Ormilitarism

Ukrayna Silahlı Qüvvələri Starlink V5 terminallarının yeni versiyalarını almağa başlayıb. Yenilənmiş V5 terminallarının sahəsi əvvəlki V4 versiyası ilə müqayisədə demək olar ki, 50% daha kiçikdir. Sahə ölçümləri təxminən 117 500 mm², əvvəlki versiyada isə 227 500 mm². Çəkisi də 60%-dən çox azaldılaraq 2,9 kq-dan 1,1 kq-a endirilib. Bundan əlavə, enerji sərfiyyatı demək olar ki, iki dəfə azaldılıb: 75–100 Vt-dan 35–50 Vt-a. Küləyə davamlılıq isə 2,7 dəfədən çox artırılaraq 96 km/saatdan 265 km/saata çatdırılıb.

ABŞ Ordusuna məxsus AH-64 Apache helikopteri Texasda qəzaya uğrayıb. Ekipajın hər iki üzvü həlak olub.

“Geran-4 seeker” reaktiv dronu zərbəsi nəticəsində Odessa–Dnepropetrovsk qatarının məhv edilmiş lokomotivi.

Ukrayna Baş Kəşfiyyat İdarəsinin məlumatına görə, S-71M “Monoxrom” raketinin üzərində hədəfə süni intellekt alqoritmi vasitəsilə yönəlmə üçün istifadə olunan Nvidia Jetson Orin təkplitəli kompüter aşkar edilib. Daha əvvəl NVIDIA Jetson Orin bazasında olan modullar “Geran-2”, V2U və hətta süni intellekt alqoritmlərindən istifadə edərək hədəfə yönələn bəzi “Molniya” dronlarına da quraşdırılmağa başlanmışdı. “Geran-2” dronlarında passiv radiolokasiya özütuşlama başlığının (PRGSN) komponentləri aşkar edilib. Bu raket sistemi hava hücumundan müdafiə raket komplekslərini və radiolokasiya stansiyalarını aşkarlamaq və məhv etmək üçün nəzərdə tutulur. Prinsip etibarilə HARM və ya X-31 kimi radarəleyhinə raketlərdə istifadə olunan yanaşmaya bənzəyir.

Novorossiyskə həyata keçirilən kütləvi dron hücumunun Qərb peykləri tərəfindən çəkilmiş şəkilləri. Taxıl Məhsulları Kombinatının dam örtüyü zədələnib, Taxıl Terminalında konveyer taxıl estakadası uçub. Neftdoldurma körpüsündə tankerə, həmçinin Rusiya Hərbi Dəniz Qüvvələrinin Novorossiysk bazasındakı, donanma gəmilərinin yerləşdiyi körpülərə ziyan dəyib.

Latviya istiqamətində naməlum dron NATO hava məkanını pozub. NATO qırıcıları naməlum dronu vuraraq məhv edib.

Putin ilk dəfə Yaponiya ilə mübahisəli olan Kuril adaları silsiləsindəki İturup adasına səfər edib. Yaponiya səfərə etirazını bildirib

Rusiya “Geran-3” kamikadze reaktiv dronlarının istehsalını dayandırıb. Ukrayna tərəfinin məlumatına görə, “Geran-3” porşenli mühərrikə malik “Geran-2” ilə reaktiv mühərrikli “Geran-4” arasında keçid versiyası rolunu oynayıb. Dron, mühərrik istisna olmaqla, demək olar ki, eyni konstruksiyaya və avadanlığa malik olub. Burada kiçik ölçülü Telefly JT80 reaktiv mühərrikindən istifadə edilib. İndi isə bildirildiyinə görə, Rusiya konstruksiyası daha güclü Telefly LX-WP-160 reaktiv mühərrikinə uyğunlaşdırılmış “Geran-4” dronlarının istehsalına keçir. Bu mühərrik JT80 ilə müqayisədə təxminən iki dəfə çox dartı qüvvəsi yaradır. Gücləndirilmiş konstruksiya ilə birlikdə bu, pilotsuz uçuş aparatının maksimal sürətini təxminən 40% artırır və ona anti dronlardan və yerdən açılan atəşdən yayınmağa imkan verir.

ABŞ briqadasının standart Elektron Mübarizə (EW) müdafiə sistemləri real cəbhə təcrübəsi olan ukraynalı operatorların çevik tezlik dəyişmə taktikası qarşısında yetərsiz qalıb.

ABŞ 3-cü Zirehli Briqadasının "Abrams" tankları və "Bradley" PDM-ləri poliqonda hərəkətə başlayan kimi yüksək toz dumanı yaradıb. Bu da onları havadan kəşfiyyat üçün asan hədəfə çevirib. Ukraynanın 412-ci PUA batalyonunun operatorları kəşfiyyat apararaq ucuz FPV dronları ilə hədəfləri simulyasiya şəraitində bir-bir sıradan çıxarıb.

Almaniyanın "Hohenfels" poliqonunda keçirilən NATO simulyasi təlimlərində Ukrayna PUA bölməsi müasir döyüş taktikaları ilə ABŞ-ın zirehli briqadalarından birini tamamilə məğlub edib.

USS Abraham Lincoln təyyarədaşıyan gəmisinin göyərtəsində xidmət edən bir neçə hərbçi gəminin uzunmüddətli missiyası zamanı özünü dənizə atmağa cəhd edib. Gəmidəki təxminən 5000 dənizçi və dəniz piyadası noyabrın 21-dən etibarən, səkkiz aydan çox müddətdə İrana qarşı əməliyyatları dəstəkləmək məqsədilə bölgəyə yerləşdirilib.

Məşhur GTA helikopter missiyasını uğurla keçən oyunçular Ukraynanın ən yaxşı FPV dron pilotlarına çevriliblər. Ukrayna hərbi təlimçiləri döyüş aviasiyası üçün qeyri-ənənəvi istedad mənbəyi müəyyən ediblər. Onlar GTA kimi video oyunlarında yüksək nəticə göstərən şəxslərin FPV dron pilotu kimi uğurlu ola biləcəyini müəyyən ediblər.

Rusiya Ukraynanın neft emalı zavodlarına hücumları fonunda Hindistandan benzin idxal etməyə başlayıb.

Şimali Koreya ABŞ-Cənubi Koreya hərbi təlimləri ərəfəsində ballistik raket atəşləyib. Şimali Koreya çərşənbə günü şərq sahillərindən ballistik raket buraxıb. Raket təxminən 700 kilometr məsafə qət edib. Atış ABŞ və Cənubi Koreyanın birgə genişmiqyaslı hərbi təlimlərinə başlamasına bir neçə gün qalmış baş verib.

Bu gün Türkiyə Hərbi Hava Qüvvələrinə məxsus F-16 qırıcısı təlim uçuşu zamanı Türkiyənin Yalova vilayətində qəzaya uğrayıb. Pilot qəzadan sağ çıxıb.

Çin və İndoneziya Tayvanın şərqində birgə hərbi-dəniz təlimləri keçirməyi planlaşdırır. Bu isə Tayvanın Pekini həmin sulardakı iddialarını legitimləşdirməyə çalışmaqda ittiham etməsinə səbəb olub. İndoneziya isə bunun adi “keçid təlimi” olduğunu və döyüş əməliyyatlarına hazırlıq xarakteri daşımadığını bildirir.

Ukrayna kəşfiyyatının məlumatına görə, Rusiya kütləvi zərbələr üçün təxminən 6200 ədəd “Geran” dronunu ehtiyatda saxlayıb. Rusiya bir hücum zamanı potensial olaraq 600-1000 dron buraxa bilər. “Geran-4/5” dronlarının istehsalının ayda təxminən 3000 ədəd olduğu təxmin edilir.

Ukraynanın əsas müdafiə texnologiyaları şirkətlərindən biri olan General Chereshnya 2026-cı ilin iyul ayında Ukraynanın Delta/e-points reytinqində yenidən birinci olub. Şirkətin dronlarının 16000-dən çox hava hədəfini vurduğu bildirilir. Bunlardan təxminən 13000-i sabit qanadlı PUA, 3000-i isə FPV və kopter tipli hədəflər olub. Şirkət ümumi vurulan hədəflərin sayına görə 2-ci, gündüz həyata keçirilən zərbələrə görə 2-ci, gecə FPV zərbələrinə görə isə 3-cü yeri tutub. AIR Speed və Bullet ələkeçirici dronlarının payına isə təxminən 300 ədəd Shahed tipli dron düşüb.

Ukrayna cəbhəyə çatmayan silahlara görə 1 milyard dollardan çox pul ödəyib. Ukraynanın Müdafiə Nazirliyi təsdiqləyib ki, vaxtında cəbhəyə çatdırılmayan silah və hərbi texnikaya görə 1 milyard dollardan çox məbləğdə gecikmiş ödəniş vəsaiti yığılıb.