new chanale

🕕 ጊዜን የሚበሉ ተምችና ኩብኩባዎች (PROTECT YOUR TIME FROM CATERPILLER AND PALMERWORM) ጊዜ የእግዚአብሔር ስጦታ ነው። ጊዜ የምህረትና የቸርነቱ ውጤት ነው። ጊዜን የሚሰጥ እግዚአብሔር ነው።ጊዜ አጠቃቀምን ማወቅ ግን የሰው ልጅ ኃላፊነት ነው። እንደ አዲስኪዳን ማህበረሰብና በክርስቶስ ኢየሱስ አምኖ እንደ ዳነ ሰው ለጊዜ ያለን ግምትና ቦታ ከፍ ሊል ይገባል ብዬ አምናለሁ። #ጊዜ የምንቀልድበት መቀለጃ አይደለም።ጊዜ የምናቃጥለው ማገዶ አይደለም።ጊዜ ይለፍ ብለን የምናሳልፈው ወንዝ አይደለም። ↗ከጊዜ በስተጀርባ የእግዚአብሔር ምህረት አለ። ↗ጊዜ ባለቤት አለው። ↗ጊዜ ይሰጣል። ↗ጊዜ ይወሰዳል። ↗ጊዜ ይጀምራል። ↗ጊዜ ያልቃል። ስለ ጊዜ ሳስብ አንድ አጭር ሂሳብ ሰራሁ። ይህን ሂሳብ የሰራሁት ጊዜዬን አሟጥጦ የመጠቀምን ጥበብ ለመማር ነው። ጊዜያችን በአግባቡ ለመጠቀም ጊዜያችንን የሚያባክኑ ነገሮችን መለየት አስፈላጊ ነው። ጊዜያችንን እንዴት መጠቀም እንዳለብን ለማወቅ ጊዜያችንን የሚያባክኑ ነገሮችን መለየቱ ተገቢ ስለሆነ እኔም ጊዜን የሚያባክኑ ዋና ዋና ምክንያቶችን በጥቂቱ ለመጥቀስ ሞክሬአለሁ። ያልተጠቀሱትን ለእናንተ ትቼዋለሁ።       🕑 ከመጠን በላይ በሆነ እንቅልፍ የሚባክን ጊዜ 1ኛ እያንዳንዱ ሰው ቢያንስ በቀን ለ 7 ሰአታት ይተኛል። 2ኛ የእንቅልፍ ሰአቱ በወር ሲሰላ ደግሞ=210 ሰአታት  ነው። 3ኛ የእንቅልፍ ሰአቱ በአመት ሲሰላ ደግሞ = 2555 ሰአታት ነው። 4ኛ አንድ ሰው በአመት የሚተኛው የእንቅልፍ ሰአታት ወደ ቀን ሲቀየር ከ365 የአመቱ ቀናቶች ውስጥ 106 ቀናቶችን ይተኛል ማለት ነው።የሚቀረው 259 ቀናት ናቸው። 5ኛ አንድ ሰው በአማካይ 70 አመት ቢኖር በ70አመታት የእንቅልፍ ሰአቱ ሲሰላ 178850 ሰአታት ማለት ነው።የሰባ አመት የእንቅልፍ ሰአቱ ወደ ቀን ሲቀየር ለ 7452 ቀናቶች ይተኛል ማለት ነው። 6ኛ ጤናማ እንቅልፍ መተኛት እጅግ አስፈላጊ ነው! (ከ10አመት በፊት ሳይንሱ አንድ ጤናማ ሰው በቀን ለ 7 ሰአታት ሊተኛ ይገባል የሚል ጥናት አውጥቶ ነበር። ከ2017በኋላ ደግሞ 7ሰአታት ብዙ ስለሆነ 6ሰአት መተኛትን የጤናማ ሰው መመዘኛ አድርጎታል። 7ኛ ከመጠን በላይ ባለመተኛት ጊዜን በአግባቡ መጠቀም የጠቢብ ሰው የህይወት ዘይቤ ነው ብዬ አምናለሁ። 8ኛ ድህነት የሚጠራ እንቅልፍ መተኛት ግን ከባድ ስለሆነ መንቃት ያስፈልጋል።        🕓 ትራንስፖርት ላይ የሚባክን ጊዜ (በኢትዮጵያ ነባራዊ ሁኔታ) 1ኛ በቀን ውስጥ በስራ መግቢያና መውጫ ላይ አንድ ሰው ቢያንስ 1 ሰአት በትራንስፖርት ላይ እና በሰልፍ ላይ ያጠፋል የሚል ጥናት አንብቤያለሁ። 2ኛ ይህ ማለት በወር 26 ሰአታትን በትራንስፖርትና በሰልፍ ላይ ያጠፋል። 3ኛ ይህ ስሌት በአመት ሲሰላ አንድ ሰው በአማካይ ወደ 312 ሰአታትን በትራንስፖርትና በሰልፍ ላይ ያጠፋል።               🕓 የኢንተርኔት አጠቃቀም ላይ የሚባክን ጊዜ 1ኛ አንድ ጥናት እንደሚያሳየው አንድ ኢንተርኔት ተጠቃሚ ሰው በቀን በአማካይ ከ 1:30  በላይ ኢንተርኔት ላይ ጊዜውን ያባክናል ይላል። (ኢንተርኔት መጠቀም በራሱ ስንፍናና ጊዜ ማባከን ማለት ባይሆንም ኢንተርኔትና ማህበራዊ ሚዲያዎች ላይ አላስፈላጊ ጊዜ ማሳለፍ ጊዜን ማባከን ነው።              🕓ቀጠሮ ላይ የሚባክን ጊዜ 1ኛ  ቀጠሮ ላይ ያለ ችግር የኛ የኢትዮጵያውያን ትልቁ ቀንበር መሆኑ የትኛውም አለም ያውቀዋል። 2ኛ ቀጠሮ ላይ ያለን አስተሳሰብ እጅግ የተበላሸና ሊታረም የሚገባው ነው። 3ኛ ሰውን 9 ሰአት ለማግኘት 8 ሰአት መቅጠር ፣ 6 ሰአት ለማግኘት 5:30 መቅጠር የተለመደ ነው። 4ኛ ቀጠሮ ላይ አርፍዶ መድረስ ደግሞ በጣም ታዋቂው የኛ ልማድ ነው። 5ኛ ሰዎችን በፍፁም በዚህ ሁኔታ መቅጠር ተገቢ ልማድ አይደለም።              🕕 ሻይ ቡና ላይ የሚባክን ጊዜ 1ኛ በጣም ውድ የሆኑ ጊዜያት ከሚቃጠሉበት ማቃጠያ ስፍራዎች አንዱ የሻይ ቡና ጊዜ ነው። 2ኛ ከልክ ያለፈ የሻይ ቡና ጊዜ መውሰድ ትርፉ ሃሜትና አሉባልታ ስለሆነ ነገርን በልክ ማድረግ ተገቢ ነው። 🕑 ያለ ዕቅድ መመላለስ 1ኛ ያለ ዕቅድ መመላለስ ጊዜን የሚበላ ተምችና ኩብኩባ ነው። 2ኛ ዕቅድ ከሌለ ጊዜ በከንቱ ይባክናል። 3ኛ ዕቅድ ሲኖር የጊዜ አጠቃቀም ስነስርአት ይዳብራል።             🕓ጊዜ የሚያባክኑ እልፍ ነገሮች አሉ ጊዜን የሚበሉ ብዙ ምክንያቶችን ለመዘርዘር እኔም ጊዜ ስለሌለኝ እስቲ   ጊዜያችሁን በአግባቡ እንዳትጠቀሙ ያሉ ተግዳሮቶችን ለራሳችሁ ዘርዝሩትና መፍትሔ አብጁላቸው። (እኔ በግሌ ይህን በማድረጌ ውጤታማ እየሆንኩ ነው።) ተባረኩ !! ✍ነቢይ መሳይ አለማየሁ 👇👇👇 @KALTUBE     @KALTUBE    @KALTUBE

ሳትሰስት ቀና ሁን! ሁሌም መልካም ሁን ምንም ሳትጠብቅ ስጥ የሚገባህን የሚጠበቅብህን ሳትሰስት አድርግ ቅንነት ከውስጥህ አይጥፋ ያኔ አንተ ሳትሆን ፈጣሪ ባንተ ላይ ሲሰራ ታየዋለህ ባንተ የማይቻለው እና እደርስበታለው ብለህ የማታስበውን ሁሉ ስትደርስበት እና ታሪክህ ሲቀየር ታያለህ ከአቅም በላይ ናቸው ያልሀቸው ነገሮች በሙሉ ከአቅምህ በታች ሲገኙ ታያለህ ስለዚህ ወዳጄ ለጥያቄዎችህ መልስ ለማግኘት ስትሻ ውስጥህን ከልብህ አንፃ እመነኝ ያኔ የማይመለስ ጥያቄ አይኖርህም! መልካም ቀን ተመኘን 🙏 @Inspire_ethiopia የእናንተው ምርጥ ጓደኛ 😊

🌿#ለራስህ_ለመሆን_መጀመር_ያለብህ_5_ነገሮች #ከትክክለኛ_ሰዎች_ጋር_ጊዜህን_ማሳለፍ_ጀምር - እነዚህ ሰዎች የሚያስደስቱህ ፣ የሚያደንቁህ ፣ የሚወዱህ እና እንድትሻሻል እና እንድትቀየር ጤናማ በሆነ መንገድ የሚያበረታቱህ ናቸው፡፡ #ችግሮችህን_ፊት_ለፊት_መጋፈጥ_ጀምር - አንተን የሚገልጽህ ችግርህ ሳይሆን ለችግሮችህ የምትሰጣቸው ምላሾች እና ከችግሮችህ ውስጥ ወጥተህ ማገገም የምትችልበት አቅምህ ነው፡፡ እርምጃ እስካልወሰድክባቸው ድረስ ችግሮችህ አይጠፉም፡፡ የምትችለውን አድርግ ለአደረግከውም ነገር እውቅና ስጥ፡፡ #ስለ_ሁሉም_ነገር_ከራስህ_ጋር_ግልጽ_መሆን_ጀምር - ትክክል ስለሆነው ነገር እና እንደዚሁም መቀየር ስላለባቸው ነገሮች ሀቀኛ እና ግልጽ ሁን፡፡ ማሳካት ስለምትፈልገው ነገር እና መሆን ስለምትፈልገው ሰው ግልጽ ሁን፡፡ ሁልጊዜም በሕይወትህ እያንዳንዱ ክፍል ላይ ሀቀኛ እና ግልጽ ሁን፡፡ #ለራስህ_ደስታ_ቅድሚያ_መስጠት_ጀምር - ፍላጎቶችህ አስፈላጊ ናቸው፡፡ ለራስህ ዋጋ ካልሰጠህ ፣ ለራስህ ካልቆምክ፣ ራስህን ካልጠበቅክ ሆን ብለህ ራስህን ለማጥፋት ተነስተኻል ማለት ነው፡፡ አስታውስ በዙሪያህ ላሉት እየተቆረቆርክ እና እያሰብክ የራስህንም ፍላጎቶች ማሳካት ትችላለህ፡፡ አንድ ጊዜ ፍላጎቶችህ እንደተሟሉ ደግሞ የአንተ ድጋፍ ለሚያስፈልጋቸው የበለጠ መድረስ ትችላለህ፡፡ #በኩራት_እና_በሀቀኝነት_ራስህን_መሆን_ጀምር - ሌላ ሰው ለመሆን መሞከር አንተ የሆንከውን ሰው ማባከን ነው፡፡ ራስህን ሁን፡፡ ሌሎች አጠገቡ የማይደርሱበት ሀሳቦች ፣ ብርታቶች እና ውበት የያዘውን በውስጥህ ያለውን ያን ሰው ተቀበለው፣ እቀፈው፡፡ 🎖 @cekuaa🎖 🕊 ነገ መልካም ይሆናል ! 🕊 💫 https://t.me/philoso_phy 💫 🎖@cekuaa🎖

ለቀናትህ ዋጋ ስጥ! ጊዜን መቅደም ባትችል እንኳን ከእርሱ እኩል ለመጓዝ ፣ ትናንት ፣ ዛሬ ነገ እንደነበር አስተውል ፤ ብዙ እቅድ ታቅዶለት እንደነበርም አስታወስ ። ይሁንና ሁሌም ዛሬን እያባከኑ ለነገ ማቀድ አይቻልም ። ነገ የተባሉት ቀናት ሁሉ ደርሰው ዛሬና አሁን ይባላሉ ። ነገ የማይደረስ መስሎህ ከሆነ አትጠራጠር ይደርሳል ፤ ደርሶም ያልፋል ፣ ምንም የማታደርግበት ትናንት ይሆናል ። ብዙ ቀናቶች ትናንት ሆነዋል ፤ ታሪክ ሆነዋል ፤ ሲያልፉ ቆጭተውናል ፤ ሲታለፉም አስደስተውናል ። ሩቅ የመሰለህ አመትም እንደ ቀልድ ይደርሳል ፤ ሁለት ፣ ሶስት አመታትም እያየሃቸው ያልፋሉ ፣ ትዝታን በታሪክ ይዘው ይነጉዳሉ ። ብዙ ጊዜ እንዳለህ እያሰብክ ትርፍ አልባ ቀናትን አታሳልፍ ። አዎ! የጊዜህን ፣ የእያንዳንዱን ቀናቶችህን ሃያልነት ለመረዳት ግዴታ እስኪያልፉና የማይመለሱ እስኪሆኑ መጠበቅ አይኖርብህም ። ከምትጠብቀው መጪ ጊዜ በላይ እጅህ ላይ ያለው ፣ ዛሬና አሁን በየትኛውም መመዘኛ የተሻለው ነው ። ትልቅ ቦታ የሚያደርሱህ የእያንዳንዱ ቀናት ውጤታማነት ነው ፤ በአንድ ቀን የትም አትደርስም ፤ ጥረትህ በማይቋረጥባቸው በእያንዳንዱ ቀናት አንድነት ግን ካሰብከው ታልፋለህ ፣ እቅድህን ትሻገራለህ ፣ ግብህንም በሚገባ ትመታለህ ። አዎ! ለቀናትህ ዋጋ ስጥ ፤ ለጊዜህ ማዘን ጀምር ፤ ታሪክ የሚሰራብህ ሳይሆን ታሪክ የምትሰራበት አድርገው ። ጊዜ ከሚፈጥርልህ እድል በላይ እራስህ ለእራስህ በምትፈጥረው እደል ተማመን ። የጊዜውን ክብደት ከማቀንቀን በላይ በክብደቱ ውስጥ ከባድ ነገር አድርጎ መገኘት ትልቁ ጀግንነት ነው ። አጠቃላይ ነገሮችን ማስተካከል የሚችል ሌላ አካል ባለበት ለሆነው ሁሉ እራስህን መውቀስ አቁመህ የራስህ ስራ ላይ ማተኮር ጀምር ። ማድረግ የምትችለው ብዙ ነገር እያለ መቀየር በማትችለው ጥቂት ነገሮች አብዝተህ አትጨነቅ ፤ ተስፋህን አታጨልም ። ዛሬን መኖር ትችላለህ ፤ ዛሬ መደሰት ትችላለህ ፤ ማድረግ የፈለከውን ዛሬ መጀመር ትችላለህ ። የማይሆኑ ነገሮች አልሆኑም መሆን ያለባቸው ግን ይሆናሉ ። በእራስህ ተማመን ፤ ሁሉም ነገር የተሻለና አስደሳች እንደሚሆን አምነህ በቀናቶችህ ላይ ስራ ። ═════════❁✿❁ ═════════ 💪💯 አንብባችሁ #ሼር አላደርግ ስትሉ #ብሞት እንኳን #የማትቀብሩኝ አይነት ስሜት ነው የሚሰማኝ #ልሙትላችሁ ሆሆ ፣ ለማንኛውም አሁንም #ሼር አድርጉልን የቴሌግራም ቻናላችንንም ግቡና Join አድርጉ ። 👇👇👇 https://t.me/joinchat/AAAAAFAtO5kL7-YczXxg_Q

አቋም አቋም የሌለው ሰው በንፋስ አቅጣጫ ይመራል በዚህ ሲሉት በዚያ ሁሌም በተመራበት ነው የራሱ የሆነ የእኔ የሚለው መንገድ አይኖረውም የራሱ የሆነም ህይወት አይኖርም የሌሎችን ህይወት እየኖረ የሌሎችን ህልም እያሳካ እኔ የኔ የሚለው ነገር ሳይኖረው ማንነቱ ሳይታወቅ ያልፋል ፤ ሁሌም ቢሆን የኔ የምንለው የምንመራበት ህግ እና አቋም ልንገነባ ይገባናል ያኔ የኔ ያልነውን የተመኘነውን ውብ ህይወት ለማጣጣም እድል ይኖረናል! ደስ የሚል ሀሙስ ተመኘን 🙏 @Inspire_ethiopia የእናንተው ምርጥ ጓደኛ 😊

💪💯 እርሱ ከሁኔታዎች ይበልጣል! 💪💯 ሰው በሁኔታዎች ሲለካ አምላክ ግን ከሁኔታዎች በላይ ነው ፤ ሰው ደስታን ሲመኝ ደስታ በእራሱ ፈጣሪ ነው ፤ ሰው አምላኩን ፍለጋ ሲደክም እርሱ ግን በውስጡ አለ ። የነገሮች መደራረብ ፣ የሃዘን ብዛት ፣ የጭንቀቱ ማየለ የአንድ ሰሞን ሁኔታ ነው ። የችግሮች ክብደት ጊዜያዊ ሁኔታ ነው ። ከነዚህ በላይ የሆነ አምላክ ግን ምንጊዜም አብሮን አለ ፤ ውስጣችን ይገኛል ። "አምላክ የት ይገኛል ቢባል ሁሉም ቦታ ይገኛል ?" በተለይ የእጅ ስራው በሆነውና አምሳሉ በሆነው የሰው ልጅ ውስጥ በሙላት ይገኛል ፤ ዘወትር ይመላለሳል ። ስራውን ለመስራት፣ ተአምራትን ለማድረግ ግን የእኛን ፍቃድ ይፈልጋል ። 💪💯 አዎ! ጀግናዬ..! ጫጫታ ውስጥ ሆነህ የአምላክህን ድምፅ አትሰማም ፤ ውስጥህን አታዳምጥም ፤ ከመንፈስህ ጋር አትገኛኝም ፤ ተዓምራዊውን አንተ አታገኘውም ። የእራስህ ጊዜ ያስፈልግሃል ፤ አምላክህን በግልፅ የምታወራበት ፣ መንፈስህን የምታናግርበት ፣ ውስጥህን የምትቃኝበት ፣ ሰላምን የምትሰብክበት የተነጠለ ፣ ከምንም ያልተገናኘ ያንተና የፈጣሪህ ብቻ የሆነ ጥርት ያለ ጊዜ ያስፈልግሃል ። ብቸኝነት አያስፈራም ፤ ከእራስህ ጋር ስታወራ ከአምላክ ጋር እንደምትወያይ አስብ ፤ ቀጣይ እርምጃዎችህን ሲመራህ ትመለከታለህ ፤ ልዩነትህን ያሳይሃል ፤ የሁኔታዎችን አላፊት ያንተን ጥንካሬ ያስገነዝብሃል ። 💪💯 አዎ! እርሱ ከሁኔታዎች ይበልጣል ፤ የተሰጠህ አቅም በትናንሽ ክስተቶች የሚደክም አይደለም ፤ ሰውነትህ በጊዜያዊ ክስተቶች የሚከስም አይደለም ። ስራውን የሚሰራው ፣ ያልቻልከውን የሚያስችልህ ፣ የከበደህን የሚያቀልልህ ፣ ዛሬህንም ሆነ ትናንትህን ወደ ታሪክ የሚቀይር ፣ የሰጠህን የሚያስችልህ ፣ የመጣብህን የሚያሳልፍህ የዘወትር ጠባቂህ ፈጣሪህ ነው ። በእርግጥ ከገንዘብህ ፣ ከንብረትህ ፣ ከዝናህ ፣ ከወዳጅህ በላይ በአምላክህ ሃይል የተማመንክበት ጊዜ ካለ አስታውስ ። በቸገረህ ሰዓት መጠለያህ ማነው ? በፈተና ወቅት መደበቂያህ የት ነው ? በጨለብህ ጊዜ ብረሃንህን የት ትፈልጋለህ ? ሁሉን አንድ ላይ የያዘ ፣ የጥያቄዎችህን ምላሽ ከምታገኝበት ከአባትህ እቅፎፍ አትራቅ ፤ በቻልከው ልክ ተጠጋው ፤ ከሁሉም በፊት እርሱን አስቀድም ። ═════════❁✿❁ ═════════ 💪💯 አንብባችሁ #ሼር አላደርግ ስትሉ #ብሞት እንኳን #የማትቀብሩኝ አይነት ስሜት ነው የሚሰማኝ #ልሙትላችሁ ሆሆ ፣ ለማንኛውም አሁንም #ሼር አድርጉልን የቴሌግራም ቻናላችንንም ግቡና Join አድርጉ ። 👇👇👇 https://t.me/+UC07mQvv5hzNfGD

* ሰው ሶስት አይነት በሐሪ አለው ይባላል 1,ሰጎን የሆነ ችግር ወይም አስቸጋሪ ነገር ሲገጥመው ሙሉ ሰውነቱን እንኳን መሸፈን ስለማይችል አንገቱን ቀብሮ ነገሩን ያሳልፋል 2, ዶሮ ነው ዶሮ በበሐሪው የማይችለው ነገር ሲገጥመው በጩኸቱ ሰፈር ይረብሻል ከዛም በአካባቢው ያሉ ሊደርሱለትና ሊያስጥሉት ይሞክራሉ 3, ጉንዳን ነው ጉንዳን እየሰራ ካለበት ቦታ መጥታቹ ልታባርሩት ትችላላቹ ተመልሳቹ ስትመጡ ግን ከስራው ሳይስተጏጎል ተመልሶ ስራውን እየሰራ ታገኙታላቹ ምን ለማለት ፈልጌ መሰላቹ እንዳንድ ሰው ችግር ሲገጥመው ልክ እንደ ሰጎን አንገቱን ደፍቶ ያሳልፋል ልክ እንደዚው አንድአንዱ ሰው ደግሞ ልክ እንደ ዶሮ ችግር ደርሶብኛል ብሎ በሔደበት ሁሉ ይጮኻል ያወራል እራሱን በራሱ ማትረፍ እየቻለ መጮኽ ያበዛል ሌላው ደግሞ ልክ እንደ ጉንዳን ምንም አይነት መከራና መገፋት ቢገጥመው መስሚያውን ደፍኖ ስራውን ይቀጥላል በመሰረቱ ሁሉም ለራሳቸው ልክ ናቸው ግን ካሰብንበት መልካም ነገርን ላነገበ ጉዞ እኛ ከየትኞቹ ነን??

ተማመን ጥያቄህ ይመለሳል! "ፈጣሪ ለጥያቄዎችህ ሁሉ ፈጣን ምላሽ ሲሰጥህ እምነትን እያስተማረህ ነው ፤ ትንሽ ከዘገየ ትዕግስትን እያስተማረህ ነው ፤ በጣም ከዘገየ ግን ከጠየቅኸው የተሻለ እጥፍ እያዘጋጀልህ ነው!" ስለዚህ ጥያቄህን ለፈጣሪ ብቻ ስጥ ከዛ ግን መመለሱ እንደማይቀር እመን መንገዱ ይለያይ እንጂ ሁሉም ጥያቄ ይመለሳል! የበረከት ሰኞ ይሁንላችው 🙏 @Inspire_ethiopia የእናንተው ምርጥ ጓደኛ 😊

Sami, [8/16/2022 2:18 AM] #ከየትኞች_ውስጥ_ናችሁ??? Sami, [8/16/2022 2:18 AM] 1ኛ_የተቀመጡ_ሰዎች፡- ቁጭ ብለው ሀሳብ መስጠት ብቻ የሚወድ ሌላ በሚከፍለው ብል enjoy ማድረግ የሚወድ #2ኛ_የተሰረቁ_ሰዎች እንደ ሌላ ሰው መምሰል የሚፈልጉ፡ ሌላው ያደረገውና ለማድረግ የሚመኙ #ሌላው በሙስና የሚያመጣውን ሀብት የሚመኙ፤ በራሳቸው ቤት Context የሚያፍሩ፤ በሚያደርጉት ጫማ፡ በሚለብሱት ልብስ፥ በእናታቸው በአባታቸው የሚያፍሩ 3ኛ_የሚራመዱ_ስዎች ነፃና ተፈጥራዊ የሆኑ ሰዎች ለእኔ መልካም ወጣት ማለት የሚራመድ ወጣት ማለት ነው☝️ Artificial በላያቸው ላይ የማይደርቡ ባሉት ልብስና ጫማ ቤትና ወንበር የማያፍሩ በሰው ለመታዬት ብለው በላያቸው ላይ ምንም ነገር አይጨምሩትም ያለ ምንም ተጨማር Artificial ምዛን ማምጣት እንደሚቻል የሚያምኑ ወጣቶ ናቸው

መፍትሄ የሌለው ችግር የለም‼️ ሁለት ጓደኛሞች ቀለል ባለ የቁምጣና የቲሸርት አለባበስ ሆነው በአንድ ጫካ ውስጥ ዘና እያሉና እየተጫወቱ ይሄዳሉ፡፡ በድንገት አንዱ ጠያቂ ሌላኛው መላሽ የሆኑበት ሁኔታ ተፈጠረ፡፡ ጠያቂ፡- “አሁን አንበሳ ቢመጣብህ ምን ታደርጋለህ?” መላሽ፡- “ሽጉጤን አውጥቼ ግንባሩን ነዋ የምለው”፡፡ ጠያቂ፡- “እንዴ! ሽጉጡን ደሞ ከየት አመጣኸው?” መላሽ፡- “አንተስ አንበሳውን ከየት አመጣኸው?” የዚህ በልጅነታችን እንሰማቸው የነበሩትን ታሪኮች የሚመሰለው ታሪክ አስተማሪ ነጥብ፡- ለሚመጣው ለማንኛውም ችግር መፍትሄ አለው! አንዳንድ ሰዎች አመለካከታቸው ሁሉ አሁን “አንበሳ ቢመጣብኝስ” የሚል ነው፡፡ እንደዚህ አይነት ሰዎች ሁል ጊዜ የሚታያቸው የሚመጣው “አንበሳ” ነው፡፡ ስለሆነም ሁል ጊዜ በፍርሃት፣ በስጋትና ገና ለገና አንድ ችግር ይመጣ ይሆናል በሚል ጠርጣራነት ነው የሚኖሩት፡፡ የዚህ ተቃራኒ ሰዎች በማንኛውም ሰዓት ችግር ሊከሰት እንደሚችል ያውቃሉ፤ ነገር ግን ለእያንዳንዱ ለሚመጣው ችግር መፍትሄ የማምጣት ብቃትም እንዳላቸው ያምናሉ፡፡ ስለዚህ ገና ለገና ችግር ይመጣል ብለው ከመዝናናት፣ ከመግባባት፣ ከመስራት፣ ከመውጣት፣ አዳዲሲ ነገር ከመጀመር . . . አይመለሱም፡፡ አለማችን በየጊዜው የምትጋፈጠውን እንደወቅቱ ወረርሽ ያሉ ችግርችን እንመልከታቸው፡፡ ሁል ጊዜ ግን መፍትሄ ይገኝላቸዋል፡፡ ይህ አመለካከት ከሚነሳው ችግር ጋር አብሮ የሚነሳ ብርቱነትንና “እችለዋለው” የሚል አቋምን አመልካች ነው፡፡ ገደል ካለ፣ ድልድይ አለ! በሽታ ካለ፣ መድሃኒት አለ! ጠላት ካለ፣ ወዳጅ አለ! መውደቅ ካለ፣ መነሳት አለ! ሁል ጊዜ ራዕይህንና ተልዕኮህ መንገድ ላይ ሊቆም የሚመጣ ችግር ካለ መፍትሄም አለ! ስለዚህ፣ ገና ለገና ችግር ይመጣል ብለህ ከመንገድህ አትገታ!!

የተግባር ሰው ሁን! "ስፖርት መስራት እጀምራለሁ፣ አንድ መፅሀፍ በሳምንት አነባለው፣ በጠዋት እነሳለው፣ ራሴን አሻሽላለው" ብለህ ካሰብክ ቆየህ ፤ ግን መቼ ነው ወደ ተግባር የምትገባው? ሁልጊዜ ሰኞ ሲመጣ ወይ ወሩ ሲያልቅ፣ ወይ አመቱ ሲፈፀም ማቀድ አልሰለቸህም? ወዳጄ ምግብ የበላ እንጂ ለመብላት ያሰበ አይጠግብም እኮ! መድሀኒቱን የዋጠ እንጂ ስለ መድሀኒቱ አብዝቶ ያወቀ አይድንም እኮ! ማወቅ ማሰብ ማቀድ አሪፍ ቢሆንም ተግባር ከሌለው ግን በዜሮ ነው ሚባዛው! ስለዚህ አንዱን ዕቅድ አሁኑኑ ጀምረው! ዳይ ወደ ተግባር! የተግባር ህይወት ተመኘንላችሁ🙏 @Inspire_Ethiopia የእናንተው ምርጥ ጓደኛ!

[ Photo ] #ሕይወትህ_የሚሻሻለው_አንተ_ስትሻሻል_ነው! አንተ መሸሻል የምትችለው ሀሳቦችህን መቀየር ስትችል ነው፡፡ ሀሳቦችህን እንዴት መቀየር ትችላለህ? እነሆ ሶስት መንገዶች፡- በሕይወት ውስጥ ካሉ እጅግ አስፈላጊ ቅጽበቶች መሀል አንዱ መቀየር የማይችሉ ነገሮችን ለመተው በመጨረሻ ድፍረት የምታገኝበት ቅጽበት አንዱ መሆኑን ለራስህ አስታውሰው፡፡ የማይቀየሩ ሁኔታዎችን ለመቀየር በመሞከር ሀሳብ ቁጥጥር ስር መሆን ስታቆም ራስህን ለመቀየር እስከሚያስችልህ ድረስ ላሉ አማራጮች ራስህን ክፍት ታደርጋለህ፡፡ ይህም ቀስ በቀስ ሁሉንም ነገር ይይረዋል፡፡ ምንም አድርግ ምን ብቻ ነገሮች እስከሚቀየሩ በሚል ብዙ አትጠብቅ፡፡ አዳዲስ መንገዶች የሚፈጠሩት በመጓዝ እንጂ በመጠበቅ አይደለም፡፡ ቀስ በቀስ በራስ መተማመንህን የሚገነባው ቀጣዩን እርምጃ መራመድህ ነው፡፡ ስሜት በሌላቸው አሉታዊነቶች ላይ ለመባከን ሕይወት በጣም አጭር ናት፡፡ ስለዚህ ቀንህን በሚያበላሹ ትንንሽ ነገሮች ላይ ተቀርቅረህ አትቅር፡፡ ለአለህ ነገር ምስጋናን አድርስ፡፡ አንዳንዶቹ በረከቶችህ ናቸው እናም ምንም ነገር ደግሞ ለዘላለም አይቆይም፡፡ አዎን፣ የተሻለ ማሰብ ትችላለህ፤ ይህ ማለት የተሻለ ኑሮ መኖር ትችላለህ ማለት ነው፡፡ #ቁም_ነገሩ - ሕይወትህ የሚሻሻለው አንተ ስትሻሻል ነው፡፡ በአካልም በአእምሮህም ፣ በራስህ ላይ ጊዜህን እና ጉልበትህን ማዋል ጀምር፡፡ በየእለቱ ለመማር እና ለማደግ ቅድሚያ ስጥ፡፡ እየበረታህ ባደግክ እና ጠንካራ እየሆንክ በሄድክ ቁጥር ውሎ አድሮ ሕይወትህም እየተሻሻለ ይሄዳል ፡፡ #የስኬት_አቡጊዳ

ትኩረትህን ቀይር! ግራንት ካርደን የተባለ ሚሊየነር "በጣም የሚያበሳጭ ነገር በገጠመኝ ቁጥር ወረቀት አውጥቼ ትልቁ ህልሜን እፅፈዋለው፤ ከዛ እንደገና አዲስ ጉልበት እና ሀይል እሞላለሁ" ይለናል። አይንህን ከትናንሾቹ ችግሮችህ ንቀልና ትልቁ መድረሻህ ላይ አድርግ! ትኩረትህ ወዳለበት ጉልበትህ ይፈሳል፤ ከጥቃቅን ድክመቶችህ እና ሰው ምን ይለኛል ከሚለው ጭንቀትህ ይልቅ ስለ ትልቁ ፍላጎትህ ማሰቡ ብርታት ይሰጥሀል። በህይወት ወሳኙ የገጠመህ ችግር አይደለም...ወሳኙ ያንተ ምላሽና ቆራጥነት ነው! የደስታ ምሽት ተመኘንላችሁ🙏 @Inspire_Ethiopia የእናንተው ምርጥ ጓደኛ!

🌿የአምላክ ፍቅር የአለምን ፍርሃት ሁሉ አውጥቶ ይጥላል:: -

ፍርሃት ትልቁ ሀጥያት ነው::
-
የፍቅር ተቃራኒም ጥላቻ ሳይሆን ፍርሃት ራሱ ነው::
-
ሰው የሚጥላው ስለሚፈራ ነው::ሀጥያትም የሚሰራው ፍርሃት ያሰረው ነው::
-
ፍርሃት የሌለው ፍቅር አለው::ፍቅር ካለው ደግሞ አምላክ አለው::
-
ፍርሃት አለምን የሚመሩ ሰዎች አይነተኛ መሳርያ ናት::
-
ይህቺ መጥፎ መንፈሳዊ ቅመም በህዝቡ ልብ ውስጥ ስትጨመር  በቁም ያንቀላፋ ማህበረሰብን ትፈጥራለች::
-
ይህቺ ፍርሃት የተባለች መርዝ ሰውን ከራሱ: ከሰው : ከተፈጥሮ እና ከአምላኩ ትለያለች::
-
ይህም ምድርን ለሚመሩ ሰዎች ምቹ ሁናቴን ይፈጥራል::በቁም ያንቀላፋን እንደፈለጉት ለመምራት ይቀላል::
-
ሚዲያውን ብንመልከተው  የሚነዛው ፍርሃት እንጂ ፍቅር አይደለም::ሆሊውድን ብናየው ግድያ እንጂ ህይወት አይደለም::
-
የተፈጥሮ አደጋ : ጦርነት: የኑሮ ውድነት: በሽታ: ስራ አጥነት: ወንጀል ....እና ሌላም አስፈሪ መረጃዎችን የአለም ሚዲያዎች ሲለቁ አጋጣሚ እንይደለም::ሆን ተብሎ ህዝቡን ለማስፈራራት ታስቦ ነው::
-
ለዜና ለዜናማ መተንፈሳችን  ብቻ አስደናቂ ነበር::ችግር ካለበት ጥቂት ቦታ ሰላም ያለበት ብዙ ቦታ ያስገርም ነበር::እርሱን ማውራት ግን ማስፈራራት ስለማይሆን በዜና አይዘግብም::
-
አንተን ማስፈራራት አንተን ከፈጠርህ አምላክህ መለየት ነው::አንተን ማስፈራራት  አንተን  እንደአንተ ካሉ የአምላክ ልጆች መነጠል ነው::አንተን ማስፈራራት የውስጥህን አቅም እንዳታወጣ መገደብ ነው::አንተን ማስፈራራት ለሚያስፈራሩህ ሰዎች ባርያ እንድትሆን መፍቀድ ነው::
-
ፍቅርን ግን እነሱ ራሱ ይፈራሉ::የፀጋው ብርሃን ይጥላቸዋል::
-
ፍቅር ከኒውክሌር ቦንብ በላይ ሀይል አለው::የአለምን ፍርሃት ሁሉ ድምጥማጡን ያጠፋል::
-
የሚፋቀር ህዝብ እና ማህበረሰብ ከፍርሃት ባረነት ነፃ ይወጣል::ማንም እንደፈለገ  አይፈነጭበትም::
-
ለራስህም ሆነ ለሰው ልጆች ስትል ፍቅርን ምርጥ::አምላክ እያለ አትፍራ::የፈጣሪን ፍቅር ሰዎች ውስጥ እይ::ጠላቶችህን ሳይቀር በፍቅር አይን ተመልከታቸው::ባንተ የፍቅር ብርሃን ውስጥ የእነሱ የክፋት ጨለማ ቦታ አይኖረውም::
-
ፍርሃት ትልቁ ሀጥያት ነው! ፍቅር ደግሞ የመጨረሻው ፅድቅ ነው::
-
የቱን ትመርጣለህ? ፍቅርን ወይስ ፍርሃትን?? 

#Manyazewal_Eshetu 🙏ሰናይ ቀን🕊 🕊 ነገ መልካም ይሆናል ! 🕊 💫 https://t.me/philoso_phy 💫 @cekuaa

በቻይና ውስጥ እጅግ ባለጸጋ የሆነው “ጃክ ማ” ሲሆን 39 ቢሊዮን ዶላር የሚገመት ሀብት አለው። ጃክ ማ እንዲህ ይላል፡- ‘’ ገንዘብና ሙዝን ከዝንጀሮዎች ፊት ብታስቀምጥ ዝንጀሮዎች ሙዙን ይመርጣሉ። ምክንያቱም ገንዘብ ብዙ ሙዝ እንደሚገዛ አያውቁም! አብዛኛው ሰው ላይ ተመሳሳይ ሙከራ ብታደርጉና በአንድ የተወሰነ የግል ስራ (ቢዝነስ) እና በወር ደመወዝ መካከል ምርጫቸው ምን እንደሆነ ብትጠይቁ አብዛኛው ሰው ወርሃዊ ደመወዝ ያለው ስራን ይመርጣል። ምክንያቱም ትንሽም ቢሆን የግል ስራ (ቢዝነስ) ከወርሃዊ ደሞዝ የበለጠ ገቢ እንደሚያመጣ እና ህይወት የሚቀይረው ይህ እንደሆነ ስለማያውቁ ነው። ሰዎችን ለድህነት ከሚዳርጉት ነገሮች አንዱ ከግል ስራ (ቢዝነስ) የሚመጡትን እድሎች ማየት አለመቻላቸው ነው። ምክንያቱም በህይወት ዘመናቸው ሁሉ በትምህርት ቤቶች የሚማሩት ስራ ማለት ሁልጊዜ ለወርሃዊ ደመወዝ መስራት መሆኑን ነው። ለራሳቸው ከመስራት ይልቅ ለሌሎች መስራትን ብቸኛ አማራጭ እንደሆነ ተምረዋል! እውነት ነው የወር ደሞዝ ከድህነት ይጠብቅሃል። ነገር ግን ሀብትን እንዳታገኝ ያደርግሃል። በህይወቴ ከጠዋቱ 2 ሰዓት እስከ 12 ሰዓት የሚሰራ ተቀጣሪ ሰው ሀብታም ሆኖ አይቼ አላውቅም።’’ ይላል ጃክ ማ። እውነት ነው እኛም አገር ያለው ነባራዊ እውነታ ይሕ ነው። ምክንያቱም ተቀጥረህ በምታገኘው የወር ደመወዝ ሀብት፣ ጥሪት፣ ቤት እና ራስህን ለውጠህ ሌላ ሰው መርዳት አትችልም። እርግጥ ነው የወር ደመወዝ ሲኖርህ የምትፈልገውን ማድረግ ባትችልም በገቢህ ልክ መኖርን ትለምደዋለህ። ለማንኛውም በሥራ ፍለጋ ጊዜ ከማባከን በትንሹም ቢሆን የግል ስራ የምትጀምሩበትን የሥራ ፈጠራ ሃሳብ ላይ ትኩረት ማድረግ ይገባል።

መኖሪያህ የዘላለም አምላክ ነው:: 👉ኑሮ የተቀመረው በኑሮ መንገድ ሳይሆን በእግዚአብሔር ነው:: የተጨነክበትን ጊዜ ለመኖር ያተረፍከው ጭንቀት ነው:: ብዙ የፈራናቸው የኑሮ ጭንቀቶችን አልፈናል::እንዴት ይህን ፈተና ልለፈው? ማን ይድረስልኝ? እያልክ የተጨነክበትን ቀን እንዴት እንደሆነ ባታውቅም እግዚአብሔር አሳልፎህ ዛሬ አድርሶሀል::እግዚአብሔር ለነገም የታመነ አምላክ ነው:: 👉ምክንያቱም ያንተ የመኖርህ ምስጢር የዘላለም አምላክ ነው::

አንተ ጋር ነው! 💪💯 በትንሽ መንደር ተወለድክ ማለት በዓለም ላይ ታዋቂ መሆን አትችልም ማለት አይደለም ፤ ከደሃ ቤተሰብ ተገኘህ ማለት መቼም ሃብታም አትሆንም ማለት አይደለም ፤ በፀና ታመመክ ማለት አትድንም ማለት አይደለም ፤ ወደክ ፣ ተሳሳትክ ፣ ተጎዳህ ማለትም እንዲሁ አትነሳም ፣ አትታረምም ፣ አትጠገንም ማለት አይደለም ። 💪💯 አዎ! ሃሳብህ ምንድነው ? ውጥንህ ፣ እቅድህ ምንድነው ? ድህነትን ማሸጋገር ወይስ አንተ ላይ እንዲያበቃ ማድረግ ? ለሃገርህ ፣ ለወገንህ መፍትሔ መሆን ወይስ ተጨማሪ ሸክም ፣ ተጨማሪ ችግር መሆን ? ዝነኛውን ማድነቅ ፣ ማሞገስ ወይስ አንተም በእርሱ ቦታ መቆም ፣ የደረሰበት መድረስ ? ታዋቂውን ማሳወቅ ወይስ ታውቆ መገኘት ? 💪💯 አዎ! ጀግናዬ..! ለውጡ ያለው አንተ ጋር ነው! የድህነት መፍትሔ ፣ የትንሽነት ማብቂያ ፣ የስኬቱ ቁልፍ አንተ ጋር ነው ። መነሻህ ምንም ይሁን ፣ እድገትህ የትም ይሁን በእራስህ መቆም ፣ በእራስህ ቀና ማለት ከቻልክ ፣ በእራስህ ከተማመንክ የማትቀይረው ነገር የለም ። ተቸግረህ ፣ ተጨቁነህ ማደግህ ሁሌም በበታችነትና በተጎጂነት እንድትኖር ሊያደርግህ አይችልም ። የሃሳብህ ልህቀት ፣ የድርጊትህ ግዝፈትና የትግልህ ጥንካሬ የማያደርስህ ከፍታ አይኖርም ። የቤተሰብህን የድህነት ሰንሰለት ትበጥሳለህ ፤ የከበበህን ማሃይምነት በአዋቂነት ፣ በምሁርነት ትተካለህ ። ዛሬ የወገንህን ችግር ብትካፈልም ነገ የመፍትሄው አካል መሆን ትችላለህ ። ያለፈው ታሪክህ ስብራት የሚቀጥለው ባንተ ፍቃድ ነው ፤ የሚያበቃውም ባንተ ፍቃድ ነው ። ጉዳትህ የሚታከመው ፣ ችግርህ የሚፈታው ፣ ሸክምህ የሚወርደው ፣ እረፍትን የምታገኘው ፣ ደስታህ የሚመለሰው በእራስህ ነው ። 💪💯 አዎ! ጀግኒት..! ለእራስሽ እዘኚ ፤ እራስሽን ጠግኚ ፤ እራስሽን አበርቺ ፣ አጠንክሪ ፣ አጎልብቺ ። ችግርሽ በእራሱ መፍትሔ መሆኑን አስቢ ። የመነሻሽ ዝቅታ፣ የህመምሽ ጥልቀት ፣ የጉዳትሽ ክብደት መዳረሻሽን ሊያሳንሰው አይችልም ፤ ድንቅነትሽን ሊያደበዝዘው አይችልም ። እያንዳንዱ ነገር ጊዜያዊ ነው ። ችግርሽ አንቺን አይደለም ከተውሽው ፣ ከፈታሽው ይፋታሻል ፣ ይርቅሻል ፣ ያልፋል ። ትናንትሽ አንቺን አይደለም እርሱም ታሪክ ነው ፤ ትዝታ ነው ፤ አብቅቷል ። ጠባሳሽን ሻሪው በተዓምራትሽ መድመቅ ፣ ማጌጥ ጀምሪ ፤ ከፍ በይ ጎልተሽም ታዪ ። ═════════❁✿❁ ═════════ 💪💯 አንብባችሁ #ሼር አላደርግ ስትሉ #ብሞት እንኳን #የማትቀብሩኝ አይነት ስሜት ነው የሚሰማኝ #ልሙትላችሁ ሆሆ ፣ ለማንኛውም አሁንም #ሼር አድርጉልን የቴሌግራም ቻናላችንንም ግቡና Join አድርጉ ። 👇👇👇 https://t.me/joinchat/AAAAAFAtO5kL7-YczXxg_Q

ጭንቀት አንዳንድ ሰዎች በየምክንያቱ ይጨናነቃሉ፡፡ እንደ እውነቱ ከሆነ ግን አብዛኛዎቹ የምንጨነቅባቸው ነገሮች ቀድሞውኑ መሰረት የሌላቸው ናቸው፡፡ ለምሳሌነት የሚከተለውን የአንድ ጥናት ውጤት እንመልከት፡፡ የምንጨነቅባቸው ነገሮች . . . >> 40% በፍጹም ለማይደርስብን ነገር ... >> 30% ምንም ልንለውጠው ስለማንችለው ስላለፈው ነገር ... >> 12% ሰዎች ስለእኛ ስለሚናገሩብን ፍርድ፣ ወሬና ሃሜት ... >> 10% ስለጤንነታችን (ስለተጨነቅን የሚብስ) ... >> 8% ስለእውነተኛ ልናስብበት ስለሚገባ ሁኔታ ... በፍጹም ለማይደርስብን ነገር … ያለን አማራጭ ምክንያታዊነትን ማዳበር ነው፡፡ ሁኔታው ሊደርስብንና ላይደርስብን የሚችልበትን የእድል መጠን አመዛዝነን ያለመድረሱ ሁኔታ ካመዘነ፣ መጨናነቅን የማቆምን ሂደት መጀመርና እየተዉ መሄድ የግድ ነው፡፡ አንዳንድ ሰዎች ግን እንዲሁ ምክንያት ፈልገው የመጨነቅ “ሱስ” አለባቸው፡፡ ይህ ዝንባሌ የሚመጣው ለረጅም ጊዜ በአጣብቂኝ ሁኔታ ከማሳለፍና ስሜታችን የጭንቀት ሰለባ ሆኖ ከመክረሙም የተነሳ ሊሆን ይችላል፡፡ ያም ሆነ ይህ ፍጹም የማይደርስ ነገር ተለይቶ ሊታወቅና ከስሜታችን የደም ዝውውር ውስጥ ሊወገድ ይገባዋል፡፡ ምንም ልንለውጠው ስለማንችለው ስላለፈው ነገር … ያለን አማራጭ ፈጽሞ አንዴ የሆነ ነገር መሆኑንና ምንም ብናደርግ ልንለውጠው እንደማንችል በመቀበል አእምሮን በአዳዲ ነገሮች መሙላት ነው፡፡ ይህን ማድረግ ካልፈለግን ግን እስቲ አንዴ የሆነውንና ያለፈውን ነገር ለመለወጥ የአንድ ወር ጊዜ እንስጠውና የምንችለውን ያህል እንሞክርና ካልቻልን ነገሩን ለመተው ለራሳችን እድል እንስጠው፡፡ ሰዎች ስለእኛ ስለሚናገሩብን ፍርድ፣ ወሬና ሃሜት … ያለን አማራጭ መቆጣጠር የማንችለውን የሰውን ባህሪይ ለመቆጣጠር ከመጦዝ ይልቅ መቆጣጠር የምንችለውን የራሳችንን በሆነ ባልሆነው የመጨነቅ ዝንባሌ ለመቆጣጠር መስራቱ ይመረጣል፡፡ ሰዎች ስለአንተና በአንተ ላይ የሚሉት ነገር አንተ ካልፈቀድክለት በስተቀር ምንም ሊያደርግህም እንደማይችል አትዘንጋ፡፡ ብትችል ወሬው አንተ ጋር የማይደርስበትን መንገድ ፍጠር፡፡ ካልቻልክ ደግሞ ወሬው ወደ ስሜትህ የማይደርስበትን ጥንካሬ አዳብር፡፡ ስለጤንነታችን (ስለተጨነቅን የሚብስ) … ያለን አማራጭ ስለጤነታችን የሚያሳስበን ሁኔታ ካለ ያንን ለማስቀረት ወይም ለመቀልበስ የምንችለውን ያህል መሞከር ነው፡፡ ጭንቀታችን ግን “ምናልባት እታመም ይሆን” የሚል ከሆነ፣ ይህ የራስ በራስ ትንበያ እንደሚፈጸም አትጠራጠር፡፡ ጭንቀት በሽታን የመሳብ ባህሪይ አለውና፡፡ ስለእውነተኛ ልናስብበት ስለሚገባ ሁኔታ … ያለን አማራጭ በቅድሚያ፣ ሁኔታው በትክክልም የሚያሳስብና በቅጡ ካልያዝነውም የሚስጨንቅ ጉዳይ ስለሆነ ማሰባችንና በመጠኑም ቢሆን መጨነቃችን ትክክለኛው መሆኑን አምኖ መቀበል አስፈላጊ ነው፡፡ ሲቀጥል ያሳሰበንን ሁኔታ በምን መልኩ ብንጋፈጠው ልናሸንፈው እንደምንችል በሚገባ ማሰብን ይጠይቃል፡፡ አእምሮን በጭንቀት ከመሙላት ይልቅ ትክክለኛውን ምላሽ በማሰብ መሙላት በብዙ እጥፍ ይመረጣል፡፡ በጉዳዩም ላይ ሰውን ማማከሩም አንዱ መንገድ ነው፡፡ በቅንነት ሼር ያድርጉልኝ 👇 http://t.me/psychologypages

#የህይወት_ወርቃማ_ህጎች #1 #ማድረግ_የምትፈልገውን_አድርግ በሙያህ ላይ፥ በእድገትህ ላይ፥ በባህሪህ ላይና በራስህ ላይ ትኩረት አድርግ፨ በመካከል ሌሎች ምኞቶች እንዲገቡ አትፍቀድ፨ በራስ የመተማመን መንፈስ ይኑርህ። #አካላዊ_እና_አእምሯዊ_ጤንነትህን_እንደ_ውድ_ሀብት_ቁጠር። የአእምሮ ጤንንት ልክ እንደ አካላዊ ጤንነት አስፈላጊ ነው። ስለዚህ፥ የአእምሮ ጤንነትህን ተንከባከብ፤ ውጥረትና ጭንቀት ካጋጠመህ፣ እርዳታ አግኝ፣ ወይም የአዕምሮ ጭንቀትህን ለመቆጣጠር አንዳንድ የራስ አገዝ መጽሃፎችን አንብብ። #ለራስህ_ታማኝ_ሁን_እና_እራስህን_በደንብ_ተንከባከብ ራስህን በጥሩ ሁኔታ ለመንከባከብ፥ ለትክክለኛ ጉዳዮችህ እውቅና መስጠትና በእነሱ ላይ መስራት ያስፈልግሃል፨ #በየጊዜው_ከምታገኛቸው_ሰዎች_ሁሉ_ጥሩ_ልማዶችን_ተማር በየቀኑ በጠዋቱ በእግርህ ስትጓዝ፥ ጂምናዚየም ስትሄድ፣ አውቶብስ ላይ፥ በስራ ቦታ፣ በኮሌጅ፣ በካፌና በሬስቶራንት ከብዙ ሰዎች ጋር ትገናኛለህ። የምታገኘው እያንዳንዱ ሰው ልንማርበት የምንችለው ቢያንስ አንድ ልዩ ጥሩ ልማድ ወይም ባህሪ አለው። ስለዚህ ከሁሉም ሰው ለመማር ሞክር፨ #ለሌሎች_እና_ለራስህ_ደግ_ሁን የምንቀበለው የምንሰጠውን ነው ስለዚህ ለምታገኛቸው ሰዎች ሁሉ ደግ ሁን። ለሌሎች ደግ ስትሆን ግን ለራስህ ደግ መሆንን አትርሳ። አንድ ነገር ባሳካህ ወይም ጥሩ ነገር በሰራህ ጊዜ ራስህን አመስግን ወይም ለጥሩ ስራህ ራስህን አድንቅ። #ወርቃማ_ሕጎች መጽሐፍ * ቤተሰብ ይሁኑ https://t.me/agapecharity

ሁሌም ተማሪ ሁን! ሁልግዜም ቢሆን ለማወቅ እና ለመማር ራሳችንን ክፍት ማድረግ አለብን : ህይወት አውቀን የምንጨርሳት ነገር አይደለችም በየጊዜው መማር እና መጠናት ትፈልጋለች ስለዚህ አውቄ ጨርሻለው ብለህ ራስህን ከዘጋህ ህይወትህ አንድ ቦታ ላይ ትቆማለች መራመድ : መሄድ : ማደግ ከፈለግህ ማወቅን እንዳታቆም ! የተቀደሰ ሀሙስ ተመኘን 🙏 @Inspire_Ethiopia የእናንተው ምርጥ ጓደኛ 😊

[ Photo ] #ሕይወት_የሚበራው_በፍቅር_ብቻ_ነው! ጥላቻ ሕይወትን ያጨልማል። ሕይወት የሚበራው በፍቅር ብቻ ነው። ማንም የጥፋት ዘንጉን ወደ አንቺ ቢወረውር መልሰሽ መወርወር ወይም ፈርተሽ ትተሽ መሄድ ሳይሆን በተወረወረው ዘንግ በፍቅር ቤትሽን መስራት ነው ያለብሽ። በጥቅሉ ያልተፈተነ ሕይወት ምድር ላይ ለመኖር ብቁ ስላልሆነ ፈተናንም ሆነ ለፈተና የሚዳርጉንን መጥላት የለብሽም። ማመን ያለብሽ በሕይወትሽ የሚገጥምሽ እያንዳንዱ ፈተና ወደፊት ለመሄድ ማወቅ የሚያስፈልግሽን አንድ ነገር ለማስተማር የተዘጋጀ መሆኑን ነው። ፈተናዎች ሕይወትሽን ተወዳጅ የሚያደርጓት ቅመሞች ሲሆኑ፣ ሕይወትን ትርጉም ያላት የምታደርጊያት ደግሞ እነዚህንና መሰል ፈተናዎችን መቋቋም ስትችይ ነው። #ሉባር መጽሐፍ

ተው ሳትባል ተው! እራስህን ውደድ ሌላውን እየጠላህ ግን አይሁን ፤ እራስህን ተንከባከብ ከሌላው እየነጠክ ግን አይሁን ፤ እራስህን አክብር ሌላውን እየናክ ፣ እያንቋሸሽክ ግን አይሁን ፤ እራስህን አሳድግ ፣ እራስህን አበልፅግ ከሌላው እየሰረክ ፣ እየቀማክ ግን አይሁን ። ላንተ እድገት የሌላው ውድቀት አያስፈልግህም ። ያንተ እድገት ፣ ያንተ ጥንካሬ ግን ለሌላው እድገት ፣ ጥንካሬና ብርታት በእጅጉ አስፈላጊ ነው ። አዎ! ጀግናዬ..! ተው ሳትባል ተው! ሌላውን እየጎዱ እራስን መጥቀም ይቅርብህ ፤ ከሌለው መስረቅ ፤ ከጎደለው ማጉደል ፤ ካጣው መዝረፍ በፍፁም አያበለፅግህም ። ያለህ የሚበቃህ ፣ በረከት ሲኖረው እንጂ ዘርፈህ ፣ ቀምተህ ስትጨምርበት አይደለም ። አዛኝ ልቦና ፣ ሩህሩህ አንጀት ፣ ብርቱ ስብዕና ያለው ሰው ያጎረሰውን እጅ አይነክስም ፤ ያሳደገውን ፣ ያስተማረውን ፣ የደጋፊውን ወገኑን አይከዳም ፤ አይጎዳም ፤ ከድርሻው አያጎድልበትም ። አዎ! እያለው የሚሰርቅ ፣ በቂው ተሰቶት የሚስገበገብ ከችጋራም ተለይቶ አይታይም ። እራስህን ብትሸጥ የህሊናህ ደመኛ ፣ የብርቱ አዕምሮህ ቁስለኛ መሆንህ አይቀርም ። ሰውነትህ የደላው ቢመስልህም ህሊናህ ይጎሳቆላል ፤ ገፅህ ያማረ ቢመስልህም አዕምሮህ ይደማል ፤ ነፍስህ እረፍት ታጣለች ፤ መንፈስህ ይታወካል ። ግዑዝ ስጋህን ስታገዝፍ ረቂቋ ነፍስህ እየደከመች ትሔዳለች ። አዎ! ህሊናህ ለሚወቅስህ ተግባር ሚዛን ላይ አትቀመጥ ። ቅፅፈትን ወደእራስህ አትጥራ ፤ በረከትን አታርቅ ። ያለህ እንዲበቃህ ተደርጎ ተሰቶሃልና የሰው አትመኝ ። ብዙ ችግር ፈጣሪዎች አሏትና የውድ ሃገርህን ችግር ባትፈታም ተጨማሪ ችግር አትሁንባት ። በቻልከው ጣር ፤ በታማኝነት አገልግል ፤ ቃልህን አክብር ፤ ፈፅም ። ሰርቀህ የምታመልጠው ድህነት ፣ ክደህ የምታሳድገው ገቢ እንደሌለ እወቅ ። ═════════❁✿❁ ═════════ 💪💯 አንብባችሁ #ሼር አላደርግ ስትሉ #ብሞት እንኳን #የማትቀብሩኝ አይነት ስሜት ነው የሚሰማኝ #ልሙትላችሁ ሆሆ ፣ ለማንኛውም አሁንም #ሼር አድርጉልን የቴሌግራም ቻናላችንንም ግቡና Join አድርጉ ። 👇👇👇 https://t.me/joinchat/AAAAAFAtO5kL7-YczXxg_Q

መነሻህ የት ነበር ? ወዶሃልና አዳነህ ፤ አስቦሃልና አሳለፈህ ፤ አዝኖልሃልና አበረታህ ፤ ተረድቶሃልና አሳረፈህ ፤ አውቆሃልና ሰጠህ ፤ እንዳንተ ፍራቻ ፣ እንዳንተ ስጋት ያጣሀው ፣ የደረሰብህ ነገር የለም ። የሰሪው መንፈስ ውስጥህ አለና የፈራሀውን አሳልፎሃል ፤ ከሰጋሀው አሻግሮሃል ፤ በለመለመው መስክ አሰማርቶሃል ፤ ከምቹው ስፍራ አድርሶሃል ። ሃሳብህን በእራሱ መንገድ ፣ በፈቀደው ጎዳና ፈፅሞልሃል ፤ እየፀመልህም ይገኛል ። ትናንት እንደዛሬ አልነበረም ፤ ዛሬም እንደትናንት አይደለም። የፈተነህ ዛሬ የለም ፤ ያደከመህ ፣ ያታገለህ ፣ የተገዳደረህ ዛሬ ተፋቶሃል ፣ ትቶሃል ። ነገር ግን ትቶኛል ፤ አልፌዋለሁ ብለህ እንዳትረሳው ። የዛሬን ብቻ ሳይሆን የትናንት ትዝታዎችህንም አስታውስ ። አዎ! ጀግናዬ..! መነሻህ የት ነበር ? ኬት እዚ መጣህ ? እንዴት እዚህ ደረስክ ? ማን ለዚህ አበቃህ ፣ ማን ደገፈህ ፣ ማንስ አገዘህ ? ምላሽ ላለህ ጥያቄ አትሸበር ። ያለፈው ታሪክህ ላያምር ይችላል ፤ የምትናገረውና በሰው ፊት የማያኮራህ ይሆናል በምትኩ የምታዝንበት ፣ የሚያሳቅቅህ ፣ የሚያሸማቅቅህ ታሪክም ይሆናል ። ነገር ግን ማለፍ ስለነበረበት አለፏል ፤ መተው ስለነበረበት ተትቷል ፤ መቅረት ስለነበረበት ቀርቷል ። የሁሉንም ነገር አላፊነት አይተህበታል ። በሁለት እግርህ መቆም ተስኖህ የነበረ ጊዜ ይኖር ይሆናል ፣ ዛሬ ግን ከእራስህ አልፈህ ለሌሎች ምርጉዝና ድጋፍ ለመሆን በቅተሃል ። አዎ! ጀርባህን አትዘንጋ ፤ ኋላህን አትርሳ ። ከማንነትህ ጀርባ ብዙ ሰዎች ነበሩ ፤ ብዙዎች ሰርተውሃል ፤ ከኋላህ ደጉ ፈጣሪህ አብሮህ ነበር ፤ ሰሪህ ሲያግዝህ ነበር ። ዛሬም ሰዎች ከጎንህ አሉ ፤ በውስጥህ የአምላክ መንፈስ አለ ። ሁሌም ብቻህን አይደለህም ፤ ሁሉም ማለፉን አስታውስ ፤ ሁሉም መረሳቱን ፣ መዘንጋቱን ተረዳ ። ዛሬ የሆነው ሁሉ አላፊ ነው ፤ እንኳን ዛሬ ነገም ደርሶ ያልፋል ፤ በሌላ ቀን ፣ በሌላ ተግባር ይተካል ። ሲያልፍ እንዲሁ እንደዋዛ እንዲያልፍ አተሰፍቀድ ፤ ነገህን አስተካክሎ ፣ አንተን አንፆ፣ አጎልብቶ ይለፍ ። ባሰብከው መንገድ ይስራህ ፣ ባለምከው አኳሃንም ያኑርህ ፣ ያብቃህ ፣ ያሳድግህ ። ═════════❁✿❁ ═════════ 💪💯 አንብባችሁ #ሼር አላደርግ ስትሉ #ብሞት እንኳን #የማትቀብሩኝ አይነት ስሜት ነው የሚሰማኝ #ልሙትላችሁ ሆሆ ፣ ለማንኛውም አሁንም #ሼር አድርጉልን የቴሌግራም ቻናላችንንም ግቡና Join አድርጉ ። 👇👇👇 https://t.me/joinchat/AAAAAFAtO5kL7-YczXxg_Q

ፈጣሪ መቼም አይተወንም! ብዙ ሰዎች ቃል ሊገቡልን ይችላሉ ! አንተ ብቻ ተመረቅ እንጂ በበነጋታው ነው ስራ የማስገባህ ከሚለው አንስቶ እስከ ትልልቅ ነገሮች እኔ አደርግልሀለው፣ አሳካልሀለው፣ አስተካክልካለው እያሉ ብዙ ተስፋ ይሰጡሀል ከዚያ ግን በጣም በፈለግካቸውና ቃል የገቡልህ ሰዐት በደረሰ ግዜ ከጎንህ የሉም ያኔ ምን ይሰማሀል? አምነትህን ሙሉ ለሙሉ የጣልክባቸውን ሰዎች ምንም ሊያረጉልህ እንደማይችሉ ስታውቅ ተስፋ ትቆርጣለህ? ሁሉን ነገር ታቆማለህ? በፍፁም እንዳታደርገው ! የሰው ልጅ ትልቁ ተስፋ ፈጣሪው ብቻ ነው ስለዚህ ቃል የገቡልህ ያመንካቸው እነሱን ተንተርሰህ መንገድ የጀመርክባቸው ድንገት ቢሸሹህ የሚያስጨርስህ እና የሚያሳካልህ የሚያግዝህ ፈጣሪ እንዳለህ አስታውስ ! የተባረከ ሀሙስ ተመኘን 🙏 @Inspire_Ethiopia የእናንተው ምርጥ ጓደኛ ☺️

ማንን እያዳመጥክ ነው ? የእራስ ግንዛቤን ለማሳደግ እንዲሁም እራስን አብልጦ ለማወቅ ውጫዊውን ጫጫታ ከመስማት ይልቅ ውስጥን ማዳመጥ ተመራጭ ነው ። ዘወትር ለአካባቢያችን ድምፅ ተጋላጭ በሆንን ቁጥር ለእራስ መሰጠት ያለበትን ውድ ጊዜ እንዘነጋለን ። በውጫዊው ሁካታና ወከባ እንዘናጋለን ። አዎ! ጀግናዬ..! ማንን እያዳመጥክ ነው ? ማንን አብዝተህ ትሰማለህ ? እራስህን ፣ ፍላጎትህን ፣ ህልምህን ፣ ራዕይህን ወይስ ወቅታዊውን የአለም ጫጫታ ? ውስጥህ የሚመላለስ ብዙ ሃሳብ አለ ፣ ትኩረትህን የሚሻ ከፍ ያለና ሊቀይርህ የሚችል ግሩም አመለካከት አለ ፤ አንተንም ሆነ ሌሎችን ሊያሻግር የሚችል ድንቅ እሳቤ አለህ ። አዎ! ውጪውን ለመስማት ሞክር ፤ ውስጥህን ግን በጥልቀት አዳምጠው ። ከገዛ ሃሳብህ እየሸሸህ ፍቱን እረፍትን አትመኝ ፤ በሌሎች አስተያየት ውስጥ እርካታን አትፈልግ ፤ በሌሎች ሩጫ አንተ አታሸንፍም ፤ በሌሎች ትጋት አንተ አታድግም ፤ አትለወጥም ። የሌሎችን ብርታት ማውራት በህይወትህ የሚያመጣው ለውጥ የለም ። የምትቀየረው ፣ የምታድገው በእራስህ ጥረትና ልፋት ብቻ ነው ። ደስታና እርካታህ እራስን ባወክ ፣ ውስጥህን ባዳመጥክ ልክ ነው ። አዎ! አንዳንዴ ውጪ ላይ የሚወራው፣ የሚተነተነው ፣ አብዝቶ የሚነገረው ሃሳብ ከጭንቀት የሚያሳርፍ ሊመስለን ይችላል ፤ ለጊዜውም ያረፍን ሊመስለን ይችላል ። እውነተኛው እረፍትና ሰላም ግን እራስን ለማዳመጥና እራስን ለመሆን ዝግጁ በሆንን ልክ ነው ። እየገፋሀው ፣ እየሸሸሀው ፣ እየጠላሀው የምትቀይረው አስተሳሰብም ሆነ ማንነት የለም ። በቅድሚያ እራስህን ተቀበል ፤ ውስጣዊ ሽኩቻህን ፣ ሹክሹክታህን በጥሞና አዳምጥ ፤ ወደ እራስህ ተመልክ ፤ ደረጃህን ያለህበትን ስፍራ ፤ ፍላጎትህን ለይ ። የሚያስደስትህን ለማድረግ ማንም እስኪነግርህ አትጠብቅ ። አንተ እራስህ ስለራስህ የምታውቀው ሌሎች ከሚነግሩህ በእጅጉ ይበልጣልና ። ═════════❁✿❁ ═════════ 💪💯 አንብባችሁ #ሼር አላደርግ ስትሉ #ብሞት እንኳን #የማትቀብሩኝ አይነት ስሜት ነው የሚሰማኝ #ልሙትላችሁ ሆሆ ፣ ለማንኛውም አሁንም #ሼር አድርጉልን የቴሌግራም ቻናላችንንም ግቡና Join አድርጉ ። 👇👇👇 https://t.me/joinchat/AAAAAFAtO5kL7-YczXxg_Q

ህልመኛ መሆን አለብህ! ህልመኛ ማለት መጀመሪያ ምን እንደሚፈልግ ጠንቅቆ የሚያውቅ ነው፤ ከዛ ለምን እንደሚፈልገው ማወቅ የሚችል ነው፤ ቀጥሎ ግን እንዴት አርጎ የሚፈልገውን ማግኘት እንዳለበት ለማወቅ ጊዜ እና ትዕግስት ያለው ሰው ነው። "እንዴት አድርጌ የምፈልገውን ላግኝ?" የሚለውን ጥያቄ ወይ ፈጣሪ ይገልጠዋል፣ ወይ የራስህ እውቀትና ልምድ በጊዜ ሂደት ይመልሰዋል ወይ አንተ ባልገመትከው መንገድ ጥያቄህ መልስ ያገኛል። ወዳጄ አሁን የደረስክበትን በአንድ ወቅት ደጋግመህ ታስበው ነበር እንጂ እንዴት እዚህ ጋር እንደምትደርስ አታውቅም ነበር እኮ! ህልመኛ ረቡዕ ተመኘንላችሁ🙏 @success_love_unity

በአላማህ ፅና! "ካደኩ በኋላ የተማርኩት ትልቁ የህይወት ትምህርት ሁልጊዜም ለራሴ ቃል መታመን እንዳለብኝ እና ሰዎች ከአላማዬ ሊያቆሙኝ ሲሞክሩ መደንገጥ እንደሌለብኝ ነው" ትለናለች ሚሸል ኦባማ። ከምትፈልገው ነገር የሚያቆምህ አመለካከትህ ነው! ሰዎችና ሁኔታዎች ጠንካራ ከሆንክ ከጎንህ ይቆማሉ፤ በአላማህ የማትፀና ወይ ልፍስፍስ ከሆነክ ግን ሁሉም ይጠቀምብሀል፤ ለራሳቸው ፍላጎት መረማመጃ ያደርጉሀል። አላማህን አስቀድም ወዳጄ! ግሩም ምሽት ተመኘንላችሁ🙏 @success_love_unity

7 ፤ እንጀራህንስ ለተራበ ትቈርስ ዘንድ፥ ስደተኞቹን ድሆች ወደ ቤትህ ታገባ ዘንድ፥ የተራቈተውንስ ብታይ ታለብሰው ዘንድ፥ ከሥጋ ዘምድህ እንዳትሸሽግ አይደለምን? 8 ፤ የዚያን ጊዜ ብርሃንህ እንደ ንጋት ይበራል፥ ፈውስህም ፈጥኖ ይበቅላል፥ ጽድቅህም በፊትህ ይሄዳል፥ የእግዚአብሔርም ክብር በኋላህ ሆኖ ይጠብቅሃል። 9 ፤ የዚያን ጊዜ ትጠራለህ እግዚአብሔርም ይሰማሃል፤ ትጮኻለህ እርሱም። እነሆኝ ይላል። ከመካከልህ ቀንበርን ብታርቅ፥ ጣትህንም መጥቀስ ብትተው፥ 10 ፤ ባታንጐራጕርም፥ ነፍስህንም ለተራበ ብታፈስስ፥ የተጨነቀውንም ነፍስ ብታጠግብ፥ ብርሃንህ በጨለማ ይወጣል ጨለማህም እንደ ቀትር ይሆናል። 11 ፤ እግዚአብሔርም ሁልጊዜ ይመራሃል፤ ነፍስህንም በመልካም ነገር ያጠግባል አጥንትህንም ያጠናል፤ አንተም እንደሚጠጣ ገነት፥ ውኃውም እንደማያቋርጥ ምንጭ ትሆናለህ። 12 ፤ ከዱሮ ዘመን የፈረሱት ስፍራዎች ይሠራሉ፥ የብዙ ትውልድም መሠረት ይታነጻል፤ አንተም። ሰባራውን ጠጋኝ፥ የመኖሪያ መንገድን አዳሽ ትባላለህ። 13 ፤ ፈቃድህን በተቀደሰው ቀኔ ከማድረግ እግርህን ከሰንበት ብትመልስ፥ ሰንበትንም ደስታ፥ እግዚአብሔርም የቀደሰውን ክቡር ብትለው፥ የገዛ መንገድህንም ከማድረግ ፈቃድህንም ከማግኘት ከንቱ ነገርንም ከመናገር ተከልክለህ ብታከብረው፥ 14 ፤ በዚያን ጊዜ በእግዚአብሔር ደስ ይልሃል፥ በምድርም ከፍታዎች ላይ አወጣሃለሁ፥ የአባትህንም የያዕቆብን ርስት አበላሃለሁ፤ የእግዚአብሔር አፍ ተናግሮአልና። tenbet esayase 58 7-14

የአይምሮህን በር ጠብቅ! አንድ አጥፍቶ ጠፊ የዛሬን ብቻ አንተ ጋር ቤትህ አሳድረኝ ቢል በፍፁም እሺ አትለውም። መጥፎ ሀሳቦች እንደ አጥፍቶ ጠፊ ናቸው፤ የአይምሮህን በር ጠብቅ! ያለፈ ቁጭት ፣ ሀሜት፣ የማይጠቅም ወሬ መስማት ለኔ አይመጥነኝም በል! መልካም ሁሉ የሚዘሩ መልካም ያጭዳሉ፤ ስንዴ ስትዘራ ስንዴ ታገኛለህ፤ ቸልተኛ ሆነህ እንክርዳዱ ከበዛ ግን በህይወት ዋጋ ትከፍላለህ! በጎ ማሰብን የሚያክል ተዓምር ፈጣሪ የለም! ጣፋጭ ጁምአ (አርብ) ተመንላችሁ🙏 @success_love_unity

"አንተ ስላለሀኝ አንተን አመሰግናለሁ!" 💪💯 በየትኛውም አጋጣሚ በድካምህም ሆነ በብርታትህ ወቅት የአምላክህን ስራ አድንቅ ፣ አወድስ ፣ ከፍ አድርግ እንዲህም በል ፦ 💪💯 ቸር ሆይ አንተ ቸር ነህ ፤ ግሩም አባት ነህ ፤ እየተገባኝ የከለከልከኝ የለም ፤ አስፈልጎኝ ያጣውት የለም ፤ የማይገባኝን አልሰጠሀኝም ፤ በማልችለው አልፈተንከኝም ፤ የማልወጣው ውስጥ አልከተትከኝም ፤ መኖሬን የማየው ባንተ አበርክቶት ነው ፤ ሲደክመኝ የምታበረታኝ ፣ ስታክት አይዞህ የምትለኝ ከአባት በላይ አንተ ድንቅ አባት ነህ ፤ የምኖረው ባንተ ነው ፤ ዛሬን ያየውት ባንተ ነው ፤ ነገን ተስፋ ማደርገው ባንተ ነው ። 💪💯 አዎ! ባንተ ድጋፍ በሚቻለው በትልቁ ህልሜ ፣ በሰፊው ረዕይዬ ፣ በማይቆመው ጥረቴ ፣ በማይቋረጠው ምኞቴ ውስጥ አንተ አለህ ፤ ስለዚህም ፈርቼ አላውቅም ፤ ከቶ አልሸበርም ፤ የያዝኩትን ስለማውቅ በፍፁም አልሰጋም ፤ አልታወክም ። አንተን ያገኘው እለት እራሴን አወኩ ፤ ባንተ መንፈስ ስሞላ ውስጤ ተረጋጋ ፤ ሰላምን አገኘሁ ። 💪💯 ሰተህ የማያልቅብህ ፣ አድርገህ የማትደክም ፣ እኔን ከመጠበቅ ዞር ብለህ የማታውቅ ፤ ዘወትር አይንህን በእኔ ላይ የተከልክ ቸር አምላክ ፣ ድንቅ ፈጣሪ ባንተ ያላለፍኩት ፣ ያልተወጣውት ፣ ያላመለጥኩት ፈተና ከቶ የለም ። ስለወደፊቱ የማልፈራው ፣ የማልጨነቀው ፣ የማልታወከው አንተን ስለማምን ነው ። አዳኜ እንደሆንክ አውቃለሁ ፤ ረዳቴ ፣ አጋዤ ፣ ደጋፊዬ መሆንህ ገብቶኛል ። 💪💯 በመረጥክልኝ ፣ በምችለው ፣ በምወጣው የህይወት መንገድ እያስተማርክ እዚ አድርሰሀኛል ፤ የዛሬው ብቁነቴ ባንተ ነው ፤ የዛሬው ቀና ማለቴ ባንተ እገዛ ነው ፤ የዛሬው ብርታቴ ባንተ ድንቅ ስራ ነው ፤ በማያልቀው ፣ በማይሻረው ፍቅርህ እንደምትወደኝ አውቃለሁ ፤ በጊዜው ይህን ባልረዳ እንኳን አንተ ልጅህን ትረዳዋለህና አልጨነቅም ። እንደ ልጅ ዘወትር አብሬህ ባልሆን እንኳን እንደ አባት ሁሌም አብረኝ ነህና ከቶ አልሸበርም ፤ አልፈራም ። የእኔን ሃሳብ ታውቃለህ ፤ የሚገባኝን ፣ የሚመጥነኝን ግን አንተ ታደርግልኛለህ ። 💪💯 ባንተ መኖሬን ፣ ባንተ መወደዴን ሳውቅ፣ ያደረክልኝን ሳስብ መንፈሴ ፈካች ፣ ውስጤ በሃሴት ተሞላ ፤ ደስታንም አደረግ ፤ ሰላምን አገኘ ፤ ተረጋጋ ፤ ጠገበ ፤ ተመቻቸ ፤ ተደላደለ ፤ ባንተ አረፈ ። ስለዚህም መመስገን ባህሪህ ቢሆንም ለእራሴ ብዬ አመሰግንሃለሁ ፤ አንተ ስላለሀኝ አንተን አመሰግናለሁ!" እያልክ የተደረገልህን አስታውስ ፤ መንፈስህን አድስ ። 💪💯 አዎ! ጀግናዬ..! የአምላክ ውለታ እንደ ሰው አይደለም ፤ አይቆጠርም ፤ አይዘረዘርም ፤ አያልቀም ። ዛሬን ያለነው በእርሱ ባህሪው በሆነው ቸርነቱ ፣ መገለጫው በሆነው ረህራሄው ነው ። ስራችንን አይቶ አልተወንም ፤ ብንሸሸውም ጥበቃውን አላቆመም ፤ ባንመርጠውም በመንፈሱ ከመጠበቅ ዞር ብሎ አያውቅም ፤ ማዳኑን ባንመሰክር ፣ አበርክቶቱን ባንናገር እንኳን አድህኖቱንና አበርክቶቱን አላቋረጠምና የተደረገልንን አንርሳ ፤ ለእርሱ የሚጨምረው ባይኖርም ለእኛ ግን የማያልቅ ፀጋን ያሰጠናልና ዘወትር እናመስግነው ፤ ስራውንም እንመስክር ። ═════════❁✿❁ ═════════ 💪💯 አንብባችሁ #ሼር አላደርግ ስትሉ #ብሞት እንኳን #የማትቀብሩኝ አይነት ስሜት ነው የሚሰማኝ #ልሙትላችሁ ሆሆ ፣ ለማንኛውም አሁንም #ሼር አድርጉልን የቴሌግራም ቻናላችንንም ግቡና Join አድርጉ ። 👇👇👇 https://t.me/joinchat/AAAAAFAtO5kL7-YczXxg_Q

...እግዚአብሔርን ትልቅ ስትጠይቁት ደስ ይለዋል... ማቴ 7:7-11 በመጽሐፍ ቅዱስ ውስጥ ያቤፅ የሚባል አንድ ሰው ነበር። ስሙ በጣም አሳዛኝ ነበር እናቱ በህመም ስለ ወለደችው (1ዜና. 4:9) "ሐዘን" ማለት ነው! ያቤፅ ግን “አቤቱ፤ እንድትባርከኝ፣ ግዛቴንም እንድታሰፋልኝ እለምንሃለሁ፤ እጅህ ከእኔ ጋር ትሁን፤ ከሥቃይና ከጒዳትም ጠብቀኝ” በማለት ወደ እስራኤል አምላክ ጮኸ። እግዚአብሔርም የለመነውን ሰጠው።” 1 ዜና 4፥10 (አዲሱ መ.ት) ሃያላን ለራሳችሁ እንዲህ አይነት ፀሎት መፀለይን ራስ ወዳድነት አድርጋችሁ እንዳታስቡ የያቤዝ ጸሎት አምላክ እንዲባርከው፣ ግዛቱን እንዲያሰፋ፣ ከእሱ ጋር እንዲሆንና ከክፉና ስቃይ እንዲጠብቀው ነው። እግዚአብሔር ግን ያቤዝን ለእነዚህ በረከቶች በመለመኑ አልገሠጸውም መጽሐፍ ቅዱስ በዚያው ጥቅስ ላይ “አምላክ የለመነውን እንደ ሰጠው” ይነግረናል። ያ ብቻ ነበር። ምንም የሰራው ረጅም ሥራ የለም በጣም ቀላል ነገር ነው ያደረገው እግዚአብሔር ጸሎቱን ሰምቶ ልመናውን ተቀበለለት! ይህንን ስለፀለየ እግዚአብሔር ምንም አልገሰፀውም፣ ምንም መመሪያ አልሰጠውም፣ “ያቤጽ፣ እንድባርክህ ከፈለግህ መጀመሪያ ይህን አድርግ” አላለውም እግዚአብሔር የያቤፅን እምነት አከበረ እና ሀዘኑን ወደ ደስታ እና ህመሙን ወደ በረከቶች ለወጠው ይህ ሁሉ የሆነው እግዚአብሔር ምን ያህል መልካም አምላክ እንደሆነ ያቤፅ ስላወቀ የማይናወጥ እምነት ስለነበረው እና ትልቅ ጥያቄ ስለጠየቀ ነው! ወዳጄ እግዚአብሔር መልካም እንደሆነ የሚያስብ መልካም ልብ ይኑርህ። እግዚአብሔር እርሱ ይወድሃል እግዚአብሔር ባንተ ላይ አይደለም ካንተ ጋር ነው እናም በሁሉም የህይወትህ ዘርፍ ሞገሱን ሊገልጽ ይፈልጋል። እግዚአብሔርን ስትጠሩት በጣም ደስ ይለዋል እግዚአብሔርም በቃሉ እንዲህ ብሎ ቃል ገብቶላቿል። (ኤርምያስ 33፡3)“ወደ እኔ ጩኽ እኔም እመልስልሃለሁ አንተም የማታውቀውን ታላቅና ኃይለኛ ነገር አሳይሃለሁ”:: እግዚአብሄርን ትልቅ ነገር መለመናችን የተከለከለ ነገር ካደረግን በሕይወታችን Breakthrough አናይም:: ወዳጆቼ የሰማዩ አባታችሁን ስትጠይቁት ታላቅ ደስታን ይሰጠዋል። እናንተንም ሆነ ቤተሰባቹን መባረክ የእሱ መልካም ደስታ ነው (ሉቃስ 12፡32) ተመልከቱ። ስለ እግዚአብሔር ባሉ በተሳሳቱ እምነቶች መታገትን አቁሙ እና ዛሬ እሁድ በልባችሁ ያለውን ነገር ሁሉ እሱን መጠየቅ ጀምሩ!

ሰላም ለሁላችሁ:- መጥምቁ ዮሐንስ በበረሃ ያደገ ዘንባባ ነበረ። ምድረበዳ በቂ ውሃ የሌለበት ስፍራ ነው። ምቾት ፈላጊ የደጋ ዛፎች በዚያ አይገኙም። የበረሃ ዛፎች ሰው አይንከባከባቸውም። በቂ ውሃም አያገኙም። ግን አድገው ፍሬ ያፈራሉ። ዮሐንስም እንደዚህ ነበረ። ሰው የፈተለውን አልለበሰም፣ በሰው ፍትፍት አላደገም። ነገር ግን ታማኙ እግዚአብሔር ስላሳደገው ዝነኛ ሰባኪ፣ የጌታን መንገድ የሚያቀና ትሁት አገልጋይ ሆኖ ተገለጠ። ፍሬው እርሱ ወዳለበት መጠመቂያ ብዙዎችን ሰበሰበ። ተመልከቱ። እናንተ አድጋችሁ ፍሬ እንድታፈሩ፣ ወደ አሰባችሁት ህልማችሁ እንድትደርሱ የትም ማደጋችሁ፣ ምንም ማጣታችሁ ሊከለክላችሁ አይችልም። የቆማችሁት በበረሃ ላይ ቢሆንም ራዕያችሁ ፍሬ አለው። ኑሮ ባይመቻችሁም እግዚአብሔር ወዳሰበላችሁ ለመምጣት አያቅታችሁም። አምላካችሁም በምድረበዳ ማሳደግ የሚችል አባት ነው። እንደሳሮን ጽጌረዳ እጅ ሳይነካችሁ፣ ሰው ሳይንከባከባችሁ አድጋችሁ መለምለም ትችላላችሁ። ይህን እወቁ!

.... ዛሬ ውድ ስጦታ ነውና እናመስግን .... ✍ ዛሬ ያልፍና ትላንትና ተብሎ ይተካል ፣ ዛሬም ትላንትና ከመባሉ በፊት ለነገ ያሸጋግረናል፤ አንድ ቀን ያልፍና አንድ ቀን ይመጣል ይህ በምድር ሕይወታችን የምናልፈው የአኗኗር ዘይቤ ነው። ተመስገን ስንል ግን ለዛሬ ውብ የሆነ አዲስ ስጦታ እያበረከትን ነው። “ሥርዓትህን አስተምረኸኛልና ከንፈሮቼ ምስጋናን አወጡ።” — መዝሙር 119፥171 ማለዳ ከእንቅልፋችን ስንነቃ ከአንደበታችን መውጣት ያለበት ቃል እሰይ ነጋልን ቀንም ጨመረልን ተ.መ.ስ.ገ.ን....የሚለውን ነው!! ምክንያቱም ትላትና ተኝተን ዛሬ በሰላም መንቃታችን በእኛ ጉልበት ሳይሆን እግዚአብሔር ስለደገፈን ነው። “እኔ ተኛሁ አንቀላፋሁም፤ እግዚአብሔርም ደግፎኛልና ነቃሁ።” — መዝሙር 3፥5 በየቀኑ ሲነጋ በእድሜያችን ላይ አንድ ቀን ስለጨመረልን... አንደታችን እንዲናገር ፤ እጆቻችን እንዲሰሩ ፤ እግሮቻችን እንዲራመዱ ፤ ሰውነታችን ተኝቶ እንዳይቀር ፤ጆሮቻችን እንዲሰሙ ፤ ተኝተን በሰላም እንድንነሳ.....ወዘተ ያደረገው የእግዚአብሔር ምህረት በእኛ ላይ በዝቶ ነውና በትናንሽ ነገር ከማጉረምረም የበዛልን የእግዚአብሔር ምህረት እያሰብን ማመስገኑ ቀናችን ውብ ያደርገዋል! “የአምላክ ልጆች ሆይ፥ ለእግዚአብሔር አምጡ፥ ክብርንና ምስጋናን ለእግዚአብሔር አምጡ።” — መዝሙር 29፥1 መልካም ቀን ሬቨረንድ ተዘራ ያሬድ ይ🀄️ላ🀄️ሉን፦ 🇪🇹🇪🇹🇪🇹🇪🇹 @GospelTvEthiopia @GospelTvEthiopia @GospelTvEthiopia