ملف التربية

"إن سيطرة شخصية الأم، أو غياب الأب عن تربية الأطفال من شأنه أن يُحدث اضطرابًا في شخصية الأبناء." - د.أحمد رزة

كُنتُ أتصفح كتاب الداء والدواء لإبن القيم فوقعت عيني علي قول الفاروق عمر بن الخطاب لأصحابه : (( لستم تنصرون بكثرة، وإنما تنصرون من السماء )) علي قلة عدد كتائب القسام إلا أنهم قهروا اليهود الملاعين ومع بساطة أسلحتهم وعتادهم إلا أنهم نَكّلوا باليهود وأذاقوهم البأس الشديد ولا يزالون بعون الله إنما النصر من السماء الدعاء لإخواننا إنما هو واجب

عندنا الطفل إذا صار لديه أخت أصغر وحتى نخفف من غيرته يُقال له: هذه أختك يجب أن تحميها، وعندما تكبر تأخذها للمدرسة والسوق وتشتري لها وتنتبه عليها حتى لا يؤذيها أحد! وإن كان يتضجر من أكل معين، يقال له لا تعب طعاما ولا تكثر الزن على الأكل! أو كان بطيئا في الأكل يقال له المثل: "كل أكل الجمال وقم قبل الرجال: = كل كثيرا وسريعا .. وإن تأذى وجاء يشتكي..يواسى قليلا لتفهم شعوره ثم يقال له: لا بأس الرجل يتحمل ويصبر! فلا ينظر لكل خدش يُخدشه على أنه مصيبة حلت به! ولا يسمح له بارتداء ملابس الإناث أو التشبه بهم بأي شكل.. وإذا كبر قليلا وبدأ يتسلط على الإناث يُفهّم ان ليس من الرجولة ضرب الإناث..ولا من البطولة ضرب الأضعف..! ويدخل في مجالس الرجال..فيضيّفهم كما يليق.. ويتحمل مسؤولية تنظيف غرفته وملابسه وأشيائه.. وإن شب على قصص الصحابة والسيرة النبوية والبطولات التاريخية والصلاة في المسجد مع الرجال ..فقد حاز خيرا عظيما.. اللهم أقر أعين الموحدين برجال.. أذلة على المؤمنين أعزة على الكافرين..يحمون الحمى..ويقيمون بيوتا كما تحب وترضى.. #تربية_الأبناء - ندي عمر

تعليم طفلك لقصص القرآن والأنبياء والصالحين هي أول وجبة صحية لحياته ونفسيته. القصة والسرد هي أهم مُشكل لوعي أطفالنا ووعينا. - عمار سليمان

الحكمة في تربية ولدك وضع الرفق موضعه والشدة موضعها، فمن تحيَّر في موطنٍ فلم يدْر الرفق فيه أصلح لولده أم الشدة؛ فليُرَجِّح الرفق؛ فإن مغارم الرفق إذا وضعته في غير موضعه أهون كثيرًا من مغارم الشدة إذا وضعتها في غير موضعها، ولذلك جاء الحديث عن النبي صلى الله عليه وسلم: "ادرؤوا الحدود عن المسلمين ما استطعتم، فإن كان له مخرجٌ فخلُّوا سبيله؛ فإن الإمام أن يخطئ في العفو خيرٌ من أن يخطئ في العقوبة"، ومن عالج التربية عرف. - حمزة أبو زهرة

ابعدوا أطفالكم عن مواقع التواصل قدر المستطاع ولا تُمكنوهم من عمل حسابات عليها إلا بعد بلوغهم سن النضج وبعد أن تكونوا قد لقنتموهم ما يُحصنهم من الفتن والانجراف وراء أتباع الهوى, منعدمي التربية والدين. - علي عبدالله علي

الطفل الذي نشأ في بيئة تمدحه لأنه "مميز" وتحرص على أن يظل كذلك؛ يظن أن التميز هو فرصته الوحيدة للحصول على الحب، تنشأ عنده قناعة بأنه لا يستحق الحب إذا لم يتميز عن أقرانه ، وعندما يكبر وينتقل لبيئه لها تحديات أكبر ويصبح عاجز عن إثبات تميزه ، ويرى عاديته أمام عينيه ، يشعر بأنه غير جدير بالحب ويفقد ثقته بنفسه، بكل ما لهذا من توابع في الحياة والعلاقات. بعض المدح للأطفال قد يحبسهم في قوالب تؤذيهم أكثر مما تنفعهم. - هند الجبالي

في طريقي لصلاة العشاء في المسجد اليوم ، شاهدت ولدا يبدو في الخامسة عشرة من عمره ولا أعرفه ما أن مر بمحاذاتي وقبل ان يتجاوزني امسكت بيده وقلت له : ياللا بينا وجد نفسه فجأة يمشي بجوار شخص لا يعرفه و عكس الاتجاه الذي كان يمشي فيه الولد طبعا فهم من لحيتي ان انا واخده معايا المسجد تجاوز دهشته بسرعة جدا وقال لي : انا بصلي والله بس كنت رايح اجيب شغل وهابقى اصلي قلت له : وقت الصلاة ده مش بتاعك ولا بتاع الشغل ولا بتاع حد ، وقت الصلاة ده وقت مين ؟ قال لي : وقت ربنا قلت له : يبقى اول ما تسمع حي على الصلاة تسيب اللي في ايدك وتروح بيت ربنا تلبي نداء ربنا قال لي : عند حضرتك حق ، ياللا بينا - خالد الشافعي

أخطأ سفيان فقلت له أنت محروم من المصروف لمدة أسبوع فقال: الله سيرزقني فقلت: ولكني لم أعطيك مصروفا فذهب إلى المدرسة ولما عاد وجدت معه 7 جنيهات فقلت له: من أين هذا المال؟ فقال: الله رزقني فجال عقلي خوفا عليه من أين أتيت بالمال فقال لى: اليوم أعطت إدارة المدرسة 9 جنيهات لكل المحافظين على الحضور فصرفت 2 جنيه وهذا الباقي فحمدت الله كثيرا على تعلقه بربه وأنه قد فهم أن الله هو الرزاق؛ وسبحان الله لم يخذله ربه و رزقه من حيث لا يحتسب. فعلقوا قلوب أبنائكم بربهم يجدون الخير كله - وجيه الطوخي

(الفرق الكبير بين الطاعة والتربية في تنشئة الأطفال) الطاعة تعتمد على ترسيخ معنى العبودية، والتربية تعتمد على معنى الحرية والاستقلالية. الطاعة تصنع ضميرا خارجياً، أم التربية فترسخ أخلاقا وضميرا داخلياً. الطاعة تعتمد على عاطفة القهر والتسلط، والتربية تعتمد على عاطفة الحب والأمان. الطاعة تتجه نحو الإخراس والتسكيت، التربية تتجه نحو السماع والحوار. الطاعة تركز على الحلول السريعة، التربية عملية طويلة الأمد تركز على طرق حل المشاكل لا الحل نفسه ( تعطي الطفل أدوات لا حلول معلبة). الطاعة تعتمد فكرة أن الآباء قادة، والتربية تعتمد على فكرة أن الآباء قدوة. الطاعة تربي الطفل على الخوف والجبن، التربية توجهه نحو الجراءة والاحترام. - أكاديمية أُنس

سمعتُ زوجتي بالصدفة تقول لابني في الغرفة الثانية بصوت منخفض: ( هاد بابا بدنا نسمع كلمته كلنا برّا وجوّا ، حتى لو ما عجبنا رأيه داخلياً! ، منروح معه وين ما بدو، هو يلي بقرّر، والقرار الأخير إلو، وتأكد مارح يشتغل شي إلا لمصلحتنا). فقلتُ في نفسي: سبحان الله! هذا الحوار السريع أو هذه العبارات درسٌ عظيمٌ فيه فائدتين عظيمتين: -بعد التأكيد على أن المرأة الصالحة نعمة-: الأولى: تعليميّةٌ تأديبيّةٌ تربويّةٌ للأولاد تجاه الأب ودورِه في البيت وخارج البيت، وأنه ربُّ البيت القائم عليه، الذي لا يجوز أن يُعارض (عِناداً). والثانية: زرعُ فكرة القِوامة عند الأولاد الذّكور.. حتى إذا كبِروا وصاروا رُعاةً ومسؤولين عرفوا معنى (القوامة الحقيقية) وتَقَلَّدوها.. فبِها يَصلُح الفرد والبيت والمجتمع وبدونها يفسد الجميع. وبالله التوفيق.. وتؤدب_الكلماتُ .. - همام فخر الدين

١٤- علميه الصبر على أخلاق الناس و ان الرجل القوي بيبقى حليم مش العكس و طبقي ده معاه ف مواقف كتير طول ما انتو ماشيين ف الشارع زي ببساطة لو لاقيتي واحد بيشتم وهو سايق قوليله هو دلوقتي ضِعف دي مش قوة ! ١٥- عليمه ان الراجل كريم و ان البخل مش من صفات الرجال و ده عن طريق تخصيص مصروف و لو بسيط له و يجيب لصحابه و حبايبه حاجه حلوة كل أسبوع معاه و يوزع بنفسه ١٦- علميه ان الجور و الظلم مش من أخلاق الرجال و ده عن طريق انه ميظلمش اخواته ولا يعتدي عليهم لكن .. له حق القصاص عادي ! و تعلميه حدود القصاص و كيفية تطبيقه بشكل عادل و متجرد. ١٧- كلميه عن مشاعره و خوفه و مناطق ضعفه و قوليله ان الرجالة بتخاف عادي و بتحب و بتعيط و كل حاجه و الصلابة الزائفة مرهقة جدا و انه كل ما كان حقيقي كل ما كان صلب فعلا ١٨- قوليله انك فخورة بيه طول الوقت و انه اكتر واحد عاجبك رجولته و سط الرجالة كلهم ١٩- فهميه ان الأمانة و الصدق من أخلاق الرجال و ان الراجل كلمته سيف ميكدبش ولا يراوغ أبدا ولو هيلقى حتفه فيها فهميه ان المراوغة من الدناءة بمكان و انك لو حقيقي و صادق مش مضطر خالص تلف و تدور علميه ان المجالس امانات و ان اللي سمع ف مجلس مينقلوش لحد تاني حتى من غير ما حد يأمنه و عمليه ان الكلمة اللي بتطلع من بؤه وعد حتى لو خسر قدام ده أمور مادية عشان يتعلم قيمة الكلام ٢٠- فهميه مكانة الكبير و رحمة اللي اصغر و أضعف منه استعن بالله يا بنات و ادعوا كتير اوي و انت بتربي اجعلي نيتك خالصة انك ربنا امتحنك بالاستخلاف على اولاد و ينبغي عليك تربيتهم على مراد الله لا لنفسك خدي نية إصلاح المجتمع و تقديم نموذج جيد يصلح من بعدك . - عهدالله محمد شاهين

لو عندك صبي و عايزه تربيه انه يطلع راجل ذو مروءة و أدب و ديانه و شهامة و أصالة دي شوية حاجات يمكن تساعدك و طبعا البوست مفتوح للزيادة اي حد عنده اقتراح يقوله ١- يقوم بمهام في البيت فيها شوية قوة بدنيه زي تغيير قارورة المية / إخراج الزباله(و تبقي مفهماه ان الأصل ان النساء متسترات و ميخرجوش كتير و ان خروجه هو أسهل ) / لو عايزه تزقي حاجه نادي عليه / يشيل طلبات البيت و هكذا و تبقي مفهماه ان هيكله البدني مختلف عنك و ده يأهله لمهام هو يقوم بيها افضل منك عشان طبيعة خلقته * ف ده يخليه يبني تصور ذهني ان جسمه زي ما فيه أفضلية فعليه تكليف. ٢- في التعاملات الخارجية ف الشارع صدريه اي تعاملات فعليا و هتتفقي معاه ع ال set up قبل ما تدخلوه يعني هندخل المكان الفلاني انت هتتصرف بالشكل الفلاني و هتطلب كذا و كذا و حضرتك هتبقي واقفة ف ضهره ساكتة تماما حتى لو غلط ليه بقى هتسكتي لو غلط؟ عشان حاجتين الأولى: انك تزرعي انه عادي يغلط لو تصدر .. فميخافش من التصدر اصلا ثانيا:انه يتعود بدام خد دفة القيادة ميبقاش فيه صوت ورا بيعدل عليه ( تلت اربع مشاكل البيوت هي ف الخناقة على مين اللي سايق اصلا) طيب لو غلط هتعملي ايه هتسبيه يخلص معاملته غلط عادي خالص و بعد كده هتقوليله ان التصرف الصح كان كذا و كذا بس انا مقدرتش اتكلم و انت واقف مع الرجالة (بظبط كده) اما لو هو طلب مساعدتك فاتدخلي بصوت واطي و شكل لطيف من غير ما تحسسيه انه مش عارف يتصرف و قوليله انك واثقة جدا انه هيقدر يخلص اللي ف ايده ده على أكمل وجه ضروري اوي لما تصدريه .. تزرعي فيه الثقة انه اهل للتصدر .. عشان ميبقاش التصدر فيلم رعب بنسبة له زي ما كتير من الامهات عملوا الله يسامحهم لا عادي تتصدر .. و انت اهل ل ده .. و انا واثقة فيك .. و حتى لو غلطت محلولة. .. ادينا بنتدرب. ٣- يتعلم مهارات قتا.لية و فروسية عشان جسمه ينشف و قلبه يقوى ٤- انا مع جدا الشغل من الصغر لانه بيفتح الذهن و بيخلي الانسان يكتسب خبرات بدري بدري و يبقى سابق سنه و مختلط بالمجتمع لو في مكان آمن للشغل ارميه فيه ٥- يقعد في مجالس الرجال و يتعلم على ايد شيخ مش شيخه و ياخد درس مع مدرس مش مدرسة عشان يفهم نفوس الرجال بدري و يلقط طريقتهم ٦- عشان تخلقي جواه الصلابة العقلية اتكلمي معاه ف مواضيع عامة و خدي رأييه كأنه استشاري مش طفل و قوليله تفتكر الموضوع ده يتحل ازاي؟ انا بثق في عقلك جدا فيحس انه قادر ع الحل .. و انه تشغيل المخ مش خطيئة 😁 ٧- لما يجي يحكيلك مشكلة خاصة بيه و انت شايفاه غلط اوعي اوعي تبادري بالحل احنا عايزين رجال مبادرين مش احنا اللي نحللهم أسأليه حسيت ايه و ايه الفكرة المحركة للشعور ده و الفكرة دي بتحاول تقولك ايه طب و انت شايف الحل ازاي؟ زقيه انه هو اللي يتحرك و يفكر و يحل مش انتي لو قالك ابعتي للميس قوليله لا ابعت انت كلمي الإدارة .. لا روح انت و هكذا علميه انه يواجه و ميخافش م العواقب و انك كده كده ف ضهره بس مش قدامه ! ٨- لما تبقوا ماشيين ف الشارع فهميه انه راجل و ان عليه دور حماية و ان تصدره مع الرجال هيحميكي و يكفيك شر ممكن تتعرضيله ( الموضوع ده تدريجي حسب سن الطفل بس بيتزرع واحده واحده من الصغر) ٩- فهميه ان عليه غض البصر و ان التعامل مع النساء بيبقى بتواضع و أدب و ان اول مقام يجب حفظه للمرأة هو الستر فميدخلش مكان فيه نساء بشكل عشوائي حتى لو انتي جوة يستأذن .. و ينتظر الأذن بالدخول و لو دخل و قعد وسط النساء يبقى هو المسؤول عن حمايتهم مثال: لو قاعدين ف مكان عام مثلا مجموعة نساء و ابنك معاك و حد م البنات الصغيرات مثلا عايزه تروح حتة قوليلي امشي جنبها و احميها (لو السن يسمح و العلاقة تسمح) و يمارس نفس الحركة مع النساء اللي ف سنك عشان مروءته تتحرك بدري بدري و يبقى فاهم ايه الطبيعي اللي بيحصل ١٠- لو قاومك في منطقة من اللي فوق و قالك بس فلان قريبنا مش بيعمل كل ده قوليله الرجولة بنستقيها من سيد الرجال محمد بن عبد الله صلى الله عليه وسلم و تجيبي كل الأدلة و تقوليله ان الناس بيصدر منها تقصير و ده عادي ف حق البشر (عشان ميحتقرش اللي مش بيعمل اللي هو بيعمله و ف نفس الوقت عنيه تبقى ع الأعلى ) ١١- علميه ان ضعف المرأة شيء جميل ينبغي أن يُراعى و يُحمى و لا يُنظر له بالاحتقار او التقليل و فهميه ان الفروقات النفسية بين الرجل و المرأة و كذا البدنيه هي اللي بتقفل الصورة و تبرز جمالها و ان القوة لوحدها تكسر والنعومة لوحدها تخسر و ان الصفتين لو اختلطوا ببعض مع تحقيق تقوى كل طرف يطلعوا احلى أداء مبهر للدنيا كلها ١٢- علميه ان صلاحه كفرد و اهتمامه برجولته نواه في صلاح المجتمع كله ١٣-علميه لما يشوف منكر قدامه يتحرك و يتكلم بشجاعة و بأدب عشان يبقى مصلح مستقبلا و فاعلا لا مفعول به

_أنا بقسى على ولادي وبشد عليهم علشان عاوزهم أفضل ناس _لا ،حضرتك بتقسي على أولادك وبتشد  عليهم علشان حضرتك  اتربيت كدة .. خلينا نتكلم بصراحة إن كل واحد فينا انعكاس ومرايا لتربية أبويه  … وخلينا نتكلم بصراحة إن مسألة الأفضلية دي غطاء للقسوة والشدة على الأولاد  … مفيش علاقة بين القسوة والأفضلية الأفضلية بتيجي بالذكاء التربوي … والذكاء التربوي بيحصل بأمرين أساسيين الأول : إنك تنتقي من تربية أبويك الصواب وتعمله مع أولادك وتتجنب الأخطاء اللي  الأبوين وقعوا فيها معاك  الأبوان  حفظ الله عقليهما إن كانا  في عداد الأحياء ورحم أرواحهما إن كانا في عداد الأموات  كانا من البشر غير المعصوم والأخطاء في التربية واردة  والتمسك بها تعنت وتضيع لفرصة أفضل في التربية . الأمر الثاني : إنك تفهم طبيعة ابنك وتتجاوب معاها تجاوب يسمح لك تمسك زمام الطبيعة دي وتوجهها للأفضل  اللي انت بتدور  …. فهم طبيعة ابنك هيسمح لك تكون حازم معاه  في أوقات وترفق به في أوقات  تشد في أوقات وترخي في أوقات وهو ده تعريف (الحكمة ) وهو المعنى المأخوذ من إحكام لجام الفرس … لو شديت اللجام طول الوقت هتختقه ولو أرخيته طول الوقت هيفلت منك … "ومن يؤت الحكمة فقد أوتي خيرا كثيرا " - ولاء رفاعي سرور

ابني اللهم بارك 6 سنوات وحابب سيرة الصحابة جدا بس هو غلبان وحساس جدا وده مخوفني عليه، نفسي لما يكبر يبقي قوي الشخصية وفيه من سمات الرسول صلى الله عليه وسلم وأصحابه رضي الله عنهم. تنصحني بإيه؟ ج/ أولًا ربنا يبارك لك فيه وينبته نباتًا حسنًا. الرجل لازم يتربى على عدة صفات في منتهى الأهمية: -الرجل لازم يتربى على المواجهة والصدام، أو التغافل والتعقل، لكن ميتقمصش ولا يلوي بوزه؛ لأنه بعدين هيكون هو قائد السفينة، والقائد مينفعش يتقمص. -مهم جدًا يكون له نصيب في التعاملات اللي بتحصل خارج البيت، يشتري كل حاجة، يكلم البياعين ويختار ويتناقش ويشيل (نقطة الشيل دي مهمة) مفتكرش أبدًا إني مشيت في الشارع مع أمي أو أختي أو زوجتي وهي شايلة حاجة وأنا ماشي فاضي، ولا أذكر إطلاقًا في بيتنا إن إحدى نسائه خرجت تجيب حاجة من برا، احنا اتربينا كدا ونشأة الصعيد أثرت على دا، ميتفهمش من كلامي إن خروج البنت للشراء خطأ أصلا لكني بشوفه أكمل للمروءة. -سمّعيه قصص العرب أو اقرأيها له، أو خلي له ورد من قراءتها، قصص الفروسية والشهامة والكرم، أشعار العرب القديمة بشرح مبسط والحاجات دي مالية النت يعني. حفظيه أبيات من معلقة عمرو بن كلثوم، سهلة وكلماتها لطيفة. -احكي له قصص الصحابة، والنبي صلى الله عليه وسلم خصوصًا، مواقف عن شجاعة النبي صلى الله عليه وسلم في الحروب، موقفه يوم حنين مثلًا، لما وقف على رؤوس كفار قريش وتوعدهم كلهم بالقتل، قصص معارك المسلمين الكبرى واقرني دا بآداب النبي صلى الله عليه وسلم في الحروب وحدود الإسلام فيه. -لو هو الكبير فهنيئًا والله، علميه إن هو الأب بعد الأب، واحرصي إن الدور دا يكون حمل ومسؤولية مش ديكتاورية وتحكم، لا، أنت مكان أبيك لأنك الرجل الكبير ودي مسؤولية وهمّ. -اخشوشني معه، الطبطبة والحنان الفائق بيطلع عيال طرية. جدي الله يرحمه كان بيقول ابن اسم الله ملوش عيش، يعني اللي كل ما يقع أمه تجري عليه، اسم الله يا حبيبي، معلش الأرض وحشة، هنضربها المهم تبقى كويس، كل دا بيطلع أجيال لما تجوع شويتين عشان الغدا اتأخر أخلاقها تسوء. -يا سلام لو علمتيه رياضة قتالية، والتعليم يكون مرهون إنه فاهم إن دور الرياضة حمايته وحماية أحبابه مش الخناق والاستعراض. -صدريه في المواقف الصعبة، عندنا مشكلة وعاوزين نحلها، قل لي رأيك وتعال نفكر. شيء مهم إنه يفشل ويقول أنا فشلت وعاوز أجرب تاني، شيء مهم كمان إنه لما يفشل يستقبل دا بروح رياضية، ويتعامل بمبدأ الـ"يلا اشطة مش مشكلة". -الأنتخة وحشة، أنتخة الإجازات أسوأ شيء ممكن، النوم تحت التكييف بالتاب وببجي شيء في منتهى السوء على المدى البعيد، الانغماس جوا المجتمع شيء مهم ومطلوب بشرط قدرته على حماية نفسه والتمسك بأفكاره. -أنا غلطان وبعتذر، دي أهم جملة محتاج يتعلمها تتقال امتى وفين وازاي، ميكترش منها وتبقى لبانة بيبرر بيها فشله، ولا ينساها خالص ويبقى عنيد. -لو تعلم ركوب الخيل، السباحة، الرماية، دا هيكون له فوايد جمَّة بإذن الله. -يا سلام بقا لو انضم لفرقة كشافة، هيتعلم منها كتير ويتبسط ويتعلم حل المشاكل والمواجهة. -القرآن هو اللي هيهذب أخلاقه. وعلميه إن القوة مش بالصوت العالي والشتيمة، وإني ممكن أبقى برنس وآخد حقي وأنا هادي من غير صوتي ما يعلى حتى. -ابعديه نهائيًا عن مواطن الرقص، بتكلم جد والله العظيم، رقص الأفراح والحفلات ودلوقتي بقت المدارس والجامعات، الكلام دا يقلل المروءة ويطعن في نبله وعيب. لعل الله يحسن صنع يديك يا رب. - عمر جوبه

إن عمل المرأة لا يجب إطلاقا أن يكون على حساب تربية أبنائها وحفظ بيتها، ولا يجب أن يخرج عن نطاق الضوابط الشرعية والحاجة له، ولكنهم جعلوه "فرض عين"وحولوه لشرط لنجاح المرأة فتحول الاستثناء لأصل! وحورب الأصل وشنّع عليه وبخس كل حق حتى في مجرد الذكر والدفاع عنه. وهذه جاهلية نتمرد عليها. - د.ليلي حمدان

Dominant mother + Absent father الام المهيمنة على الاسرة + الاب الغائب نفسيا (بالرحيل او السفر او الموت او الانسحاق والخضوع للزوجة او الانعزال داخل الاسرة واللامبالاة). وضع نفسي سلبي جدا على الاولاد عموما وبالأخص الذكور. االولد بيتحط في معركة صعبة جدا عشان يستخلص ذاته الذكورية من طغيان الام...وكمان معندوش نموذج الرجل يظبط نفسه عليه. عشان ينتصر..محتاج يكون (ذكر شرقي) macho man..سي السيد.. يقفل المسستوى.(يبحث عن امراءة يخضعها) او معرض للانهزام ..ينسحق ويخضع لها....ويتم خصاءه من رجولته..ينكسر....ويتحول لشخص صفاته الانثوية اكثر من صفاته الذكورية.(يبحث عن امرأة تسوده). او ينسحب..لا انتصر واثبت رجولته ولا قابل انه ينهزم...منسحب..منعزل..منطوي..مع شوك كبيرة في رجولته..عايز يبقى سي السيد بس مش عارف...(متقلب ..يبحث عن امراءة تخضع من تلقاء نفسها او يحاول اخضاعها في نفس الوقت منهزم لها). اما البنت فاحتمال برضو من اتنين تقمص حالة الام والبحث عن رجل يخضع...(نموذج الاب)...( أو تبحث عن رجل قوي- حتى تعود لوضع الانثى- ..ولكنها سرعان ما تحاول تخضعه). او البحث عن رجل نقيض الاب (ذكر شرقي.. .باد بوي .....macho man..سي السيد) - د.ماهر عبدالحميد

مفهوم مهم جدًا يجب أن يكون عند الوالدين فإصلاح الولد مبدأه ومنتهاه من الله - كتاب صيد الخاطر ط ابن الجوزي - القاهرة - صـ 207

من أعظم الابتلاءات هذه الأيام..معاناة الأمهات مع تعلق أولادهنّ بالأجهزة.. لا يكاد يخلو بيت من المسلمين من شكاوى هذا الأمر.. حتى من أراد منع أولاده..جاء التعليم عن بعد والبرامج الدراسية وغيرها كلها تضطرهم إليها.. وليس من العدل أن نرمي باللوم على الآباء والأمهات...فنحن نرى الكبار متعلقين بتلك الأجهزة...فكيف بصغار ومراهقين لم تكتمل عقولهم وإدراكهم..! مهما حاول المرء أن يحوط أولاده..أو لو كان حازما أو ترك لهم حريتهم..لن يضمن شيئا لهم... لذلك لا ضمان إلا بالدعاء..وأن يصلح الأبوين أنفسهما ويجتهدا فيما يستطيعان..فمثل هذه الأمور خارجة عن طاقة الإنسان...ولا يتولاهم ويحفظهم من هذه الشرور والآفات إلا الله سبحانه..! الأولاد الصالحون-في هذه الأيام بالذات-هم منّة وفضل من الله..فاطلبوهم منه سبحانه جل في علاه.. #تربية_الأبناء - ندي عمر