Karsu_iScience

Házirgi waqıtta sırt elde oqıw imkaniyatı bar ma? Qalay tájriybe almasıwǵa ketse boladı?Qaysı mámleketlerde grant programmalar bar? degen sorawlar kóp ushırasadı. Sizlerge Vengriyanıń www.stipendiumhungaricum.hu grant programmasın usınaman. Bul programmada Ózbekstanlı studentler ushın 170 orın kvota ajıratılǵan.

Universitet rektoratın hám jámáátin erisilgen jetiskenlik penen qutlıqlayman. Bul kórsetkish keleshekte erisiletuǵın nátiyjelerdiń baslanǵısh tochkası boladı degen úmittemen. Universitettiń akademiyalıq reputaciyasın joqarılatıwda professor-oqıtıwshılardan oqıtıw sheberligin jaqsılaw, sırt ellerdegi universitetlerde sabaqlar ótiw, Youtube kanallarında jeke video materialların jaylastırıw, kontentlerdi sapalı hám tek universitet studentleri emes, al pútkil dúnya júzindegi izleniwshilerdi qızıqtıratuǵın kreativ kreativ temalarǵa baylanıslı prezentaciya hám videorolikler menen toltırıw zárúr. Bunnan tısqarı, házirgi waqıtta universitet pitkeriwshileri diplomları tek qana respublika sheńberinde jumıs islewi múmkin. Sol ushın xalıq aralıq licenziyalardı alıw haqqında da kelesi jobalarǵa kiritiw kerek. Sebebi, reytingte universitettiń jumıs beriwshi kárxanalar ortasındaǵı reputaciyasın jaqsılaw da oǵa da áhmiyetli. Scopus, Science Direct, WoS xalıq aralıq bazalarındaǵı maqalalar sanı hám olarǵa berilgen siltemeler eń kerekli kórsetkishlerden esaplanadı. Bul boyınsha matematik alımlarımızdan K.Kudaybergenov, fiziklerden B.Abdikamalov, K.Ismailov, B.Jollibekov hám K.Reymovlar, , ximiklerden A.Reymov hám K.Uteniyazovlar, texnika ilimlerinen K.Baymanovlar mektepleri aktiv maqala shıǵarmaqta. Bunday ilimiy mekteplerimizdi ele de rawajlandırıwımız zárúr. Házirgi waqıtta ilimiy dárejeli professor-oıqıtıwshılarǵa MKniń 1030-qararı boyınsha materaillıq xoshametlewler berilmekte. Universitet jámááti ilimiy dárejege iye bolmaǵan jaslarda motivaciya oyatıw maqsetinde olardı da xoshametlew boyınsha is ilajlar islep shıǵıwı zárúr dep oylayman. Sırt ellerdegi shólkemlestirilip atırılǵan Scholarship programmalarında studentler hám magistrlar, sonday-aq jas professor-oqıtıwshılardıń grant tańlawlarına qatnasıwın hám jeńip shıǵıw ushın barlıq shárayatlar jaratılıwı maqsetke muwapıq. Hár bir professor-oqıtıwshıǵa tuwra keletuǵın studentler sanın minimallastırıw, professor-oqıtıwshınıń hám studentlerdiń ilim menen shuǵıllanıw ushın oqıw mezgillerin hám waqıtların qısqartırıw yamasa ayrım pánlerdi gibrid sistemada (onlayn formatta) oqıwǵa ótiw dúnya tájriybesinde jaqsı nátiyjelerge erisilmekte.