©️SUDEX.UZ | RSEM | РЦСЭ

Shaharsozlik normalari bo‘yicha seminar o‘tkazildi. X.Sulaymonova nomidagi Respublika sud ekspertiza markazi va uning hududiy bo‘limlarining sud-qurilish-texnikaviy ekspertizasini o‘tkazish huquqiga ega bo‘lgan ekspertlari uchun “Shaharsozlik normalaridagi yangiliklar, qurilish sifatini mavjud standartlarga javob berishida yangi texnologiyalar va elektron tizimlardan foydalanish masalalari” mavzusida Toshkent arxitektura-qurilish universitetining “Qurilish muhandisligi texnologiyasi” kafedrasi dotsenti Habibullayev Shavkat Azamatovich tomonidan o‘quv mashg‘uloti o‘tkazildi. Mashg‘ulotda shaharsozlik normalaridagi yangiliklar, qurilishda ishlab chiqarishni tashkil qilish hamda qurilishda xavfsizlik texnikasi shaharsozlik normalari va qoidalarini haqida batafsil ma’lumotlar berildi. Ekspertlar o‘zlarini qiziqtirgan barcha savollarga mutaxassis tomonidan javoblar olishdi.

#Қонунчиликдаги_янгиликлар

❗️“Халқаро шартномани тасдиқлаш тўғрисида”ги Президент Қарори (ПҚ-214-сон, 10.06.2024 й.) қабул қилинди

🔰Қарорга кўра, Мустақил Давлатлар Ҳамдўстлиги иштирокчи-давлатларининг суд-экспертлик фаолияти соҳасида мувофиқлаштирувчи кенгашни ташкил этиш тўғрисидаги Битим тасдиқланди. 🗓Мазкур Битим, 2023 йил 13 октябрь куни Бишкек шаҳрида Мустақил Давлатлар Ҳамдўстлиги Давлат раҳбарлари кенгаши йиғилишида имзоланган. 🏢 Адлия вазирлиги мазкур халқаро шартномани амалга ошириш учун масъул бўлган ваколатли орган этиб белгиланди. ✔️Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин унинг қоидалари бажарилиши устидан белгиланган тартибда назоратни таъминлайди. Каналга уланиш👇👇👇 https://t.me/huquqiyaxborot

#Mutaxassis_sharhi Avtotransport vositalaridagi gaz balonlaridan xavfsiz foydalanish – salomatligimiz kafolati. 💡Gaz ballonlaridan foydalanish yuzasidan tavsiyalar 👉Batafsil @adliyangiliklari

#Қонунчиликдаги_янгиликлар

❗️“Маҳалла ҳуқуқшуноси” лойиҳаси амалга оширилади

Каналга уланиш👇👇👇 https://t.me/huquqiyaxborot

Buxoro viloyati sudida seminar bo’lib o’tdi! Buxoro viloyati sudida X.Sulaymonova nomidagi Respublika sud ekspertiza markazining Buxoro viloyati bo'limi ekspertlari tomonidan seminar tashkil etildi. Tadbirda Buxoro viloyati fuqarolik va iqtisodiy ishlari bo‘yicha sudyalari ishtirok etishdi. Seminarda Buxoro viloyati bo’limi mudiri F.Ochilov tomonidan sud ekspertizalarini o‘tkazishda zarur bo‘lgan tadqiqot ob’ektlarini yig‘ish, saqlash va taqdim yetish, Markaz va Buxoro viloyati bo’limi faoliyati, u yerda o’tkaziladigan ekspertiza turlari, sud ekspertiza sohasida bugungi kundagi islohotlar haqida batafsil ma’lumot berildi. Tinglovchilar o’zlarini qiziqtirgan barcha savollarga ekspertlar tomonidan javoblar olishdi.

O‘quv mashg‘uloti bo‘lib o‘tdi! X. Sulaymonova nomidagi Respublika sud ekspertiza markazi va uning hududiy bo‘limlarining sud-moliya-kredit ekspertizasini o‘tkazish huquqiga ega ekspertlari uchun pul-kredit siyosati sohasidagi so‘nggi yillardagi yangiliklarni yetkazish maqsadida “Tadbirkorlik sohasida bank tomonidan ajratiladigan kreditlarni hisoblash asoslari” mavzusida O‘zbekiston Respublikasi Markaziy banki, ATB Xalq banki, Agrobank hamda Mikrokreditbank mas’ul xodimlari tomonidan o‘quv mashg‘uloti o‘tkazildi. Mashg‘ulotda tadbirkorlik sohasidagi pul-kredit siyosati, kreditlarni ajratish, hisoblash tartibi, kredit iste’molchilarining to‘lov qobiliyati, nizoli kreditlar va ularning monitoringi, muammoli kreditlar bilan ishlash tartibi, kredit shartnomalari va kreditlarni hisoblashda maxsus avtomatlashtirilgan dasturiy ta’minotlar haqida batafsil ma’lumotlar berildi. Ekspertlar o‘zlarini qiziqtirgan barcha savollarga mutaxassislar tomonidan javoblar olishdi.

#Қонунчиликдаги_янгиликлар

❗️Фуқароларга процессуал ҳужжатларни тайёрлашда кўмаклашилади

🔰Фармонга мувофиқ, 2024 йил 1 июлдан фуқароларга бепул бирламчи юридик ёрдам кўрсатишнинг қуйидаги тартиби жорий қилинади: 🔹Адлия вазирлиги томонидан “Мадад” ННТ билан ҳамкорликда республиканинг барча туман ва шаҳарларидаги давлат хизматлари марказларида “Мадад” ННТнинг ҳуқуқий маслаҳат бюролари босқичма-босқич ташкил қилинади; 🔹ҳуқуқий маслаҳат бюролари томонидан аҳолига бепул ҳуқуқий маслаҳатлар берилади, шунингдек низоларни судгача ва суд орқали ҳал этишда зарур бўладиган процессуал ҳужжатларни тайёрлашда кўмаклашилади. Каналга уланиш👇👇👇 https://t.me/huquqiyaxborot

#Қонунчиликдаги_янгиликлар

❗️Ёшларда “Мамлакат келажаги – қонунга итоаткор ва ҳуқуқбузарликка тоқатсиз ёшлар билан” ғояси асосида ҳуқуқий иммунитет шакллантирилади

🔰Фармонга кўра, ёшларнинг ҳуқуқий онги ва ҳуқуқий маданиятини юксалтириш ҳамда уларнинг ҳуқуқий тарбиясига салбий таъсир кўрсатувчи омилларга нисбатан ҳуқуқий иммунитетни шакллантиришга қаратилган “Мамлакат келажаги – қонунга итоаткор ва ҳуқуқбузарликка тоқатсиз ёшлар билан” ғояси асосида адлия органлари ва муассасалари, шу жумладан Тошкент давлат юридик университети ва юридик техникумлар қуйидагиларга масъул ҳисобланади: 🔹ёшлар ўртасида ҳуқуқбузарликларга нисбатан муросасизлик муносабатини шакллантириш, уларда қонунларга ҳурмат, мамлакат тақдирига дахлдорлик ҳамда ватанпарварлик ҳиссини кучайтиришга қаратилган комплекс ҳуқуқий тарғибот тадбирларини ташкил қилишга; 🔹адлия органлари ва муассасаларига ёшларнинг ташрифини ташкил қилиш орқали “Тенгдошимга ҳуқуқий ёрдам” тадбирларини ўтказиб боришга; 🔹ҳуқуқшунослик касбининг обрўси ва нуфузини ошириш, ёшларда ушбу касбга нисбатан ҳурмат ва фахр туйғуларини шакллантириш, уларни ҳуқуқий билим олишга қизиқтириш бўйича амалий тадбирларни ташкил қилишга; 🔹ёшларнинг ҳуқуқий билимларини юксалтиришга қаратилган онлайн ҳуқуқий саводхонлик мактабини ташкил этиш ва у орқали бепул ҳуқуқий ўқув курсларини жорий этишга; 🔹таълим муассасаларида “Ҳуқуқий билимлар ойлиги”ни ўтказиб бориш ва ёшларнинг ҳуқуқий билим олишларини рағбатлантиришга қаратилган турли ҳуқуқий мавзулардаги семинар-тренинглар ва танловларни ташкил қилишга. Каналга уланиш👇👇👇 https://t.me/huquqiyaxborot

#Қонунчиликдаги_янгиликлар

❗️Адлия вазирлиги ҳуқуқни қўллашни методик таъминлаш бўйича ваколатли орган этиб белгиланди

🔰Фармонга мувофиқ, Адлия вазирлиги давлат органлари ва ташкилотларида ҳуқуқни қўллашни методик таъминлаш бўйича ваколатли орган этиб белгиланди. 🗓 Ҳар йили ҳуқуқни қўллаш амалиётини ўрганиш ва методик таъминлаш бўйича манзилли ва тематик таҳлилий ўрганишлар дастури ишлаб чиқилади ҳамда амалга оширилади. 🔘Бунда: 🔹2024 йил 1 сентябргача Мактабгача ва мактаб таълими вазирлиги, Қишлоқ хўжалиги вазирлиги, Жиззах вилояти Дўстлик тумани ҳокимлиги ҳамда фуқароларнинг ўзини ўзи бошқариш органларида намунали ҳуқуқни қўллаш тизими йўлга қўйилади. Кейинчалик, ҳар йили камида 10 та вазирлик ва идораларнинг ҳуқуқни қўллаш фаолияти таҳлил қилиниб, такомиллаштириб борилади; 🔹ҳуқуқни қўллаш амалиётида учраётган тизимли муаммоларни бартараф этиш бўйича услубий қўлланмалар ишлаб чиқилиб, Қонунчилик маълумотлари миллий базаси (Lex.uz)га жойлаштириб борилади. Каналга уланиш👇👇👇 https://t.me/huquqiyaxborot

#Қонунчиликдаги_янгиликлар

❗️Туман (шаҳар) адлия бўлимларига қўшимча вазифалар юклатилди

✅ Фармонга кўра, Адлия органлари фаолиятини ҳудудларда самарали ташкил этиш ҳамда ҳуқуқий хизматлар қамровини янада ошириш мақсадида туман (шаҳар) адлия бўлимларига қуйидаги қўшимча вазифалар юклатилди: ➖жойларда аҳоли томонидан кўтарилаётган долзарб муаммоларни кўриб чиқиш ва ҳал этиш учун ҳар ойда маҳаллаларда “Адлия куни” тадбирларини ўтказиш. ❕Бунда олис ҳудудлардаги маҳаллаларда ҳар ойда камида икки маротаба сайёр давлат хизматларини кўрсатиб бориш; ➖уйма-уй юриш ва “Ҳуқуқий кўмак” акцияларини ўтказиш орқали фуқаролар кундалик ҳаётида аниқланадиган ҳуқуқий муаммоларни бартараф этиш юзасидан қонунчиликни такомиллаштириш бўйича таклифлар тайёрлаш; ➖“маҳалла еттилиги”га қонунчилик ҳужжатларининг моҳияти ва аҳамиятини оддий ва халқчил тилда етказиш, шунингдек улар томонидан “Online-mahalla” платформасига киритилган аҳолининг кундалик ҳаётидаги ҳуқуқий масалаларга оид муаммоларини ҳал этиб бориш; ➖аҳолига, авваламбор “Темир дафтар”, “Аёллар дафтари”, “Ёшлар дафтари” ҳамда “Ижтимоий ҳимоя ягона реестри” ахборот тизимига киритилган фуқароларга бепул бирламчи юридик ёрдам кўрсатилишини таъминлаш; ➖ёшлар, хотин-қизлар, ижтимоий ҳимояга муҳтож шахсларни, шунингдек тадбиркорлик субъектларини қонунчилик ҳужжатларида белгиланган имтиёзлар, преференциялар, субсидиялар, грантлар ва давлат томонидан қўллаб-қувватлашнинг бошқа турлари ҳамда улардан фойдаланиш тартиби ҳақида хабардор қилиш; ➖давлат органлари ва ташкилотларининг туман (шаҳар) бўлинмалари, маҳаллий давлат ҳокимияти органлари ҳамда фуқароларнинг ўзини ўзи бошқариш органларида ягона ҳуқуқни қўллаш амалиётини шакллантиришда уларга методик ёрдам кўрсатиб бориш. Каналга уланиш👇👇👇 https://t.me/huquqiyaxborot