Qashqadaryo viloyati statistika boshqarmasi

🌎 Ўзбекистон ташқи савдо айланмасидаги ТОП-10 давлатлар 🏢 Миллий статистика қўмитасининг дастлабки маълумотларига кўра, 2026 йилнинг январь–июль ойларида Ўзбекистон жаҳоннинг 200 дан ортиқ мамлакати билан савдо алоқаларини амалга оширди. 🌍 Мазкур даврда Ўзбекистон ташқи савдо айланмасидаги ТОП-10 ҳамкорлар: Хитой — 11,3 млрд АҚШ доллари; Россия Федерацияси — 8,1 млрд АҚШ доллари; Қозоғистон — 3,3 млрд АҚШ доллари; Туркия — 1,6 млрд АҚШ доллари; Афғонистон — 1,2 млрд АҚШ доллари; Франция — 1,1 млрд АҚШ доллари; Корея Республикаси — 1,1 млрд АҚШ доллари; БАА — 928,7 млн АҚШ доллари; Туркманистон — 779,4 млн АҚШ доллари; Гонконг* — 776,8 млн АҚШ доллари.

* Хитойнинг махсус маъмурий ҳудуди.

📊 Qashqadaryo sanoati raqamlarda: yetakchi hududlar qaysilar? 🏢 Qashqadaryo viloyati statistika boshqarmasining dastlabki ma’lumotlariga ko‘ra, 2026-yil yanvar–iyul oylarida viloyatda 33 836,4 mlrd so‘mlik sanoat mahsulotlari ishlab chiqarildi. Sanoat ishlab chiqarishining fizik hajm indeksi 108,2 % ni tashkil etdi. 📍 Eng katta sanoat hajmi — Nishon tumanida: 8 211,6 mlrd so‘m 📈 Eng yuqori o‘sish sur’ati — Koson tumanida: 120,2 % 🏙 Shaharlar orasida esa Shahrisabz shahri 112,4 % ko‘rsatkich bilan ajralib turdi.

🔎Qaysi hududda sanoat hajmi qancha? O‘sish sur’atlari qanday? Barcha hududlar kesimidagi batafsil raqamlarni infografikada kuzating.

✅Bizni kuzatib boring 📱 Web-sahifa 📱 You tube 📱 Facebook 📱 Telegram

🎉 Ko‘p yillik mehnatga ehtirom, ustozlarga hurmat Qashqadaryo viloyati statistika boshqarmasida ko‘p yillik samarali mehnat, kasbga sadoqat va fidoyilikni e’tirof etishga bag‘ishlangan samimiy tadbir bo‘lib o‘tdi. Tadbirda boshqarma boshlig‘i N. Xamrayev so‘zga chiqib, statistika tizimida uzoq yillar davomida sidqidildan faoliyat yuritib kelayotgan xodimlarning boy tajribasi, mas’uliyati va soha rivojiga qo‘shgan munosib hissasi alohida qadrlanishini ta’kidladi. Shu munosabat bilan Qishloq xo‘jaligi boshqarmasi boshlig‘i Sh. Tayloqovga ko‘p yillik samarali faoliyati, kasbiga sadoqati va tizim rivojiga qo‘shgan munosib hissasi uchun esdalik sovg‘asi topshirildi. Shuningdek, boshqarmada ko‘p yillardan buyon samarali mehnat qilib kelayotgan N. Atamurodovning 60 yoshli yubileyi ham alohida e’tirof etildi. Uning ko‘p yillik halol mehnati, boy kasbiy tajribasi hamda jamoa hayotidagi munosib o‘rni ta’kidlanib, yubiley munosabati bilan esdalik sovg‘alari taqdim etildi. Tadbir davomida boshqarma xodimlari ham so‘zga chiqib, ustozlarga o‘zlarining samimiy tilaklarini bildirib, ularning mehnatsevarligi, kasbiy mahorati va jamoa orasidagi hurmat-e’tiborini e’tirof etdilar.

✨ Ko‘p yillik fidokorona mehnat va kasbga sadoqat doimo yuksak qadrlanadi. N. Atamurodovni 60 yoshli muborak yubileyi bilan samimiy tabriklab, unga mustahkam sog‘lik, uzoq umr va oilaviy farovonlik tilaymiz. Sh. Tayloqovga esa kelgusidagi faoliyatida yangi muvaffaqiyat va zafarlar yor bo‘lishini tilab qolamiz.

✅Bizni kuzatib boring 📱 Web-sahifa 📱 You tube 📱 Facebook 📱 Telegram

Миллий статистикада маълумотларни бошқаришнинг янги модели жорий этилади Президент Шавкат Мирзиёев аҳоли ва қишлоқ хўжалигини рўйхатга олиш якунлари ҳамда миллий статистика тизимида ислоҳотларни жадаллаштиришга қаратилган таклифлар тақдимоти билан танишди.

Мамлакатимиз аҳолиси 1989 йилдан буён қарийб икки баробар, иқтисодиётимиз эса сўнгги саккиз йилда икки карра ўсди. Бундай ўзгаришлар аҳоли таркиби, яшаш манзиллари, ер ресурслари, қишлоқ хўжалиги ҳамда озиқ-овқат манбалари тўғрисида аниқ ва ишончли маълумотларга бўлган эҳтиёжни оширди.

Шу мақсадда жорий йилда ўтказилган аҳоли ва қишлоқ хўжалигини рўйхатга олиш натижалари бўйича ахборот берилди.

Дастлабки натижаларга кўра, юртимизда доимий аҳоли сони 39 миллион 47 минг нафарни ташкил этди. Амалдаги ҳисобда акс этмаган 810,6 минг нафар аҳолининг яшаш манзили ва ижтимоий мақомига аниқлик киритилди.

Амалдаги маълумотлар билан солиштирганда Жиззах вилояти аҳолиси 2,7 фоиз, Наманганда 1,3 фоиз, Сурхондарёда 0,9 фоиз ва Қашқадарёда 0,7 фоиз кам экани аниқланди. Бухоро вилоятида кўрсаткич деярли ўзгармаган, бошқа ҳудудларда эса ўсган. Хусусан, Тошкент тумани аҳолиси аввалги ҳисобга нисбатан 1,6 баробар кўп, Андижон шаҳрида эса 15,8 фоиз кам экани маълум бўлди.

Қишлоқ хўжалигини рўйхатга олиш натижасида ҳисобда акс этмаган 985,5 минг гектар ернинг чегараси ва тоифаси аниқлаштирилди. Шундан 789,5 минг гектари экин ерлари, 14,1 минг гектари иссиқхоналар, 75,3 минг гектари боғлар, 21,4 минг гектари токзорлар ва 85 минг гектари балиқчилик ҳавзаларига тўғри келади.

Жараёнларнинг рақамлаштирилгани ҳисобига рўйхатга олиш харажати аҳоли жон бошига 1,5 минг сўмдан ошмади. Бу МДҲ давлатларидаги кўрсаткичларга нисбатан 15 баробар кам. Интернет орқали рўйхатга олиш қамрови 82,3 фоизни ташкил этди. Барча жараёнлар 15 кунда якунланиб, Ўзбекистон рўйхатга олиш тезлиги бўйича дунёда иккинчи ўринни эгаллади.

Рўйхатга олиш натижалари асосида аҳоли ва қишлоқ хўжалигининг доимий янгиланиб борадиган статистик регистрлари шакллантирилади. Ижтимоий-иқтисодий ривожланиш дастурларига оид 100 та, қишлоқ хўжалиги ва экин майдонларига доир 50 та кўрсаткич янгиланади. Шунингдек, 2017-2025 йиллар учун миллий ҳисоблар кўрсаткичлари қайта баҳоланади.

Тақдимотда иқтисодий фаолиятни тўлиқ статистик ҳисобга олиш масалаларига алоҳида эътибор қаратилди. Бугунги кунда кузатилмайдиган иқтисодиёт улуши 23 фоизни ёки 246 триллион сўмни ташкил этмоқда. Қишлоқ хўжалигида умумий айланманинг 60 фоизи ушбу сектор ҳиссасига тўғри келади.

Меҳнат билан банд бўлган 15,2 миллион аҳолининг 6,5 миллиони ёки 42 фоизининг даромадлари расмий ҳисобда тўлиқ акс этмаяпти. Рўйхатдан ўтган кўплаб кичик ва ўрта бизнес субъектлари амалда ишламайди ёки фаолиятини тўхтатган.

Мазкур ҳолат ҳалол ишлаётган ва солиқ мажбуриятларини тўлиқ бажараётган корхоналар учун носоғлом рақобат муҳитини юзага келтирмоқда. Ҳар 4-5 сўмлик иқтисодий айланманинг 1 сўми расмий статистика эътиборидан четда қолмоқда. Ушбу фаолиятни тартибга солиш бюджетга қўшимча ўнлаб триллион сўм тушум таъминлаш ва келгусида солиқ юкини камайтириш имконини беради.

Шу муносабат билан жорий йилнинг 15 октябридан 30 ноябрига қадар бизнесни рўйхатга олиш тадбирини ўтказиш таклифи маъқулланди. Унинг доирасида мамлакатда фаолият юритаётган барча иқтисодий бирликлар хатловдан ўтказилиб, субъектларнинг ҳолати, таркиби ва иқтисодиёт тармоқлари бўйича тақсимотига аниқлик киритилади. Корхона ва ташкилотлар тўғрисидаги статистик регистрлар янгиланиб, танланма кузатувлар учун ишончли асос яратилади.

Миллий статистика тизимини 2030 йилгача ривожлантириш бўйича режалар ҳам кўриб чиқилди. Тадбиркорлар тақдим этадиган ҳисобот юкини 20 фоизга қисқартириш, маъмурий ва муқобил маълумотлар манбалари сонини 1,7 баробар ошириш, уларга ишлов бериш вақтини 20 фоизга ва харажатларни 25 фоизга камайтириш мақсад қилинган.

Маълумотларни бошқариш бўйича ягона ёндашувни шакллантириш мақсадида вазирлик ва идоралар иштирокида Маълумотларни бошқариш комиссиясини ташкил этиш таклиф қилинди.

Батафсил: https://president.uz/uz/lists/view/9573

📊 Qashqadaryoda sanoat korxonalari soni oshmoqda 🏭 2026-yil 1-avgust holatiga viloyatda 3 185 ta sanoat korxonasi faoliyat yuritmoqda. Yil boshidan 320 ta yangi sanoat korxonasi tashkil etilgan. 🥖 Oziq-ovqat mahsulotlari ishlab chiqarish hamda 🧱 boshqa nometall mineral mahsulotlar ishlab chiqarish sanoat korxonalari tarkibida yetakchi o‘rinlarni egallamoqda.

🔎 Qaysi sanoat yo‘nalishlari viloyatda eng katta ulushga ega?

Batafsil ma’lumotlarni infografikada kuzating. ✅Bizni kuzatib boring 📱 Web-sahifa 📱 You tube 📱 Facebook 📱 Telegram

MUSTAQILLIK — MILLIY G‘URURIMIZ, BUYUK QADRIYATIMIZ! Qashqadaryo viloyati statistika boshqarmasi jamoasi barcha yurtdoshlarimizni, aziz hamkasblarimiz hamda sahifamizning qadrli kuzatuvchilarini O‘zbekiston Respublikasi Mustaqilligining 35 yilligi bilan samimiy muborakbod etadi! Mustaqillik — xalqimizning asriy orzu-intilishlari ro‘yobga chiqqan, milliy o‘zligimiz, erkin va farovon hayotimiz, tinchligimiz hamda bunyodkorlik salohiyatimizni namoyon etgan buyuk tarixiy qadriyatdir. Bugun yurtimizda amalga oshirilayotgan ulkan bunyodkorlik ishlari, xalqimiz farovonligi yo‘lida erishilayotgan yutuq va marralar ana shu bebaho ne’mat — Mustaqillikning ulug‘ samarasidir. Ushbu qutlug‘ ayyomda barcha yurtdoshlarimizga mustahkam sog‘lik, oilaviy baxt, xonadonlariga tinchlik va fayzu baraka, ezgu maqsadlari yo‘lida ulkan muvaffaqiyatlar tilaymiz.

💐 Aziz kuzatuvchilarimiz, Mustaqillik bayrami barchangizga muborak bo‘lsin!

🇺🇿 Yurtimiz tinch, xalqimiz farovon, Mustaqilligimiz abadiy bo‘lsin! ✅Bizni kuzatib boring 📱 Web-sahifa 📱 You tube 📱 Facebook 📱 Telegram

🛫 Ўзбекистонликларнинг Туркияга сафарлари 17,7 фоизга ошди 🏢 Миллий статистика қўмитаси маълумотларига кўра, 2026 йил январь–июль ойларида жами 166 893 нафар Ўзбекистон фуқаролари туристик мақсадларда Туркияга сафар қилган.

📊 Бу кўрсаткич ўтган йилнинг мос даврига нисбатан 25,1 минг нафарга ёки 17,7 фоизга ошган.

📊 Уларнинг сафар мақсадлари бўйича тақсимланиши қуйидагича: саёҳат — 138 320 нафар; қариндошларни йўқлаш — 24 555 нафар; даволаниш — 2 016 нафар; хизмат юзасидан — 1 097 нафар; ўқиш — 905 нафар.

Мустақилликнинг 35 йиллиги — фидокорона меҳнат ва садоқатга юксак эътироф Ўзбекистон Республикаси Мустақиллигининг 35 йиллиги муносабати билан юртимиз тараққиёти ва халқимиз фаровонлиги йўлида муносиб меҳнат қилиб келаётган юртдошларимизнинг хизматлари юксак эътироф этилмоқда. Шу муносабат билан вилоят ҳокимлигида кўп йиллик самарали меҳнати, касбига садоқати ҳамда ҳудуд ижтимоий-иқтисодий ривожига қўшган ҳиссаси билан эътироф қозонган бир гуруҳ фаолларга “Ўзбекистон Республикаси Мустақиллигининг 35 йиллиги” эсдалик нишонини топшириш маросими бўлиб ўтди.

Тадбирда Қашқадарё вилояти Иқтисодиёт ва молия бош бошқармаси бошлиғининг биринчи ўринбосари Бердиев Анвар Абдивалиевич сўзга чиқиб, тақдирланганларни ушбу юксак эътироф билан муборакбод этди.

Қувонарлиси, мазкур эсдалик нишонига Қашқадарё вилояти статистика бошқармасининг бир қатор ходимлари ҳам муносиб кўрилди. Бу — статистика соҳасида сидқидилдан меҳнат қилиб, ҳудуддаги ижтимоий-иқтисодий жараёнлар ҳақида холис, ишончли ва сифатли маълумотлар тақдим этиб келаётган ходимларимиз меҳнатига берилган муносиб баҳодир. Тақдирланганлар билдирилган юксак ишонч ва эътибор учун миннатдорлик билдириб, мамлакатимиз тараққиёти ва халқимиз фаровонлиги йўлида бундан буён ҳам бор билим ва салоҳиятларини сафарбар этишларини таъкидладилар. “Ўзбекистон Республикаси Мустақиллигининг 35 йиллиги” эсдалик нишони билан тақдирланган барча юртдошларимизни самимий муборакбод этамиз!

🇺🇿 Мустақиллигимиз абадий, юртимиз тинч, тараққиётимиз бардавом бўлсин!

✅Bizni kuzatib boring 📱 Web-sahifa 📱 You tube 📱 Facebook 📱 Telegram

💸 Ўзбекистонда ўртача ойлик пенсия миқдори сўнгги 10 йилда қандай ўзгарди? 🏢 Миллий статистика қўмитаси маълумотларига кўра, 2025 йилда Ўзбекистонда ўртача ойлик пенсия миқдори 1 649,2 минг сўмни ташкил этган.

📊 Бу кўрсаткич 2016 йилга нисбатан 3,3 баробарга ошган.

📊 Йиллар кесимида ўртача ойлик пенсия миқдори йиллар кесимида: 2016 йил — 494,2 минг сўм 2017 йил — 556,8 минг сўм 2018 йил — 640,5 минг сўм 2019 йил — 733,2 минг сўм 2020 йил — 848,5 минг сўм 2021 йил — 963,6 минг сўм 2022 йил — 1 080,8 минг сўм 2023 йил — 1 234,5 минг сўм 2024 йил — 1 495,6 минг сўм 2025 йил — 1 649,2 минг сўм

Prezident Shavkat Mirziyoyev ishtirokida mamlakatimiz mustaqilligining 35 yilligi munosabati bilan hududlarda umumiy qiymati 50 trillion so‘mlik 163 ta yangi obyektni ishga tushirish marosimi boʻlib oʻtdi. — С участием Президента Шавката Мирзиёева состоялась церемония ввода в эксплуатацию 163 новых объектов на общую сумму 50 триллионов сумов в регионах страны по случаю 35-летия независимости. #Mirziyoyev #marosim #mustaqillik35 #obyektlar Prezident.uz|Facebook|Instagram|YouTube|X

👔 Qashqadaryoda kiyim ishlab chiqarish sanoatning muhim yo‘nalishlaridan biri bo‘lib qolmoqda 2026-yil yanvar-iyun oylarida Qashqadaryo viloyatida 897,9 mlrd so‘mlik kiyim-kechak mahsulotlari ishlab chiqarilib, ushbu yo‘nalishning viloyat jami sanoat ishlab chiqarishidagi ulushi 3,5 foizni tashkil etdi. Mazkur ko‘rsatkichlar hududda yengil sanoat, xususan kiyim ishlab chiqarish yo‘nalishi izchil rivojlanib borayotganini ko‘rsatadi. Kiyim-kechak mahsulotlari ishlab chiqarish nafaqat tayyor mahsulotlar hajmini oshirish, balki mahalliy xomashyoni chuqur qayta ishlash, yangi ishlab chiqarish quvvatlarini kengaytirish hamda sanoat tarmoqlarining barqaror faoliyatini ta’minlashda ham muhim ahamiyat kasb etadi.

Shuningdek, ushbu yo‘nalish viloyat sanoatida qo‘shilgan qiymat yaratish, ishlab chiqarish tarkibini diversifikatsiya qilish va iste’mol bozorini mahalliy mahsulotlar bilan to‘ldirishda muhim omillardan biri sifatida namoyon bo‘lmoqda.

✅Bizni kuzatib boring 📱 Web-sahifa 📱 You tube 📱 Facebook 📱 Telegram

🍞 OZIQ-OVQAT SANOATI — QASHQADARYO IQTISODIYOTINING MUHIM YO‘NALISHLARIDAN BIRI 🥫 2026-yil yanvar–iyun oylarida Qashqadaryo viloyatida 4 562,9 mlrd so‘mlik oziq-ovqat mahsulotlari ishlab chiqarildi. Mazkur yo‘nalish bo‘yicha qayd etilgan ko‘rsatkich 17,9 foizni tashkil etdi. 🌾 Oziq-ovqat sanoatining muhim jihati shundaki, u qishloq xo‘jaligida yetishtirilgan mahsulotlarni qayta ishlash orqali ularga qo‘shimcha qiymat yaratadi. Don, meva-sabzavot, go‘sht va sut kabi xomashyoning tayyor mahsulotga aylanishi esa mahsulotlarning saqlanish muddatini uzaytirish, iste’molchilarga qulay shaklda yetkazish va ichki bozor ta’minotini mustahkamlashga xizmat qiladi.

📊 4,5 trln so‘mdan ortiq mahsulot — hudud oziq-ovqat sanoatining iqtisodiyotdagi salmoqli o‘rnini ko‘rsatadi.

Bizni kuzatib boring Web-sahifa | You tube | Facebook | Telegram

🚚 Qashqadaryoda transport xizmatlari hajmi 4,4 trln so‘mdan oshdi Қашқадарё вилояти статистика бошқармасининг дастлабки маълумотларига кўра, 2026-yil yanvar–iyun oylarida Qashqadaryo viloyatida 4 461,0 mlrd so‘mlik transport xizmatlari ko‘rsatildi. 🚗 Shundan 3 924,8 mlrd so‘mi avtotransport xizmatlari hissasiga to‘g‘ri keldi. Bu jami transport xizmatlarining asosiy qismini tashkil etadi. Бизни кузатиб боринг Web-sahifa | You tube | Facebook | Telegram

🌾 Қашқадарёда фермер хўжаликлари сони 12,9 мингга яқин 📊 Қашқадарё вилояти статистика бошқармасининг дастлабки маълумотларига кўра, 2026 йил 1 июль ҳолатига вилоятда 12 982 та фермер хўжалиги фаолият кўрсатмоқда. Уларнинг асосий қисми: 🌾 пахта ва ғаллачилик — 8 094 та 🍇 мева-узумчилик — 2 198 та 🐄 чорвачилик — 1 298 та

Қолган йўналишлар бўйича батафсил маълумотни инфографикада кузатишингиз мумкин.

Бизни кузатиб боринг Web-sahifa | You tube | Facebook | Telegram

🗞️Аҳолини рўйхатга олиш нега муҳим? 📓 "Иқтисодий шарҳ" журналининг 2026 йилдаги 7-сонида аҳоли ва қишлоқ хўжалигини рўйхатга олиш тадбирининг дастлабки натижалари, рўйхатга олишнинг моҳияти ва аҳамиятига бағишланган мақола чоп этилди. 👉 БАТАФСИЛ