...

Bukmekerlik faoliyatiga qonunan ruhsat berilganini oqlayman. Qonun avval ta'qiqlaydi. Natija bo'lmasa ruhsat berishga majbur bo'ladi hamma narsada. Natija bo'lmadi. Baribir odamlarimiz qimorbozlikni davom ettiraverdi. Qadimda ham bo'lgan, hozir ham bor, keyin ham bo'ladi. Demak, legallashtirish kerak. G'ishmatlar millionlab, milliardlab pul tikadi. Bankrot bo'lib dabdalasi chiqib ketishi o'zini muammosi lekin aylanma bor joydan soliq olish kerak, tamom. Byudjetga yaxshigina pul tushadi. Endi har xil balo-qazolar, ofatlarni bunga bog'lamaslik kerak. Ya'ni endi yurtni fayzi ketib qolmaydi. Avvaldan mavjud bo'lgan faoliyat qonuniylashdi, xolos. Ursangiz ham, so'ksangiz ham, xafa bo'lsangiz ham aytaman: foxishabozlik faoliyatini ham qonunan tartibga solish kerak. Bu eng qadimiy “kasb”. Bu bilan shug'ullanadiganlar, faxshga pul tiqadiganlar qadimda ham bo'lgan, hozir ham bor, keyin ham bo'ladi. Mana qonunan ta'qiqlangani bilan biror natijaga erishilmagan. Legallashtirilsa qanday plyusi bor deysizmi? O'sha soha vakillari bo'lgan ayol-qizlarni doimiy tibbiy nazorat qilsa bo'ladi. SPIDlar yuqishi kamayadi. Baribir bu jirkanch faoliyatda ham milliardlab pul aylanadi. Aylanmadan esa soliq olish kerak. Byudjetga tushadi. Har xil baronlar shakllanmaydi. Baribir na diniy, na dunyoviy bosimlar va ta'qiqlar bilan yo'q qilib bo'lmaydi. Uzoq-uzoq o'ylagan fikrim shu. Ikkala faoliyatni ham qoralayman, faqat zarar! @legal_mind

Konstitutsiya va qonunlar bilan muqaddas Qur'oni Karim va shariat normalarini bir-biriga qiyoslash, birini ikkinchisidan ustun qo'yish mutlaqo absurd ish. Bilmadim bu trend qayerdan paydo bo'lyapti lekin Konstitutsiyani tanlaganlarni janozasida madhiya o'qilsin deb yoqa yirtayotgan aqlsizlar yaxshigina oqim ta'siriga tushgan. U yoki bunisini biridan ustun qo'yish yoki birini tanlash xato. Senga islom dini ta'qiqlagan narsani qonunlar majburlab qil demaydi. Huddi shunday qonunlar ta'qiqlab qo'ygan narsani shariat bajarishga majburlamaydi. Fikrlash kerak. Mantiq kerak. Ommaga ergashmaslik kerak! @legal_mind

Yigit va qiz o'rtasidagi ishqiy munosabatga ikki xil qarash mavjud: buni axloqqa zid deb hisoblash yoki normal qabul qilish. Instagramdagi bu videoni (kommentda qoldiraman) ko'ring. Shaxsiy qarashlarni chekkaga surgan holda vaziyatga huquqiy baho beraman. Masalan, xiyobonda yigit-qiz birga o'tirgan bo'lsa, bunga javobgarlik bormi? Bitta so'z bilan aytganda: YO'Q! Qonun ishga tushishi uchun yigit va qizning qanday holatda o'tirishiga qarash kerak. Masalan, ular shunchaki gaplashib o'tirsa aralashuv mumkin emas. Lekin uyatsiz-buzuq harakat bilan o'tirgan bo'lsa javobgarlik kelib chiqadi. Masalan, o'pishsa, ochiqdan-ochiq quchoqlashishi mumkin emas. Chunki uyatsiz-buzuq harakatlar shahvoniy xususiyatga ega bo'lib jinsiy ehtiyojni qondirishga qaratilgan bo'ladi. Shunday vaziyatda o'sha harakat MJTKning 183-moddasi bilan mayda bezorilik deb baholanishi mumkin. Aslida bu modda ham bahsli. Aniq bir ta'rifi yo'q. Lekin amaliyotda IIB xodimlari shu moddani ishlatadi. Endi yana ham batafsil to'xtalamiz. Diniy qarashlarni istisno qilgan holda, O'zbekistonda jinsiy aloqaga rozilik yoshi — 16 yosh (masalan, Saudiyada cheklov yo'q) hisoblanadi. Ya'ni shu yoshdan boshlab shaxslar o'zaro rozilik asosida yaqinlik qilishi mumkin. Lekin shunday harakatni jamoat joylarida amalga oshirish mumkin emas. To'g'ri, bu shaxsning huquqi lekin parklar, xiyobonlarda aynan quchoqlashish, o'pishish va undan keyingi ishlar jinoiy javobgarlikka sabab bo'ladi. Chunki, bunday harakat o'n olti yoshga to'lmagan shaxslarda jinsiy aloqaga qiziqish uyg'otishga sabab bo'ladi. Jinoyat uyatsiz-buzuq harakat sodir etilgan paytdan e'tiboran tugallangan hisoblanadi. O'n olti yoshga to'lmagan shaxsni axloqini buzish maqsadiga erishgan yoki erisha olmaganligi ahamiyatga ega emas. Masalan, sen Amir Temur xiyobonida sevgiling bilan shahvoniy harakatlarni sodir etgan holda skameykada o'tirishing mumkin emas. Bu skverda kichik yoshdagilar bo'lish yoki bo'lmasligidan qat'iy nazar amal qiladi. Shuningdek, seni tiling bilan aytganda o'sha buzuq harakatni sodir qilayotganlar uchun sen borib ponyatka berishing mumkin emas. Tegishli xodimlardan boshqa hech qaysi fuqaroning bunday vakolati yo'q. Axloq politsiyasi bo'lish qoloq jamiyatlar belgisi. Mahalla qayerga qarayapti, ota-onasi tarbiya bermagan, buzuqi, millat uchun isnod, sharmanda, ro'mol bilan shu ishni qilyapti, zinokorlar va hokazo ayblovlar qo'yishga seni haqqing yo'q. Xulosa, normal holatga gaplashish, qo'l ushlashib o'tirishing mumkin. Lekin jinsiy organlarni yalang'ochlash, shu narsaga atrofdagilarni o'rgatish va hokazolar mumkin emas. Parkda sendan boshqa oilalilar, farzandi bilan aylanayotganlar borligini unutma. Po bratskiy tavsiya: 2008-yildan keyin tug'ilganlar, shu yilda tug'ilib hali 16 yoshga kirmagan qizlar bilan hech qanday munosabatga kirishma, xavfli! 🤘🏻 @legal_mind

Badiiy kitob o'qish vaqtni behuda sarflash deb hisoblaydigan toifalar bor. Badiiy adabiyot shunchaki miyaning orgazmi uchun, insonni hech qanday rivojantirmaydi degan mazmunda fikrlashadi. Balki bu to'g'ridir yoki xato bilmayman. Aynan o'sha toifalar shaxsiy rivojlanishga oid kitoblarni afzal ko'radi va foydali deb hisoblaydi. Kuchli odatlar Atomic habitsni o'qish orqali shakllanadi yoki Stiv Jobs haqida Uolter Ayzeksonning kitobini o'qisa biznesmenga aylanib qoladi deb o'ylaydi. Kitob yozish, umuman, ijodkorlik biznesga aylanib bo'lgan soha. Kitob sotadigan do'konlar ham soqqani o'ylaydi. Million marta sotilgan bestsellerlar faqat pul ishlash uchun yozilgan aslida. Mayli, bu boshqa katta mavzu. Lekin badiiy kitob o'qishni bekorchilikka tenglashtirmaslik kerak. Badiiy adabiyotda o'quvchining fikrlashi, ideologiyasi rivojlanadi. Shaytanatni o'qiganida Asadbek bo'lib ko'radi, Xongrey bo'lib ko'radi, Martin Iden yoki Rodion Raskolnikovdek fikrlab ko'radi. Faqat o'z shaxsiyatida emas, o'sha obrazlar ichida yashaydi. Aslida shaxsiy rivojlanishga oid kitoblarni o'qish vaqtni behuda sarlash hisoblanadi. Chunki bu kitoblarda o'quvchi o'zini rivojlanib qoladigandek, hayoti yaxshilanayotgandek his qiladi. Hissiy manipulatsiyaga tushadi. Shaxsiy rivojlanishga oid kitob o'qish huddi million dollar topish haqida kitob o'qishga o'xshaydi. Million dollar kitob o'qish orqali topilmaganidek, kuchli shaxsiyat ham bestseller o'qish bilan shakllanmaydi. Chunki pul topish ham, yaxshi kun tartibi ham, foydali ishlar qilish ham hammasi praktikum ishlar. Ideologiya faqat va faqat o'qish bilan shakllanadi. Lekin kuchli tana yoki erta yotib erta turish uchun kitob o'qish emas, o'sha ishlarni bajarish kerak. Pul topish uchun esa ishlash kerak. Shuning uchun badiiy kitoblarni overrated qilish to'g'ri emas. Badiiy kitoblar odamga real hayotni ko'rsatadi. Yashashni ko'rsatadi. Aslida kim asli kimligini his qildiradi. Miyani kuchaytiradi, kengroq fikrlaydi. Faqat o'z pozitsiyasidan emas, boshqa to'rt xil pozitsiyasida vaziyatga baho beradi. Obyektiv fikrlash oshadi. Subyektivlik yo'qoladi. Tor fikrlamaydi. Bo'ldi shu. @legal_mind

Kechadan beri Toshkentni avtobusda aylanib yuribman bir o'zim. Istagan manzilimga boryapman. Xullas, bizni odamlar jamoat transportiga o'rganishi kerak deb yurardim. Bitta bekatda 3 ta katta-katta xotin chiqdi. 60+ yoshlarda tipik o'zbek xotinlari. Albatta 90+ og'irlikda bo'ladi, semiz bo'ladi, issiqda pishillab nafas oladigan bo'ladi. Shu kampirlarga endi o'tirganlar joy berishi kerak. Avtobusni boshidagi kampirlarga joy berish uchun oxiridagi yoshlar o'rnidan tura boshladi. Ular esa pishillab o'sha o'rindiqqa harakatlandi. Yo'lda esa kolyaska bilan chiqib olgan ikta yosh ayolni kesib o'tishdi. Keyin bus koridorida iktasi bir-biriga tiqilib qoldi. Men esa o'rtada qolib ketdim. Daje ko'rinmayotgandek his qildim o'zimni. Albatta, 90+ kg bilan 65-70 kg kamina o'rtasidagi asosiy farq: ularda hammasi yog'lardan, menda esa go'sht, suyak, muskuldan iborat. Endi haligi ayollar, undan keyin chiqqan ayollar o'tirganlarga olaqarash qilib ketyapti. Shu postni yozayotganimni o'qib turgan shekilli, bitta opaga joy bersam o'tirmadi. Mayli, kattalarga joy berish yaxshi ish lekin orada minglab kilometr masofa bo'lsa seni berayotgan joying boshqalarga noqulaylik tug'diradi. Shuning uchun bizni moddiyatparast o'zbeklar tinchgina o'zi aftaritet deb bilgan mashinasida yuraversin, jamoat transporti qora xalq hisoblangan yoshlar uchun bo'laversin. p/s mashina oldirishga motiv beradigan hard days bo'lyapti)) @legal_mind

Qishloq radiosi yangiliklaridan lentangizga biroz longread. Yaqinda uyga borib qaytdim boshqa ko'pchilik qatori. Bitta brat o'tgan yili Diplomatiyani bitirgan edi. O'sha yili Gentra olgandi. Yaqinda hayit arafasida dadasiga Malibu olibdi. Buyursin. Dadasini puli O'z kuchi bilan erishganiga havas qildim. Qayerda ishlayotgani va shaxsiyati sir bo'lib qolsin:) Balki kreditgadir, balki bo'lib-bo'lib to'lashga olgandir lekin muhimi u oldi. Aqli va puli yetdi muhimi. Video ishlab instagramga qo'ysa millionlab prosmotr yig'adi, shou bo'ladi. Lekin davlat ishchilari bunday qilmaydi, bilasiz. Erkin ish grafigi bilan xususiy sektorni juda romantizatsiya qilib yuborishgan media kontent iste'molchisimiz. Bitta bloger o'ziga uy olganini ko'rib barchaning bloger bo'lgisi kelib qoladi. Aytmoqchimanki, yurisprudensiya jiddiy yo'nalish. Bekorga jamiyatda obro'si baland emas. Bitirib adliyaga ham, prokuraturaga ham, sudga ham, vazirliklar-u qo'mitalardan tortib PA gacha ishga kirish mumkin. Yilda 12 marta oylik olish uchun ishlash xato degan gapga ishonmanglar. Katta oylik olinglar, yetadi. Katta oylikni katta-katta tashkilotlar beradi. Bunday tizimlar esa o'ziga eng kuchli va salohiyati yuqori kadrlarni oladi. Hamma yer tanish-bilish va tanka degan gapga ham ishonmanglar. Bu gapni alifni aytolmaydigan savodsizlardan eshitgansiz doim. O'zi hal qilolmagani uchun tankasiga ishonishini unutmanglar. Ingliz tilida ham, rus tilida ham bemalol gaplashadigan, sohani jiddiy o'rgangan kadrni bahosi baland bo'ladi. Ishsiz va pulsiz qolib ketmaydi. Faqat o'qish kerak, tamam. Hamma bloger yoki vayner bo'lib ming dollarlik reklamalar olmaganidek, tadbirkor bo'lib bizneslari gullab ketmaganidek, davlat ishida ham hamma uch million oylikka ishlamaydi. Bu quruq motivatsion post emas. Konkret qaysi organda, qancha daromad qilish haqida yozardim-u mayli tinchlik kerak. Muhimi stressga tushmay law ni bosib o'qinglar. @legal_mind

Har holda xalqaro huquq sohasidagi odam sifatida yana bitta tushuntirish berib ketaman va buni yaxshilab miyangga quyib analiz, sintez, deduksiya, induksiya qilib o'ylab ol: Hozir sen XXI asrda yashayapsan. Bittagina islom bayrog'ini ko'tardim deyish bilan imperiyalar quradigan Amir Temur yoki Usmonlilar davridagi sodda va jo'n o'rta asrlarning neandertal odamidek fikrlashni bas qil. Davlatlar o'rtasidagi aloqalarda diniy bog'lamlar umuman rol o'ynamaydi. Xalqaro siyosat manfaatlar ustiga qurilgan, diniy yoki boshqa motivlarga emas. Tushuntiraman qara: Falastin va G'azo sektori uchun jonini jabborga beradigandek ko'ringan Erdog'on yoki hozirgina Isroilga raketa uchirib keyin raketalari manzilga yetib bormay urib tushirilgan pazo'r Eron Xitoy bilan yaqin munosabatlarda. Xitoy esa senga millat va din jihatidan ukangdek eng yaqin xalq bo'lgan uyg'urlarni alohida konslagerlarda qiynaydi, ayollarini zo'rlab keladi, qatl qiladi, bolalarni xitoylashtiradi, umuman, ethnic cleansing amalga oshirib keladi, bilasan. Birozgina tushungan bo'lsang Eron yoki Turkiyaning Isroilga bosim qilishiga islom dini sababchi emas. Falastinni ozod qilish ham emas. Umuman, musulmonlar, islom, din degan motivlar yo'q. Bu ikkiyuzlamachi davlatlar shunchaki senga o'xshagan millionlab odamlarni ishontirish uchun diniy populizmni tanlagan xolos. Aslida siyosatchi uchun diniy populizmdan foydalanish eng sharmandali va eskirgan usul hozirgi davrda. Tasavvur qil: bu narsa huddi auditoriyaga yoqish uchun diniy postlar qo'yishimga o'xshaydi. Boshqalar ham bilib-bilmay kanaliga ma'ruza, hadis va hokazo tashlab qo'yib odamlar mehrini qozonadi. Shuning uchun akaxonlar yagona musulmonlar birlashishi, musulmonlar armiyasi degan narsalarni xayoldan chiqaringlar hozircha. Chunki Mahdiy kelishiga hali biroz vaqt bor. Xalqaro munosabatlarda din, millat argumentlari ishlamaydi. Ha, keyin biz shunchaki media propaganda qurbonlari bo'lganimiz uchungina tarmoqlarda Free Palestine deb yuribmiz, xolos. Agar shu media vositalar to'g'ri ishlaganida ya'ni siyosatga xizmat qilmaganida hozir biz Free Uyghurs deb yurarmidik, bilmadim. @legal_mind

Instagramda trendga chiqqan bitta bo'rsiqni (o'zi shunday deyilarmidi) qo'shiqqa o'ynaganini eslanglar bitta gap aytaman: Isroilga Eronni ham, Turkiyani ham, umuman, musulmon davlatlarini tishi o'tmaydi. Musulmon davlatlari birlashmaydi ham. Arab davlatlari paydo bo'lishining o'zi Amerikaga bog'liq bo'lgan. Saudlarga o'xshagan arablarni boshqaradigan sulolalar siyosiy richagni Amerikadan, G'arbdan oladi. Saudiyadan umid ham qilmanglar. Saudiya armiyasi, xavfsizlik kuchlari qanchalik kuchsizligini bilish uchun Alimoffni you tubedagi videosini ko'ringlar. Keyin Saudiya Fransiyaning ukasi. Qatar bo'lsa Fransiyani xotini. Yaqinda Mbappe bilan Makron va Qatar amiri birga ujen qilganini ham ko'rdinglar. Isroil Amerikaning o'g'li. Isroil Britaniya, Fransiya va Germaniyaning singlisi. Xullas kimga kimlar qarshi chiqayotganini tushundinglar. Istasang qo'rqoqlikda aybla, istasang bu gaplarim uchun yomon ko'r lekin O'zbekiston Isroil bilan yaqin munosabatlarda. Isroilga qarshi bayonot berish ham bizga zarar. Bitta sanksiyasi bilan sen, men, magazinchi G'aybulla, molxonadagi sigirlaring och qoladi. Xullas bu hikoyada hech kim uzoq va baxtli hayot kechirmaydi. Bo'lingan dunyoni qayta bo'lish vaqti kelib qolgan. Lekin eng gullagan yoshlik chog'im urushlar ichida, frontda o'tishi — eng qo'rqinchli tush men uchun. Yaxshi tushlar ko'ringlar 👋 p/s: Rossiya esa Dostoyevskyning «Jinoyat va jazo»sidagi sudxo'r haligi kampir. @legal_mind

Bilasanmi, men va'dalar emas vafo ustiga qurilgan munosabat xohlayman. Bir-birini so'zlar emas ko'z qarashlari bilan tushunadigan rishta xohlayman. Bilasanmi, faqat sevgi emas to'liq tuyg'ulardan iborat kompleks munosabat xohlayman: sevgi ham, hurmat ham, ishonch ham ichida bo'lsin. Bilasanmi, biz tengilar o'rtasidagi aloqalar manfaatlardan iborat. O'sha manfaatlar tugasa ular ham uziladi. Bizniki faqat bir-birimizga bog'liq bo'lsin: seni senliging uchun, meni menligim uchun. Bilasanmi, faqat yaxshiliklari emas yomonliklari ham bir-biriga a'yon bo'lganiga qaramay birga bo'lgan insonlarni ajratib bo'lmaydi. Kamchiliklaringni berkitma, men ham mukammal emasman. Bilasanmi, inson doim xatolar qiladi va aybdorlarni qidiradi. Biz ham xatolar qilamiz, chunki insonmiz. Shunday vaziyatda bir-birimizdan aybdor izlamaylik. Bilasanmi, bizni bizga eslatib turuvchi vositalarimiz: ikkalamiz boradigan park, alohida skameykamiz, o'zimiz ko'radigan kinoyimiz, ikkalamiz eshitib yodlagan qo'shig'imiz bo'lsin. Bilasanmi, senga o'xshaganini topish mumkindir lekin seni topib bo'lmaydi. p/s: qachondir qaysidir qizga shunga o'xshash post chiqaraman onasini emsin @legal_mind

Instablogerlar iWash (950k) va Choynakning qopqog'i (480k)ning avtobiznes, avtosanoat, umuman, shu sohadagi ichki va tashqi iqtisodiy faktorlar bilan bog'liq chiqishlarini kecha Umid aka (@trolluz) yedirib tashladi. Podkastning montaj ishlari yakunlansa tez orada video chiqadi. No bitta muhim narsa bor bu yerda. Instablogerlar, umuman, video kontent qiladiganlardan ko'ra yozuvchi toifa blogerlar kuchli bo'ladi. To'g'ri, video kontentlar orqali katta massiv odamlar ergashadi. Obunachilar ko'p bo'ladi. Lekin baribir post yozadiganlar, ularni o'qiydiganlar video kontent iste'molchilaridan intellekti yuqori bo'ladi. Jamiyatning miyasi bo'lgan ziyoli qatlam baribir shu telegramda, twitterdagi yozma kontentlarda bo'ladi. Butun balans shularga qarab intiladi. Bu toifa ozchilik lekin ta'sir kuchi, solishtiradigan bo'lsak, tarozi pallasi og'ir keladi doim. Shuning uchun ham salkam 100 mingga yaqin obunachisi bor @trolluz salkam bir yarim million followeri bor instablogerlarni gazini berib uyiga jo'natvordi. Qissadan xissa shuki, blogerlarni podpischiklar miqdori bilan emas, o'sha podpischiklarning sifati bilan baholash kerak. Obunachilar o'lchovi huddi IELTS baliga o'xshaydi: raqamlar kattaligi intellektni aniqlab bermaydi. Longreadlarni ko'proq o'qinglar. Yozma kontent qiladiganlarni kuzatinglar. @legal_mind