Surgical notes

#بخصوص_Anti_Malaria_drugs صح انه في اكثر عايله وصح انه يختلف نوع العلاج ع شدة المرض ونوع الطفيل لكن لو فكرت تحفظ كل ذولا بنهاية المطاف لمن تواجه حاله عمليا ع ارض الواقع يحدث لك block وماتدري ايش وكيف تختار لذلك خلونا نتكلم ع الموجود بالواقع الي يكون ببالك ع طول لمن تواجه حالة تشخصت Malaria ومطلوب فقط تكتب لها Advice في الغالب المريض مايطلب خدمه طبية الا لمن يكون قده complicated لذلك خلي بالك من الحالات الي تحتاج Admission والحالات الي هيoutpatient ماعلينا 🥺 ونرجع drugs of malaria الي فعلياً تستخدم بشكل شايع والي هي ثلاثه انواع ▶️Artesunate injection هذا متوفر منه 120mg_60mg vial بالنسبة للDoes 2.4mg /kg ويعطى على شكل 0_12_24h ثم مرة واحده كل يوم حتى المريض يتحسن وبعدها تحوله الى tab اذا احتاج ▶️Artemether injection (IM📛) هذا متوفر ع شكل حقن IM وغالبا مابتحصله باي مرجع علمي يتكلم عليه ولا في Medascape لكن ع ارض الواقع متوفر وبنفس الوقت يسبب side effect معتبره متعلقة CNS systems ع كل حال متوفر منه 20mg_40mg_80mg ويعطى First day 4mg/kg stat(single dose) Then 2mg/kg OD/day for 4 days ▶️Coartem tab(artemether+lumefantrine)1:6 هذا بتحصلوه بالمراجع انه متوفر ع شكل 20mg/120mg وجرعته مقسمه ع حسب الوزن بالحبه ع الشكل التالي <15kg 15_25kg 25_35kg >35 kg المهم بتحصلوا جرعته حسب الوزن كم ياخذ حبه مثلا الي عمره فوق 35kg ياخذ اربع حبات مرتين باليوم من نوع الي يجي 20/120mg لكن رجعوا فكروا 🤔وقالو بدل العصيد هذا ليش مانعمل اشكال صيدلانيه نرفع لdose المهم انه حاليا متوفر بالسوق 20mg/120mg 40mg/240mg 80mg/480mg ورجعت الجرعه ع حسب الوزن 👆 كل فئية تاخذ 1 tab bd ×3 days مثلا الي هم >35kg ↔️ 1tab BD from 80/480mg وهكذا المهم الخلاصه لازم تكون فاهم لذولا الثلاثه الانواع بشكل كويس مع جرعهم وكيف يستخدموا والجرع المتوفره بالسوق وتختار العلاج اولا بما يناسب حالة المريض والشي الثاني تحسب الجرعه كويس وتحددها بالكمية والوقت لازم تخلي بالك انه injection لازم تكون بالمستشفى افضل ووتتوقع side effectsخاصة للartemether #وخلاص

Critically ill patients need "FAST HUGS BID" A nice mnemonic for key issues in ICU care. Feeding/fluids Analgesia Sedation Thromboprophylaxis Head up position Ulcer prophylaxis Glycemic control Spontaneous breathing trial Bowel care Indwelling catheter removal Deescalation of antibiotics #ICU

Glasgow coma scale مهم جدا 🛑 د. ماجد عامر #جراحة

Somazina 500 mg Tablet contains 'Citicoline,' which belongs to the class of 'psychostimulants. ' It is used to promote brain health. It is used to treat stroke, head injury, Alzheimer's disease, Parkinson's disease, and glaucoma. It protects the brain from neurotoxicity (damage to the brain).

الأشعه المقطعيه CT كانت جات علي مكتبه فهو بص عليها = وقالي : فيه fungus ball " فطر " موجود في ال maxilla وتشخيصك طلع صح - قولتله : بجد ؟؟! = قالي : إتفضل روح العناية - قولتله : أسف حضرتك دلوقتي مدير المستشفى مش أستاذي في القصر العيني أنا أسف يا بيه الموضوع خلص = قالي : كده ؟؟ - قولتله : أه = قال لأستاذ الباطنة اللي قاعد قصاده : بعد إذنك عايز أقعد مع محمد لوحدينا شوية ( يعني بيأخد حقي منه قدامي بشياكه يعني بيقوله أطلع بره وأنا قاعد ) وبالفعل الراجل خرج وقفل الباب - قالي : خلاص أنا خدتلك حقك = قولتله : خدته منه بس مش منك أنا مخدتش حقي منك حضرتك مسمعتنيش ومسمعتش أنا عايز إيه وعملت كده ليه ؟؟ فأنا مخدتش حقي منك - فبصلي وقالي : عايز تأخد حقك مني ؟؟ = قولتله : أه يا بيه - قالي : عايز إيه ؟؟ = فسَكِت .. - قالي : نضرب في أربعة :) = قولتله : لا في ستة قالي : خلااااص حصل :) أبجني تجدني :D هي الفكرة في حاجة متمداش بقى يعني متزودهاش خلاص أستاذك و حس إنه عمل حاجة غلط ، أيوه إرادتك مهمة جداً ولازم تدافع عنها لكن فيه حاجة اسمها أستاذك في الكلية كبير عنك عَلِمَك ,غلط ورضاك هيعملك إيه أكتر من كده يعني ؟؟ هيبوس إيدك يعني ؟؟! وأنا عندي 32 وتلاتين سنة بعد ما أخدت ال MDحاتم الجبلي مسكني عنايه الباطنه بالكامل في دار الفؤاد " بقيت رئيس القسم وأنا عندي 32 سنة " عايز أقولكم على حاجة إن معلومة صغيرة مذاكرها صح ممكن تنطرك معلومة صغيرة ممكن ناس كتيرة متعرفهاش فتنطرك نطرة جامدة في حياتك و كاريرك ال Mucormycosis " الفطر الإسود" فيه ناس كتيرة أوووي ميعرفهاش وعلى فكرة مشهوره ودلوقتي بقت مشهوره أكتر ومفتاحها مريض سكر جاي ب DKA وعنده عين واحده حمره و مورمه يبقي لازم تعمل اشعه مقطعيه علي المخ وطبعاً أنا معرفتهاش من نفسي ولا قريت في كتاب لا ده من أستاذي الدكتور شريف مختار هو اللي كان بيمسك القلم ويحطه على ودانا كده ويقول عيان ال DKA عملتله ECG "رسم قلب "؟؟ تقوله : أه يا بيه -يقولك بصيت على عينيه ؟؟ تقوله : أه يا بيه لو مقولتش : أه يروح دايس بالقلم وشادك لغاية العيان ويقولك بصيت على عينيها عشان ال Mucormycosis فإحنا حافظين كده عملت ECG عشان ال MI "جلطه القلب " في العيان ده بتكون silent يعني مبحسش بأعراض وفجأه قلبه يتوقف إحنا حافظينها كده شريف مختار محفظنا كده القلم لغاية دلوقتي وداني بتوجعني منه هو اللي علمنا الحاجات دي فلازم تدور على معلم تقيل لازم تبقى صبي لمعلم تقيل تفريغ لإحدي محاضرات د/ محمد الشافعي

أنا اترفدت من مستشفي دار الفؤاد بسبب الموضوع ده إنتوا عارفين دار الفؤاد دايماً بتشتغل V.I.P وأنا كنت لسه واخد ماجستير فريش والنباطشيات في العناية المركزه اللي بيمسكها في دار الفؤاد علي الأقل دكتور يكون معاه ماجستير وخبره كام سنه المهم يعني كنت نباطشي و فيه حالة جت جابها أستاذ باطنة من أساتذتنا التُقال في القصر العيني ( اللي هما فضلهم على دماغنا يعني ) وكانت حالة تسمم كيتوني لمريضه سكر DKA والحالة دي كانت متوصي عليها من ناس تقيله جدا very v.i.p المهم المريضه دي كانت كبيرة في السن وأستاذ الباطنة جايبها وجاي وقالي : إعملها كذا وكذا وكذا وكذا - فبقوله : يا بيه مش عايز تعملها CT skull " أشعه مقطعيه علي المخ " ؟ = بصي لي وقالي : إيه الهبل اللي إنت بتقوله ده !؟؟ CT skull إنت عبيط ؟؟!! - قولتله : أصل يا بيه .. = قالي : ولا أصل ولا فصل هي عشان جاية دار الفؤاد و عشان تعرف تدفع فأي كلام وخلاص ؟! إيه الزفت ده ؟!؟؟ متعملش CT وسابني ومشي أول ما نزل بَعتها تعمل CT عادي جداً ولا كأني سمعت حاجه حظي الأغبر إن دكتور حاتم الجبلي صاحب المستشفى كان موجود ساعتها وبعدين إتفقوا إنهم يطلعوا يبصوا على المريضه قبل ما الدكتور يمشي لما طلعوا سألوا فين المريضه ؟؟ = قالولهم مش موجودة - أمال فين ؟؟ = قالوا : بتعمل CT - مين قالها تعمل CT ؟؟ قالوا : دكتور محمد الشافعي = هاتوا الشافعي - فأستاذ الباطنة بيقولي : مش أنا قولتلك يا ابني متعملش CT ؟! = فسكت - فدكتور حاتم الجبلي قال : مش البيه قالك متعملش CT ؟! = قولتله : أه - قالي : وإنت بعتها تعمل CT skull ؟! - قولتله : أه = قالي : متشكرين على الفترة اللي إنت قضيتها عندنا يا محمد ..بالنص كده - قولتله : طيب يا بيه سلام عليكم ، و إتصلت بمدير الرعاية كان ساعتها دكتور أحمد غالي قولتله : يا بيه أنا هروح إبعت حد يستلم مني النباطشية و حكتله اللي حصل - قالي : إهدى أنا جاي = قولتله : لا إتصل بحد يجي يستلم النباطشية وإلا همشي من غير ما أسلم وطبعا مينفعش تمشي وتسيب العنايه بالمرضي اللي فيها ومفيش دكتور موجود المهم بعتلي دكتور وسلمته الحالات ونزلت وركبت عربيتي وطالع من باب المستشفى راحوا قافلين عليا البوابه - فيه إيه يا رجالة ؟؟ = قالوا : الدكتور حاتم قال متخرجش - قولت : يا نهار أسووووود هيلبسني تهمة وحاتم الجبلي قادر على إنه يعملها = وقولتلهم : ليه كده ؟؟ - قالوا : هو قال كده لما تيجي خارج ممنوع تخرج وتروح مكتبه = قولتلهم : بلغوا الدكتور حاتم إن الدكتور محمد الشافعي خلاص ماشي و إنتهينا بتاع الأمن يعرفني كويس لقيته قالي : - يا دكتور محمد هو قالي هو هيقولك كده وقالي لو قالك كده جيبهولي حتى لو هتشيله = قولتله : هتعملها ؟؟ - قالي : هعملها يا كده يا أترفد ومعلش يا دكتور محمد دا أكل عيشي وأنا مش هترفد فاركن عربيتك وخليك ببريستيجك وإنزل روح على رجليك بدل ما تروح متشال كان بيكلمني كده بالظبط روحت راكن ورايح للدكتور حاتم دخلت لقيت أستاذ الباطنة قاعد ولقيت دكتور حاتم الجبلي بيقولي : - إنت طلبت CT ليه ؟؟ = قولتله : خلاص يا بيه الموضوع خلص وفيه حد إستلم العناية وأنا ماشي انتهينا - قالي: إحترم نفسك ولما أسألك ترد زي ما بسألك بصتله بزهق كده و مردتش = قالي: أنا أستاذك في القصر العيني إنسى إني مدير مستشفى دار الفؤاد أنا أستاذك وبسألك فإحترم نفسك وتقف عِدل ولما أساتذك يسألك ترد عِدِل - قولتله : يا بيه بتكلمني بصفة أستاذ ؟؟ = قالي : أه -قولتله : طلبت CT عشان كنت بدور على "mucormycosis " دي عدوي فطرية بتطلع في الجيوب الأنفيه "nasal sinuses " الفطر ده مشهور جدا جدا في مرضي السكر عشان نقص المناعه إسمه المشهور بيه " الفطر الإسود " أكيد حضراتكم سمعتم عنه الفتره اللي فاتت كتير اللي إشتهر إن في سلاله من كورونا في الهند بتسبب الإصابه بالفطر الإسود مشكلته الحقيقة إنه مع حالات تسمم السكر الكيتوني DKA بيحصله إنتشار وبيطلع من الجيوب الأنفيه و بيوصل للعين و الفص الأمامي من المخ وللأسف الحل إنك تعمله إزاله للعين بالكامل مع الفص الامامي من المخ " enucleation and frontal lobectomy with a mortality of 60 % after surgery , Before surgery it is100 %" - فقولتله : أنا بدور على mucormycosis " الفطر الإسود " = قالي : بتدور عليها ليه ؟؟ - قولتله : حضرتك العيانة كان عندها إحمرار وتورم في عين واحده "unilateral eye echomosis and edema "مع إحتقان في الملتحمه "بياض العين " لنفس العين conjunctival injection " و دي علامه مميزه للفطر الإسود في العيانين دول "

#hemorrhagic_shock

Betaserc المادة العلمية المعروفة تجاريا بـ Betahistine 💡💡 🔽🔽🔽جروب مهم جدا لاكثر من سبب: ✔️✔️ أولا فعال في تخفيف أعراض الدوار بصورة عامة (Vertigo) وخاصة حالات benign positional vertigo ، (الجرعة الموصى بها للدوار: 8:16 مجم ثلاث مرات يوميًا). عمليا بنبدأ بجرعه 8 تلات مرات يوميا ولو مفيش تحسن نزود ل ١٦ 📒📒يساعد Betahistine في تحسين تدفق الدم في الأذن الداخلية، مما يخفف من أعراض الدوار والطنين (الجرعة المعتادة لمرض Ménière's هي: 16 مجم ثلاث مرات يوميًا و بيخفف بالفعل أعراض ال Vertigo و الطنين ✔️✔️ قد يسبب بعض الآثار الجانبية مثل nausea,headache,GIT upset ⚠️⚠️⚠️ ❗️❗️يعتبر في الحمل Category C طبقا ل FDA عشان كده مش بنكتبه للحوامل 📌 يتوفر Betaserc في السوق المصري بتركيزات مختلفة تشمل: أقراص 8 مجم،أقراص 16 مجم،أقراص 24 مجم ✍️ لعلاج أعراض الطنين (Tinnitus) (الجرعة الموصى بها للطنين: 16 مجم ثلاث مرات يوميًا). ✍️ بنكتبه لبعض المسنين في حالات الدوخة والدوار بدون سبب واضح لوجود مشاكل peripheral circulatory disorder و بنكتب لهم جرعات بسيطه تركيز ٨ مره لمرتين يوميا 🔰🔰 يمكن زيادة الجرعة تدريجياً إلى 24-48 مجم يوميًا بناءً على استجابة المريض وتحمله للدواء. من المهم تناول الدواء مع الطعام لتقليل ال GIT upsetsلانه ممكن يسبب Gastritis لبعض المرضي. 👌 يوجد بدائل أرخص من betaserc مثل Verserc تركيزات 8,16,24 و Microserc tab لكن في رأيي المتواضع الحالات المتوسطه والشديده بيتاسيرك يظل الأكثر فعالية #DrAymanMorsy

✍️ امتي نطلب Brain CT بعد head trauma خاصة ان الحالات شبه متكررة يوميا مع الأطفال في الاستقبال 1️⃣ لو Glasgow Coma Scale اقل من 15 خلال ساعتين من ال trauma 2️⃣ لو فحصت الرأس ووجدت Open or Depressed Skull Fracture و هنا لازم نفحص الرأس جيدا خاصه لو الشعر كثيف لان الشعر احيانا بيحجب ال injury 3️⃣ لو الطفل رجع مرتين او أكثر لازم مقطعيه علي الفور 4️⃣ لو حصل inconvulsions بعد ال head trauma خاصه لو المريض ليس مريض Epilepsy 5️⃣ لو حصل اي neurological deficits بعد ال head trauma زي ال weakness, numbness, tingling, or coordination difficulties in a specific limb or facial area 6️⃣ لو المريض 65 سنة او اكثر لان كبار السن هم أكثر عرضة ل intracranial haemorrhage بعد head trauma 7️⃣ لو ظهرت علامة من علامات Basal Skull Fracture Signs زي raccoon eyes, Battle’s sign 8️⃣ لو حدث CSF Leakage from Ear or Nose

جاء اليك مريض يشتكي من ألم اعلى المعدة وعمره فوق 30 سنة? ? في هذي الحاله هل ضروري عمل تخطيط قلب!! ماذا تتوقع رد فعل المريض بهذا العمر يشتكي من مشاكل معدة متكررة وانت تطلب له تخطيط قلب اكيد مليون بالمائة بيقول لك يادكتور ليش هذا الفحص ?  هذا اذا كان مريض متفهم مابالك لو كان مريض حاقد على الاطباء? ? ايش بتكون ردة فعله! انا اتوقع انه كل طبيب يطلب تخطيط قلب لكل مريض يشتكي من الم في المعدة انه يتعرض لكثير من الاساله وربما قد تصل الى الآساءة !! كيف نتصرف في هكذا حالاااات? ?? المريض في الدول التي لدى شعبها تامين صحي اكيد هذه الفحوصات الروتينية لاتعني لهم شيئا انا اتكلم هنا عن طبيب يمني يستقبل مريض يمني ... في هذه الحالات لازم يكون عندك واحد من اثنين إما مهارة اقناع ذكية غير مقلقه للمريض او ان يكون لديك مهارة باخذ تاريخ مرضي مفصل لاستبعاد احتمال الجلطة تماما >0.000001% مهارة الاقناع الذكية تكون بلغة مفهومه بسيطة مثلا اذا شفته مريض مثقف كلاما وشكلاً في هذه الحاله مابتتعب بتقول للمريض " هذا مكان المعده ممكن يكون حموضه ,ارتجاع او اعراض جرثومة لكن بتعمل لنا تخطيط قلب مابياخذ خمس دقايق عشان نستبعد وجود مشكله بالقلب - لاقدر الله - هو مستبعد انه يكون في مشكله بالقلب لكن عشان اطمن انا وتطمن انت " في هذه الحاله المريض بيتقبل كلامك خصوصا لو كان كلامك غير مقلق هذا الكلام تقوله لمريض مثقف مستواه العلمي كويس وليست لديه عوامل خطورة وتشوف انه طلب  التخطيط بيطمنك الى حد ما ... مريض اخر مستواه العلمي اقل او حتى شخص قروي اذا كنت تشتغل في ريف او قرية او حتى في الحبيبة صنعاء بتلاقي امراض لما تطلب منه عمل تخطيط لالم في المعده بيعتقد انك يااما انك مش فاهم او انك تشتي تنصب عليه ووتاخذ نسبة من فحص غير ضروري او انه معاك معه عداوة مجهولة السبب.  في هذه الحاله مهارة الاقناع تلازم تكون تكبر تخاطب الكبير بعمره والصغير بعمره والعجوزة بعمرها والشايب بعمره .... مثلا " ياعمي بنطلب لك تخطيط وفحوصات نطمن على صحتك " بيرد عليك : مافيش فيني شي يابني لاتطلع لي مرض قلب وانا بخييير !! يكون ردك بهذا الاسلوب " الله لايقول عليك ياعمي بس قد اسمك جيت للمستشفى قده بحق تعبك نطمن على قلبك شكلك مابتمرض ماشاء الله عليك " لاتطلب فحص وانت متوقع انه المريض بيسالك عليه , كلم المريض سبب طلب الفحص بكلمتين بسيطتين .. لاتطلب تخطيط قلب لمريض عنده الم في المعده وانت ماتشوف بعيون المريض ولامعبر له ويكون منظرك مقلق بالنسبه لهم ,تكلم مع المريض بلغته وببساطته حاول تحسس المريض انك احد افراد اسرته المهتم بصحته لانه كلمة منك ممكن تجهل المريض ماينام .... الطريقة الثانيه قلنا هي استبعاد وجود جلطة تماما وفي هذي الحاله لازم يكون المريض عمره اقل من 30 سنة عنده مشاكل سابقه مع المعده, ليس لديه اي تاريخ مريض او سكر او ضغط او مدخن او تاريخ عائلي بوجود امراض قلب مبكره اذا توفرت كل***  هذي الشروط وانه تشوف انه الجلطة مستبعده تماما ممكن يروح للمريض بشرط لذا تكررت الاعراض  او استمرت بوجود علاجات المعده التي اخذها يلزم عمل تخطيط للتطمين. الكارثة وين? ?? اذا  طلبت التخطيط وماعرفت تقراه وتطمن المريض ويروح البيت لهذا السبب لازم نتعلم اقل شيء علامات الذبحة او الاحتشاء لانه  حالات طارئة ....

زملائنا الامتياز: إزاي تتعامل مع الحالة السايكيك ؟! . مبدأيا كدة لو شخصت حالة سايكيك من أول ما تدخل عليك الطوارىء يبقى إنت باشا كبير ومش عارف أي حاجة في أي حاجة !!! . إيه يا عم الكلام ده ؟! مفيش يا باشا حاجة اسمها حالة سايكيك ! فيه حاجة اسمها: احترم المريض وخد منه هيستوري محترم جدا لأبعد حد بس ركز على النقط المهمة جدا علشان إنت مش فاضي في الطوارىء ! يعني جت لك حالة بتقولك عندي كرشة نفس وكتمة ! مش هتقعد تحكي معاها وتعمل لها شاي ! لكن بدل ما تعمل مهم وتبص في الورقة وتكلم المريضة وإنت بتكتب كأنك وزير الصحة ! بص بعينك للمريضة علشان النظرة ذاتها ممكن تشخص لك أمراض مش مرض ! حتى نظرتك للمريض وهو داخل عليك وطريقة مشيته ممكن تشخص لك حالته ! (يعني مثلا حالات الزايدة بتلاقيه هادي جدا في مشيته وبحساب وتلاقيه مميل لقدام شوية ومش عارف يصلب طوله ! لكن مريض المغص الكلوي بتلاقيه بتمرمغ في الأرض !!! .. وهكذا ! ) المهم شوف الحالة بتاع كرشة النفس، مزرقة ولا لأ ؟! شوف الحالة Pale ولا لأ ؟! دا مش هياخد منك لحظات ولكن هيفرق معاك في التفكير في الحالة ! طيب يا ماما، القصة دي من فترة ولا لسه ؟! علشان تطلع المشكلة المزمنة من الحادة ! وسعادتك بتاخد هيستوري من المريضة لاحظ المريضة نايمة على السرير مستريحة ولا لأ ؟! لو هادية ومستريحة، بكل بساطة بتطلع مشاكل كبيرة تخص القلب والرئة وكمان تستبعد بشكل عام وجود أي effusion يكون سبب في كرشة النفس ! دي كلها من مجرد ملاحظاتك للمريضة مش كلام ! ومش هياخد منك حرفيا ثواني ! انظر للمريضة واستبعد مشاكل كبيرة بنظرتك بشكل عام ! واسألها أسئلة مباشرة علشان تستبعد كذا مشكلة تكون سبب في كرشة النفس ! يعني مثلا لقيت شاب سنه صغير وطويل وجاي لك بيقولك يا دكتور عندي كتمة جت لي من دقايق مرة واحدة ! وغالبا هتلاقي معاه ألم في الصدر ! هنا فكر في ال spontaneous pneumothorax لكن ال MI بردو للأسف بقت مشهورة جدا في السن ده مش الكبير بس ! ويا ما حالات كتيرة جت وقلنا عليها بتدلع ! وطلع من وراها مصايب ! . يبقى ركز في نظرتك للحالة وشوف وضعها على السرير وشكلها أول ما تدخل عليك ! وبتدخن ولا لأ ! وهكذا ! بعد كدة اعمل الفحص اللي الحالة محتاجاه حسب اللي طلعت به من الهيستوري ! ومن غير هيستوري محترم عمرك ما هتعرف تشخص حالة ! . بعد ما تستبعد كل حاجة خطرة تهمك وتهم المريض ! ابقى قول براحتك عندها مشكلة نفسية ولا لأ ! ولو حالة acute psychosis هتديها مهدئات ! لكن اسأل نفسك إيه السبب أصلا ؟!!!!!!!!! يعني بردو خد هيستوري محترم واعمل فحص محترم للمريض ! حالات بتدلع طلعت MI حالات بتدلع طلعت cerebral Hge حالات بتدلع طلعت pulmonary embolism حالات بتدلع طلعت pneumothorax . انسى قصة سايكيك دي من دماغك إلا إذا مشيت صح واستبعدت كل حاجة خطرة زي ما الكتاب بيقول !

Wellens' Syndrome: A Pre-Infarction Warning Wellens' Syndrome is a critical ECG pattern indicating impending anterior wall MI due to proximal LAD stenosis. It’s a high-risk sign requiring urgent intervention despite minimal symptoms or normal cardiac markers. 🔹 ECG Patterns: ✅ Pattern A: Biphasic T waves in V2-V3 ✅ Pattern B: Deeply inverted T waves in V2-V3 🔹 Key Features: ✔️ Chest pain resolves, but ECG changes persist ✔️ Little to no troponin elevation ✔️ 🚫 Stress test contraindicated! (risk of infarction) ✔️ Urgent coronary angiography needed

Never miss these lethal ekg patterns Suggestive of acute coronary syndromes

#الخطايا_العشر_للإستقبال 1- تعرف قرص المسكن زي "البروفين" اللي انت اديته لعيان علشان عنده صداع ممكن يكون سبب انه يدخل عنايه صدريه خلال دقايق لانك مكلفتش نفسك تساله عنده "حساسيه علي صدره ولا لأ " و ان البروفين ده زودله الحساسيه وقفله الشعب الهوائيه وعمله فشل في وظائف التنفسrespiratory failure.. بلاش ايموشن الاستغراب دي معلومه مؤكده ان شاء الله:) 2- فاكر العيان اللي سنه كبير اللي جالك بيشتكي من الم في البطن وانت مشيته واديته دوا حموضه ممكن يموت خلال دقايق برضه لانك كسلت تعمله " رسم قلب " كنت ساعتها هتعرف ان سبب الم البطن كان "جلطه في القلب" مش "حموضه"...لان الم البطن من Atypical presentation of acute coronary syndrome 3- و الشاب اللي جالك بالم في صدره..ورسم القلب كويس..وقلتله انهatypical chest pain..و روحته علي انه muscloskletat pain.. و جالك بعد شويه بrespiartory failure.. لانك مسمعتش صدره كويس كنت هتكتشف ان فيه Decreased air entry... و باشعه عاديه علي الصدر كنت هتلاقي.. Pneumothorax هيطلع واحد ويتعصب ويقلي ازااااااي من غير History of trauma اقله علي فكره فيه حاجه اسمها Primary spontanous pneumothorax ودي اكتر في الشباب with no apparent cause 4- العيان اللي جالك بصداع و زغلله في عنيه..واديته مسكن وقلتله ييجي عياده رمد تاني يوم من غير ما تقيس الضغط كنت هتكتشف انه Hypertensive crisis...hypertensive retinopathy 5- ارجع بالذاكره للعيان اللي جالك الاستقبال 3 الفجر بدوخه حاده..acute dizziness..وانت رغم ان ضغطه كويس ركبتله محاليل وروحته وانت فاكره انه بيمثل عليك هو نفس العيان ده ممكن يموت تاني يوم لانك مطلبتلوش "اشعه مقطعيه علي المخ" كنت هتكتشف انه كان عنده "نزيف في المخ" وانه مكنش بيمثل ولا حاجه.... 6- فاكر العيان اللي جالك ب"قئ مستمر" و انت اديته دوا ترجيع و مشيته وجه تاني يوم ب Uremic pulmonary edema علشان انت مسالتوش عن uremic symptoms و مسحبتلوش وظائف كلها كنت هتكتشف ساعتها انهacute renal failure 7- العيانه الحامل اللي جتلك بtachypneaو dyspneaو انت روحتها علي اساس ان جوزها مزعلها..مخطرش في بالك انها ممكن تكون pulmonary embolism.. و ان ال Pregnancy is a risk factor for pulmonary embolism 8- العيان اللي بيغسل كلي ومركب A_V fistula.. و جالك بسخونه وانت سمعت صدره كويس..ومشيته علي مضاد حيوي من غير متعرف سبب السخونه..مع انك لو كنت فحصت دراعه كنت هكتشف ان سبب السخونه Infected A_V fistula 9- مريض الضغط اللي جالك يشتكي من كحه ناشفه مستمره..وانت عملتله chest x_ray..طلع كويس..عرضته انف و اذن طلع كويس...رحت انت بقي شكيت في.. Gastroesophageal reflux disease.. فعملتله منظار علوي طلع normal مع انك ببساطه لو سالته عن ال..drug history كنت هتوفر وقته وفلوسه لانه كان هيقلك انه بيخد..ACEI..زي الكابتوبريل والاينالابريل ومجموعتهم... وهي دي The cause of chronic dry cough 10- و مريضه روماتزم القلب اللي جتلك ب Unexplained fever و انت مشتها مع ان فيه قاعده بتقول Any pt rheumatic heart disease with unexplianed fever shoud be considered infective endocarditis until proved otherwise 11- ( طلعوا 11 مش مشكلة ) 😃 الكارثه الأكبر عيان السكر اللي جالك بغيبوبه وانت لففته اشعات وتحاليل ساعه ورا ساعه ووسط ده كله نسيت تقسله السكر..كنت هتلاقي ان دي Hypoglycemic coma خطا زي ده ممكن بكون سبب ان المريض يعيش طول حياته في غيبوبه لانprolonged hypoglycemia..بتعمل Irrversible brain damage الحجات دي الف..ب...طب ملهاش علاقه بتخصصك او درجتك العلميه او مستشفي او امكانيات ..ليها بس علاقه بطريقه تفكيرك...دايما عالج "مرض" و "مريض" متعالجش اعراض Good doctor..has the art of classic..simple and creative thinking...and the art of management فيه فرق شاسع بين الطبيب"الشاطر" و الطبيب"الروتيني ". "انت طبيب عندك ضمير المفترض ان هدفك تكون سبب في علاج الناس قبل متكون تاجر و زي مقالوا لا بد ان تتصافح الاخلاق مع العلم". خد بالك احيانا الجهل بيكون ارحم من فزلكه نصف المعرفه "ربنا لا تؤاخذنا بما نسينا او اخطأنا...ربنا لا تجعلنا من الذين ضل سعيهم في الحياه الدنيا و هم يحسبون انهم يحسنون صنعا"..اللهم آمين

العيانة داخلة عندها الأتي : Hyperkalemia & Heart block والحالة كانت لسه داخلة مبقلهاش ساعتين تلاتة وركبنالها temporary peace maker ,, وعملنا شوية حاجات عشان ال Heart block فالمهم ,, ال creatinine بتاعها كان عالي ,, فالدكتور عمر الخشاب كان موجود ,, فروحناله بال file قولناله : عندنا يا بيه عيانة معاها كذا وكذا وعايزين حضرتك تشوفها فلقيت الدكتور عمر الخشاب بص في ال file كده ,, مشافش العيانة أصلاً فقالي : يا محمد ,, دي حالة chronic interstitial nephritis واضحة ,, وقفل الfile وإداهولي ☺ طبعاً ,, النايب الصغير اللي جنبي ,, راح ماسك في البنطلون ,, بابا ,, بابا ,, قولتله : فيه إيه يا ولا ؟؟ بابا ,, بابا ,, إزاي ؟؟! قولتله : بابا مش عارف ☹ أعملك إيه يعني ؟؟! بس ,, بص ,, أصل ليهم تنطيطات كده ,, متشغلش بالك ,, إحنا نمشي classical يعني سونار ونأخد biopsy عملنا سونار ,, وأخدنا biopsy ,, طلعت chronic interstitial nephritis طبعاً الواد جاي لي ومريل بقى ☹ ,, وحالته ما يعلم بيها إلا المولى قالي : يا حج قولتله : فيه إيه ؟؟ قالي : الراجل طلع صح ,, إزاي يا أبا ؟؟! قولتله : امسك في ديل البالطو يا ولا وطلعنا جري ,, ( طلعت بيه جري على الدكتور عمر الخشاب بندور عليه في كل المستشفى ) وأول ما لقيته كالعادة ,, روحت قالع القميص ,, قولتله : يا حج ليه !! هو إحنا كلاب يا أبا ؟؟! ما إحنا بنذاكر يا حج وبنقرأ يا أبا ؟؟! إنتوا بتعاملونا معاملة الكلاب ليه ؟؟! بتشخص إزاي يا حج ؟؟ قالي : طب ,, اهدى كده ,, وتعال بُص ,, هات ال file ,, بص كده على ال investigations قولتله : ماشي نبص ,, بصينا ☹ ,, قالي : الهيموجلوبين كام يا محمد ؟؟ قولتله : تمانية يا بيه قالي : الكرياتنين كام ؟؟ قولتله : أربعة قالي : مش ملاحظ حاجة ؟؟ قولتله : لا ,, مش ملاحظ ( عيانة عندها renal failure ,, أكيد يعني عندها أنيميا ) قالي : هل طبيعي إن الكرياتنين يبقى أربعة ,, والهيموجلوبين تمانية ؟؟! قولتله : لا ,, عادةً يبقى الكرياتنين عشرة ,, عشان الهيموجلوبين يبقى تمانية قالي : يعني إيه ؟؟ قولتله : يعني الأنيميا هنا ,, more severe ,, عن ال expected for renal affection قالي : حلو ,, دا معناه إيه ؟؟ قولتله : مش عارف ,, دا معناها إيه ؟؟! قالي : معناها ,, إن إنت ضربت الخلايا اللي بتعمل erythropoietin ,, قبل ما تضرب الkidney نفسها وبالتالي ,, الأنيميا ابتدت قبل ال renal affection بكتير قولتله : أه قالي : الخلايا دي موجودة فين ؟؟ قولتله : في ال interstitial tissue قالي : يبقى Interstitial قولتله : أه ☺ وقالي : عشان تعمل anemia بتأخد وقت ولا لا ؟؟ قولتله : أه قالي : يبقى chronic قولتله : أه قالي : بص شوف العيانة جايبة urine أد إيه في اليوم ؟؟ قولتله : العيانة جايبة تلاتة ونص لتر urine ,, إيه معناه يعني ؟؟ قالي : واحدة عندها الكرياتنين أربعة ,, بتجيب تلاتة ونص لتر urine يومياً !! قولتله : مش فاهم قالي : ده معناه ,, إن الtubules هي اللي بايظة ,, مش ال glomeruli لو الglomeruli هي اللي بايظة ,, كان ال Urine قليل يبقى المشكلة عندك tubules مبتعملش reabsorption قولتله : أه ,, صح قالي : ال tubules ,, و interstitial ,, و chronic قولتله : تبقى chronic interstitial nephritis قالي : وإنت كاتب في ال history إيه ؟؟ قولتله : أنا كاتب إنها بتأخد non steroidal قالي : اتفضل امشي يا محمد ال clinical pictures دي ,, أنا كاتبها عندك في سطرين لكن ,, عشان حد يقرأهالك بهذه الطريقة ,, عمر الخشاب دا والله لو اتقعد اتنطط هجيبها أنا بالطريقة دي !! عمر الخشاب ,, ده كلام مش موجود في الكتب يا أولاد ,, والله العظيم دورت عليه ,, مش موجود الدكتور عمر الخشاب يقولك : ال chronic interstitial nephritis ,, Anemia is more severe than the degree of renal affection وإن فيه tubular dysfunction في صورة polyuria مكتوبة كده عندكم ,, وأنا قريتها ,, لكن ,, أرتبها في دماغي أنا ,, مستحيل لازم المعلم الكبير يعلمني ,, يقولي ولا كده ,, كده ,, لازم تلزق في حد كده لما تلاقي حد كده ,, تروح لازق فيه

DKA ICU rounds

Acute Hypoglycemia

قاعد في الاستقبال أو العياده أو الوحده ودخلك مريض ضغطه عالي تتصرف ازاي ؟ هنقسم العيانين ل 3 أنواع 1- ضغط عالي لكن أقل من 180/110 ومش معاه Target organ damage 2_ ضغط عالي أعلي من 180/110 ومش معاه Target organ damage 3- ضغط أعلي من 180/110 ومعاه Target organ damage ____________ نمسك النوع الأول ضغط اقل من 180/110 ومش معاه Target organ damge ، مثال 160/100 ده مش عيان طوارئ أصلا ومش مطلوب مني تدخل في الطوارئ ده لو متشخص من زمان وبياخد علاج ضغط ومنتظم عليه يبقي ييجي العياده نظبطله علاجه لو مش منتظم علي علاجه ينتظم عليه لو دي أول مره يقيس ضغطه ويطلع كده يبقي هتطلب منه جدول قياسات خلصنا النوع الأول -------------------------------------------------------------------------- النوع الثاني ضغط أعلي من 180/110 ومش معاه Target organ damge ده HYPERTENSIVE URGENCY أولا تخلي العيان يرتاح في غرفه هادئه لو انت في مكان يسمح بكده ،مثلا في العياده أو الوحده الصحيه لو العيان بياخد علاج ضغط بس ما اخدوش انهارده ياخد قرص من علاجه لو العيان بياخد علاج ضغط ومنتظم عليه يبقي ييجي العياده نغيرله علاجه أو نرفع الجرعات ،،الخ لو عايز تديله حاجه في الطوارئ يبقي ياخد Oral ACEI or CCB or combination مثلا erastapex Co 5/20 وبأكد تاني oral يعني بلع مش تحت اللسان وتروح العيان وما تقعدش تتابعه أصلا وممنوع منعها باتا ال sublingual Nifidipine زي كبسولات ال ابيلات كذلك ال لازكس ممنوع تماما ،الا لو العيان دخل في Acute pulmonary oedema كده كده عايزين الضغط ينزل بالراحه خالص علي مدار 24 ساعه مش مستعجلين وتجيب العيان العياده تعمله فحوصات وتظبط علاجه كده النوع الثاني خلص ____________ النوع الثالث ضغط أعلي من 180/110 ومعاه Target organ damge ده HYPERTENSIVE EMERGENCEY نعرف بقي اي هم ال Target organ damge ونعرف ازاي إذا كان العيان عنده حاجه منهم أو لا ب الهيستوري وال examination وال investigations ال TOD بنقسمهم 3 مجموعات كبار للتسهيل 1- neurological compromise 2_ Cardiac compromise 3_ Renal compromise ____________ ناخد واحد واحد For neurological compromise هسأل عن Blurring of Vision Sever headache Seizures Loss of sensations or paraesthesia Loss of movement or weaknesses Dysarthria لو شكيت في حاجه منهم هعمل Neurological examination ( motor, sensory and coordination) لو الشك لازال موجود هنعمل CT brain Fundus examination ____________ تاني TOD هو Cardiac compromise هسأل عن Chest pain Dyspnea, orthopnia Diaphoresis وافحص العيان Cardiac auscultation Chest auscultation for bilateral basal crepitations of Acute pulmonary oedema Neck veins 👉congested or not LL for👉 LL odema لو في حاجه تقلقك هتطلب ECG Cardiac enzymes CT Chest ( if dissecting aortic aneurysm is suspected) ____________ ثالث TOD Renal compromise هسأل عن Urine output لو شكيت هطلب Serum creatinine, urea Electrolytes Urine analysis طبعا لو في اي TOD ده عيان ICU أو CCU أو stroke unit حسب ال TOD

Centor criteria .. For sore throat ( Strept pharyngitis) The four components of the Centor Criteria are: fever, tonsillar exudate, anterior cervical lymphadenopathy, and absence of cough. #باطنة