Yazdurdiyev | #МарсликОвчи

🐟 QARSHIDA XIVA BALIG‘I — “XIVALIK SAZAN” RESTORANI Haqiqiy ko‘l balig‘ining o‘ziga xos ta’mini tatib ko‘rishni istaysizmi? Unda bu joy siz uchun! 😋 Do‘stlar yoki oila davrasida borib, mazali va yangi ko‘l balig‘idan bahramand bo‘lish uchun ayni muddao. Bu yerda taomning ta’mi ham, baliqning o‘zi ham alohida — bir bor tatib ko‘rsangiz, yana kelgingiz keladi. 😏 📍 Manzil: Qarshi shahri, “Hamro bobo” to‘yxonasi orqasi, “Ozod jiz”dan 20 metr. lokatsiya 📞 Murojaat uchun: +998 99 225 40 51 — Azamat +998 90 720 25 55 — Rasuljon Borib ko‘ring, tatib ko‘ring va o‘zingiz baho bering! 🐟

Минглаб тақдирларни хавотирга қўйган ҳужжат ҳақида бирор расмий изоҳ берилмади “Lex.uz” расмий порталида эълон қилинмаган бўлса-да, ПФ-181-сонли фармон ижтимоий тармоқларга сизиб кетди. Унда белгиланган меъёрлардан келиб чиқиб, тахминий ҳисоб-китобларга кўра, роппа-роса бир йил аввал елкасига шамол тегиб, сенсацион тарзда маоши ошган туман ҳокимликлари ходимларининг иш ҳақи салкам икки баробарга яқин қисқариши тахмин қилинмоқда. Тармоқларда турли мунозаралар бўлмоқда. Аммо ҳозирга қадар бу масала юзасидан бирор расмий изоҳ берилмади. Бу эса, табиийки, минглаб тақдирларга кутилмаган зарба бўлишидан хавотир уйғотиб, улар олдига қатор жавобсиз саволларни ташламоқда. Мисол учун, мен таниган давлат хизматчиси 2025 йил 1 августдан оширилган, қарийб 8 миллион сўмлик маошига ишониб, кредитга машина олди. У ҳар ой қарийб 6 миллион сўм кредит тўлайди. Агар янги фармондаги меъёрлар амалда қўлланса, унинг маоши тахминан 5 миллион сўм атрофида бўлиши мумкин. Энди у қатор жавобсиз саволлар олдида ожиз қолмоқда. Бошқалар ҳам худди шундай — оширилган маошига ишониб, кредит олди, режали қарзларга кирди, ўзининг ва оиласининг келажак харажатларини шу даромадга мослаб режалаштирди. Майли, вазирликлардаги нисбатан юқори маошлар қисқартирилаётгандир. Аммо фармон лойиҳасини ишлаб чиққанлар туман даражасидаги давлат хизматчилари вазирликларда ишловчилардан аллақачон анча кам маош олишини, эртага уларнинг аҳволи, ишонч ва ишчанлик кайфияти қандай ҳолатга тушишини ҳисобга олмадимикин? Ҳозирча бу хабар ваҳима уйғотаётгандир. Аммо эртага кам маош олиб, кредит тўлашда қийналиб, рўзғор олдида ожиз қолиб, бош уришга девор тополмай қоладиганлар қандай аламзада бўлиши, меҳнатга бўлган ишончи ва муносабати қандай совушини ҳам чуқур ўйлаш керак эди. Расмий манбаларда эълон қилинмагани билан, ҳужжат ижрога қаратилган, деган хабарлар ҳам бор. Аламзада кишиларни юмшатувчи, норози кайфиятдагиларга шукроналикни сингдирувчи, қуйидаги бўғинлардаги муаммоларни ўрганувчи ва ҳал этувчи — айнан туман ташкилотлари ходимларидир. Улар ўз тақдирига дахлдор масала юзасидан жимжитликни эмас, аниқликни билишга ҳақли. Ишчанлик ўлишини, меҳр сўнишини ва одамларнинг давлат хизматига бўлган ишончи сусайишини кутмай, қайсидир вазирлик чиқиб, бу ҳужжат юзасидан расмий ва аниқ изоҳ бериши керак.

Қашқадарёлик ҳаваскор хонандалардан Маданият вазирига мурожаат Бобомурод Ҳамдамовнинг қўшиқларини куйлагани учун устоз санъаткорнинг фарзандлари ҳаваскор хонандаларни судга берибди. Устоз санъаткорнинг ижодини қадрлаб, унинг қўшиқларини асраб, давом эттираётган ҳаваскор хонандалардан пул ундиришдан кўра, уларнинг ижодга бўлган ҳурмати ва меҳрини муносиб баҳолаб, раҳмат айтсангиз бўлмайдими? Уят!!!

У қилишди, бу қилишди — барибир айтган гапларида туришди. Якуни ўйланмаган иш эди. Энди эса қўллардаги ҳарорат, меҳр ва иштиёқ секин-аста пасая бошлайди. Қуйи тингланмади. Энг асосийси, меҳрга дарз кетиши тайин. Чунки тингланади деган умид бор эди.. Ҳаммани омадини берсин!

ДХХ Матбуот хизмати подкасти Ёшлар ва синтетик наркотиклар: яширин таҳдид

Ҳокимлик ходимлари маоши 2026-2027

Туман ҳокимликлари ходимлари 2026 йил сентябрь ойига қадар лавозими ва вазифасига қараб 1,2 миллион сўмдан 8–9 миллион сўмгача маош олиб келишарди. Бир қарашда «ёмон эмас-ку», дейиш мумкин. Аммо масаланинг «аммо»си бор. Ҳафтада олти кунлик иш. Раҳбарият ва мутахассислар учун эса иш вақти кўп ҳолларда соат 8:00 дан бошланиб, кечаси 23:00–00:00 гача давом этади. Қолаверса, ҳар куни юқоридан келадиган меҳмонлар, турли йиғилиш ва тадбирлар, топшириқлар бор. Одамгарчилик юзасидан «обед»га чиқилади. Аммо бу «обед» ҳам ҳар доим оддий тушлик бўлиб қолмайди — харажат камида 1 миллион сўмга тушади. Шунинг учун дўконлардаги «темир дафтар»ларда деярли ҳар бир ходимнинг исми пайдо бўлгани ҳам сир эмас. 2026 йил август ойида эса ҳокимликлар ходимларининг кўнглини кўкка кўтарган хабар тарқалди — ойлик маошлар ошди. Шунда кўпчиликнинг режалари ўзгарди. Кимдир иш ҳақидан орттириб, кийим-кечак олишни, кимдир фарзандига кийим учун онлайн микроқарз олиб юрмасликни, яна кимдир эса қарзларини ёпиб, кредитга уй ёки машина олишни режалаштирди. Чунки инсон даромади ошса, эртанги кунига бўлган ишончи ҳам ортади. Аммо бу хурсандчиликнинг умри бир йилга ҳам етмай, яна ортга қайтиши мумкинга ўхшаяпти. Тармоқларда тарқалаётган янги ҳужжат ҳақиқий бўлса, ундаги таҳминий ҳисоб-китобларга кўра, ҳокимликлар ходимларининг маоши анчагина камайиши мумкин. Энг оғриқли жиҳати эса маошнинг камайишининг ўзи эмас. Ошган ойликка ишониб, кредит олган оддий мутахассиснинг эртанги аҳволини бир тасаввур қилиб кўринг. Унинг ҳар ойлик тўлови ўзгармайди, аммо даромади камаяди. Бу эса оилавий бюджет учун жиддий зарба. Менимча, бундай таклифларни тайёрлашдан аввал «пастга тушиб», оддий ходим билан мулоқот қилиш керак эди. Унинг бир ойлик харажати қанча? Қўлига маошдан қанча пул қоляпти? Қанча қарзи бор? Фарзанди, оиласи, ижараси, кредити-чи? Ва энг муҳими — «бугун бу таклифни қабул қилсак, эртага унинг ҳаётига қандай таъсир қилади?» деган савол берилиши керак эди. Гап фақат маош миқдорида эмас. Гап — ишончда. Ходим бир йил аввал оширилган маошига ишониб, ҳаётини режалаштирди. Энди эса ўша ишонч асосида олган мажбуриятлари билан даромади ўртасида қолиб кетиши мумкин. Шошма-шошарлик билан қабул қилинган қарорнинг таъсири бўлса керак, менимча.

Айтишларича, Президентнинг кадрлар бўйича маслаҳатчиси Мирзаев Ғофуржон Ғаниевич лавозимидан озод этилган.

Ўзбекистон маҳаллалари уюшмаси раиси Куранбаев Кахрамон Кучкарович лавозимидан озод этилди.

Туман даражасидаги ҳокимликлар ходимлари маоши камайиши ҳақида хабарлар тарқалмоқда. Албатта, бу маълумотлар янги ҳужжат асосида ҳисобланган тахминий миқдорларга келиб чиқиб айтилмоқда. Амалдаги маошига ишониб кредит олганлар ёки режали равишда моддий қарзорликка кирганлар энди қийин вазиятга тушиб қолиши мумкин. Пастга тушмаган ҳолда таклиф тайёрлашнинг оқибати шу бўлди, шекилли. Энг муҳими, ходимларни ишдан совутмаслик, уларнинг меҳнатга бўлган рағбатини пасайтирмаслик ва ишончини синдирмаслик керак, эди. 5 кетмадик!

Бразилия — Германия ўйини эсга тушяпти. Қаршиликлар йўқ қиворишди рақибни. @xayrulla_hamidov

“Илма тешик” ва 6:1 манодош сўзлар. Насаф айтяпти😁

Насафнинг 1-бўлимдаги барча голлари

Аждарлар Нефтчи тўрига тўртта жавобсиз дўппи жойлади. Чархлаб борган экан Насаф😁

Насаф 3 та қоқди!

Қисқаси, эртага миллий футболимиздаги ҳақиқий “Супер тўқнашув”га гувоҳ бўламиз! Воҳалик аждарлар — “Насаф” жамоамиз эртага, 4 сентябрь куни соат 19:00 да, ўз майдонида “Нефтчи”га қарши муҳим ва муросасиз баҳс олиб боради. Бу ўйинда нафақат футболчиларнинг маҳорати, балки Қашқадарёнинг “Насаф”га бўлган муҳлислиги ҳам кўпчилик эътиборида бўлади. Зеро, бундай катта ўйинларда муҳлиснинг қўллови — яъни Сизу биз, Конста таъбири билан айтганда, “12-ўйинчи”миз! Бефарқлик — қашқадарёликка эмас! 🎟 Кириш — бепул! Энг муҳими, вилоятдаги барча туман ва шаҳар ҳокимликлари томонидан ўз ҳудудларидан футбол мухлисларининг Қаршига бориб-келишлари учун бепул автобуслар ташкил этилмоқда. Насаф олға! Қашқадарё сен билан! Автобуслар манзили: Миришкор | Кўкдала тумани | Чироқчи | Китоб | Шаҳрисабз тумани | Шаҳрисаб шаҳри | Қарши тумани | Ғузор

Братан барибир кетибди

Ҳуқуқ бузилиши — фақат бир фуқаронинг муаммоси эмас. Бу — давлатнинг обрўси, институтларнинг ишончлилиги ва жамиятнинг эртанги кунига дахлдор масала. Сўнгги вақтларда ижтимоий тармоқларда ҳуқуқлар бузилиши, фуқаро ва ҳуқуқни муҳофаза қилувчи органлар ходимлари ўртасидаги зиддиятлар, адвокатларнинг касбий фаолиятига тўсқинлик қилиш билан боғлиқ ҳолатлар одатдагидан кўпроқ кўзга ташланмоқда. Энг ачинарлиси, биз йиллар давомида имиж, институционал обрў ва жамоатчилик ишончи ҳақида гапиришга ўргандик. Аммо давлатнинг энг катта имижи — унинг расмий баёнотларида эмас, фуқаро билан муносабатида намоён бўлади. Демократия ҳақида баландпарвоз шиорлар айтган, аммо амалда унинг тамойилларига зид иш тутган йирик давлатлардан андоза олиш хато. Лекин уларнинг хатосини такрорламаслик учун сабоқ олиш керак. Бугун кимдир “ҳеч нарса бўлмаяпти” дегандек сукут сақлаши мумкин. Аммо давлатчилик нуқтаи назаридан масаланинг энг хавфли томони — бугунги сукут эмас, эртанги оқибатдир. Агар ижтимоий тармоқлар фуқаро билан давлат вакили ўртасидаги низолар, адвокатлар ҳуқуқларининг чекланиши, мансаб ваколатларидан нотўғри фойдаланиш каби ҳолатларнинг хроникасига айланса, бу фақат алоҳида ходимнинг хатоси сифатида қаралмаслиги керак. Бу — тизим учун жиддий сигнал. Чунки давлатнинг куч-қудрати фақат қонунни мажбуран ижро эттира олиши билан эмас, қонунни ўз вакилига нисбатан ҳам бирдек қўллай билиши билан ўлчанади. Биз халқаро индекслардаги ўрнимиз, инсон ҳуқуқлари ва инсонпарварлик сиёсатимиз, “инсон қадри” деган тамойиллар ҳақида гапирамиз. Уларнинг ҳақиқий қиймати эса қоғоздаги ҳисоботлар ёки рақамларда эмас — оддий фуқаро давлат эшигини қоққанда унга қандай муносабатда бўлинишида кўринади. Бугун таҳдидлар ҳам ўзгарган. Ғаним ҳар доим ҳам қурол билан кириб келмайди. У пул, ахборот, технология, ёлғон ва ижтимоий ишончни емирувчи манипуляциялар орқали ҳам таъсир ўтказиши мумкин. Шундай шароитда энг катта хато — ўзимизни ўзимиз заифлаштиришимиздир. Биз бир-биримиз билан эмас, муаммо билан курашишимиз керак. Бир-биримизнинг обрўсини эмас, давлат ва жамият ўртасидаги ишончни асрашимиз керак. Ватаннинг номи, давлатнинг нуфузи ва халқнинг ишончи — ҳар бир мансабдор шахснинг шахсий хатосидан анча катта қадриятдир. Уни асраш эса барчамизнинг вазифамиз.

Бу Ердаги барча одамлар сони ва мен бу статистикага ишонмайман. Балки 7 млрд бўлиши ҳам мумкин😁

Tekshirvoy va Taftishboy kirib kelsa, ularga buni albatta ko‘rsating! Kichik biznes subyektlarini tekshirishga 3 yillik moratoriy e’lon qilindi—bu haqida ajoyib multfilm tayyorlanibdi.