آيَة.🇵🇸

صبّحكم الله بالخير. اليوم السبت👈👉. أيوة هو السبت اللي قررت تبدأ من عنده لما ضيعت السبت اللي بعد العيد وأجلتها للأسبوع اللي بعده وعدى بردو بدون بداية! اليوم السبت التالت فهل هنضيع السبت ونقول كمان يومين هنبدأ من السبت؟ ليه العمر فيه كم سبت عشان نضيعه؟ وليه لازم نبدأ من السبت؟ بس عامةً اليوم السبت ومفيش حجة جهزوا ورقكم واعملوا قائمة بسيطة مبسطة تمامًا بمهام اليوم وابدأوا بيكون إحساس تحفة في آخر اليوم لما تلاقوا كل حاجة اتعمل عليها صح ولو مش كله اتعمل بنحاول تاني احنا بنحاول لحد ما تظبط ونستقيم أو نموت على الطريق مفيش حل تاني:" على الأقل يكون لنا عذر نقول لربنا لما نقابله! يوم جديد متنسوش أهلنا في غزة للأسف الأخبار بقينا نتعب عشان نلاقيها فمتنسوش حتى لو الكل نسى. وادعوا لأهلنا في سوريا والسودان والمستضعفين في بقاع الأرض. ونذكركم تاني بمقولة الشيخ بدر الثوعي: "أنتم حملةُ الرّاية، والرّايةُ لا تحملها اليدُ الضّعيفة."

لما انتهت غزوة بدر مر مصعب بن عمير بأخيه و هو أسير و يضع أحد الأنصار القيد في يده، فقال مصعب للأنصاري: أشدد عليه فإن له أم غنية تفديك. فقال له أخوه: ويحك إني أنا أخوك. فرد عليه مصعب: بل ذاك أخي؛ و أشار للأنصاري.

قيام الليل.🌿

النهاردة ١٨ شوال يعني باقي أقل من أسبوعين والشهر ينتهي! الحقوا صوموا ال ٦ من شوال قبل ما ينتهي الشهر.

السلام عليكم ورحمة الله وبركاته👈👉. بكرا السبت إن شاء الله إن كُتب لنا عُمر. من بعد رمضان أغلبنا بيمر بحالة من الفتور والضياع والتشتت ومش عارفين نعيش:" حرفيًا مش عارفين نكمل حياتنا" بما إن بكرا السبت ابدأوا بترتيب الفوضى حولكم الأول وبعدين رتبوا نفسكم ببساطة أي ورق وخطط كانت لرمضان نشيلها ونرتب المحيط اللي قاعدين فيه خاصةً داخلين على فترة امتحانات ومحتاجين ترتبوا كل حاجة حواليكم دا نفسه بيسهل على عقلكم إنه يهدى ويكون عارف كل شيء في مكانه. تاني شيء بقا محتاجين ورقة وقلم ونكتب العبادات اللي مستمرين عليها والعبادات اللي محتاجين نلتزم بيها العادات اللي فقدنها واللي مازلنا ملتزمين بيها عامةً أي حاجة ممكن تفضوا كل حاجة في دماغكم في ورقة دا بيخليكم تفهموا لما كل حاجة تكون قدامكم وكمان ممكن نجرب بكرا نعمل قائمة بالمهام والعبادات ونشوف آخر اليوم إيه اللي اتعمل وإيه لا؟ مش لازم نحرص على الكمال بس عشان نعرف فين القصور. وجربوا الأسبوع دا ولا بأس بالعثرات ودا الطبيعي أصلًا ممكن تعملوا جدول الأسبوع كله في صفحة واحدة وتشوفوا آخر الأسبوع إيه اللي مكمل وإيه لا؟ مفيش مشكلة لو وقعنا المشكلة الكبيرة إننا نكمل ومش بنحاول نقوم:)) وحطوا في بالكم إنه مفيش مجال للتخاذل مهما كان! وبذكركم "لو كنت وحدك لهانت؛ لكنّها أمة يا فتى." دا وقت العمل مش التخاذل حتى لا يُصاب إخواننا بذنوبنا. وبس متنسوش أهلنا في غزة وسوريا والسودان والمستضعفين في بقاع الأرض والله يمن علينا برفع راية الإسلام في كل بقاع الأرض:))

https://t.me/+JLp9e6AdxxUwNjE0 في حلقة هنا عن إسم الله الهادي الساعة ١١ بأمر الله للنساء.

هنقسم المتبقي من الحالات دي أسهم أسهم يعني اي هتتبرع ب20 جنية هيتقسم على كل الحالات كانك مشارك ف الكل عاوزين 230 سهم السهم ب20 جنية ممكن تشارك باقل ممكن تشارك بأكتر لا تحقرن من المعروف شيء وتذكر حر الأيام دي من حر يوم القيامة وتذكر حديث النبي كُل امْرِئٍ فِي ظِلِّ صَدَقَتِهِ حَتَّى يُفْصَلَ بَيْنَ النَّاسِ ) أَوْ قَالَ : (يُحْكَمَ بَيْنَ النَّاسِ) من لها يا أهل الخير من يبدأ للتبرع 01094785804

باقي ساعة ونص🫡.

باقي ساعة تقريبًا على المغرب .. ودي ساعة الإجابة فحتى لو اليوم كله ضاع كله كله ضاع! لسه فيه فرصة بإذن الله. -اقرأوا الأذكار -سورة الكهف -صلوا على النبي ﷺ بصيغة "صلى الله عليه وسلم" أو "اللهم صلِّ على سيدنا محمد" هتاخد تقريبًا من ٢٠ دقيقة ل ٣٠ دقيقة تقريبًا وهتجيبوا مايقال ١٥٠٠ ل ٢٠٠٠ مرة. -الدعاء لإخوانكم في غزة -الدعاء لكم وأهلكم وصحبتكم. ومننساش ندعي بالجنة، العفو، الستر في الدنيا والآخرة، يحفظكم من الفتن، تحفظوا القرءان، وغيرهم وندعي باللي نفسنا فيه في الدنيا. كلهم يحصلوا في عفو وعافية ودين ومش يكون فيه منهم شقاء لك. ويختارلكم الخير. وبس وادعولي :")

عددوا نعم الله وافتكروا إخوانكم في وسط ميمز الصيف !"(