢዎች ላይ ከመደበኛ በላይ ዝናብ እንደሚያገኙ በትንበያው ተመላክቷል፡፡ በተጨማሪም የደቡብ የሀገሪቱ ቆላማ አካባቢዎች ከሚጠበቀዉ Positive IOD ክስተት ጋር በተያያዘ በነሀሴና በመስከረም ወራቶች ዝናብ ሊያገኙ እንደሚችሉ በትንበያው መድረክ ላይ ተጠቁሟል፡፡ ትንበያው በግብርናው በውሃው እንዲሁም በጤናው ላይ የሚያሳድረውን ተፅዕኖ በባለሙያዎች የቀረበ ሲሆን ተሳታፊዎችም ኢንስቲትዩቱ እየሰጠ ያለ ትንበያ በተጨባጭ መሬት ላይ እየተከሰተ ካለው ጋር የተቀራረበ መሆኑን በመግለፅ ለዚህም ተቋሙ በቴክኖሎጂና በሰው ሃይል እራሱን ማብቃቱ መሆኑን ተገልጿል፡፡

የአየር ጠባይ ተጽዕኖ የሁሉንም ባለድርሻ አካላት ጉዳይ መሆኑን ተገለፀ ////////////////////////////////////////////////////////// የኢትዮጵያ ሚቲዎሮሎጂ ኢንስቲትዩት የበልግ ወቅት 2016 ትንበያ በሚገመገምበትና የክረምት 2016/17 ዓ.ም የሚኖረውን የወቅት የአየር ጠባይ ትንበያ ይፋ ለማድረግ ባዘጋጀው መድረክ ላይ የውሃና ኢነርጂ ሚኒስቴር የሚንስትሩ አማካሪ ክቡር አቶ ሞቱማ መቃሳ ባደረጉት የመክፈቻ ንግግር የአየር ጠባይ ተጽዕኖ የሁሉንም ማኅበረሰብ፣ መንግሥታዊና መንግሥታዊ ያልሆኑ ተቋማትንና ዓለም አቀፍ ድርጅቶችን የሚመለከት ጉዳይ መሆኑን የገለፁ ሲሆን ኢንስቲትዩቱም ይሄንን ኃላፊነት በዋናነት ወስዶ የሚሠራ ቢሆንም የባለ ድርሻና ተባባሪ አካላት እንዲሁም የደንበኞች ሙሉ ተሳትፎ እጅግ ወሳኝነት በመኖሩ ከዘርፉ የሚጠበቀውን የአገልግሎት ጥራት፣ መሻሻል በሚገባቸው ደረጃ እንዲሻሻሉ የአገልግሎት ሰጪውና ተጠቃሚው ሴክተሮች ቅንጅት እና ተናቦ መስራት ወሳኝ በመሆኑ የተጀመረውን ብሄራዊ የሚቲዎሮሎጂ አገልግሎት ማዕቀፍ (National Framework on Climate Service- NFCS) ተግባራዊነት የሁሉም የፌደራልና የክልል ባለድርሻ አካላት ርብርብ እንደሚያስፈልግ አሳስበዋል፡፡

የኢትዮጵያ ሚቲዎሮሎጂ ኢንስቲትዩት ዋና ዳይሬክተር መልእከት /////////////////////////////////////////// የኢንስቲትዩቱ ዋና ዳይሬክተርና በአለም የሚቲዎሮሎጂ ድርጅት የአፍሪካ አህጉር ፕሬዝዳንት አቶ ፈጠነ ተሾመ ባስተላለፉት የእንኳን ደህና መጣችሁ መልእክት ኢንስቲትዩቱ ያዘጋጀው የዛሬው መድረክ የበልግ ወቅት የአየር ሁኔታ ትንበያ ትክክለኛነትና ከወቅቱ የአየር ጠባይ ጋር ተያይዘው የተከሰቱትን መልካም አጋጣሚዎችም ሆነ ተፈጥሯዊ አደጋዎችን በተመለከተ ግምገማ የሚካሄድበትና በቀጣዩ ክረምት ወቅት፣ ሊኖር የሚችለውን የአየር ሁኔታ አስቀድሞ በመተንበይ ሊፈጠሩ የሚችሉትን ጎጂ ክስተቶች እንዲሁም መልካም የአየር ሁኔታ አስቀድሞ በመተንበይ የሀገራችን ሕዝቦች ተገቢውን ቅድመ-ዝግጅት እንዲያደርጉ የሚያስችል አቅጣጫ የሚጠቁም በመሆኑ ከፍተኛ ትኩረት መሰጠት ይገባል ብለዋል፡፡

የኢትዮጵያ ሚቲዎሮሎጂ ኢንስቲትዩት የበልግ ወቅት ትንበያ ግምገማና የክረምት ወቅት ትንበያ ይፋ የሚያደርግበት መድረክ ተጀመ።

የክልል ሚቲዎሮሎጂ አገልግሎት ማእከላት የመጡ ባለሙያዎች አዲሱን የኢንስቲትዩቱን ህንጻ ጎበኙ፡፡ /////////////////////////// ከ11ዱ የክልል የሚቲዎሮሎጂ አገልግሎት ማዕከላት የተወጣጡ የሚቲዎሮሎጂ ተመራማሪዎች ኢንስቲትዩቱ አዲስ እያስገነባ ያለውን የቦሌ ህንጻ ግንባታ ጎብኝተዋል፡፡ በጉብኝቱም የክልል ሚቲዎሮሎጂ ማስተባበሪያ ስራ አስፈጻሚ የሆኑት አቶ ሄኖክ ሀይሉ የእንኳን ደህና መጣችሁ  ንግግር  ባደረጉበት ወቅት ስለ ህንጻው ጠቅለል ያለ መረጃ ሰጥተዋል፡፡ በመቀጠልም በኢንስቲትዩቱ መሀንዲስ በአቶ ጌታቸው ኃ/ሚካኤል       የህንጻውን ውስጣዊ ይዘት ምን እንደሚመስል ያስጎበኙ ሲሆን ህንፃው ሁለት ደረጃውን የጠበቀ ዘመናዊ ስቲዲዮ፣ የተለያዩ አጫጭር ስልጠናዎች የሚሰጥባቸው ክፍሎች፣ደረጃውን የጠበቀ ቤተ መጽሐፍት፣ከ1200 በላይ ሰው የሚይዝ ዘመናዊ የመሰብሰቢያ አዳራሽ ያካተተ ህንጻ እንደሆነም አስገንዝበዋል፡፡ በመጨረሻም መንግስት ብዙ ገንዘብ ያፈሰሰበት ይህ ዘመናዊ ህንጻ ተጠናቆ በመስከረም ወር ላይ እንደሚገባ የሚጠበቅ ሲሆን በዋናው መስሪያ ቤትም ሆነ በክልል ማዕከላት የሚገኙ ሰራተኞች ሀገራችን ለሚቲዎሮሎጂ የሰጠችውን ቦታ በመገንዘብ ጠንክረው ለመስራት ዘመኑ በሚፈልገው መጠን እራስን በማብቃት ኃላፊነታችንን መወጣት ያስፈልግል የሚል መልዕክትም ተላልፏል፤ ይህ ህንጻ እዚህ ለማድረስ ደከመኝ ሰለቸኝ ሳይሉ በቅርበት ክትትል እያረጉ የሚገኙትን የኢንስቲትዩቱ ዋና ዳይሬክተር አቶ ፈጠነ ተሾመን በሌሉበት አመስግነዋል፡፡

Addis Media Network about RA-I 19th session.

NBC- About RA-I 19th Session.