Akaki Kality Communication-አቃቂ ቃሊቲ

#ጳጉሜ 3 "የፅናት ቀን " ጳጉሜ 3 "የፅናት ቀን"ን ምክንያት በማድረግ የአቃቂ ቃሊቲ ክፍለ ከተማ አስተዳደር " አብሮነታችን ለጽናታችን ጽናታችን ለዘላቂ ሉዓላዊነታችን " በሚል መሪ ቃል በክፍለ ከተማው ለሚገኙ ተቋማትና ሰራተኞች የዕውቅና መስጠት መርግ-ግብር አካሄደ። በዕውቅና መስጠት መርሃ ግብሩ የክፍለ ከተማው ዋና አፈ-ጉባኤ አቶ ሙሉጌታ አሰፋ ፣ የክፍለ ከተማው ምክትል ዋና ሥራ አስፈጻሚና የሥራና ክህሎት ጽ/ቤት ኃላፊ አቶ ፈይሳ ፈለቀ ፣ የክፍለ ከተማው ብልፅግና ፓርቲ ቅርንጫፍ ጽ/ቤት ምክትልና የፖለቲካና የአቅም ግንባታ ዘርፍ ኃላፊ አቶ ኪያ ትኩ ጨምሮ አጠቃላይ የክፍለ ከተማና የወረዳ አመራሮችና ሰራተኞች እንዲሁም ሌሎች ሌሎች ተጋባዥ እንግዶች ተሳትፈዋል። የክፍለ ከተማው ምክትል ዋና ሥራ አስፈጻሚና የሥራና ክህሎት ጽ/ቤት ኃላፊ አቶ ፈይሳ ፈለቀ መርሀ-ግብሩ ከወረዳ እስከ ክፍለ ከተማ ተቋማትና ባለሞያዎች በቁርጠኝነት ፣ በትጋት ፣ በጽናት በማገልገል የላቀ አፈፃፀም ላመጡ አካላት ዕውቅና በመስጠት በቀጣይ ስራዎች መነሳሳትን ለመፍጠር ያለመ መሆኑን ገልፀዋል። አቶ ፈይሳ አያይዘውም ክፍለ ከተማው በርካታ ኢንዱስትሪ፣ ሰፋፊ የመንገድ የመሰረተ ልማት እና የአንጋፋ ተቋማት መገኛ ፣ በርካታ ሰው ተኮር ፕሮጀክቶች በመገንባት ለኢንቨስትመንት ቀዳሚ ተመራጭ መሆንዋን በመግለፅ በአዲሱ በጀት ዓመት የነበሩ ክፍተቶችን በማረም በ7/24 መርህ በማገልገል አገልግሎቱን ውጤታማ በማድረግ የመልካም አስተዳደር ችግሮችን መፍታት ፣ የተጀመሩ የኢኒሼቲቭ ስራዎች አጠናክሮ ማስቀጠል ለዚህም በቁርጠኝነት በታማኝነት እና በህዝብ አገልጋይነት መንፈስ ማገልገል እንደሚገባ መልዕክት አስተላልፈዋል። ጽናት ማለት ፈተናዎችንና ማበልን በማለፍ የተያዘን ዓላማ ሳይታክቱ መስራት እንደሆነ የገለፁት የክፍለ ከተማው ፐ/ሰ/የሰ/ሃ/ልማት ጽ/ቤት ኃላፊ ወ/ሮ ጥሩወርቅ በየነ ሰራተኛው በአዲሱ ዓመትም አገልግሎትን በማደስ ህዝብን ከእንግልትና ከእንቅፋት የጸዳ፣ ቀልጣፋና ፍትሃዊ በሆነ መልኩ ማገልገል፣ ለቀጣይነት ላለው ለውጥና ለሪፎርሞች አስተማማኝ አምባሳደር መሆን፣ ተገልጋይን በክብርና የማስተናገድ ባህልን ማሳደግ እንዲሁም ወንድማማችነትንና እህትማማችነትን በማጠናከር የውስጥ አንድነትን ማጎልበት በጽናት ሊተገብር እንደሚገባ ተናግረዋል ። በመድረኩ በተቋማት መካከል የግብ ስምምነት መፈራረም እና የዕውቅና መስጠት መርሃ-ግብር ተከናውኗል። በክፍለ ከተማ ደረጃ #የተሻለ አፈፃፀም ያስመዘገቡ ፅዳት ባለሙያዎች ፣ ሹፌሮች፣ አትክልተኞች፣ የተቋም ባለሙያዎች እንዲሁም ተቋማት እዉቅና ተበርክቶላቸዋል። "ፈተናን በስኬት ቃልን በተግባር!" ለበለጠ መረጃ፦ https://linktr.ee/akaki_kality_communication ጳጉሜ 3/2018 ዓ.ም አቃቂ ቃሊቲ