ОҚИБАТ КЎРСАТАМИЗ

ДУНЁ ҒУБОРЛАРИДАН ТОЗАЛАЙДИ «Таёқ билан гиламни қоқаётган кишининг мақсади гиламни савалаб, озорлаш эмас, балки унинг чанг-гардини қоқишдир. Аллоҳ ҳам бандасига ташвиш, синов бериб, уни дунёнинг ғуборларидан тозалайди». Жамлолиддин Румий. @mehrob_uz

ОЛИЙ ҲАҚИҚАТ Кексайиб умри поёнига етаётганини англаган донишманд устоз ўзидан сўнг шогирд­лари­­дан кимни улар­га мураббий қилиш­ни аниқлаш мақ­сади­да уларни тўплаб бундай савол берди: “Дунёда олий ҳақиқат нима? Дунёда олий ёлғон нима?  Дунёдаги олий мақсад нима?” Унинг шогирдлари орасида борлиққа тафаккур ва ибрат назари  билан қарайдиган, мулоҳазали, илмга ташна, ғайратли бир йигит бор эди. У донишманд устози саволларининг иккитасига қандай жавоб беришни биларди. Учинчи саволнинг жавобини топиш мақсадида сафарга чиқди. Узоқ йўл босиб, пода ҳайдаб кетаётган чўпон болани учратди. У мусофир йўловчини отасининг олдига олиб борди. Чўпон боланинг отаси ақлли, илмли киши эди. Йигит унга сафардан мақсадини айтди. Доно бобо мулойим кулиб: “Учинчи савол жавобини биламан. Олдин сиз топган жавобларингизни айтинг-чи”, деди. Йигит бундай деди: “Энг олий ҳақиқат – ўлимдир, дунёга келган зот борки, бир куни кетади. Қачон ва қай ҳолда ўлиши эса ёлғиз Аллоҳгагина аён. Энг олий ёлғон эса дунёдир. Унда топилган мол-давлат, беҳисоб бойликларнинг бари алдоқчи. Ана шу ёлғонлар ҳақиқий уйимизни безашдан, ибодат сандиғимизни тўлдиришдан тўсади”. Доно бобо бир муддат жимликдан кейин аста сўз бошлади: “Ўғлим, анави ўтовда келиним ва икки гўдаги бор. Уларни ўлдирсангиз, учинчи саволингизга жавоб айтаман”. Йигит титраб кетиб: “Мен жаллод эмасман!” – деди. Бобо эса бепарво сўзида давом этиб: “Мен шу шарт эвазига тўғри жавобни айтаман”, деди. Йигит: “Бегуноҳ одамни ўлдирсам, охиратим куймайдими?! Дўзах оловида куйиб, жаннат неъматларидан бенасиб бўлмайманми? Устозим одамларга меҳрли бўлишни бизга ўргатган. Устозим йўриғидан асло чиқмайман”, деди. – Балли, ўғлим, – деди бобо. – Сизни синаш учун шундай шарт қўйдим. Жавобни ўзингиз топдингиз. Дунёдаги энг олий мақсад Аллоҳнинг розилигига эришмоқдир. Бу йўлдаги одам асло ёмонлик қилмайди. Ким имонини асраб, савобли ишлар билан умр ўтказиб, эл саодати йўлида меҳнат қилса, Аллоҳнинг мағфиратига сазовор бўлади. Йигит донишманд устози олдига қайтиб, саволлар жавобини айтгач, устози уни дуо қилибди ва шогирдларига унинг маслаҳати билан иш кўришлари, ундан таълим олишларини насиҳат қилибди. Йигит донишманд устози розилиги, дуоси билан кўп йиллар шогирдларига дарс бериб, элнинг олқишига сазовор бўлибди. @Jaloliddinrumiyy🕊

ИККИ ЖУФТ ПАЙПОҚ Ота ўғлига икки мактуб қолдирди: «Бирини вафот этган куним оч, иккинчисини дафн этганингдан кейин», деб васият қилди. Вафот этгач ўғил илк мактубни очди. Хатда: «Ўғлим сендан бир истагим бор: мени пайпоқларим билан кўм». Имом унинг ялиниб-ёлворишига қарамай, бу талабни қабул қилмади. Марҳумни истар-истамас пайпоқсиз кўмди. Дафн маросими тугагач, ўғил иккинчи хатни очди: «Қара ўғлим, бир жуфт пайпоқни ҳам ўзим билан олиб кетолмадим». © Рашод Нури Гунтегин @Falsafiy_satrlar 📚

ГУЛ БАЙРАМИ МАДҲИЯСИ Шоира Рислиғой Ҳотамова сўзи. Бастакор Олимжон Тиллабоев мусиқаси. Истеъдодли ёш хонандалар Комрон Мамадалиев ва Шаҳноза Ёқубжоновалар ижро этишган. Ушбу ажойиб қўшиқни тингланг ва завқланинг. Азиз наманганликлар ва шаҳримиз меҳмонлари ҳамда гўзаллик шайдолари! Сизларни шу йил 19 майдан бошлаб 23 июнгача давом этадиган 6⃣3⃣-бор ўтказилаётган анъанавий Халқаро гуллар фестивалига таклиф этамиз ва кутамиз! 😊 https://t.me/Nazokat_Bahodirova

#сенсация 🔰 Наманганда жаҳон рекорди ўрнатилди ▫️Гуллар фестивали илк кунида 400 минг киши томонидан 3 миллиондан ортиқ сурат ва видео тасвирга олинди. Бу дунё рекордидир! Медиа Департамент

Namanganda 63-xalqaro gullar festivali boshlandi Festivalni gullar bilan burkangan 200 dan ortiq mashinalar karvoni boshlab berdi. Namangan shahridagi Bobur nomli madaniyat va istirohat bog‘ida festivalning rasmiy ochilish marosimi bo‘lib o‘tdi. Gullar festivalining ramziy lentalari qirqilgach, ishtirokchilar bog‘ ichidagi yuzlab gul kompozisiyalari bilan tanishdi. @daryo_live дан кўчириб олдим https://t.me/Nazokat_Bahodirova

#Фонотекага МУҲАББАТ Пешонамга омоч тортади кунлар, Кўзимда милтиллаб сўнар учқунлар. Теранлашган сайин манглайимда хат, Тобора олислаб борар муҳаббат. Шунча йил ёнимда юрган дўст эди, Қалбингга қўшилиб тезроқ ўс, деди. Мени улғайтирган, одам қилган дард — Тобора олислаб борар муҳаббат. Тиниқ тортган сари ақлу шуурим, Мазмунин йўқотиб боряпти умрим. Менинг зараримга ўйин қилар вақт, Тобора олислаб борар муҳаббат. Кеча умримга ранг қўшилган эди, Қадам товушим ҳам қўшиқдай эди. Энди ноёб-ноёб кўксимда ҳайрат, Тобора олислаб борар муҳаббат. Баралла айтгани ҳасрат-оҳимни, Бўғзимдан бўшатдим бўйинбоғимни. Одамдай яшашга келганда навбат, Тобора олислаб борар муҳаббат. Юзимнинг нурини шимириб ҳаёт, Яшар қучоғимда семириб ҳаёт. Мени шу азобга солиб тоабад, Тобора олислаб борар муҳаббат. ⤵️⤵️⤵️ https://t.me/Nosirjon_Jorayev

Ҳаётимизда икки муҳим кун бор: Биринчиси - дунёга келган кунимиз. Иккинчиси - нима учун дунёга келганимизни англаган кунимиз. © Марк Твен @Falsafiy_satrlar