ملف التربية

نقول نفس الكلام تاني عشان الأمهات اللي بتكلمني كل شوية تقولي ابني عنده سنتين وتلاتة وقاعد قدام الموبايل طول اليوم لغاية الفجر مش عارفة اخده منه. انت بتعمل ايه عشان ولادك يلعبوا ليجو ويقصوا ورق ويرسموا ويلعبوا سكيت بدل مسكة الموبايل. أنا برده شخص مهما كنتو واثقين في رأيي، لكن مبقدرش احل كل المشاكل. بس قدرت من البداية موصلش بيتي للوضع ده. أنا ابني عنده ١١ سنة وجايبله موبايل نوكيا ب ٢٤٠ جنيه حاطت فيه رصيد ٣ جنيه عشان الطوارئ أنا التلفزيون عندي عباة عن جهاز اسود محطوط في الصالة مبيتفتحش غير ساعة في الاسبوع لو عايز اتفرج على ماتش، أو بعد الساعة ١٠ ونص لما الولاد يناموا عشان سارة تتفرج على ربع ساعة ناشيونال جيوجرافيك تروق بيها شوية. ابنك اللي عنده سنتين أو تلاتة ده ما بيخطفش الموبايل منك غصب عنك، وحتى لو بينهار من العياط عشان يمسكه فهو من البداية معرفش مكان الموبايل ده غير منك، كان ممكن ميعرفهوش عادي زي ما احنا مش معرفينه مكان السكينة ومكان الكبريت. ده موضوع في إيد الأهل الطفل مش طرف فيه خالص. الموبايل بيتشال من قدام الطفل عادي جداً، بس للأسف في أهل بيكونوا متخيلين إن ابنهم هو اللي مدمن موبايل، لكن الحقيقة ان الأهل هم اللي أدمنوا قعدة ابنهم على الموبايل عشان يقدروا يروقوا شوية من غير محد يتعبهم ويفضل يزن ويشد فيهم ويعرفوا يركزوا في البيت وفي المطبخ وفي التلفزيون وفي الشغل وفي الكلام وفي حاجات تانية كتير. فالإدمان هنا من الأهل وانا بقول الكلام ده ومستوعب إن المهام اللي على الأهل كتير وبيعملوا ده غصب عنهم، بس انا مهما كنت مقدر ظروف الأهل مقدرش اقول غير كدة. وفعلاً لو عندي حلول للوضع ده بعد ما الدنيا باظت كنت هقولها، بس انا برده قدرتي محدوده وعندي حلول من البداية إن ده ميحصلش، لكن عند نقطة معينة مش هينفع يكون عندي حل لكل حاجة. في شخص أعلم مني ومتخصص أكتر مني ممكن يكون هو اللي عنده حل لكن انا فعلا معرفش ولو اعرف مش هتأخر. - أحمد أبو هاشم

١٠ حاجات ممكن تعملهم لابنك اهم من انك تدخلة مدرسة ال ABC-XYZ الدولية المهلبية الي بعشروميت الف دولار :- ١ - وديه البريتيش كاونسل ٣ مرات في الاسبوع ، هيبقي بيتكلم انجليزي كويس احسن من ميس حسناء الي بتدرسله في المدرسة الدولية ، او مستر چون الي هو شغال سمكري سليسيون في بلجراد . ٢ - علمه قران ، هاتله واحد يحفظه او يعلمه ازاي يقرا الكتاب الي هيدخلك انت شخصيا قبله الجنه . ٣ - خليه يتعلم هواية ، يلاقي فيها نفسه ويطلع فيها طاقته . ٤ - قوله " لأ " و صمم علي موقفك ، الموضوع ده مهم قوي ، مش كل حاجة هو عايزها لازم تتجاب ، مش كل حاجة انت مش عايز تجيبها لازم تشرح السبب ، مش كل اما يعيط لازم يصعب عليك , " ممكن يبقي بيستهبل " ، سيبه هيعيط شوية و بعدها هيبقي راجل . ٥ - علمه انه ميعليش صوته ، من غير ما انت تعلي صوتك ، في المانيا انا بركب القطر ١٠ ساعات جنبي اطفال جميع الاعمار عمرهم في التاريخ ما عيطوا ، و لا قريفوا ، و لا كانوا عايزين يرضعوا ، و لا زمزقوا ، و لا اتكرعوا ، العيب فينا احنا مش في الطفل . هو بيسلك نفس سلوكنا احنا. ٦ - متقفش ابنك و هو بيعمل حاجة غلط عشان تذله و تكسر عينه ، و تقعض تقوله كل شوية " خارج مع محمد برده - و لا خارج مع احمد صاحبك الشمام زي ما قفشتك و انت بتكدب عليا يا كلب يا واطي يا زبالة من ١٠ سنين " لا ما اضربوا الواد بالرصاص اسهل . ٧ - اوعي تقول لابنك انت فاشل . حتي لو هو فاشل. اوعي تقوله انت زبالة . حتي لو هو زبالة. اوعي تقوله انت مال ياض جسمك عامل كده ليه ، حتة لو هو فعلا جسمه عامل كده ليه بالذات لو صغير . ٨ - متقولوش ابدا اي حاجة ، " وريه " ، متقولوش متعليش صوتك " بصوت عالي " ، متقولوش متكدبش و انت كداب ، متقولوش صلي و انت مبتصليش ، متقولوش ذاكر و انت بقالك ٢٠ سنة مفاتحتش كتاب . ٩ - استغل اي مصيبة هو عملها ، عشان تقوله " متقلقش " انا فى ظهرك ، كسر كوباية ؟ " قوله يلا نشيلها بسرعة قبل ما ماما تشوفنا " او العكس ، حسسه ان مش كل الناس ضده . ١٠ -و دي الاهم - انك تصحي كل اليوم الفجر ، و تدعي في كل صلاة لولادك و متياسش و تصر و تلح في الدعاء كل يوم ، كل يوم ، دي تكفي جدا ان شاء الله .

المرأة في الإسلام ليست عاطلة بلا عمل وليست عالة كما تقول الليبرالية عن ربات البيوت، لكنها مربية النشء وعليها مهمة ذات خطر بالغ، فهي حامية الأطفال من أي مؤثر خارجي فاسد، لذا كان يُقسَم لها من بيت المال إذا غاب عائلها؛ لتتفرغ هي لمهامها ولا تتشتت بين الأطفال وكسب الرزق فيقع التقصير لا محالة. - رقية عادل

فهرس القناة 1 - خطة تربية الموسم الأول | د.أحمد الكودي ( 15 ) 2- سلسلة التربية الناجحة | د.عبدالكريم بكار ( 8 ) 3 - سلسلة محو الأمية التربوية | الشيخ د.محمد إسماعيل المقدم | الجزء الأول ( 11 )