𝙃𝙞𝙞𝙠𝙖𝙖 𝙔𝙖𝙖𝙙𝙖𝙖 ✍️✍️✍

Weellisaa beekkaman maaykil jaaksan waggaa 150 jiraachuuf karoora qabatee ture. Kanaafis Doktoroota 12 manatti qacaruun/mindeeysuun, guyyaa guyyaan rifeensa mataatii hanga qeensa miilaatti fayyummaa isaa akka ilaalan taasise. Nyaanni isaa yeroo hunda utuu isaaf hin dhiyaatin laboratoory'dhaan ilaalamee dhaqaaf. Dabalataan Namoonni biraa 15 qacaramanii dalagaa fi ispoortii/sochii qaamaa isaa too'atu. Sireen inni irra rafu teknooloojii ofii isaatiin sadarkaa oksiijinii too'atu qaba. Qaamoleen namaaf barbaachisoo tahan (Onnee,Kalee,Tiruu,....) faa nama kennuuf kaffaltiin qopheessee kaa'atee ture.kanaaf yeroo barbaachisanitti battalumaatti bakka buusuuf. Abjuu waggaa 150 jiraachuutiin deemsa itti fufe. Kalaas‼ Hin milkoofneef Waxabajjii 25 bara 2009A.L.A umrii isaa waggaa 50tti onneen isaa dalagaa dhaabde. Hojiileen doktoroota 12nii hin milkoofneef. Biyyoota adda addaa kan akka kaalifoorniyaa fi loosanjles irraallee doktoroonni dabalataa waamamanii garuu baraaruu hin dandeenye. Waggaa 25niif namichi doktorootaan malee hin tarkaanfatin,abjuu isaa waggaa 150 jiraachuu hin dhugoomsine. Deemsi xumuraa jaaksan tamsaasa kallattii(live) namoota miiliyoona 2.5n daawwatame.kun immoo dheerinaan fi baayyinaan hamma yoonaa dorgomaa hin qabu. Guyyaa inni du'u Waxabajjii 25 2009 halkan sa'atii 9:15tti, Wikipedia, Twitter,AOL's instant messenger dalagaa dhaabanii turan.kunis namoonni miiliyoonaan lakkawaman walfaana gara google seenanii du'a isaa barbaadaa waan turaniifi. Jaaksan du'a injifachuuf ture.duuti garuu isa injifatte. Argitee? Qabeenyi ati itti of abdattu gaaf tokko si gana! Beekkamtiinis akkasuma si gana! Waaqni inni hundumaa danda’u garuu si oolcha! Dhukkubi Waaqa caalu hin jiru. Qorichi keenya Kan Nam-tolchee miti…Qorichi keenyaafi milkeessan keenya waaqa! @Hiikaayaadaa

Milkaa'ina booda boqonnaa hin fudhatin. Sababni isaas yeroo akka tasaa kuftetti afaan namoota hedduutu si eeggata Injifannoon kee kanaan duraa ka carraa akka ture sirratti haasa'uuf! ~ Bill Gates

.Falfala Yeroo tokko biyya Arabaa keessa daldalaan tokko jiraata ture. Yeroo baay’ee meeshaalee isaa gurguruuf gara biyyoota Fagoo deemaa ture. Haati manaa isaas falfala tokko tokko beekti turte. Yeroo abbaan warraa ishee fagaatee deeme kophaa ishee  kitaabota falfalaa dubbisti ture. Waggoota muraasa booda humna falfalaatiin  cimtuu taate. Daldalaan kun qarshii hojjate mara isheedhumaaf kenna ture. Yeroo tokko daldalaan sun imala dheeraa deemee ji’ootaaf kara manaatti hin deebine. Kaayyon isaas qarshii hedduu qabatee deebi'uuf ture. Yeroo sanatti haati manaa isaa rakkina keessa turte. Abbaa manaa ishee irratti aartee nama biraa magaalattii keessatti qabeenya qabutti heerumte. Abbaan manaa ishee yeroo deebi'u waa'ee ishee yemmuu dhaga'u gadda itti dhaga'ame. Mana  biratti akka isa argiteen isa abaartee humna falfalaa hamaa isheetiin gara sareetti jijjiirte. Daldalaan kun daandii irratti asiif achi naanna'ee akka saree nyaata daandii irraa nyaata. Gaaf tokko naannoo mana fooni tokkoo deeme. Abbaan mana Fooni sun foon lafee qabu tokko  Kenneef. Sareen foon qofa nyaate malee lafee hin nyaanne. Abbaan mana Foonii  sun hubatee ilaale. Sana booda intala isaa  falfala beektutti hime. Intalli isaa gadi baatee saree sana hubannoodhaan ilaalte. Humna falfalaa isheetiin saree dhugaa akka hin taane beekte. Abbaan mana foonii sun intala isaatiin “Kara namaatti deebisuu ni dandeessaa?" jedhee gaafate. Intalli isaas “Eeyyee nan danda’a” jettee deebisteef. Sana booda bishaan qodaa tokkoon qabattee   jechootaa falfalaa tokko tokko dubbatte. Bishaan sana saree sana irratti facaafte. Sareen sun daqiiqaa tokko keessatti gara  bifa nama dhugaatti  jijjiirame. Daldalaan sun ajaa'ibsiifatee akkas jedhe. "Oo! Amma gara bifa kootti deebi'eera". Achiis daldalaan sun intala Ogeettii  sanaan, “Haadha manaa koo sana barumsa gaarii barsiisuun barbaada. Kanaaf gara Harreetti ishee jijjiiruu dandeessaa?"jedhe. Intalli Ogeettiin sun yeroo muraasaaf yaaddee ergasii bishaan meeshaa keessa jiru fudhattee keeyyata falfalaa  tokko tokko weeddifte. Sana booda daldalaaf kennite yoo inni bishaan haadha manaa isaa irratti  facaase  Harree akka taatu itti himte. Daldalaan bishaan sana fudhatee gara mana isaa durii deeme. Haati manaa isaa yeroo sanatti Oddoo biqiltuu  keessa turte. Daldalaan sun duuba ishee deemee bishaan itti facaase. Utuu hin turin harree taate. "Adabbiin siif mala malee anaaf miti." jedhee daldalaan harreetti hime. Sana booda gara abbaa mana fooni dhaqee intala isaa fuudhuuf  gaafate. Abbaan intalaas  daldalaa sanatti heerumsiise. Sana booda gammachuudhaan waggoota hedduudhaaf  jiraatan. @Hiikaayaadaa

OfEeggannoo Oomishaalee daakuu aannani 2 Ulaagaalee nageenyaa fi qulqullinnaa guutanii waan hin argamneef hawaasni akka itti hin fayyadamne jedhameera. 1ኛ. #Sultan Instant Full Cream Milk Powder (400g) , (PD 19/02/2024, & Exp 18/02/2026 B.NO.56 2ኛ. #Nura Super Instant Full Cream Milk Powder (400g) PD 01/11/2023 እና Exp 31/10/2025 BT 23246006 LOT No. 230915 291123003127 Omishoonni kunniin sababa hanqinna ulaagaalee nageenyaa fi qulqullina sadarkaa guutani waan hin argaminiif, hawaasni akka hin fayyadamne Ministeerri Daldalaa fi Hariiroo Naannoo akeekkachiiseera. @Hiikaayaadaa