O‘simliklar karantini va himoyasi Toshkent viloyati boshqarmasi

🇺🇿 🇷🇺Eksporti hajmini oshirish masalalari Rosselxoznadzorda ham muhokama etildi ✅ Xabar berib borayotganimizdek, Agentlik vakillari Rossiya Federatsiyasida boʻlib turibdi. Ishchi tashrifi doirasida Oʻsimliklar karantini va himoyasi agentligi rahbari Ibrohim Ergashev Veterinariya va fitosanitariya nazorati federal xizmati (Rosselxoznadzor) rahbari Sergey Dankvert bilan uchrashdi. ✍️ Uchrashuv doirasida Oʻzbekiston va Rossiya oʻrtasida qishloq xoʻjaligi mahsulotlari eksporti hajmini oshirish masalasi muhokama etildi. Maʼlumot uchun, Rossiya Federatsiyasining Qishloq xoʻjaligi vazirligi huzuridagi mazkur tashkilot veterinariya va fitosanitariya yoʻnalishida federatsiya hududida nazoratni amalga oshiradigan organ hisoblanadi. 💬 Muloqot davomida tomonlar bugun qishloq xoʻjaligi sohasidagi holatni tahlil qilib, tovarayirboshlash soʻnggi yillarda keskin oshganini taʼkidladilar. Endigi maqsad meva-sabzavotlarning sifatini yanada oshirish, saralash, qadoqlashga alohida eʼtibor qaratib, bunda fitosanitariya qoidalariga amal qilish muhim. 🟢 Ijobiy tajriba sifatida Jizzax viloyatida barpo etilgan “BMB-NRC Agrologistics” agrologistika markazi keltirildi. Markaz hududida fitosanitariya laboratoriyasi tashkil etilgan boʻlib, Rossiyaga eksport boʻladigan mahsulotlarning tekshiruvini amalga oshirish uchun sharoitlar yaratilgan. Bunda mahsulot buzilishining oldini olish, tadbirkorlik subyektlariga qulaylik yaratish, hujjatlar rasmiylashtiruvida ortiqcha ovoragarchiliklarni oldini olish nazarda tutilgan. 🤝 Kelishuv doirasida fitosanitariya yoʻnalishida hamkorlikni yanada kengaytirish, Rosselxoznadzor vakillarining Jizzax viloyatidagi “BMB-NRC Agrologistics” agrologistika markaziga tashrifini tashkil etish rejalashtirildi. 🔰 karantin.uz 📱Facebook 📱Instagram📺Youtube ✖️Twitter

✅ Bokuda “Yashil dunyo sari” deb nomlangan o‘simliklar salomatligi forumi boshlandi ✍️ Ozarbayjon Oziq-ovqat xavfsizligi agentligi (FSA) va Ozarbayjon Qishloq xo‘jaligi vazirligi hamkorligida tashkil etilgan tadbirda qator davlat idoralari, xorijiy davlatlar, xalqaro tashkilotlar vakillari, ekspertlar ishtirok etdi. 🔰 Forumda O'simliklar karantini va himoyasi agentligi vakillari ham ishtirok etdilar. Raqamlashtirish boshqarmasi boshlig'i Ibrohim Shoqosimov mamlakatimizda fitosanitariya sohasini raqamlashtirish yo'nalishida amalga oshirilgan ishlar bilan tanishtirdi. Shuningdek, e-Fito.uz va "Agroko'makchi" mobil ilovasi taqdimoti bo'lib o'tdi, elektron tizimlar forum ishtirokchilari tomonidan yuqori baholandi. 🌍 21-22 may kunlari boʻlib oʻtadigan forumning asosiy maqsadi oʻsimliklar va oʻsimlik mahsulotlarini zararkunandalardan himoya qilish, zararkunandalarga qarshi kurashish orqali oʻsimliklar salomatligini mustahkamlash va ishlab chiqarishni kengaytirish boʻyicha hamkorlik platformasini yaratishdan iborat. Shuningdek, o'simlik mahsulotlarining xavfsiz savdosini ta'minlash, global oziq-ovqat xavfsizligini oshirish va biologik xilma-xillikni saqlashga oid rejalar belgilangan. Ishtirokchilar orasida o‘simliklarni sog‘lomlashtirish milliy institutlaridan vakillar, mintaqaviy va xalqaro tashkilotlar, davlat idoralari va ekspertlar ishtirok etdi. 💬 So‘zga chiqqanlar agrar sohadagi islohotlar, qishloq xo‘jaligi ekinlari yetishtirishdagi innovatsiyalar haqida so‘z yuritdilar. ❤️ Tadbir “Iqlim o‘zgarishi sharoitida zararkunandalarga qarshi kurashda barqaror qishloq xo‘jaligi amaliyotlarining o‘rni: COP29 kontekstida” va “O‘simliklar salomatligi bo‘yicha tadqiqotlar va inson resurslari salohiyati” mavzulari doirasidagi sessiyalar bilan davom etdi. 🔰 karantin.uz 📱Facebook 📱Instagram📺Youtube ✖️Twitter

❗️❗️❗️ Respublikamiz eksportchilari diqqatiga! ☎️ Qishloq xo‘jalik va meva-sabzavot mahsulotlari eksporti bilan shug‘ullanuvchi tadbirkorlarga doimiy ravishda amaliy yordam ko‘rsatish maqsadida O‘simliklar karantini va himoyasi agentligida Markaziy eksport shtabi tashkil etildi. 💬 Tadbirkorlik faoliyatida duch kelayotgan muammo va takliflar bo‘yicha doimiy Markaziy eksport shtabning quyidagi ishonch telefon raqamlariga murojaat qilishingiz mumkin. 🔴 Eslatma: har bir viloyat uchun alohida aloqa liniyalari ajratilgan bo'lib, ichki raqamni terish orqali eksport bo'yicha mutaxassis bilan bog'lanishingiz mumkin. Murojaat uchun telefonlar: +998 71 202 10 00 (ichki raqam)👇 Qoraqalpog'iston Respublikasi — 1506 Andijon — 1507 Buxoro — 1508 Jizzax — 1509 Qashqadaryo — 1510 Navoiy — 1511 Namangan — 1512 Samarqand — 1513 Surxondaryo — 1514 Sirdaryo — 1515 Toshkent viloyati — 1516 Farg'ona — 1517 Xorazm — 1518 Toshkent shahri — 1519 🔰 Ma'lumot uchun har bir viloyatda shtablar tashkil etilgan bo'lib, O'simliklar karantini va himoyasi agentligining hududiy boshqarmalariga murojaat qilishingiz mumkin. 🔰 karantin.uz 📱Facebook 📱Instagram📺Youtube ✖️Twitter

🟦🟦🟦🟦 Bojxona postlarida meva-sabzavot eksporti uchun alohida yoʻlaklar tashkil etiladi ➡️ ✅ Bojxona qo‘mitasi tomonidan tovar va transport vositalari harakati yuqori bo‘lgan yirik chegara bojxona postlarida meva-sabzavot mahsulotlari eksportini ustuvor tartibda tezkorlik bilan amalga oshirish uchun maxsus belgilar bilan jihozlangan alohida yo‘laklar tashkil etiladi. 🖥🖥🖥 Bunda tez buziluvchan meva-sabzavot mahsulotlari (piyoz, karam, gilos, o‘rik va boshqalar) ortilgan transport vositalarini ushbu yo‘laklarga yo‘naltirishda ustuvorlik ta’minlanadi 🔰 karantin.uz 📱Facebook 📱Instagram📺Youtube ✖️Twitter

Moskva shahridagi eng yirik ulgurji savdo maydoni "Food city"da O'zbekiston mahsulotlari paviloni #export #Food_city #Moskva 🔰 karantin.uz 📱Facebook 📱Instagram📺Youtube ✖️Twitter

🍓 Fitosanitariya talablariga rioya qilgan holda malina mahsulotini yuqoridagi davlatlarga eksport qilishingiz mumkin! 👆 📲 Qadoqlash korxonalari, biolaboratoriyalar, o'simliklar klinikalar ro'yxati va boshqa maʼlumotlarni "Agroko'makchi" mobil ilovasidan olishingiz mumkin. 👉 📱“App Store” va 📱“Play Market” #Infographic #export #malina 🔰 karantin.uz 📱Facebook 📱Instagram📺Youtube ✖️Twitter

🇺🇿 🇷🇺 Moskvaning “Food city” oziq-ovqat tarmog‘i rahbarlari bilan uchrashuv o’tkazildi. ✅ Uchrashuvda O‘zbekistondan kelayotgan yuk mashinalariga qulayliklar yaratish, yetkazilgan mahsulotlarni qabul qilish, saqlash va realizatsiya vaqtida qabul qilish markazlaridagi muzlatkichlardan hamyonbop narxlarda foydalanish takliflari ilgari surildi. Bunda O‘zbekiston tomoni sifatli, sara mahsulotlarni yetkazib berish majburiyatini o‘z zimmasiga olishini ta’kidlandi. 💬 Shuningdek gilosni o‘qlash holatlarini bartaraf etishda karantin xizmatining o‘rni va eksportyorlarga ko‘maklashishiga javobgar ekanligi aytib o‘tildi. 🤝 “Food city” rahbariyati takliflarni qabul qildi va har bir masala yechimi bo‘yicha aniq mexanizm ishlab chiqishni ma’lum qildi. ➡️ Kelgusi bir yarim yil ichida yangi avtoturargoh va saqlash ombori qurilishi boshlanib, bunda 18 gektar maydonda saqlash omborlari va yarmarkalar tashkil etilishi rejalashtirilgani qayd etildi. 🍏🍎 Rossiyaga O‘zbekistondan eksport bo‘layotgan mahsulotlar hajmi ortib borayotganini inobatga olib, mahsulotlarni sifatli qadoqalash va iste’molchiga qulay bo‘lgan ko’rinishda yetkazish muhimligi ta’kidlandi. Misol tariqasida joriy yildan boshlab o‘rik mahsuloti gofra qutilarda eksport qilingan. 🚛 Ma’lumot uchun, 2023-yilning o‘zida O‘zbekistondan “Food city” tarmog‘iga 20 mingdan ortiq yuk mashinasida 440 ming tonna mahsulot olib kelingan. ✍️ Oziq-ovqat tarmog‘ida O‘zbekiston mahsulotlari ulushini ko‘paytirish masalasi ham muhokama etildi. Mamlakatimiz eksportyorlari uchun alohida kross dok tashkil etish mavzusi ham diqqat markazida bo’ldi. Bunda zarurat tug‘ilganda chegirmali mahsulotlarni e’lon qilish, yarmarkalar o‘tkazish imkoniyati tug‘iladi. 🔰 karantin.uz 📱Facebook 📱Instagram📺Youtube ✖️Twitter

Nima sababdan Italiyadan Samarqandga keltirilgan gul ko‘chatlari yo‘q qilindi? 🔴 “Samarqand shahrida oilaviy korxona tadbirkorligi bilan faoliyat yurituvchi tashkilotga Italiya davlatidan 100 dona karantin ostidagi mahsulot atirgul ko‘chatlari hamda 100 dona Gardania grandiflora gullari olib kelingan. 🔬 Ushbu mahsulotlardan Samarqand viloyat O‘simliklar karantini va himoyasi boshqarmasi O'KCHM davlat inspektorlari tomonidan namunalar olinib, Markaziy fitosanitariya laboratoriyasiga ekspertiza xulosasi uchun yuborilgan. Ekspertiza xulosasiga ko‘ra, ushbu ko‘chatlar "Erwinia amylovora" bakterial kassalik qo‘zg‘atuvchi hamda "Prunus necrotic ringspot virusi" (danak mevali daraxtlarning nekrotik dog‘lanish kasalligi) va 100 dona Gardania grandiflora sitrus oq qanoti zararkunandasi borligi aniqlangan. ✍️ 100 dona Gardania grandiflora gullarida namli zararsizlantirish ishlari olib borilgan. Karantin osti mahsulotlari hisoblangan 100 dona atirgul ko‘chatlarini eksportyor davlatga qaytarib yuborishning imkoni yo‘qligi sababli, viloyat O‘simliklar karantini va himoyasi boshqarmasining mas’ul xodimlari va tegishli tashkilotlar bilan hamkorlikda yoqib yo'li bilan yo'q qilindi. 🔰 karantin.uz 📱Facebook 📱Instagram📺Youtube ✖️Twitter

✅ Pestitsidlardan foydalanish bo‘yicha seminar-trening tashkil etildi 🇩🇪🇺🇿 Farg‘ona viloyatida Germaniya xalqaro hamkorlik jamiyati (GIZ) loyihasining texnik koʻmagida xalqaro ekspertlar Dario Ivich, Tina Fazinich, Vekoslav Markotich ishtirokida seminar-trening o‘tkazildi. 👫 Unda Farg‘ona viloyati O‘simliklar karantini va himoyasi boshqarmasi vakillari hamda shahar va tuman bo‘limlari fitosanitar inspektorlar qatnashishdi. 🌲 Seminar-trening "Pestitsidlardan barqaror foydalanish" mavzusiga bag‘ishlanib, unda mutaxassislar tomonidan pestitsidlarni saqlash, koʻchirish, ulardan foydalanishda muhofaza maydonlarini belgilab olish, toifalanishi borasida batafsil ma'lumotlar berildi. Va bu borada jahon xususan, Xorvatiya tajribasi taqdimot misolida ishtirokchilarga yetkazildi. 🤝 O‘simliklar karantini va himoyasi ilmiy-tadqiqot instituti hamda Germaniya xalqaro hamkorlik jamiyati (GIZ) hamkorligida mutaxassislar tayyorlash borasida ham fikr almashildi. 💬 Shuningdek, seminarda Yevropa ittifoqi mamlakatlarida pestitsidlardan foydalanish tajribalari muhokama qilindi. ✍️ Ma’lumot uchun, bunday seminar-treninglar respublikamizning barcha viloyatlarida navbatma-navbat tashkil etiladi. 🔰 karantin.uz 📱Facebook 📱Instagram📺Youtube ✖️Twitter