BAHAN Scout & News Channel

🔴 ကျိုက္ကဆံရပ်ကွက် ဒီကနေ့ (Jul 27,2026)ည 10:00PMခန့်က ဗဟန်းမြို့နယ်၊ကျိုက္ကဆံရပ်ကွက်၊လမ်းတချို့ထဲ ဧည့်စာရင်း သန်းခေါင်စာရင်းလိုက်စစ်သွားတယ်လို့သတင်းရ။ ရခတွေနဲ့ပျူတွေအများအပြားပါ။ From - @BSNinformer

▪️မြို့နယ် ၁၆ မြို့နယ် ရေပြတ်တောက်မည်ဟု ကြေညာ ရန်ကုန်တိုင်း၊ မြို့နယ် ၁၆ မြို့နယ်တွင် ရေပြတ်တောက်မည်ဟု စစ်တပ်၏ စည်ပင်သာယာအဖွဲ့မှ ဇူလိုင်လ ၂၅ ရက်နေ့တွင် အသိပေးကြေညာထားသည်။ လှော်ကားရေတွန်းစက်များကို ဇူလိုင်လ ၂၇ ရက်နေ့ နေ့ခင်း ၁ နာရီမှ ၃ နာရီထိ ရပ်နားကာ Transformer စက် ပြုပြင်မည်ဖြစ်သောကြောင့်ဟုဆိုသည်။ ပုဇွန်တောင်၊ ဗိုလ်တထောင်၊ ဗဟန်း၊ ပန်းဘဲတန်း၊ ကျောက်တံတား၊ လမ်းမတော်၊ လသာ၊ တာမွေ၊ မင်္ဂလာတောင်ညွန့်၊ မင်္ဂလာဒုံ၊ ရွှေပြည်သာ၊ မရမ်းကုန်း၊ လှိုင်၊ လှိုင်သာယာ (စက်မှုဇုန်)၊ အင်းစိန်၊ ကမာရွတ်မြို့နယ်များ ပါသည်ဟု ဆိုသည်။ ထို့ပြင် လှော်ကားရေလှောင်ကန်၊ ငမိုးရိပ်ရေသန့်စင်စက်ရုံ၊ လဂွန်းပြင်ရေသန့်စင်စက်ရုံများကို မောင်းနှင်နေသည့် လှော်ကားဓာတ်အားခွဲရုံ၏ Main Cable ကြိုးများကို ပြင်ဆင်နေသောကြောင့် သောက်သုံးရေလည်း အခက်အခဲရှိမည်ဟု ဇူလိုင်လ ၂၂ ရက်နေ့က ကြေညာထားသည်။ 26 Jul 2026 #RangoonScoutNetwork

🔴 ဗိုလ်စိန်မှန် မနေ့ (Jul 23, 2026) ည 8:30PMလောက်က ဗဟန်းမြို့နယ်၊ ဗိုလ်စိန်မှန်ရပ်ကွက်၊ဗိုလ်ထွန်းလင်းလမ်းထဲ ဧည့်စာရင်းဝင်စစ်ပြီး အဆောင်နေ အမျိုးသား ၁ယောက်ကို လက်ထိပ်ခပ်ဖမ်းခေါ်သွား။ မကွေးတိုင်းဘက်က ရောက်လာတဲ့သူလို့သိရ။ From - @BSNinformer

⚠️ ဗိုလ်စိန်မှန် ဒီကနေ့ည ဗိုလ်စိန်မှန်ရပ်ကွက်ထဲ ဧည့်စာရင်းစစ်ဖို့ရှိနိုင်တယ်လို့သိရ From - @BSNinformer

▪️အာဇာနည်နေ့အခမ်းအနား စစ်တပ်ထိပ်သီးပိုင်း လူစုံနီးပါးပွဲတက်၊ ဖုန်းလိုင်းများလည်း ဖြတ်တောက် အကြမ်းဖက်စစ်ခေါင်းဆောင် မင်းအောင်လှိုင် ယနေ့ ဇူလိုင်လ ၁၉ ရက် အာဇာနည်နေ့တွင် ရန်ကုန်တိုင်း၊ ဗဟန်းမြို့နယ်ရှိ အာဇာနည်ဗိမ္မာန်၌ အာဇာနည်နေ့အခမ်းအနား တက်ရောက်ခဲ့ကြောင်း သိရှိရသည်။ ၎င်းနှင့်အတူ ကာချုပ်သစ် ရဲဝင်းဦးနှင့် လွှတ်တော်ဥက္ကဋ္ဌနေရာများ ယူထားသည့် ခင်ရီ၊ အောင်လင်းဒွေးတို့လည်း ပွဲတက်ခဲ့သည်။ မနက်ပိုင်း ၎င်းတို့မလာခင်နှင့် ၎င်းတို့ဗိမ္မာန်ထဲရှိနေကြစဉ် ဗဟန်းမြို့နယ်နှင့် အနီးတဝိုက်မြို့နယ်များ၌ Mytel ဖုန်းလိုင်းမှ လွဲ၍ ကျန်သည့်ဖုန်းအော်ပရိတ်တာလိုင်းများကို ဖြတ်တောက်ထားခဲ့ကြောင်းလည်း သိရသည်။ 19 Jul 2026 #RangoonScoutNetwork

စောမဟာလမ်း စခDC ၅စီး၊ ရခDC ၂စီးနဲ့ စခအကောင်ကြီးတွေလည်းပါ ဗိုလ်ချို ၂ရပ်ကွက်၊ စောမဟာလမ်းထဲ ဗိုလ်ချုပ်ပြတိုက်ရှေ့ဘက်ကနေ အတွင်းလမ်းအတိုင်း စောမဟာ Avenueထဲ ဝင်, ခဏနေတော့ပြန်ထွက်သွား။ 1:45 PM From - @BSNinformer

စျေးကွေ့ စျေးကွေ့မီးပွိုင့် ဆရာစံမြောက်ရှေ့ ရပ်ကွက်ရုံးထဲက စခအင်အား ၆ ကောင်လောက်ထွက်လာပြီး မီးပွိုင့်နားတွင်ရပ်နေ 8:15 AM From - @BSNinformer

ဗဟန်း ဆရာစံ မြောက်အရှေ့ ယူနီဖောင်းဝတ် စခ ၅ ကောင်၊ လက်နက်အပြည့်အစုံပါနဲ့ မြောက်အနောက်ဘက် ယူနီဖောင်းဝတ် စခ ၇ ကောင်၊ လက်နက်အပြည့်အစုံပါဖြင့် လမ်းလျှောက်ပြီး ကင်းပတ်နေကြောင်း သိရ မနေ့ကလဲ ယခုကဲ့သို့ ကင်းပတ်ခဲ့ – RSG 9:00 PM 📬 @Inform_RSN

ဗဟန်း ဆရာစံမြောက်​အရှေ့ရပ်ကွက် လမ်းတွေထဲ စခ ၈ ကောင်ခန့် တန်းစီ လမ်းလျှောက်ပတ်။ အုပ်ကြီးရုံးကိုလည်း ဝင်ပြီး ဓာတ်ပုံရိုက်မှတ်တမ်းတင်။ သူတို့တန်းစီလမ်းလျှောက်တာကိုလည်းဓာတ်ပုံရိုက်မှတ်တမ်းယူ – RSG 9:17 pm 📬 @Inform_RSN

🔴 အုတ်လမ်းမှတ်တိုင်မှာ လူဝင်ဆွဲသွား ဒီနေ့ (Jun 29, 2026) မနက် 8:30 AM လောက်တုန်းက ဗဟန်းမြို့နယ်၊ ရွှေဂုံတိုင်ဘက်၊ အုတ်လမ်းကားမှတ်တိုင် (ယုဇနဟိုတယ်ဘက်ခြမ်း) မှာ ကားစောင့်နေတဲ့ လူငယ် ၁ ယောက်ကို အရပ်ဝတ် ၃ ကောင် ဆွဲခေါ်သွားတယ်လို့ သိရ။ ဝင်ဆွဲတဲ့ကောင်တွေဆီမှာ သေနတ်ပါ။ ၁ ယောက်က ဖုန်းအရင်လု၊ ၁ ယောက်က လက်ကိုချုပ်၊ နောက် ၁ ယောက်က လည်ပင်းကို သိုင်းဖက်ပြီး ဖမ်း။ ပြီးတော့ အဲ့နားက ဓမ္မာရုံဘက်မှာ အသင့်ရပ်ထားတဲ့ CRV အဖြူကားဟောင်း ၁ စီးက ဖမ်းထားတဲ့နေရာနားရွေ့လာ၊ ကောင်လေးကို ကားပေါ်ဆွဲတင်ပြီး မောင်းထွက်သွားကြ။ From - @BSNinformer

ဆရာစံမြောက်/ရှေ့ ဧည့်စစ် ဗဟန်းမြို့နယ်၊ ဆရာစံမြောက်/ရှေ့ရပ်ကွက်ထဲ ဧည့်စစ်နေတဲ့ကောင်တွေ ပြန်ထွက်သွား 10:05 PM From - @BSNinformer

🔴 ဆရာစံမြောက်/ရှေ့ ဧည့်စစ် ဗဟန်းမြို့နယ်၊ ဆရာစံမြောက်/ရှေ့ရပ်ကွက်၊ သုခုမလမ်းတဝိုက် ဧည့်စာရင်းစစ်နေ 9:40 PM From - @BSNinformer

⚠️ ဦးချစ်မောင်လမ်း ဒီနေ့ (Jun 24, 2026) ည ၇ ခွဲလောက် ရခတွေ ဆိုင်ကယ် ၄ စီးနဲ့ ဦးချစ်မောင်လမ်း တလျှောက်ရပ်ကွက်တွေထဲ ပတ်မောင်းနေ။ မနေ့ညကလည်း စခတွေ ရပ်ကွက်တွေထဲ ပတ်ပြီး ရပ်ကွက်ရုံးတွေထဲ ဝင်သွားတယ်လို့ သိရ။ From - @BSNinformer

⚠️ဗဟန်းမြို့နယ် ရွှေတိဂုံဘုရားတောင်ဘက် ၊ အရှေ့ဘက်မုဒ် ဗဟန်း၃လမ်းဘက်တို့တွင် လိုင်းကားပေါ်မှာ အင်္ကျီအနီဝတ်လာသူတွေကို ကားပေါ်ကနေ ဆွဲချပြီး စစ်နေတယ်လို့သတင်းရရှိ 11:30 AM From - @BSNinformer

▪️ဒေါ်အောင်ဆန်းစုကြည်နေအိမ်ထဲ ဝင်စစ်ပြီး ဗိုလ်ချုပ်ပုံကို ဖြုတ်ယူသွားကြ ဇွန်လ ၁၄ ရက်နေ့ ည ၁၁ နာရီခန့်တွင် ရန်ကုန်တိုင်း၊ ဗဟန်းမြို့နယ်၊ တက္ကသိုလ်ရိပ်သာလမ်းရှိ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ခြံအမှတ် ၅၄ နေအိမ်ထဲ အကြမ်းဖက် ရဲ၊ လဝကနှင့် အဖွဲ့များ အစစ်အဆေးဝင်ပြီးနောက် ခြံတံခါးဝရှိ ဗိုလ်ချုပ်အောင်ဆန်းပုံပါသည့် ဆိုင်းဘုတ်ကို ဖြုတ်ယူသွားကြကြောင်း Khit Thit မှ သိရှိရသည်။ ခြံဝရှိ ရဲကင်းကိုပါ ဖျက်သိမ်းသွားသည်။ ထို့ပြင် ဇွန်လ ၁၂ ရက်နေ့ ညပိုင်းတွင် ဗဟန်းမြို့နယ်၊ NLD ပါတီရုံးချုပ်ရှိ ပါတီဆိုင်းဘုတ်နှင့် အလံများကိုလည်း ဖြုတ်ယူသွားခဲ့ကြသေးကြောင်း သိရသည်။ Source: Khit Thit 16 Jun 2026 #RangoonScoutNetwork

ရေတာရှည်လမ်းသစ် ရေတာရှည်အုပ်ကြီးနဲ့ စခတွေ ရေတာရှည်လမ်းသစ်ထဲ လမ်းလျှောက်ပီးပတ်နေ 9:20 PM From - @BSNinformer

🔴 ရန်ကုန်တိုင်း မတရားဖမ်းဆီးမှုများ (မေလ၊ ၂၀၂၆ ခုနှစ်) •••••••••••••••®••••••••••••••• ၂၀၂၆ ခုနှစ်၊ မေလထဲ ရန်ကုန်တိုင်းအတွင်း အကြမ်းဖက်စစ်တပ်၏ မတရားဖမ်းဆီးခြင်းခံရသူများအနက်မှ လူ ၆၁ ဦး၏ ဖြစ်စဉ်ကို RSN မှ သိရှိခဲ့ရသည်။ ℹ️ ဖမ်းဆီးပြီးနောက် ပြန်လွတ်/မလွတ် အခြေအနေ

• ဖမ်းဆီးခံရသူ ၆၁ ဦးအနက် ၂၀ ဦးကို အကြမ်းဖက်စစ်တပ်မှ ပြန်လွှတ်ပေးခဲ့ကြောင်း သိရပြီး ၁၁ ဦးကို စစ်မှုထမ်းသင်တန်းကျောင်းများနှင့် အကျဉ်းထောင်များသို့ ပို့ဆောင်ခဲ့ကြောင်း သိရသည်။ • ကျန်သည့် ၃၀ ဦး၏ ဖမ်းဆီးခံရပြီး နောက်ဆက်တွဲအခြေအနေကိုမူ မသိရှိရသေးပါ။

———————— ℹ️ ဖမ်းဆီးသည့်ပုံစံနှင့် ထူးခြားအချက်အလက်များ

• သတင်းအတိအကျဖြင့် ရှာဖွေဖမ်းဆီးခြင်းခံခဲ့ရသူ ၁၄ ဦး ရှိသည်။ ထိုထဲ စစ်မှုထမ်းစာရင်းဖြင့် ဖမ်းဆီးခံရသူများ၊ စစ်တပ်ကို ဝေဖန်၍ ဖမ်းဆီးခံရသူနှင့် PDF ထောက်ပို့လို့ဆိုပြီး ဖမ်းခံရသူတို့ ပါဝင်သည်။ • ရမ်းသမ်း ဖမ်းဆီးခံခဲ့ရသူ ၃၂ ဦး ရှိသည်။ ထိုထဲ လမ်းမပေါ်သွားလာနေစဉ် ကားဖြင့်ဆွဲဖမ်းခံရသူ ၉ ဦးပါသည်။ ထမင်းကြော်ဆိုင်ထဲ စားသောက်နေစဉ် ဝင်ဖမ်းခံရသူ ၂ ဦး၊ ကားမှတ်တိုင်/ကုန်းတံတားအောက် ထိုင်နေစဉ် ဖမ်းခံရသူ ၆ ဦး၊ ကားလမ်းဘေးထိုင်နေစဉ် ဖမ်းဆီးခံရသူ ၁၂ ဦး နှင့် ဆိုင်/ဂိုထောင်ရှေ့၌ အိပ်နေစဉ် ဖမ်းဆွဲခံရသူ ၃ ဦးတို့လည်း ပါဝင်သည်။ • ရှောင်တခင် စစ်ဆေးခံရပြီး ဖမ်းဆီးခံရသူ ၁၂ ဦး ရှိသည်။ ထိုထဲ ဧည့်စာရင်းစစ်စဉ် ရက်ကျော်နေလို့ဆိုပြီး ဖမ်းခံရသူ ၁၁ ဦးနှင့် လမ်းပေါ်သွားလာနေစဉ် ခေါ်စစ်ပြီး အထောက်အထားမပါလို့ဆိုပြီး ဖမ်းခံရသူ ၁ ဦးတို့ပါဝင်သည်။ တချို့မှာ ငွေညစ်ခံရ၍ ငွေပေးပြန်လွတ်လာနိုင်ကြကြောင်း သိရသည်။ ၄ ဦး စစ်မှုထမ်းထဲ ထည့်ခံလိုက်ရသည်။ • ထို့ပြင် အလုပ်ရှိသည်ဟု လိမ်လည်မျှားခေါ်ခံရကာ ဖမ်းဆီးခံရသူ ၃ ဦးလည်း ရှိသည်။

———————— ℹ️ အဖမ်းအဆီးဖြစ်ခဲ့သည့် မြို့နယ်များ

• မေလထဲ မြို့နယ်ပေါင်း ၁၉ မြို့နယ်မှ အဖမ်းအဆီးဖြစ်စဉ်များကို သိရှိခဲ့ရသည်။ • မြောက်ဒဂုံ၊ လှိုင်၊ မြောက်ဥက္ကလာ၊ သာကေတ၊ ဗဟန်း၊ အင်းစိန်၊ တာမွေ၊ တောင်ဒဂုံ၊ ပန်းဘဲတန်း၊ မင်္ဂလာတောင်ညွန့်၊ မရမ်းကုန်း၊ ရွှေပြည်သာ၊ လှည်းကူး၊ ကမာရွတ်၊ ကြည့်မြင်တိုင်၊ တောင်ဥက္ကလာ၊ ဒလ၊ လှိုင်သာယာနှင့် သင်္ဃန်းကျွန်းမြို့နယ်တို့ဖြစ်သည်။ • အထက်ပါ မြို့နယ်စာရင်းမှာ ဖမ်းဆီးခံရသည့် လူဦးရေအရေအတွက်အတိုင်း အစဉ်လိုက် ဖော်ပြထားခြင်းဖြစ်သည်။ မြောက်ဒဂုံနှင့် လှိုင်မြို့နယ်တို့တွင် ၈ ဦးစီဖြင့် အများဆုံးဖမ်းဆီးခံခဲ့ကြရသည်။

———————— ℹ️ စစ်မှုထမ်းသင်တန်း

• ဖမ်းဆီးခံခဲ့ရသူများအနက် စစ်မှုထမ်း သင်တန်းအတွက်ဟု ပြန်သိရသည်မှာ ၂၀ ဦး ရှိသည်။ ၎င်းတို့အနက် စစ်သင်တန်းကျောင်းပို့ခံခဲ့ရကြောင်း အတည်ပြုသိရသည်မှာ ၈ ဦး ဖြစ်သည်။ ကျန် ၁၂ ဦး၏ နောက်ဆက်တွဲအခြေအနေကို မသိရှိရပါ။ • ရန်ကုန် စစ်သင်တန်းကျောင်းများအပြင် တောင်ကြီးမြို့ရှိ စစ်သင်တန်းကျောင်းသို့ ပို့ဆောင်ခံလိုက်ရသူလည်း ရှိသည်။ • မေလ ၂၂ ရက်နေ့တွင် မြို့နယ်အသီးသီးမှ စစ်မှုထမ်းအတွက်စုဆောင်းထားသူများကို စစ်ကားကြီးများဖြင့် ဘုရင့်နောင်စစ်ကြောရေးသို့ပို့ပြီး ၂၃ ရက်နေ့တွင် ဂျိုးဖြူရှိ စစ်သင်တန်းကျောင်းသို့ ပို့လိုက်သည်ဟု သိရသည်။ • စစ်မှုထမ်းသင်တန်း အမှတ်စဉ် ၂၅ ကို မေလ ၂၅ ရက်နေ့တွင် စတင်ခဲ့ပြီး သင်တန်းသား ၅၀၀ ဦး ပါကြောင်း အကြမ်းဖက်စစ်တပ်မှ ကြေညာထားသည်။

———————— ℹ️ အခြားအဖမ်းအဆီးဖြစ်စဉ်များ

• သီလရှင်ဝတ်စုံဖြင့် အလှမယ်ပြိုင်ပွဲ ဝင်ပြိုင်မှု၊ သေနတ်ကိုင်ဆောင်မှု၊ မူးယစ်ဆေးမှု၊ မိုက်ကြေးခွဲငွေတောင်းမှု၊ ခါးပိုက်နှိုက်မှု၊ လောင်းကစားမှု၊ စသည့် ကိစ္စများဖြင့် ဖမ်းဆီးခံရသူများနှင့် လူပျောက်ဖြစ်စဉ်များလည်း ရှိပြီး ၎င်းတို့ကိုမူ ထည့်သွင်းတွက်ချက်ခြင်း မပြုထားပါ။

(ဤအချက်အလက်များသည် RSN သို့ ပေးပို့လာသည့် သတင်းများ၊ ချိတ်ဆက်အဖွဲ့အစည်းများထံမှ သိရှိရသည့်သတင်းများနှင့် မီဒီယာသတင်းများကို ကိုးကား၍ ပြုစုတွက်ချက်ထားခြင်းသာဖြစ်ပြီး လက်တွေ့မြေပြင်အခြေအနေမှာ ဤထက် ဆိုးရွားသည်။) 03 May 2026 #arrest #RangoonScoutNetwork

ငါးထပ်ကြီးဘုရားဝန်း ငါးထပ်ကြီးဘုရားဝန်းထဲ စခတွေ တပ်စွဲထားပြီးထဲက အဲ့နားဝန်းကျင် လုယက်မှုတွေ မကြာခဏဖြစ်နေတယ်လို့ သိရ။ ပြီးခဲ့တဲ့တပတ် တက်စီသမား ၁ ယောက်ကို လုတာ ၃ သိန်းပါသွားခဲ့။ ငါးထပ်ကြီးဘုရား ခြင်္သေ့ ၂ ကောင်ဘက်က တက်တဲ့လမ်းမှာလည်း အသေးစားခြိမ်းခြောက်မှုတွေ မကြာမကြာဖြစ်နေတယ်လို့ သိရ။ From - @BSNinformer

🔴 ငါးထပ်ကြီးဘုရားနားက လူငယ်တွေကို ဖမ်းပြီး ရိုက်နှက် ပြီးခဲ့တဲ့ May 4, 2026 ရက် (တနင်္လာနေ့) ည ၉း၁၅ လောက်က ဗဟန်းမြို့နယ်၊ ငါးထပ်ကြီးဘုရားအနီး စခန်းလမ်းထဲ လူငယ် ၅ ယောက် ဂစ်တာတီးနေကြတုန်း စခရခတွေ ရောက်လာပြီး ဗဟန်းရဲစခန်းဆီ ဖမ်းခေါ်သွား။ အဲ့နောက် ရဲစခန်းမှာ ရိုက်နှက်ထုထောင်း စစ်မေး။ ရိုက်နှက်လို့ဝမှ အုပ်ကြီးကိုခေါ်ပြီး ပြန်လွှတ်ပေးလိုက်။ လူငယ်တွေ လမ်းတောင်မလျှောက်နိုင်ကြတဲ့ထိဒဏ်ရာအပြင်းအထန်ဖြစ်သွားကြတယ်လို့ သိရ။ From - @BSNinformer