Dövlət Proqramı

🎓 Dövlət Proqramı iştirakçısı Aygün Səmədli məzunu olduğu universitetdə DP çərçivəsində qazandığı təcrübəni tələbələrlə bölüşüb. ℹ️ Azərbaycan Dövlət Neft və Sənaye Universitetində baş tutmuş görüşdə o, Dövlət Proqramına qəbul prosesi, İngiltərədə təhsil, DP-nin onun şəxsi və karyera inkişafındakı rolundan bəhs edib. Eyni zamanda proqram iştirakçılarının əldə etdiyi üstünlüklər və öhdəlikləri barədə təqdimat edib. 📌 Aygün Dövlət Proqramı çərçivəsində İngiltərənin “King’s College London” ali təhsil müəssisəsində təhsil menecmenti ixtisası üzrə magistr dərəcəsi alıb. Bundan əvvəl isə ADNSU-da MBA proqramını bitirib.

💬 Dövlət Proqramına müraciət qaydaları və seçim meyarları nələrdir? Namizədlərin xüsusi olaraq diqqət etməli olduqları məqamlar hansılardır? 📢 24 aprel tarixində keçiriləcək onlayn məlumatlandırma sessiyası zamanı bizə ən çox ünvanlanan suallara, eləcə də sizi maraqlandıran xüsusi detallara toxunacağıq. 📅 Tarix: 24 aprel (cümə), saat 15:00 💻 Platforma: “Microsoft Teams” 📌 Qeyd: Vebinara mobil telefon vasitəsilə qatılmaq üçün “Microsoft Teams” tətbiqinin cihazınızda yüklü olması mütləqdir. 🔗Vebinara keçid linki: https://teams.microsoft.com/meet/41188344908054?p=3pcZ225VCH539vwfVc

🎓 Məzunlarımız nüfuzlu platformalarda iştirakları ilə fərqlənməyə davam edirlər! 📌 Dövlət Proqramı çərçivəsində Edinburq Universitetinin dövlət siyasəti ixtisası üzrə təhsilini başa vuran Cəvahir Ələkbərli XIII Qlobal Bakı Forumunda “Youth Speak, We Listen!” mövzusunda panel müzakirədə iştirak edib. ℹ️ Panel çərçivəsində müasir qlobal çağırışların həllində çoxtərəfliliyin əhəmiyyəti müzakirə edilib, gənclərin inklüziv və gələcəyə yönəlik beynəlxalq dialoqun formalaşmasındakı rolu vurğulanıb. ✔️ Paneldə həmçinin gənclərin yalnız dinlənilməsinin deyil, eyni zamanda gələcəyimizi formalaşdıracaq siyasət və həllərin hazırlanmasında aktiv iştirakının vacibliyi xüsusi qeyd olunub. Məzunumuzla fəxr edir və yaratdığı müsbət təsirin davamını arzulayırıq!

📌 Azərbaycan Respublikası Elm və Təhsil Nazirliyinin nəzdində Dövlət Proqramı İdarəetmə Qrupu və “Femida Könüllüləri” Təşkilatının birgə təşkilatçılığı ilə Dövlət Proqramının təqdim etdiyi imkanlara həsr olunmuş görüş keçirilib. Tədbir çərçivəsində təşkil olunan panel müzakirədə Dövlət Proqramı İdarəetmə Qrupunun layihə rəhbəri Qədir Xəlilov, Dövlət Neft Fondunun Strateji layihələr departamentinin rəhbəri Əli Sultanlı və “2022-2028-ci illər üçün Dövlət Proqramı” məzunu Cavid Rəhimli iştirak edib. ℹ️ Panel müzakirə zamanı Dövlət Proqramı vasitəsilə xaricdə təhsil imkanları, müraciət və seçim mərhələləri, proqramın təqdim etdiyi üstünlüklər və gələcək karyera perspektivləri barədə iştirakçılara ətraflı məlumat verilib. Həmçinin Dövlət Proqramı çərçivəsində hüquq ixtisası üzrə xaricdə təhsilə dair iştirakçıları maraqlandıran suallar cavablandırılıb. 🌐 Daha ətraflı: https://dp.edu.az/az/news/4979

📢 Dövlət Proqramına müraciət qaydaları və seçim meyarları haqqında ətraflı məlumat əldə etmək istəyirsinizsə, diqqətiniz CBC FM Azərbaycanda olsun. 📌 Dövlət Proqramı İdarəetmə Qrupunun proqram iştirakçıları ilə iş üzrə mütəxəssisi Nərmin Bünyatova sənəd qəbulu və müsahibə mərhələsinə dair sualları cavablandıracaq. 📅 17 aprel, 08:00 🎙️ CBC FM Azərbaycan (102.7 FM)

🎓 “QS World University Rankings” reytinq sistemində 8-ci sırada yer alan “National University of Singapore”da Dövlət Proqramı çərçivəsində komputer elmləri ixtisası üzrə bakalavriat pilləsində təhsil alan tələbəmiz Cəlil Hüseynov yüksək akademik göstəriciləri ilə fərqlənib. ✅ O, akademik nəticələrinə əsasən fakültə üzrə ən yüksək göstəriciyə malik tələbələrin ilk 5 faizi sırasına daxil olaraq “Dekanın siyahısı” təltifinə layiq görülüb. Tələbəmizlə fəxr edir və parlaq nəticələrinin davamını arzulayırıq!

🎓 Dövlət Proqramı iştirakçısı Fərid Ədilov BMT-nin Uşaq Hüquqları Komitəsinə 2027–2031-ci illəri əhatə edən dövr üçün seçkilərdə Azərbaycanın namizədi elan olunub. 18 müstəqil ekspertdən ibarət olan komitə "Uşaq hüquqları haqqında" Konvensiyanın icrasına nəzarət edir. Qeyd edək ki, səsvermə 23 iyun 2026-cı il tarixində BMT-nin baş qərargahında keçiriləcək. 📌 Esseks Universitetində sosiologiya və kriminologiya üzrə doktorant və müəllim köməkçisi olan təqaüdçümüz qadın parlamentarilərin qadınlara yönəlik siyasətlərə təsirini araşdırır. Fərid Ədilovun apardığı tədqiqat məişət zorakılığı, reproduktiv hüquqlar, erkən nikahlar və valideyn məzuniyyəti kimi mövzuları əhatə edir.

Tələbələrimiz nüfuzlu robot olimpiadasının növbəti mərhələsində!🏆 Bakı Mühəndislik Universiteti ilə Koreya Respublikasının İNHA Universiteti arasında icra olunan ikili diplom proqramının (BMU-İNHA İDP) tələbələri “Fibonacci” Beynəlxalq Robot Olimpiadasının Azərbaycan mərhələsində müxtəlif kateqoriyalar üzrə yüksək nəticələr əldə ediblər. İDP-nin “Elektronika mühəndisliyi” ixtisasının III kurs tələbələri Hakim Musazadə və Tahirə Bəylərovanın təmsil olunduğu komandalar müxtəlif kateqoriyalar üzrə 1-ci yerə layiq görülüblər.🥇 Həmin ixtisasın III kurs tələbəsi Ülkər Rəhimlinin üzvü olduğu komanda isə yarışda 3-cü pillədə qərarlaşıb.🥉 Qeyd edək ki, olimpiadanın növbəti mərhələsi 22-26 aprel tarixlərində Türkiyənin Antalya şəhərində keçiriləcək. Tələbələrimizi təbrik edir və növbəti mərhələdə uğurlar arzulayırıq!🎉

⌛️Daha 500 gəncin xaricdə təhsil arzusunun reallaşması üçün geri sayım başlayır – Dövlət Proqramının müraciət mərhələsinin başlamasına 30 gün qaldı! 📑 15 aprel tarixində açıq elan olunacaq sənəd qəbulu üçün tələb olunan sənədlərin siyahısı ilə www.dp.edu.az saytına keçid edərək tanış ola bilərsiniz.

"Azərbaycan müəllimi" onlayn qəzeti məzunlarımızla həmsöhbət olub. Oxumaq üçün aşağıdakı linkə keçid edə bilərsiniz: https://muallim.edu.az/dovlet-proqrami-mezunlari-qlobal-tehsildenmilli-inkisafa

Bakı Konqres Mərkəzində Dövlət Proqramı İdarəetmə Qrupunun təşkilatçılığı, Azərbaycan Respublikasının Gənclər Fondu və Azərbaycan Tələbə Gənclər Təşkilatları İttifaqının (ATGTİ) tərəfdaşlığı ilə “2022–2028-ci illər üçün Dövlət Proqramı”na dair məlumatlandırma sessiyası keçirilib. “Təhsilinlə fərqlən: Qlobal təcrübə, milli dəyər” adlı tədbirdə Dövlət Proqramı çərçivəsində təqdim olunan imkanlar, müraciət qaydaları və seçim meyarları barədə iştirakçılara ətraflı məlumat verilib. Açılış mərasimindən sonra keçirilən təqdimat hissəsində proqram mütəxəssisi və Dövlət Proqramı məzunları tərəfindən proqram haqqında geniş təqdimat edilib, həmçinin iştirakçıların sualları cavablandırılıb. Daha ətraflı: https://dp.edu.az/az/news/4974

Dövlət Proqramı məzunları üçün ADA Universitetində “Qlobal təhsildən milli inkişafa” adlı karyera sərgisi keçirilib. Sərginin məqsədi dünyanın aparıcı universitetlərində təhsil almış gənclərin milli əmək bazarına inteqrasiyasını və onların potensialının ölkənin dayanıqlı inkişafına yönəldilməsini təmin etməkdir. Tədbirdə elm və təhsil nazirinin müavini Həsən Həsənli, ADA Universitetinin prorektoru, Milli Məclisin deputatı, Elm və təhsil komitəsinin sədr müavini Fariz İsmayılzadə və əmək və əhalinin sosial müdafiəsi nazirinin müavini Rəşad Mustafayev də iştirak ediblər. Çıxışlarda insan kapitalının inkişafı, beynəlxalq təcrübənin ölkəmizə transferi və məzunlar üçün yaradılan məşğulluq imkanlarına diqqət çəkilib. 40-dan çox dövlət və özəl qurumun təmsil olunduğu sərgidə Dövlət Proqramı məzunları işəgötürənlərlə birbaşa ünsiyyət quraraq gələcək karyera imkanlarını müzakirə etmək fürsəti əldə ediblər.

Bu gün Xocalı faciəsindən 34 il ötür. Soyqırımı qurbanlarının xatirəsini hər zaman yaşadacağıq.

Dövlət Proqramının qarşıya qoyduğu əsas məqsədlər və müvafiq olaraq iştirakçılarının öhdəlikləri nələrdir? Bu imkan gənclərə hansı fürsətləri açır və iqtisadiyyatımıza necə təkan verir? Təhsilini başa vurub ölkəmizə qayıdan məzunlardan əsas gözləntilər nələrdir? Bu və daha çox suala Dövlət Proqramı İdarəetmə Qrupunun rəhbəri Turan Topalovanın iştirakı ilə baş tutmuş, İctimai TV-də yayımlanan “Sabaha Saxlamayaq” verilişinin müvafiq buraxılışını izləyərək cavab tapa bilərsiniz. Aşağıdakı keçiddən istifadə edərək verilişin tam hissəsini izləməyiniz mümkündür. https://www.youtube.com/watch?v=7mjMjzJToXA

Əziz məzunlar! Sizi Dövlət Proqramı məzunları üçün keçiriləcək “Qlobal təhsildən milli inkişafa” adlı karyera sərgisinə dəvət edirik. Sərgidə iştirak edəcək 30-dan çox nüfuzlu qurumun nümayəndələrindən mövcud vakansiyalar haqqında ətraflı məlumat ala, ixtisas və təcrübənizə uyğun karyera imkanlarını dəyərləndirə bilərsiniz. İştirak edəcək məzunlardan aşağıdakı keçiddən istifadə edərək qeydiyyat formunu doldurmaları xahiş olunur. https://forms.gle/U5bqb9DiCMT64cGo9 Tarix: 28 fevral, saat 10:30 Məkan: ADA Universiteti Diqqət! Tədbir yalnız hazırda əmək fəaliyyəti ilə məşğul olmayan Dövlət Proqramı məzunlarının iştirakı üçün nəzərdə tutulub. Tədbirə qeydiyyat üçün son tarix: 26 fevral, saat 12:00

Kembric Universiteti Azərbaycan Cəmiyyəti (CUAS) artıq rəsmi fəaliyyətə başlayıb və bu mühüm təşəbbüsün arxasında Dövlət Proqramı təqaüdçülərinin əməyi dayanır. Dünyanın ən nüfuzlu ali təhsil ocaqlarından biri olan Kembric Universiteti daxilində azərbaycanlı tələbələri bir araya gətirən bu platforma ölkəmizin mədəniyyətini, tarixini və milli maraqlarını beynəlxalq mühitdə layiqincə təmsil etməyi hədəfləyir. Tələbələrimizi dəyərli təşəbbüsləri münasibətilə təbrik edirik! Daha ətraflı: https://dp.edu.az/az/news/4967

2026-2027-ci tədris ili üzrə Dövlət Proqramı çərçivəsində sənəd qəbulunun başlama tarixi müəyyənləşib   “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı” çərçivəsində 2026–2027-ci tədris ili üzrə 15 aprel 2026-cı il tarixindən sənəd qəbuluna start veriləcək. Dövlət Proqramı çərçivəsində 2026–2027-ci tədris ili ilə əlaqədar prioritet ixtisas sahələrinə uyğun bakalavriat, magistratura və doktorantura təhsil proqramlarının nüfuzlu xarici ali təhsil müəssisələri üzrə siyahısı 12 yanvar 2026-cı il tarixində ictimaiyyətə təqdim edilib. Proqrama müraciət üçün əsas şərtlərdən biri məhz sözügedən siyahıda yer alan universitetlərdən müvafiq sahə və proqramlar üzrə qəbul sənədinin əldə edilməsidir. Tələb olunan sənədlərlə tanış olmaq və suallarınıza cavab tapmaq üçün www.dp.edu.az saytında yerləşən müvafiq elana keçid etməyiniz xahiş olunur.👇🏻 https://dp.edu.az/az/news/4966

Dövlət Proqramı məzunu BMT-nin mötəbər layihəsinin rəhbərliyində!🇺🇳 Dünyanın top universitetlərindən olan “Imperial College London” məzunu Nərmin Abdullayeva bilik və bacarıqlarını artıq Azərbaycanda tətbiq edir. O bu il Bakıda keçiriləcək BMT-nin 13-cü Ümumdünya Şəhərsalma Forumunun (WUF13) Azərbaycan Əməliyyat Şirkətinin Kommunikasiya şöbəsində müdir müavini kimi fəaliyyətə başlayıb. Uğurlu karyera yolun davamlı olsun, Nərmin!

Öyrəndiklərini və qazandığı təcrübəni dəyərə çevirən, innovativ düşünən, təşəbbüskar Azərbaycan gəncləri! Sizi Azərbaycan Gəncləri Günü münasibətilə təbrik edirik!