OʻzDSMI | RASMIY🇺🇿

O‘rganish davomida o‘quv auditoriyalari, ma’ruza va amaliy mashg‘ulotlar o‘tkaziladigan xonalar, ularning jihozlanishi hamda yangi o‘quv yilida foydalanishga tayyorlik holati ko‘zdan kechirildi. Shuningdek, binolardagi mavjud shart-sharoitlarni yanada yaxshilash, o‘quv jarayonini samarali tashkil etish uchun zarur bo‘lgan tashkiliy va texnik ishlarni o‘z vaqtida yakunlash masalalariga e’tibor qaratildi. Talabalar turar joylarida esa yashash xonalari, umumiy foydalanish joylari, sanitariya-gigiyena holati hamda talabalar uchun yaratilgan maishiy sharoitlar o‘rganildi. Yangi o‘quv yili boshlanguniga qadar mavjud shart-sharoitlarni yanada yaxshilash va aniqlangan kamchiliklarni bartaraf etish bo‘yicha mas’ullarga tegishli vazifalar belgilandi. Institutda 2026/2027-o‘quv yilini yuqori saviyada boshlash maqsadida tayyorgarlik ishlari izchil davom ettirilmoqda. O‘quv binolari va talabalar turar joylarining tayyorligini ta’minlash, mavjud imkoniyatlardan samarali foydalanish hamda belgilangan ishlarni yangi o‘quv yili boshlanishiga qadar sifatli va to‘liq yakunlash bo‘yicha zarur chora-tadbirlar amalga oshirilmoqda.

Yig‘ilishga O‘quv ishlari bo‘yicha prorektor Sobir Madiyev boshchilik qildi. Unda prorektorlar, fakultet dekanlari va ularning o‘rinbosarlari, bo‘lim boshliqlari hamda mas’ul xodimlar ishtirok etdi. Muhokamalar davomida yangi o‘quv yilini yuqori saviyada boshlash, o‘quv jarayonlarini sifatli tashkil etish, ilmiy va ijodiy faoliyat samaradorligini oshirish bo‘yicha amalga oshirilishi lozim bo‘lgan ustuvor vazifalar ko‘rib chiqildi.   Shuningdek, talabalar turar joylarini yangi o‘quv yiliga tayyorlash, talabalarning yashashi va ta’lim olishi uchun yaratilgan sharoitlarni hamda mavjud infratuzilmani yanada yaxshilash masalalariga alohida e’tibor qaratildi. Mas’ullarning ushbu yo‘nalishlarda olib borayotgan ishlari tahlil qilinib, belgilangan vazifalarni o‘z vaqtida va sifatli bajarish yuzasidan tegishli topshiriqlar berildi.   Yig‘ilishda O‘zbekiston Respublikasi davlat mustaqilligining 35 yilligini institutda munosib nishonlashga tayyorgarlik masalalari ham muhokama markazida bo‘ldi. Bayram munosabati bilan tashkil etiladigan ma’naviy-ma’rifiy, madaniy va ijodiy tadbirlarning mazmunini boyitish, ularda talaba-yoshlarning faol ishtirokini ta’minlash hamda Mustaqillikning tarixiy ahamiyati va bugungi taraqqiyotimizdagi o‘rnini keng targ‘ib etish bo‘yicha vazifalar belgilandi.   Bundan tashqari, joriy yilning sentabr oyida o‘tkazilishi rejalashtirilgan nufuzli xalqaro ilmiy konferensiyaga tayyorgarlik holati atroflicha ko‘rib chiqildi. Konferensiyani yuqori tashkiliy va ilmiy saviyada o‘tkazish, xorijiy hamda mahalliy olimlar ishtirokini samarali tashkil etish va tadbir doirasidagi barcha jarayonlarni puxta muvofiqlashtirish yuzasidan fikr almashildi. Yig‘ilish yakunida muhokama qilingan har bir yo‘nalish bo‘yicha mas’ullarga aniq vazifalar yuklatildi.

24-iyul kuni madaniyat vazirligida O‘zbekiston Respublikasi Prezidentining 2026-yil 2-iyundagi PF–103-son Farmoniga muvofiq tashkil etilgan Raqamli san’at ijodiy birlashmasi hamda Musiqiy estrada ijodiy birlashmasining 2026–2027-yillarga mo‘ljallangan ish rejalari taqdimoti muhokama qilindi. Muhokamada O‘zbekiston Respublikasi Prezidentining madaniyat masalalari bo‘yicha vakili Xasan Salixov, Madaniyat vazirining birinchi o‘rinbosari Nodirbek Sayfullayev, vazir o‘rinbosari Sanjar Bobojonov hamda mazkur birlashmalar mas’ullari ishtirok etdi. Muhokama davomida ish rejalarida Prezidentimiz tomonidan belgilangan vazifalarning aniq natijalarga yo‘naltirilgan holda aks ettirilishi, tasviriy va amaliy san’atni rivojlantirishning ustuvor yo‘nalishlarini belgilash, iqtidorli yoshlarni aniqlash va ularni xalqaro maydonga olib chiqishga qaratilgan maqsadlarni yanada takomillashtirish zarurligi ta’kidlandi. Yakunida ish rejalarini qayta ko‘rib chiqish va takomillashtirish yuzasidan mas’ullarga tegishli topshiriq va ko‘rsatmalar berildi.

24-iyul kuni madaniyat vazirligida O‘zbekiston Respublikasi Prezidentining 2026-yil 2-iyundagi PF–103-son Farmoniga muvofiq tashkil etilgan Raqamli san’at ijodiy birlashmasi hamda Musiqiy estrada ijodiy birlashmasining 2026–2027-yillarga mo‘ljallangan ish rejalari taqdimoti muhokama qilindi. Muhokamada O‘zbekiston Respublikasi Prezidentining madaniyat masalalari bo‘yicha vakili Xurshid Salixov, Madaniyat vazirining birinchi o‘rinbosari Nodirbek Sayfullayev, vazir o‘rinbosari Sanjar Bobojonov hamda mazkur birlashmalar mas’ullari ishtirok etdi. Muhokama davomida ish rejalarida Prezidentimiz tomonidan belgilangan vazifalarning aniq natijalarga yo‘naltirilgan holda aks ettirilishi, tasviriy va amaliy san’atni rivojlantirishning ustuvor yo‘nalishlarini belgilash, iqtidorli yoshlarni aniqlash va ularni xalqaro maydonga olib chiqishga qaratilgan maqsadlarni yanada takomillashtirish zarurligi ta’kidlandi. Yakunida ish rejalarini qayta ko‘rib chiqish va takomillashtirish yuzasidan mas’ullarga tegishli topshiriq va ko‘rsatmalar berildi.

Madaniyat sohasini qoʻllab-quvvatlash boʻyicha qabul qilingan soʻnggi Farmon soha tarixidagi eng muhim hujjatlardan biri boʻlib, uning natijalari uzoq yillar davomida oʻz samarasini beradi.

O‘zbekiston Respublikasi Prezidentining madaniyat bo‘yicha vakili Xasan Salixov, Madaniyat vazirining birinchi o‘rinbosari Nodirbek Sayfullayev hamda tasviriy va amaliy san’at yo‘nalishlari bo‘yicha ijodiy birlashmalar mas’ullari ishtirokida 2026–2027-yillarga mo‘ljallangan ustuvor vazifalar yuzasidan navbatdagi muhokama yig‘ilishi bo‘lib o‘tdi. Yig‘ilish davomida  "Badiiy ijodkorlar uyushmasi" hamda "Amaliy san'at" ijodiy birlashmalari tomonidan tasviriy san’at hamda amaliy san’at yo‘nalishlari bo‘yicha ishlab chiqilgan istiqbolli ish rejalari taqdimot qilinib, ularni yanada takomillashtirish yuzasidan atroflicha fikr almashildi. Muhokamalarda O‘zbekiston Respublikasi Prezidentining 2026-yil 2-iyundagi PF–103-son Farmonida belgilangan vazifalarning amaliy ijrosini ta’minlash, tasviriy va amaliy san’atni yangi bosqichga olib chiqish, yosh ijodkorlarni har tomonlama qo‘llab-quvvatlash hamda xalqaro hamkorlikni kengaytirish masalalariga alohida e’tibor qaratildi. Shuningdek, taqdimotlarda hududlarda yangi ijodiy ustaxonalar va zamonaviy san’at markazlarini tashkil etish, yosh iste’dodlarni aniqlash, ularni tanlov, ko‘rgazma va xalqaro simpoziumlarga keng jalb etish, nufuzli xalqaro festival va biennalelarda ishtirokni kengaytirish, ustoz-shogird an’analarini rivojlantirish, professor-o‘qituvchilar malakasini xorijiy ta’lim va san’at muassasalarida oshirish, tasviriy va amaliy san’at bo‘yicha zamonaviy o‘quv-metodik bazani takomillashtirish, ilmiy-uslubiy adabiyotlar hamda elektron platformalarni yaratish, milliy hunarmandchilik maktablarini rivojlantirish, tarixiy an’analarni asrab-avaylash va zamonaviy yondashuvlar asosida ommalashtirish; xorijiy davlatlar bilan ilmiy-ijodiy aloqalarni kengaytirish hamda xalqaro ko‘rgazma va festivallarda ishtirokni faollashtirish kabi ustuvor yo‘nalishlar yuzasidan batafsil taqdimotlar namoyish etildi. Yig‘ilish yakunida taqdim etilgan ish rejalarini yanada takomillashtirish, ularning samaradorligini oshirish hamda belgilangan vazifalarni tizimli amalga oshirish yuzasidan mas’ullarga tegishli topshiriq va tavsiyalar berildi.

❗️Ertadan abituriyentlar uchun eng muhim bosqich boshlanadi — oliy ta’lim tashkiloti va ta’lim yo‘nalishini tanlash!

Oʻzbekiston Respublikasi Prezidenti Shavkat Miromonovich Mirziyoyev zamonamizning buyuk davlat arbobi, uzoqni koʻra biladigan dono siyosatchi va jasoratli islohotchi sifatida xalqaro doirada katta hurmat-eʼtiborga ega. Aynan Shavkat Miromonovich rahbarligida Yangi Oʻzbekistonda oʻtgan oʻn yil davomida amalga oshirilgan islohotlar — bu shunchaki izchil ijtimoiy-iqtisodiy rivojlanish davri emas, balki davlat va jamiyat hayotining barcha sohalarini qamrab olgan tom maʼnodagi tarixiy uygʻonish, Uchinchi Renessansdir. Shavkat Miromonovich tomonidan "Inson qadri uchun" tamoyilining hayotga tatbiq etilishi Oʻzbekistonda davlat boshqaruvi falsafasini tubdan oʻzgartirdi. Iqtisodiyotning liberallashtirilishi, keng koʻlamli sud-huquq islohotlari, mulk huquqining himoya qilinishi va tadbirkorlikning qoʻllab-quvvatlanishi mamlakatda mutlaqo yangi, ishonchga asoslangan muhitni shakllantirdi, xorijiy hamkorlarning qiziqishi va intilishini kuchaytirdi. Oʻzbekiston Yetakchisining ochiq, pragmatik va muvozanatli tashqi siyosati bugungi kunda xalqaro hamjamiyat tomonidan haqli ravishda samarali diplomatiyaning namunali koʻrinishi sifatida baholanmoqda. Eng muhim yutuq — bu qoʻshnilar bilan munosabatlarda tub burilish yasalgani, ayniqsa, azaldan tarixi, tili, dini, urf-odat va anʼanalari, bugungi orzu-intilishlari mushtarak sanalgan turkiy xalqlar bilan munosabatlar yuksak darajaga koʻtarilgani boʻldi. Natijada nafaqat Markaziy Osiyoda, balki butun turkiy dunyoda havas qilsa arzigulik doʻstona muhit yuzaga keldi. Yangi Oʻzbekistonning jahondagi oʻrni tobora yuksalib borayotgani, ayniqsa, inson ongi va tafakkurini tarbiyalaydigan madaniyat, sanʼat va adabiyot sohalari rivojiga katta eʼtibor qaratilayotgani TURKSOY oilasi sifatida bizni ham behad quvontirmoqda. Xususan, Samarqand, Buxoro, Xiva, Shahrisabz, Qoʻqon kabi tarixiy shaharlardagi noyob obidalarga qayta hayot bagʻishlanishi, yoʻqolish arafasiga kelib qolgan maqom, baxshichilik kabi bebaho sanʼat turlarining tiklanishi, "Xorazm lazgisi" ning YUNESKO Insoniyat nomoddiy madaniy merosining reprezentativ roʻyxatiga kiritilgani bu boradagi ezgu saʼy-harakatlarga yorqin misoldir. Shavkat Miromonovichning TURKSOY faoliyatini qoʻllab-quvvatlash, jumladan, tashkilot tomonidan turkiy millatlarning maʼnaviy birligini taʼminlash, bebaho qadriyatlarimizni asrab-avaylash va rivojlantirish, umumiy boyligimiz boʻlmish noyob tarixiy merosimizni oʻrganish va targʻib etish, buyuk ajdodlarimiz xotirasini abadiylashtirishga qaratilgan madaniy-gumanitar dasturlarni amalga oshirishda koʻrsatayotgan eʼtibori va koʻmagini ham doimo his qilamiz va buning uchun chuqur minnatdorlik bildiramiz. Ishonchim komilki, TURKSOY va Oʻzbekiston oʻrtasidagi aloqalar bundan buyon ham rivojlanib, mustahkamlanib boraveradi. Bugun — Oʻzbekiston Respublikasi Prezidenti tavallud topgan kun. Ushbu fursatdan foydalangan holda, Shavkat Miromonovichni samimiy tabriklab, mustahkam sogʻliq, baxt-saodat, masʼuliyatli davlatchilik faoliyatida yangi muvaffaqiyatlar, Oʻzbekiston xalqiga esa tinchlik-osoyishtalik, farovonlik va ravnaq tilayman.

Bizni kuzating

Men aminmanki, yillar o‘tib, xalqimiz bu islohotlarning tarixiy ahamiyatini yanada chuqurroq anglaydi.