ITSM

Aziz yurtdoshlar! Bahor faslining ramziy bayrami Navro‘z bilan Sizni muborakbod etamiz! 🎉 Navro‘z - mehr-muruvvat, insonparvarlik, insonlarni ruhan birlashtiruvchi bayramdir. Ushbu bahoriy yangilanish bayrami munosabati bilan Sizga chin qalbimizdan oilaviy baxt, tinch-totuvlik va farovon hayot tilab qolamiz! Quvonch va baxt-saodat xonadoningizning abadiy mehmoniga aylansin! Navro‘z bayramingiz qutlug‘ bo‘lsin! Hurmat bilan, Innovatsiya, texnologiya va strategiya markazi jamoasi.

Aziz, munis va muhtaram opa-singillar! 🌸🎊 Barchangizni 8-mart "Xalqaro xotin - qizlar" bayrami bilan chin yurakdan muborakbod etamiz! Sizlarga uzoq umr, sihat-salomatlik, baxt va omad tilaymiz. Xonadoningiz nur va sevinch, mehr va muhabbatga to‘lsin, yaqinlaringiz mehri Sizni aslo tark etmasin! Yuzingizdan tabassum arimasin, hayotingiz turli xil ajoyib sovg‘alarga boy bo‘lsin. Hurmat bilan, Innovatsiya, texnologiya va strategiya markazi jamoasi.

🕯📚Bugun respublikamizda ulug‘ mutafakkir, dunyo adabiyoti tarixida tengi topilmas bir siymo va so‘z mulkining sultoni Alisher Navoiy tavalludining 582-yilligi nishonlanmoqda. ❔Alisher Navoiy hayoti va ijodi haqida bilasizmi? - Alisher Navoiyning ilmga boʻlgan ishtiyoqi erta uygʻonib, 4 yoshida maktabda taʼlim ola boshlagan. - Alisher Navoiy ijodkor ziyolilar oilasida tugʻilgan. Uning bobosi Abu Said shoir boʻlgan. Ikkinchi bobosi Muhammad Ali esa musiqachi va xattot sifatida tanilgan. - Navoiy turkiy tilni forsiy tili bilan birga ijodga olib kirgan. Unga qadar hech kim turkiy tilda ijod qilmagan. - Alisher Navoiy 16 ta adabiy janrda ijod qilgan. - Navoiy turkiy tildagi ilk “Xamsa"ni 2 yil davomida yozadi. Dunyoning 64 tiliga tarjima qilingan bu asar 51 ming misradan ortiq.🌐

🎊 Bugun, 14-yanvar - Vatan himoyachilari kuni va O‘zbekiston Respublikasi Qurolli Kuchlari tashkil etilganining 32 yilligi! 📣 Shu munosabat bilan siz, azizlarni o’z hayotini ona yurtimizni himoya qilishdek ulug’ ishga bag’ishlagan barcha mard va jasur harbiylarni samimiy muborakbod etamiz. 🎖️ Insoniyatning barcha eng yuksak va kuchli tomonlarini jamlagan holda, bir so’zligingizni, idrok va kuchingizni, ishonchli tirgak va suyanch ekanligizni qadrlaymiz. 🇺🇿 O’z vataningizni va yaqinlaringizni seving, doimo mukammallikka intiling! Sizga ishlaringizga zafarlar, yangi cho’qqilar va har biringizga baxt va oilaviy farovonlik tilab qolamiz! Hurmat bilan, ITSM jamoasi!

Bugun, 8️⃣-dekabr O'zbekiston Respublikasi Konstitutsiyasi qabul qilingan kun! 🇺🇿 1992-yilning shu kuni O'zbekiston Respublikasi Oliy Kengashining 11-sessiyasida mamlakatning asosiy Qonuni — mustaqil suveren davlat sifatida O'zbekiston Konstitutsiyasi qabul qilindi. ✔️ Konstitutsiya O’zbekiston Respublikasining bosh Qonuni hisoblanadi. 🇺🇿 Konstitutsiyamizning yangi tahriri 2023-yil 30-apreldagi referendumda qabul qilinib, 1-maydan kuchga kirdi. U 6 bo‘lim, 27 bob, 155 moddadan iborat bo‘lib, unda mamlakatimizning huquqiy, demokratik jihatdan rivojlantirishning asosiy prinsiplari belgilangan. 🔔 Ushbu muhim Konstitutsiya kuni munosabati bilan barcha O'zbekiston fuqarolarini chin qalbdan tabriklaymiz. Mamlakatimiz rivojlanishda va gullab-yashnashda davom etsin hamda Yurtdoshlarimiz tinchlik va farovonlikda yashasin.🎉 Hurmat bilan, ITSM jamoasi!

🇺🇿 2023-yil 15-noyabrda “O'zbekiston Respublikasining ayrim qonun hujjatlariga o’zgartirish va qo'shimchalar kiritish to'g'risida" O'RQ-878-son Qonuni qabul qilindi. 📚 Ushbu Qonunga kiritilgan o’zgartirish va qo’shimchalar bilan tanishtirish maqsadida, bugun 7-dekabr kuni, ITSM tomonidan markaz xodimlari uchun targ’ibot tadbiri o’tkazildi. ✅ Tadbir doirasida Qonunning mazmun-mohiyati maxsus tayyorlangan prezentatsiyaga asosan ishtirokchilarga yetkazib berildi.

EdTechUZ: "Empowering Education through Technology for teachers" 3-o'quv seminari yakunlandi. 👨‍🎓 Bugun 2-dekabr kuni Toshkent shahri Cambridge International School xususiy maktabida ITSM, Cultural Vistas, Cambridge International School va The E.Muskie Program hamkorligida yakuniy seminar-trening bo'lib o'tdi. 👩🏻‍💻 O’quv seminarda Respublika miqyosidagi umumtaʼlim maktablarining tabiiy fanlar o‘qituvchilari (kimyo, fizika, biologiya) kasbiy mahoratlarini oshirish imkoniga ega bo'ldilar. ✅ O'quv-seminar yakunida ishtirokchilar sertifikatlar bilan taqdirlandi. 🔔 Eslatib o'tamiz!!! 💁🏻‍♂️ Ushbu seminar-treningning 1-qismi 25-noyabr kuni bo’lib o’tgan edi.

EdTechUZ: "Empowering Education through Technology for teachers" 3-o'quv seminariga start berildi. 👨‍🎓 Bugun 25-noyabr kuni Toshkent shahri Cambridge International School xususiy maktabida ITSM, Cultural Vistas, Cambridge International School va The E.Muskie Program hamkorligida seminar-trening tashkil etildi. 👩🏻‍💻 Ushbu o'quv seminar Respublika miqyosidagi umumtaʼlim maktablarining tabiiy fanlar o‘qituvchilarining (kimyo, fizika, biologiya) kasbiy mahoratlarini oshirishga qaratilgan. 📌 Seminar-treningni, Maktabgacha va maktab ta’limi vazirligi huzuridagi "ITSM"ning Raqamli texnologiyalar boʻyicha direktori Qudrat Qobiljonovich ochib berdilar. Tadbirda Amerika qoʻshma shtatlari Cultural Vistas va The E.Muskie Program tanlov gʻoliblari ishtirok etdilar. 🔔 Eslatib o'tamiz!!! 💁🏻‍♂️16-18-avgust kunlari Toshkent shahrida joylashgan 110-maktabda oflayn tarzda hamda 14-16-sentabr kunlari onlayn tarzda o‘quv-seminarlari bo'lib o'tgan edi. 📣 Mazkur o'quv seminarimizning davomi 2-dekabr kuni Cambrige International School xususiy maktabida oflayn tarzda boʻlib o'tadi.