ADLIYA YANGILIKLARI

#Adliya_xabari Prezident Shavkat Mirziyoyev hududlarda aholi bandligi va daromadini oshirish borasida amalga oshirilayotgan ishlar yuzasidan kengaytirilgan yigʻilish oʻtkazdi Yaqinda imzolangan Prezident farmoni bilan mahalla tizimi bilan ishlash boʻyicha Bosh vazir oʻrinbosari lavozimi joriy etildi. Unga tayinlangan masʼul rahbar oldiga hokimlar, tuman idoralari, “mahalla yettiligi” va banklar faoliyatini yagona tizimda muvofiqlashtirish, ular yuritayotgan elektron platformalarni birlashtirish vazifasi qoʻyildi.

Bundan buyon mahallaga tegishli masalalar boʻyicha “yettilik”ni muvofiqlashtiruvchi rahbarlar tomonidan alohida-alohida yigʻilishlar oʻtkazilishiga yoʻl qoʻyilmaydi. Barcha masalalar haftada bir marta Bosh vazir oʻrinbosari boshchiligida barcha rahbarlar ishtirokida muhokama qilinadi.

Mamlakatimiz yetakchisi mahallada ishni toʻgʻri tashkil etish, davlat siyosatini eng quyi boʻgʻingacha yetkazish va har bir oilani barqaror daromad manbaiga bogʻlash barcha darajadagi rahbarlar uchun eng muhim vazifa ekanini taʼkidladi. Yigʻilishda joylardagi islohotlar shtabi, hududlar rahbarlari, tuman va shahar hokimlari hamda mutasaddilarning hisobotlari eshitildi. 🌐 website 📱 facebook 📱 instagram 📱 linkedIn 📱 youtube 📱 twitter

#Maxsus_reportaj | 09.09.2026 Sud-tibbiy ekspertizasi: dalil va adolat mtrk.uz | Instagram | Youtube | Facebook | Telegram |X (twitter)

✅ “Gibrid auksion” va 1 million so‘mlik boshlang‘ich narx: davlat aktivlari bozorida katta o‘zgarishlar boshlanmoqda Auksionga chiqqan mulk nega yillab sotilmay turadi? Chunki narx qat’iy, byurokratiya esa og‘ir edi shu paytgacha. Endi bu sun’iy to‘siqlar olib tashlanadi, davlat aktivlari bozoriga haqiqiy bozor munosabatlari kirib kelmoqda. Bu boradagi asosiy o‘zgarishlar:

🔷Byurokratiya va kutish muddatlari 2 barobar qisqaradi: Auksion savdosi haqidagi e’lon muddati 30 kundan 15 kunga, takroriy savdolarda esa 10 kundan 5 kunga tushirildi. 🔷Sotilmagan mulkning narxi tushiriladi: Agar davlat aktivi ochiq savdoda 3 oy sotilmay tursa, uning boshlang‘ich bahosi bosqichma-bosqich 10 foizgacha pasaytiriladi. 🔷“Gibrid auksion”: Sotilmayotgan mulklar bo‘yicha savdo avval pasayish tartibida ketadi, xaridor taklif bergan zahoti savdo o‘sha narxdan yuqoriga qarab davom etadi. 🔷Boshlang‘ich narxi 1 million so‘m bo‘lgan lotlar: Uzoq vaqt xaridor topilmagan ayrim obyektlar iqtisodiy aylanmaga qaytarilishi uchun ramziy 1 million so‘m boshlang‘ich narxda savdoga chiqariladi.

➡️ 2026 yilgi reja: Umumiy qiymati qariyb 100 trillion so‘mlik 1 242 ta ko‘chmas mulk, 84 ta korxonadagi davlat ulushi hamda 8 ming gektar yer uchastkasi xususiy sektorga taklif etiladi. Joriy etilayotgan bu o‘zgarishlardan maqsad davlat mulkini shunchaki sotib yuborish emas, balki sun’iy baholangan va foydalanilmay yotgan resurslarni moslashuvchan mexanizmlar orqali real bozor ishtirokchilari ixtiyoriga qaytarishdir. https://t.me/Rasmiy_axborot_official

🔵 Endi yer va bino sotib olish biznes uchun og‘ir yuk bo‘lmaydi: to‘lov shartlari yengillashtirilmoqda Davlat aktivlari va yer uchastkalarini xususiylashtirish bo‘yicha tadbirkorlarga moliyaviy erkinliklar berilmoqda. Endi ishlab chiqarish yoki biznesni kengaytirish uchun davlat ob’yektlarini katta yuk va ortiqcha to‘lovlarsiz xarid qilish mumkin:

🔵Avans to‘lovi 15%: Bu biznesga katta pullarni birdaniga muzlatib qo‘ymay, ularni yangi loyihalar va ishlab chiqarishga yo‘naltirish imkonini beradi. 🔵To‘liq to‘lovga 25% chegirma: Agar aktiv qiymati 6 oy ichida to‘liq to‘lansa, shartnoma summasining chorak qismi kechib yuboriladi. 🔵7 yilgacha foizsiz bo‘lib to‘lash: Aktiv qiymatining yarmini (50%) 6 oyda to‘lagan xaridorga qolgan qismini 7 yil davomida foizsiz to‘lash imkoniyati beriladi (yoki 35% ini 3 oyda to‘lab, qolganini 5 yilga bo‘lib to‘lash mumkin).

📖 “Tayyor paket” yerlar: Yer uchastkalari loyihasi, ruxsatnomalari va kommunikatsiya texnik shartlari tayyor holda savdoga chiqariladi. Ya’ni auksiondan yer olib, hujjat yig‘ish va tarmoqlarga ulanish uchun 6 oydan 1 yilgacha vaqt yo‘qotishga chek qo‘yiladi. Islohot maqsadi — iqtisodiyotda davlat ishtirokini bosqichma-bosqich qisqartirib, yillar davomida foydalanilmay yotgan aktivlarni real qiymat, daromad va yangi ish o‘rinlari yaratadigan loyihalarga aylantirishdir. https://t.me/Rasmiy_axborot_official

#Qonunchilikdagi_yangiliklar 📌Geografik ko‘rsatkich va tovar kelib chiqqan joy nomi: ogohlantiruvchi tamg‘alarning yangi shakllari tasdiqlandi ➡️O‘zbekiston Respublikasi Vazirlar Mahkamasining 2026-yil 5-sentyabrdagi 469-son qarori bilan geografik ko‘rsatkich va tovar kelib chiqqan joy nomi ogohlantiruvchi tamg‘alarining shakllari hamda tavsiflari tasdiqlandi.

❗️Ma’lumot uchun: Ogohlantiruvchi tamg‘a — tovar yoki uning o‘rovida qo‘llaniladigan, mazkur belgi O‘zbekiston Respublikasida ro‘yxatdan o‘tkazilgan geografik ko‘rsatkich yoki tovar kelib chiqqan joy nomi ekanini bildiruvchi maxsus belgidir.

Ushbu tamg‘a iste’molchilarga mahsulotning muayyan geografik hudud bilan bog‘liqligi va tegishli intellektual mulk obyekti sifatida ro‘yxatdan o‘tkazilganini anglash imkonini beradi. Shuningdek, u mahsulotning o‘ziga xos xususiyatlari, sifati yoki obro‘sini muayyan hudud bilan bog‘lashga xizmat qiladi. 📌Mazkur tamg‘alarning joriy etilishi bilan: ⏩mahalliy mahsulotlarning tanilishiga, hududiy brendlarning rivojlanishiga va mahalliy iqtisodiy faollikning oshishiga ko‘maklashadi. ⏩mahsulotning o‘ziga xos xususiyatlari, sifati va obro‘sini muayyan hudud bilan bog‘lash orqali uning bozordagi raqobatbardoshligini oshirishga xizmat qiladi. ⏩geografik ko‘rsatkich va tovar kelib chiqqan joy nomlaridan qonuniy foydalanishni rag‘batlantiradi hamda ulardan noqonuniy foydalanishning oldini olishga xizmat qiladi. ✔️Shu tariqa, ogohlantiruvchi tamg‘alar nafaqat iste’molchilarni xabardor qilish, balki mahalliy mahsulotlarning qiymatini oshirish, ularni huquqiy muhofaza qilish va hududiy brendlarni rivojlantirishning muhim vositasiga aylanadi. 🌐 website 📱 facebook 📱 instagram 📱 linkedIn 📱 youtube 📱 twitter

#oyning_eng_yaxshi_xodimi ✅ Adliya vazirligi Axborot xizmati 1-toifali ish yurituvchi kotibi Kuchkarova Guzal Ravshanbekovna joriy yilning avgust oyi uchun “Oyning eng yaxshi texnik xodimi” deb topildi. ➡️Guzal Kuchkarova: 🔵2021-yilda Toshkent davlat yuridik universiteti huzuridagi M.S. Vosiqova nomidagi akademik litseyini; 🔵2025-yilda Toshkent davlat yuridik universiteti bakalavr bosqichini tamomlagan. 🔵2023–2024-yy.— Adam Mitskevich universitetining Huquq va boshqaruv fakultetida ERASMUS+ dasturi talabasi bo‘lgan. ➡️Guzal Kuchkarova Adliya vazirligida o'z mehnat faoliyatini 2025-yilda boshlab, Adliya vazirligining axborot siyosati va jamoatchilik bilan aloqalarini yanada samarali tashkil etish, vazirlikning rasmiy saytini zarur materiallar bilan ta’minlash, vazirlik faoliyatining ochiqligi va shaffofligini ta’minlash, aholiga dolzarb va ishonchli axborotlarni tezkor yetkazish, shuningdek, vazirlikning ijobiy imijini shakllantirish va mustahkamlashga munosib hissa qo‘shib kelmoqda 🔖Faoliyati davomida fidokorona mehnati, intizomi va tashabbuskorligi bilan, hujjatlarning sifati va o‘z vaqtida tayyorlanishini ta’minlashda ham yuqori mas’uliyat va fidoyilik namunasini ko‘rsatmoqda. ✅Vazirlik jamoasi Guzal Kuchkarovani ushbu e’tirof bilan tabriklaydi hamda kelgusi ishlarida yanada yutuqlar, sog‘lik, g‘ayrat va shijoat doimiy hamroh bo‘lishini tilaydi! 🌐 website 📱 facebook 📱 instagram 📱 linkedIn 📱 youtube 📱 twitter

#oyning_eng_yaxshi_xodimi ✅Adliya vazirligining Nodavlat notijorat tashkilotlar boshqarmasi Nodavlat notijorat va diniy tashkilotlar faoliyatini tahlil qilish va rivojlantirish bo‘limi boshlig‘i Tursunaliyev Anvarjon Baxodirjon o‘g‘li joriy yilning avgust oyi uchun vazirlik tomonidan "Oyning eng yaxshi boshqaruv xodimi" deb topildi. 🤔Anvarjon Tursunaliyev 2019-yilda Toshkent davlat yuridik universiteti bakalavr bosqichini tamomlagan.

Adliya vazirligi tizimida mehnat faoliyatini 2019-yilda Andijon viloyati adliya boshqarmasining Nodavlat notijorat tashkilotlari bo‘limi katta maslahatchisi lavozimidan boshlagan. ⚫️2020-2021 yy. Andijon viloyati adliya boshqarmasi Kadrlar bo‘yicha bosh maslahatchisi; ⚫️2021-yy. Andijon viloyati adliya boshqarmasi O‘zbekiston Respublikasi Prezidenti hujjatlari va topshiriqlari ijrosini nazorat qilish bo‘limi bosh maslahatchisi; ⚫️2021-2022 yy. Andijon viloyat adliya boshqarmasi Huquqiy xizmat ko‘rsatishni davlat tomonidan tartibga solish bo‘limi boshlig‘i; ⚫️2022- yy. Andijon viloyati adliya boshqarmasi Davlat xizmatlari markazlari va FHDY organlari faoliyatini muvofiqlashtirish bo‘limi boshlig‘i; ⚫️2022-2026 yy. Adliya vazirligi Davlat xizmatlari markazlari va FHDYO organlari faoliyatini muvofiqlashtirish boshqarmasi yetakchi va bosh maslahatchisi; 🔵2026-yildan buyon Adliya vazirligi Nodavlat notijorat tashkilotlari boshqarmasi bo‘lim boshlig‘i lavozimida faoliyatini davom ettirmoqda. ➡️Anvarjon Tursunaliyev tomonidan fuqarolik jamiyati institutlari va NNTlar faoliyatini rivojlantirish, ularning faoliyatini raqamlashtirish hamda xizmatlar sifatini oshirish yo‘nalishida samarali ishlar amalga oshirilmoqda. ✔️ “E-ngo.uz” platformasini takomillashtirish doirasida platformaning 7 ta axborot tizimiga integratsiyasi va 7 mingga yaqin NNT ma’lumotlarining inventarizatsiyasi amalga oshirildi. Shuningdek, NNTlarga davlat ijtimoiy buyurtmalarini berish tizimini takomillashtirish bo‘yicha qaror loyihasi ishlab chiqish; ✔️ Bundan tashqari, NNTlarning xorijdan mablag‘ olishi jarayonlari tahlil qilinib, “E-ngo.uz” platformasini Banklararo to‘lov tizimiga integratsiya qilish bo‘yicha ishlar amalga oshirildi hamda tegishli texnologik yo‘riqnoma ishlab chiqish; ✔️ Hududiy adliya organlarining NNTlar faoliyati ustidan nazorati ham tahlil qilish, natijalari bo‘yicha tegishli hujjatlar tayyorlash kabi yoʻnalishlarda samarali faoliyat yuritilmoqda.

🔖Faoliyati davomida o‘ziga yuklatilgan vazifa va topshiriqlarni o‘z vaqtida hamda sifatli bajarib, sohada xalqaro hamkorlikni kengaytirishga munosib hissa qo‘shmoqda. ✅Vazirlik jamoasi Anvarjon Tursunaliyevni ushbu e’tirof bilan tabriklaydi hamda kelgusi ishlarida yanada yutuqlar, sog‘lik, g‘ayrat va shijoat doimiy hamroh bo‘lishini tilaydi! 🌐 website 📱 facebook 📱 instagram 📱 linkedIn 📱 youtube 📱 twitter

#Adliyadan_qulaylik NAVBATLAR TARIXDA QOLDI — ENDI HUJJAT DEB YUGURMAYSIZ

Farzand tug‘ilsa, ilgari 6 ta idoraga borishga to‘g‘ri kelardi. Bunga 3–4 kun vaqt ketardi. Bugun esa ism tanlashdan tortib, ro‘yxatga qo‘yish va nafaqa rasmiylashtirishgacha — barchasi elektron tarzda. Ota-onaga esa eng yoqimli tashvish qoldi — farzandiga ism tanlash. Kecha ovoragarchilik edi, bugun esa bir necha bosish kifoya.

Avval va hozir — farqini rolikda ko‘ring! 🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari ⚖️ Intellektual mulk sohasiga munosib hissa qo‘shganlar rag‘batlantiriladi ✅Vazirlar Mahkamasining 2026-yil 5-sentabrdagi 471-son qarori bilan “Intellektual mulk sohasini rivojlantirishga qo‘shgan hissasi uchun” ko‘krak nishoni ta’sis etildi. 📣 Ko‘krak nishoni mamlakatimizda intellektual mulk sohasini rivojlantirish, intellektual mulk obyektlarining huquqiy himoyasini ta’minlash hamda jamiyatda intellektual faoliyat natijalariga hurmat hissini shakllantirishga munosib hissa qo‘shgan davlat va nodavlat tashkilotlari xodimlari, xalqaro tashkilotlar vakillari hamda tadbirkorlik subyektlariga beriladi. 📌Nomzodlarni baholashda quyidagilar inobatga olinadi: ✔️ intellektual mulk sohasini rivojlantirishga oid davlat dasturlari va normativ-huquqiy hujjatlar loyihalarini ishlab chiqishdagi ishtiroki; ✔️ intellektual mulk obyektlari yaratilishini qo‘llab-quvvatlash borasidagi faoliyati; ✔️ intellektual mulk obyektlarining huquqiy himoyasini ta’minlashdagi faol ishtiroki; ✔️ jamiyatda intellektual faoliyat natijalariga hurmat hissini shakllantirishga qo‘shgan hissasi; ✔️ intellektual mulk sohasida xalqaro hamkorlikni rivojlantirish va amalga oshirilayotgan islohotlar haqida xalqaro hamjamiyatni xabardor qilishdagi ishtiroki. 😅 Ko‘krak nishoni bilan taqdirlash bo‘yicha takliflar har yili 1-yanvardan 1-martga qadar Adliya vazirligiga taqdim etiladi. Nomzodlar bo‘yicha yakuniy xulosa 1-aprelga qadar qabul qilinadi, taqdirlash to‘g‘risidagi buyruq esa 20-aprelga qadar rasmiylashtiriladi.

🖥 Ko‘krak nishoni har yili 26-aprel – Xalqaro intellektual mulk kuni arafasida tantanali ravishda topshiriladi.

🔘 Taqdirlangan shaxslarga bazaviy hisoblash miqdorining 4 baravari miqdorida bir yo‘la pul mukofoti beriladi. Shuningdek, taqdirlanganlar ro‘yxati Adliya vazirligining rasmiy veb-sayti, ijtimoiy tarmoqlardagi sahifalari va boshqa ommaviy axborot vositalarida e’lon qilinadi. ✅ Bir shaxs mazkur ko‘krak nishoni bilan faqat bir marta taqdirlanadi. Intellektual mulkni rivojlantirishga qo‘shilgan munosib hissa e’tiborsiz qolmaydi. 🌐 website 📱 facebook 📱 instagram 📱 linkedIn 📱 youtube 📱 twitter

#Tayinlov Adliya vazirligi Ijro nazorati va murojaatlar bilan ishlash boshqarmasiga boshliq tayinlandi Adliya vazirining tegishli buyrug‘i bilan Raxmatov Mirsaid Azamatovich Adliya vazirligi Ijro nazorati va murojaatlar bilan ishlash boshqarmasi boshlig‘i lavozimiga tayinlandi. Mirsaid Raxmatov 1990-yilda Jizzax viloyati G‘allaorol tumanida tug‘ilgan. Ma’lumoti oliy, huquqshunos, 3-darajali adliya maslahatchisi. 2013-yilda Samarqand davlat universitetini, 2015-yilda Toshkent davlat yuridik universiteti magistraturasini tamomlagan.

Mehnat faoliyati: ➖ 2015–2017-yillarda Adliya vazirligi Shartnomaviy-huquqiy ishlarni nazorat qilish boshqarmasi 1-toifali inspektori; ➖ 2017-yilda Adliya vazirligi Shartnomaviy-huquqiy ishlarni nazorat qilish boshqarmasi katta maslahatchisi; ➖ 2017–2021-yillarda Adliya vazirligi Kadrlar boshqarmasi yetakchi maslahatchisi; ➖ 2021–2022-yillarda Adliya vazirligi Kadrlar boshqarmasi bo‘lim boshlig‘i; ➖ 2022–2025-yillarda Adliya vazirligi Inson resurslari boshqarmasi bo‘lim boshlig‘i; ➖ 2025–2026-yillarda Adliya vazirligi Inson resurslari boshqarmasi boshlig‘i o‘rinbosari – bo‘lim boshlig‘i; ➖ 2026-yildan hozirgi vaqtga qadar Adliya vazirligi Ijro nazorati va murojaatlar bilan ishlash boshqarmasi boshlig‘i v.b. lavozimida faoliyat yuritgan.

Ma’lumot uchun, M. Raxmatov joriy yilning may oyida “Sifatli davlat boshqaruvi” dasturi doirasida o'tkazilgan tanlovda eng namunali xodim sifatida g‘oliblikni qo'lga kiritgan edi. Adliya vazirligi jamoasi Mirsaid Raxmatovni ushbu tayinlov bilan tabriklaydi hamda kelgusi faoliyatida muvaffaqiyatlar tilaydi. 🌐 website 📱 facebook 📱 instagram 📱 linkedIn 📱 youtube 📱 twitter

#Adliyadayjest 📹 Adliya tizimidagi o'tgan hafta davomida qanday muhim voqealar, o‘zgarishlar ro‘y berdi? Ular haqida haftalik dayjest Bizni barcha ijtimoiy tarmoqlarda kuzatib boring 🌐 website 📱 facebook 📱 instagram 📱 linkedIn 📱 youtube 📱 twitter

#Adliya_hudud_muassasa Hududiy adliya organlari va muassasalari: kun davomida: ✅Xorazm viloyati: “Yangiariq tumanida yashovchi 78 yoshli fuqaro Tarbeyeva Anna Mixaylovnaga tugʻilganlik haqidagi takroriy guvohnoma topshirildi. ✅Navoiy viloyati: Fuqaroning imtiyozli shartlarda pensiya olishga bo‘lgan huquqi tiklandi ✅Qashqadaryo viloyati: Adliya aralashuvi bilan fuqaro zimmasiga asossiz yuklangan 1 milliard 334 million 633 ming 333 so‘mlik soliq qarzdorligi bekor qilindi. ✅Samarqand viloyati: Adliya aralashuvi bilan o‘qituvchi yana ishiga qaytdi. ✅Sirdaryo viloyati: 25 yil davom etgan muammoga Adliya nuqta qo‘ydi. ✅Toshkent viloyati: Notariat sohasidagi dolzarb masalalar muhokama qilindi. ✅Toshkent davlat yuridik universiteti: TDYUning 10 nafar talabasi Adliya vazirligi stipendiyasi sohibi bo‘ldi 🌐 website 📱 facebook 📱 instagram 📱 linkedIn 📱 youtube 📱 twitter

Stipendiatlarga guvohnomalar topshirildi ✅ Toshkent davlat yuridik universitetining 10 nafar talabalari Adliya vazirligi stipendiyasi bilan taqdirlandi. 💠Ularga 2026/2027 o'quv yilidagi Oʻzbekiston Respublikasi Adliya vazirligi stipendiyasi sovrindori boʻlganligini tasdiqlovchi guvohnomalar tantanali ravishda topshirildi. 🥇Taqdirlangan talabalar ro'yxati: 🟦Xolmamatova Aziza Ozod qizi (2-kurs) 🟦Ibrohimov Adhamjon Ibrohim o‘g‘li (2-kurs) 🟦Qarshiyeva Ma’rifatxon Abdivasid qizi (2-kurs) 🟦Xayrullayeva Muxlisa Ravshan qizi (2-kurs) 🟦Abdiqodirova Gavxaroy G‘ulomjon qizi (2-kurs) 🟦Tilovmurodova Jasmina Alisher qizi (3-kurs) 🟦Valiyeva Nigina Tuychiyevna (3-kurs) 🟦Shodiyeva Irisa Soatmurod qizi (3-kurs) 🟦Xoljigitov Mirzoxid Murodjon o‘g‘li (3-kurs) 🟦To‘xtaboyev Dilmurod Xolboy o‘g‘li (3-kurs) 📌Ushbu stipendiya talabalarga mukammal bilim olish, tanlagan kasbiga bo‘lgan muhabbatni oshirish, Adliya organlari faoliyatiga bo‘lgan qiziqishini oshirishga hamda kelajakda munosib kasbiy va ilmiy faoliyatini tanlashlarida turtki bo‘lib xizmat qiladi. 🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari 🏆 Adliya vazirligi jamoasi —birinchi! Vazirlik va idoralar o‘rtasida oʻtkazilgan Mustaqillik kubogida gʻoliblar aniqlandi. 🏆 Oʻzbekiston Respublikasi mustaqilligining 35 yilligi munosabati bilan vazirlik va idoralar oʻrtasida Mustaqillik kubogi tashkil etildi. 7️⃣8️⃣ Unda turli tashkilotlar xodimlaridan tuzilgan jami 78 ta jamoa g‘oliblik uchun kurashdi. 🔥 Qizgʻin kurashlar ostida oʻtgan musobaqa yakunida quyidagi jamoalar sovrinli o‘rinlarni egalladi: 🥇1-o‘rin: Adliya vazirligi jamoasi; 🥈2-o‘rin: "Oʻzbekkoʻmir" AJ jamoasi; 🥉3-o‘rin: Fanlar akademiyasi jamoasi. 💻 G‘olib jamoalar diplom, medallar, noutbuklar hamda smart televizorlar bilan taqdirlandi! 🏆Shuningdek, musobaqada 1-o‘rinni egallagan Adliya vazirligi jamoasiga maxsus tayyorlangan Mustaqillik kubogi topshirildi! 🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari Toshkent xalqaro tijorat sudini tashkil etish masalalari muhokama qilindi Bugun, 4-sentyabr kuni Adliya vaziri Akbar Tashkulov O‘zbekiston Respublikasi Prezidentining iqtisodiy rivojlanish, samarali boshqaruv va xalqaro hamkorlik masalalari bo‘yicha maslahatchisi Suma Chakrabarti bilan uchrashdi. Muloqotda “Toshkent xalqaro moliya markazi to‘g‘risida”gi Konstitutsiyaviy Qonun ijrosi doirasida Toshkent xalqaro tijorat sudini tashkil etish masalalari muhokama qilindi. Shuningdek, O‘zbekistonda mediatsiya, xalqaro arbitraj va nizolarni muqobil hal etish mexanizmlarini rivojlantirish, xorijiy ekspertlar bilan hamkorlikni kengaytirish hamda ingliz huquqi bo‘yicha malakali mutaxassislar tayyorlash masalalariga e’tibor qaratildi.

Shu bilan birga, mediatsiya instituti ham jadal rivojlanayotgani, mediatsiya kelishuvlari soni 4 barobarga o‘sib, 2026-yil I yarim yillikda 18 411 taga yetgani qayd etildi. Sud jarayonida esa 2 897 ta mediatsiya kelishuvi tuzilgan bo‘lib, bu raqamlar mamlakatda ushbu institutga bo‘lgan ishonch va talab ortib borayotganini ko‘rsatadi.

Uchrashuv yakunida tomonlar Toshkent xalqaro moliya markazi doirasida zamonaviy huquqiy infratuzilmani rivojlantirish bo‘yicha hamkorlikni davom ettirishga kelishib oldilar. 🌐 website 📱 facebook 📱 instagram 📱 linkedIn 📱 youtube 📱 twitter

O‘zbekiston Respublikasi Adliya vazirligi huzuridagi X. Sulaymonova nomidagi Respublika sud-ekspertiza markazining Sud-ekspertlik ilmiy-tadqiqot instituti joriy yilning 15-sentabridan 15-oktabriga qadar tayanch doktoranturaga qabul e’lon qiladi Batafsil:👇 https://sudex.uz/?p=7066

#Adliya_xabari ⚔️O‘zbekiston delegatsiyasi Koreyada intellektual mulk sohasidagi davlat boshqaruvini takomillashtirish bo‘yicha ishchi guruhining navbadagi yig‘ilishida ishtirok etmoqda ⏩1-4-sentabr kunlari Adliya vazirligi hamda O‘zbekiston Respublikasi Patent vakillari assotsiatsiyasi vakillaridan iborat delegatsiya Koreya Respublikasida “O‘zbekistonda intellektual mulk sohasidagi davlat boshqaruvi tizimini takomillashtirish” loyihasi doirasida tashkil etilgan ishchi guruhining navbatdagi yig‘ilishida ishtirok etmoqda. ⚫️Mazkur loyiha KOICAning O‘zbekistondagi vakolatxonasi hamkorligida, koreyalik hamkor tashkilotlar ishtirokida amalga oshirilmoqda. ✔️Xizmat safari doirasida delegatsiya Koreyaning intellektual mulk sohasidagi davlat boshqaruvi tizimi, raqamli infratuzilmasi, ma’lumotlarni boshqarish amaliyoti hamda sun’iy intellekt texnologiyalarini joriy etish bo‘yicha ilg‘or tajribasi bilan yaqindan tanishmoqda. ✔️Shuningdek, loyiha doirasidagi texnik masalalar muhokama qilinib, O‘zbekistonda intellektual mulk sohasidagi davlat boshqaruvini yanada takomillashtirish, zamonaviy texnologiyalarni joriy etish va ikki tomonlama hamkorlikni kengaytirishga qaratilgan istiqbolli yo‘nalishlar belgilanmoqda 🤝Tadbir O‘zbekiston va Koreya o‘rtasida tajriba almashish, ilg‘or amaliyotlarni o‘rganish hamda intellektual mulk sohasida davlat boshqaruvi tizimini takomillashtirish bo‘yicha uzoq muddatli hamkorlikni mustahkamlash uchun muhim platforma bo‘lib xizmat qilmoqda. 🌐 website 📱 facebook 📱 instagram 📱 linkedIn 📱 youtube 📱 twitter

#Adliya_xabari Har bir qiyinchilik ortida — yangi imkoniyat bor! 🇺🇿 O‘zbekistonda to‘lovga qobiliyatsizlik sohasida zamonaviy, shaffof va samarali tizim shakllanmoqda. 🏛 O‘zbekiston Respublikasi Adliya vazirligi huzuridagi To‘lovga qobiliyatsizlik ishlari agentligi sohada yagona davlat siyosatini amalga oshirish, to‘lovga qobiliyatsizlikning oldini olish va moliyaviy qiyinchiliklarni samarali hal etishga xizmat qiladi. 🎯 Maqsadimiz — tadbirkorlik subyektlarini darhol tugatish emas, balki ularni moliyaviy sog‘lomlashtirish va faoliyatini tiklash uchun imkoniyat yaratish. 🔹 Sudgacha sanatsiya orqali: 🏢 korxonalarni saqlab qolamiz; 👥 ish o‘rinlarini himoya qilamiz; 📈 biznes rivojiga yangi imkoniyatlar yaratamiz. 💻 Jarayonlarni raqamlashtirib, 📑 byurokratik to‘siqlarni qisqartirib, ⚡️ xizmatlarni yanada qulay, tezkor va shaffof qilamiz. 🌍 Professional kadrlar va ilg‘or xalqaro tajriba orqali tizimni yangi bosqichga olib chiqamiz. 🤝 Chunki samarali to‘lovga qobiliyatsizlik tizimi — bu nafaqat qarzdorlik masalasini hal qilish, balki tadbirkorga yangi imkoniyat berish, korxonalarni tiklash, fuqarolar manfaatlarini himoya qilish va iqtisodiy barqarorlikni ta’minlashdir. 🏛 To‘lovga qobiliyatsizlik ishlari agentligi — yangi imkoniyatlar sari! 🌐 website 📱 facebook 📱 instagram 📱 linkedIn 📱 youtube 📱 twitter

#Tayinlov To‘lovga qobiliyatsizlik ishlari agentligiga direktor tayinlandi Prezidentning tegishli qarori bilan Muxammadiyev Nu’mon Usmonovich adliya vaziri o‘rinbosari — Adliya vazirligi huzuridagi To‘lovga qobiliyatsizlik ishlari agentligi direktori lavozimiga tayinlandi va shu munosabat bilan adliya vaziri o‘rinbosari lavozimidan ozod etildi. 🌐 website 📱 facebook 📱 instagram 📱 linkedIn 📱 youtube 📱 twitter