سَمَاءٌ بِلا سُحُبْ

النصائح دى لا يقوى عليها كل أحد ، ولا تلائم ظروف كل أحد ، فنل منها ما استطعت .. لو مقدرتش على الحفظ والمراجعة .. راجع بس. لو مقدرتش كل يوم .. يوم ويوم. لو مقدرتش .. يومين فى الأسبوع. لو مقدرتش .. يوم فى الأسبوع. لو انت بادئ أصلًا بس على مهلك والنصايح دى ثبطتك اعتبر نفسك مقرتش البوست وكمل زى ما انت .. الله يعينك ويقويك ويفتح عليك. والقرآن خير كله : حفظه خير ، وفهمه خير ، وقراءته خير ، وسماعه خير ، بل والنظر فيه خير .. ما اغترف منه أحد إلا ونهَل ، وما نهَل منه أحد إلا وارتوى. فلا يفوتك ريّه ، وإن أقللت.

بسم الله .. من خلال خبرة بسيطة فى حفظ وتحفيظ القرآن فيه كام نقطة مهمة لازم يلتزم بيهم اللى ناوى يحفظ القرءان حفظ حقيقى متين .. (ومهم فى البداية نفرّق بين مرتبتين : (الخاتم) اللى مرّ على القرآن كله مرة حفظًا _وده شرف عظيم_ لكنه لا يملك القرآن بين جنبيه .. و (الحافظ) اللى لو قدمه الناس للإمامة قرأ مستظهرًا من قلبه من أى موضعٍ من الكتاب شاء ، والنقاط الجاية دى لمن يرنو مرتبة الحافظ) ___ (1) النقطة الأولى الصادمة والأهم فى النقاط كلها إن لا يتأتّى الحفظ المتين للقرءان أبدًا بالاكتفاء بقعدتين نص ساعة أو ساعة فى الأسبوع ، لا أعلم أحدًا _ممن أعلم_ يجرى القرآن على لسانه كالماء حفِظ فعلًا بهذه الطريقة. وإنما المداومة اليومية ، كل يوم 3 أو 4 ساعات .. أو ساعتين .. أو ساعة على الأقل ، تُصبح على كتاب الله تحفظ جديدك ، وتُمسى على كتاب الله تراجع قديمك ، ويفتح الله لك بفضله. ممكن يبقى اتفاقك مع المحفظ معاد أو معادين فى الأسبوع عادى ، لكن إنك تكتفى بالحفظ قبل المعادين دول بساعة أو نص ساعة مش هيثبت فى ذاكرتك إلا أقرب جزء أو جزأين _لو ثبتوا_ ، والباقى يتفلت بالتناوب. القرآن كتاب عزيز تؤتيه كلّك ، يؤتيك بعضه. ____ (2) بناءً على النقطة الأولى فالمراجعة أهم من الحفظ ، والمحفوظ كله تسرده مرة فى الأسبوع على الأقل ، لو حافظ القرآن كله تراجع خمس أجزاء فى اليوم ، لو حافظ 18 جزء تراجع 3 أجزاء فى اليوم ، لو حافظ البقرة تراجع 3 أرباع فى اليوم .. ده ورد يومى كده بعيد تمامًا عن الجديد ، الجديد اللى بيتحفظ بيتضاف للقديم ويتقسّم معاه على أيام الأسبوع .. ____ (3) بناء على النقطتين الأولين ، فالذاتية أهم شئ ، لأن مفيش حد مهما بلغ قربه منك هيفضالك عدد الساعات ده فى اليوم عشان تسمّع له .. لازم تتعلم تسمّع لنفسك ، المصحف فى إيدك مقفول وتسرد ، ولو شككت أو تلكأت تفتح وتشوف وتعلّم موضع الخطأ لو عايز تعلّم .. وهكذا. ولو فاتك شئ يستدركه لك المحفّظ فى الحلقة بإذن الله. ____ (4) بناءً على ما سبق فالقليل الدائم فى الحفظ خير من الكثير المنقطع .. لو صفحة عادى ، لو وجه عادى ، لو نص وجه عادى ، لو آية واحدة عادى. اختار الكمية اللى تتناسب مع قدرات حفظك ، وتناسب ظروف يومك ، واعمل حسابك إنك عندك ورد مراجعة كل يوم أهم من ورد الحفظ ، وورد المراجعة بيكبر مع الوقت .. النهاردة ربع ، الشهر الجاى حزب ، الشهر اللى بعده جزأ ، فمتضغطش نفسك عشان تعرف تكمّل. واعمل حسابك برضو إن مع الوقت كمية الحفظ اللى بتبدأ بيها هتزيد لوحدها _لو انتظمت_ زيادة متطردة ، لأن المخ بيوسع وبيستوعب ، واللسان بيلين وبيستجيب ، وربنا بيفتح فتوح عظيمة لما بيرى من عبده خيرًا. ___ (5) السورة لما تخلص حفظ لازم تُسرَد كلها فى جلسة واحدة ، حتى لو من السبع الطوال ، لو انت بطئ فى السرد البقرة تاخد منك ساعة أو ساعة وربع بالكتير .. ولا حاجة. مش هتتمكن من السورة وتجرى على لسانك إلا لو سردتها كلها فى جلسة واحدة ، فلا يفوتك هذا الخير. ___ (6) وقت الحفظ يكون قريب من وقت استيقاظك من النوم ، عشان ذهنك يبقى حاضر .. أبرك ساعة فى اليوم اللى بعد صلاة الفجر ، ساعة بأربع ساعات فى نص اليوم ، فيها السكون والهدوء وحضور الذهن ، وفيها تُقسّم الأرزاق ، لعل الله يقسم لك الحفظ مع قوت يومك. متحفظش بعد ما ترجع من الشغل أو الجامعة ، أو المدرسة ، ذهنك مش حاضر وبدنك مرهق وجعان ، ولو كلت هتتقل وهتنام .. لكن لو اضطررت نام شوية واصحى احفظ. مهم إن وقت حفظك يقترب من وقت استيقاظك ، هتفرق جدًا. ___ (7) اثناء حفظك الورد الجديد .. فيه منطقة وهمية يخيّل ليك الشيطان عندها إنك أتقنت ، ده فخ .. انت لسه ما أتقنتش ، لو قمت شربت مية ورجعت هتلاقى نفسك مش فاكر حاجة ، اقعد على حيلك وسمع الورد 3 أو 4 مرات كمان .. وبعد كده افصل بأى حاجة ، بعد كده ارجع سمّعه على نفسك تانى 3 أو 4 مرات كمان .. يثبت معاك إن شاء الله .. وكل ما كررت العملية دى كل ما ثبت حفظك أكتر. ___ (8) لا أعلم شيئًا أثبت للحفظ وأحكم للمراجعة من الصلاة بالمحفوظ ، ولا أعلم صلاة أرحب من قيام الليل لشئ كهذا. ___ (9) متبدأش بالمتشابهات ، متقرأش كتب فى المتشابهات ، فى الأغلب هتتلغبط ، احفظ انت وطلع المتشابهات من حفظك هيثبتوا. ___ (10) القرءان دايمًا غالب ، دايمًا غالب .. يعلو ولا يُعلى مهما بلغ حفظك يغلبك فى مواضع ، فمتستهنش بأى سورة منه ولو كانت من القصار .. بابا اختبرنى مرة وأنا صغير فى جزأ عم ، وبدأ بسورة (الفلق) فضحكت ضحكة المستهتر بالسؤال ، فأخطأت فيها. ___ (11) ثانى أهم نقطة فى جميع النقاط .. (ما لا يدرك كله ، لا يترك كله)

جماعة ❤️ احنا محتاجين ندرب نفسنا ونجتهد لحد ما نوصل لمرحلة عدم ذكر أي شخص بسوء.. لو مش هنذكر حد بخير.. فبلاش نجيب سيرته اطلاقا... ‏خلوا قدام عنيكوا حسناتكم واعمالكم الصالحة هياخدوها مننا يوم القيامة بمقدار ما اغتبناهم وجيبنا سيرتهم بسوء ‏ولو خلصت الحسنات يضعوا علينا من سيئاتهم ... الموضوع مرعب والله ومحتاج قرار وتوبة ومجاهدة نفس.. غفر لي ربي وغفر لكم ولكل من اغتبناهم " كفارة الغيبة " .. -نُقل .

قال ﷺ: إنَّ للقبر ضغطة، ولو كان أحدٌ ناجيًا منها؛ لنجا سعد بن معاذ. وهذه الضمَّة لا ينجو منها أحدٌ، سواء أكان مؤمنًا تقيًّا أم كافرًا شقيًّا.‏ سبب هذا الضغط أنَّه ما من أحد إلّا وقد ألمَّ بذنب ما فتدركه هذه الضغطة جزاءً لها ثم تُدركه الرحمة. - الترمذي

«يا حاملين بذي القلوبِ عزيمةً تسعى لنصرِ الأمّة الغرّاء هلّت أزاهيرُ البشائرِ جيلَنا وأتاكمُ غيثٌ بفيضِ رَواءِ» تُعلن أكاديمية الجيل الصّاعد عن بدء التسجيل في الدفعة الثالثة من مساراتها الأربع 🍀 أولًا: المسارات الخاصّة: • تستقبل عددًا محدودًا ينتقى من خلال تعبئةِ استمارة واجتياز اختبار القبول. 1️⃣ مسار جُذور: ▫️للفئة العمريّة 13 - 16 عامًا ▫️المُدّة: سنتان. 2️⃣ مسار إشراق: ▫️للفئة العمريّة 17 - 20 عامًا ▫️المُدّة: سنتان. ثانيًا: المسارات العامّة: • لا تتضمّن شروطَ قبول. 1️⃣ مسار بذور: ▫️للفئة العمريّة 10 - 12 عامًا ▫️المُدّة: سنتان. 2️⃣ مسار غراس: ▫️للفئة العمريّة 13 - 16 عامًا ▫️المُدّة: سنتان. رابط التسجيل لكلّ المسارات: http://registration.jeelacademysa.com 📍في حال واجهتم أي مشكلة أثناء التسجيل يرجى التواصل مع حساب الدعم الفني الخاص بأكاديمية الجيل الصاعد: @jeelacademysupportnew وسيتم الرد عليكم خلال مدة أقصاها 48 ساعة، نرجو منكم التحلي بالصبر فالأعداد كبيرة، وثقوا تماماً أن مشاكلكم سيتم حالها فلا داعي للقلق 🌿

بسم الله نبدأ العدّ التنازليّ..⏳

روح الروح وطارق

منذ قليل .. بابا والعمُّ النجار في شقتي لتركيب ترباس إضافيٍ في الباب .. دخل الرجل غاضًا بصره .. خالعًا نعليه أمام الباب يعلم حرصي على نظافةِ البيت وطهارتِه .. - على فكرة يا أبلة سارة أنا غاسل إيدي عند بابا قبل ما أطلع ما تخافيش :)) .. فأكد بابا كلامَه: قال لي أنا عارف أن إيدي شكلها متغير كأنها متوسخة .. وعارف أن الأبلة سارة بتحب النضافة فهات لي "كلور" أغسل إيدي قبل ما أطلع لها .. وقد فعل! أنهى عملَه .. فأخذ يدور بيديه على الأرض يجمع "النشارة" القليلة من أثر التركيب .. دعا لي ولأبي .. الله يصلح حالك ويرضيكي .. ويخلي لك بابا .. ثم استأذن ومضيا هو وأبي.. عاملٌ بسيط .. يعلم من الدينِ أيسرَه .. يحرص على ألا يتسخ من أثر كسبِه الشريفِ بابٌ أو أرضية .. فما بالُ غيرِه من أصحاب "الهندام" يعمدون ويحرصون على أن تتسخَ من أثر قذاراتِهم حياواتُ الغير ؟! وقد علموا من الدين "أكثرَه" ؟! فارقٌ ثَمّ كبير .. بين أصابعَ متسخةٍ من أثر الكد .. وقلوبٍ عابثةٍ تمتلئ قذارة .. تحسب أن تخفيَها دعاوى التقوى والجد ..! تنسى أن "الله لا يهدي كيدَ الخائنين" ! .. [الأخلاق] .. لا تحتاج إلى "شهادة" ..! #لصاحبته

"ترك الذنوب حياة القلوب🩵"

#سلمان_العتيبي

خير الدعاء= دعاء يوم عرفة .. مافيش وقت أبواب السماء فيه مفتوحة زي اليوم بتاع النهارده ده، ومش هتقدر تقتنع بأهمية يوم عرفة في قبول الدعاء غير وانت مطمئن أولا للإيمان بوجود الله؛ يعني العقل العلماني واللاديني بأشكاله المختلفة هتلاقيه مش بيعرف يشوف أي فرق بين اليوم ده وغيره من الأيام، هو بيكون عقل محجوب تماما عن أي إيمان بالغيب، عشان هو ماشاء الله عقل ناضج جدا ويصدق العلم جدا ومنطقي جدا ... ولذلك من نعم ربنا الغالية على المؤمنين إن أيامهم متبقاش كلها شبه بعض، فكرة "الموسم" وإن اليوم الفلاني بعمل فيه عبادة مخصوصة أو عمل طاعة شريف بشكل مخصوص دي نعمة في حد ذاتها، لأنك بتلاقي فرصة تقعد مع نفسك وتجدد العلاقة اللي بينك وبين ربنا وبالتالي تعيد ترتيب أوراقك بشكل أو بآخر، فضلا عن صور التراحم والبرّ والتواصل بينك وبين المسلمين وغيرها من الأعمال اللي بتخليك شامم ريحة التغيير ده في روتين حياتك من وقت للتاني ... بخلاف واحد تاني قاطع صلته بشكل شبه كامل بتلك المواسم فالأيام دي كلها عنده شبه بعض ويمكن بينسى تواريخها تماما ومش بيهتم غير بمناسبات شخصية محضة بتزيد من عزلته التامة عن باقي البشر حوله بشكل مأساوي. فانت محتاج الدعاء في يوم عرفة، وبشكل كبير ومتواصل وخصوصا في الساعات الأخيرة قبل غروب الشمس لأنها ساعات ينزل فيها الله عز وجلّ وملائكته للسماء الدنيا ... وفكرة "أنا مبعرفش أدعي" مالهاش علاقة بإنك غير متدين أو بعيد عن الله، هي انعكاس لوضع شديد العلمنة محيط بأغلب الناس وخصوصا الشباب في الوقت الحالي والمفروض تدور على طريقة للتحرر منه بشكل أو بآخر. الدعاء زيه زي أي عمل طبيعي في نظام حياتك، لو مش مخصص له وقت وطريقة وبتدخل نفسك فيه= مش هتعرف تمارسه، تماما زي العضلة اللي مش بتستعملها أغلب الوقت لغاية ما تضمر. جرب كده تتعامل مع الدعاء وكيفية الدعاء والتذلل لله في الدعاء...إلخ بنفس الطريقة اللي اتعلمت بيها تقول إيه في الانترفيو، وتكتب إيه في السي في، وتلوي لسانك انجليزي وتدخل تلاتين اربعين كلمة أجنبي في وسط كلامك عشان تبان انك شغال في مكان مالتي ناشونال، وتقلعي الحجاب وتمشي بشعرك عشان ميكونش ظاهرلِك أي هوية دينية في بيئة العمل وتعرفي تقعدي على ترابيزة عليها خمور بدون حرج ...إلخ. كل ده "روتين" ونمط حياة انت دخلت نفسك فيه واحدة واحدة وشوية بشوية لغاية ما بقيت تستغرب نفسك لو معملتوش، تلاقي نفسِك تحسي بالاحراج لو غطيتي شعرك ودخلتي جامع تعملي شبه المسلمين، تحس إنك مثير للضحك لو قلت لفظ بالعربية الفصحى وغرضك كلام جاد مش هزار ... نفس الحكاية في الدعاء؛ انت لو متعود تجيب سيرة ربنا في كلامك أغلب الوقت وطول مانت قاعد تقول ذكر معين او تصلي عالنبي أو غيرها من "شغل الدروشة بتاع الناس اللوكال"= فساعتها هتلاقي نفسك في موسم أهم عبادة فيه هي الدعاء زي يوم عرفة ده هتلاقي نفسك عارف تعمل ايه كويس من غير ما حدّ يشرحلك. انت واخد موضوع الدعاء ده على انه عمل متعلق بالجماعة العواجيز كبار السن ومعاتيه التصوف البدعي بتوع الحسين والمساجد ذات الأضرحة أو حتى المتدينين اللي بيحضروا دروس علم شرعي ... وده غلط، ده مش حقيقي، الدعاء ده عمل تعبدي زيه زي الصلاة تمام. محتاج تمارسه وتقوم بيه وتملأ بيه يومك عشان لسانك يعرف ياخد عليه، ده اللي هيخليك قادر تدعي ربنا بشكل طبيعي وذهنك يفضل حاضر بالحاجات اللي عاوز تلح على ربنا وتهين نفسك أمام ربنا وتذل نفسك أمام ربنا عشان ترجوه يستجيبها لك، والذل والافتقار والخضوع= كل دي معاني لا يمكن يعرفها عقل مادي علماني حريص يتعامل مع ربنا بنديّة ويملي عليه ما يجب ومالا يجب في حقه على طريقة: معقولة ربنا الكبير العظيم يحاسبني عشان الموضوع الفلاني التافه ده؟، معقولة ربنا الجميل الرحيم يغضب مني عشان بترحم على فلان الغير مؤمن بيه ده؟ ...إلخ من الترّهات. امسك الكتاب الصغير ده، من أول صفحة 162، وحاول تستعمله في الدعاء النهارده وتكمل عليه بما تريد من حاجات الدنيا لطلب الخير ودفع الشر، دا مجرد مثال بسيط: https://cutt.ly/zmBDJT6 كل كلمة في الأدعية دي قالها النبي صلى الله عليه وسلم، بسند صحيح ومتواتر، جرب كده تقول الكلام ده وتكرره، هتلاقي حاجات كتيرة منه انت بالفعل عارفها من أيام زمان، خصوصا لو كنت بتسمع للشيوخ الوحشين اللي اختفوا من الساحة حاليا والحمد لله دلوقت بننعم ببركات غيابهم وأكيد وضعنا دينيا بقى أحسن بمراحل عمّا كنا عليه معهم زمان. سيبك من الأوراد الصوفية وافتكاسات الصلاة النارية والصلاة الهيدروجينية والهري المصري الجميل ده، خليك في الدعاء السهل البسيط المفهوم لفظه ومعناه، انت بقالك كتير مش بتعرف تنطق جملة عربي من غير ما تحشر فيها أربع خمس مصطلحات انجليزي، فمالوش لازمة تزود المعاناة على نفسك. تقبل الله منا ومنكم.

https://www.youtube.com/live/UCPcl4oYaiM تابعوا البث المباشر لمناسك الحج من هنغ