𝐈𝐛𝐫𝐚𝐭𝐥𝐢 𝐬𝐡𝐞'𝐫𝐥𝐚𝗿 | 𝐈𝐪𝐭𝐢𝐛𝐨𝐬𝐥𝐚𝐫

Oʻqituvchini haqoratlagan va kaltaklagan oiladan yetti avlodigacha ziyoli chiqmaydi deb oʻqigandim. Endi savol tugʻiladi, oʻqituvchini xor qilgan millatchi, shaʼnini qonunlarida koʻpirtirib himoya qilsayu, ammo amalda himoya qila olmasachi degan savollar qiynaydi insonni. Shuni aniq ayta olaman, oʻqituvchini xor qilgan xalq zalolatga va jaholatga mahkum. Yashirmayman, men maktabda deyarli hamma fan oʻqituvchilaridan kaltak yeganman, sababi koʻp kulardim va yaxshi oʻqimasdim, toʻgʻrisi. Ammo biror marotaba uydagilarga, akalarimga aytgan emasman. Aytsam ham aniq oʻshanda menga dakki berardi. Hozirchi, miyasida ilmi va siyratida tarbiyasi boʻlmagan "vorzakonchalar" (maʼnosini bilmayman, bilishni ham istamayman) oʻqituvchini ukasini savalaganday savalamoqda. Yoki kimlaridir tomonidan savalatmoqda. Ayb kimda? Maktabda oʻqituvchilar xarakteri har xil, qaysidir oʻqituvchi koʻnib ketadi, qaysidiri chiday olmay axiyri "portlaydi". Oʻqimasligigaku koʻngandir, lekin uni dars jarayonidagi oʻzboshimchaligiga chiday olmay tarsakidan dangillatadi. Kalta, yirtilgan shimchalarni kiyib olgan boyagi "vorzakoncha" oʻziga qarasa kuchi yetmaydi, miyasi ishlashini qarangda, oʻqituvchidan qasd olish kerak, boʻlmasa chiday olmayapti. Nimaga deysizmi? Chunki sinfda uni sevgan qizchasi ham boʻlganda. Endi gʻalamis niyatini amalga oshirish uchun ota onaga aytadi. Otani bilmadim, ona borib shantajni yoqib janjal qiladi. Yoki akalari oʻqituvchini yoʻlda tutib ukani alamini oladi. Xullas bunaqa hodisalar birinchi marta emas, bir necha martalab roʻy berdi yaqin bir yilni ichida. Bilmadim, nazarimda oʻqituvchini shaniga, obroʻsiga putur hamda kaltak bilan tan jarohati yetkazganlarning jazolanayotganini ommaga eʼlon qilinishi kerak, shart, ijtimoiy tarmoqlarda ovoza qilish kerak, koʻrsatish lozim. Shu zamonga keldikki, agar tushunmasa qoʻrqitish usullarini qoʻllaydigan vaqt keldi.