ስውር ቁልፎች

🔈#ይነበብ ወጣቶችን ወስደው ምንድነው የሚያሰሯቸው ? በኦንላይን ወይም በደላሎች አልያም በኤጀንሲዎች " እዚህ ሀገር ጥሩ ስራ አለ ፤ ክፍያውም ከፍ ያለነው " ተብለው ብዙ ወጣቶች ከተለያዩ ሀገራት ይዘዋወራሉ። ለአብነት ያህል ወጣቶች ከሚዘዋወሩባቸው ሀገራት መካከል የሳይበር ማጭበበር ( Cyber Scam) ማዕከላት ተብለው ወደ ሚታወቁት ፦ • ማይናማር ፣ • ካምቦዲያ፣ • ላኦስ • ማይናማር ታይላንድ ድንበር • ቻይና ማይናማር ድንበር በዋነኝነት ይጠቀሳሉ። እነዚህ አካባቢዎች ባሉ የተለያዩ ቦታዎች በኦንላይን ማጭበርበር ላይ የተሰማሩ በርካታ ድርጅቶች አሉ። በእርግጥ መጀመሪያ ላይ ወጣቶቹን " እልካችኋለን " የሚሏቸው ሌሎች በኢኮኖሚና ደህንነት እጅግ ጠንካራ ፣ ጠንካራ ባይሆኑም እንኳን ያን ያህል የከፋ ሁኔታ ላይ ወደማይገኙ ሀገራት ነው። እዛ ቦታ ከደረሱ በኋላ ግን የሚልኳቸው ወደ ጎረቤት ድሃ እና የህግ ስርዓት ወዳልጠነከረባቸው ሀገራት ይሆናል። የሚሰራው ማጭበርበር ምንድነው ? ስራ ብለው የሚልኳቸው መጀመሪያ ፦ - የኦላንይ ግብይት ስራ ማቀላጠፍ - የኦንላይን ሴልስ ስራ - የሆቴል እንግዳ ተቀባይ - የማርኬቲንግ ስራ ... ሌላም ሌላም ነው። ነገር ግን ስራ አለበት ወደ ተባለው ስፍራ ሲሄዱ የሚሰሩት ስራ መጀመሪያ ላይ ከተነገራቸው ተቃራኒ ነው። የየራሳቸው ጋንግ አለቆች ባላቸው እጃቸውም ረጅም በሆኑ ሰዎች በሚመሩ የማጨበርበር ተግባር ላይ ወደ ተሰማሩ ድርጅቶች ያስገቧቸዋል። እነዚህ ሰዎች ስልክ / ኮምፒየተር የሚያቀርቡላቸው ሲሆን በዛም ዓለም አቀፍ የማጨበርበር ስራ ላይ ያሰማሯቸዋል። 🔴 ዴቲንግ 🔴 የመጀመሪያ ስራቸው ከኢንተርኔት ላይ ውብ የሆኑ ሴቶችን / ስኬታማ ሴቶችን / ስኬታማ ወንዶችን ታዋቂ ሰዎችን ፎቶ በማውረድ የውሸት አካውንት መክፈት ነው። በመቀጠል የሚያጭበረብሩትን ሰው ማናገር ይጀምራሉ። ምናልባትም በቅርብ የሚያውቋቸውን ሰዎችንም ሊሆን ይችላል። እነዛን ሰዎች ልክ እንደ ኖርማል ሆነው ያለ ማቋረጥ ጊዜ ወስደው ያናግሯቸዋል። የትኛውንም ጊዜ ይፍጅ ማናገራቸውን ይቀጥላሉ። ስለ ውሸት ስራቸው፣ ስለ ህይወታቸው እየፈጠሩ ያወራሉ። በዚህ ውስጥ ምንም ምልክት አያሳዩም። ወደ ፍቅር ከወሰዷቸውና ከጣሏቸው እምነትም ካገኙ በኃላ መጨረሻው ወደሆነው ዓላማቸው ገንዘብ ማስላክ ይገባሉ። " ለምን እኔ ምሰራው ስራ ላይ ኢንቨስት አታደርም / አታደርጊም " በማለት ለምሳሌ ክሪፕቶ  ላይ ብለው ገንዘብ ይቀበላሉ። በቃ አለቀ ! ገንዘባችሁ ተበልቶ ይቀራል። በኃላም ብሎክ አድርገው ይሸኟችኋል። ቀጣይ ሌላ ሰው ታርጌት ያደርጋሉ። ወጣቶቹ ይሄን ካላደረጉ ምናልባትም ኢ-ሰብአዊ ቅጣት ሊፈጸምባቸው ይችላል። ⚫️ በጎ አድራጎት ⚫️ የውሸት ማንነት ፎቶ ተጠቅመው አካውንት ከፍተው (ሴትን በወንድ ወንድ ደግሞ በሴት ማንነት) አንድ ታርጌት ያደረጉትን ሰው ረጅም ጊዜ ያናግሩ እና ለእርዳታ / ለእርዳታ ድርጅታቸው ገንዘብ ድጋፍ እንዲያደርጉ ያሳምኗቸኣል። እነዛ ሰዎች ላይ እምነት የጣሉባቸው ተጨበርባሪዎች በሀዘን ተሰብረው ገንዘባቸውን ይልካሉ። ቀልጦ ይቀራል። ብሎክ ይደረጋሉ። 🟡 ባለሃብት መምሰል 🟡 የውሸት ማንነት በመፍጠር ፣ ፎቶዎችን በመጠቀም በኦንላይን ሰው ያናግራሉ። እንዲታመኑ ረጅም ጊዜ ሊወስዱም ይችላሉ። ሰዎቹ ካመኗቸው በኃላ ገንዘባቸውን በጋራ አፍስሰው ስለሚሰሯቸው ስራዎች በማናገር ገንዘብ ያስልካሉ። ከዛማ ቀልጦ ይቀራል። ብሎክ ያደረጋሉ ! 🟤 ደንበኞችን ማነጋገር 🟤 ይህም በተመሳሳይ በሀሰተኛ ማንነትና ስራ ከተለያዩ ሰዎች እያነጋገሩ በማጭበርበር ገንዘብ መቀበል ነው። ለምሳሌ ፦ እቃ የሚሸጡ አስመስለው ብር ካስላኩ በኋላ የውሃ ሽታ ሆነው ይቀራሉ። 🔵 ' ኮሜንት/ሬት በማድረግ ገንዘብ አግኙ ' 🔵 እነዚ አጭበርባሪዎቹ የውሸት ማንነት ተጠቅመው በቴሌግራም ፣ ዋትስአፕ ወይም በሌላ መንገድ ተጠቅመው የሚያጭበረብሩትን ሰው ማናገር ይጀምራሉ። " ጎግል ላይ ግቡና ስለዚህ ድርጅት ጥሩ አስተያየት ጻፉ ይከፈላችኋል " ይላቸዋል። ከዛም የመጀመሪያውን ክፍያ በመፈጸም እምነት ያሳድራሉ። " ይሄን ያህል ብር ከላካችሁ ይሄን ያህል ታገኛላቹ " በማለት የሰዎቹን ማንነት ይገመግማሉ። እስከዛ ድረስ ግን ገንዘብ መላካቸውን አያቆሙም። የሚጭበረበረው ሰው ብዙ ብር ካስላኩት በኋላ የውሃ ሽታ ይሆናሉ። በተጨማሪም ... እንደ ፖሊስ፣ደህንነት፣ ባንክ ሰራተኛ ፣ እንደ ድርጅት ኃላፊ ሆነው የሚያስመስሉ አጭበርባሪዎችም አሉ። ስራውን የሚሰሩት ሰዎችም ተጠቂዎች ናቸው። ስራውን ካልሰሩ አሰቃቂ ጥቃት ሊደርስባቸው ይችላል። እንደ ባሪያ ለረጅም ሰአትም ያሰሯቸዋል። እንደ ቅርብ ጊዜ ሪፖርት ፥ በማይናማር፣ ካምቦዲያ፣ ላኦስ፣ ቻይና በመሳሰሉ ሀገራት ከ300 ሺህ በላይ ሰዎች በኦንላይ ማጭበርበር ላይ ተሰማርተዋል። ስራዎቹንም የሚያሰሯቸው ሰዎች እጃቸው በጣም ረጅም ነው። #TikvahEthiopia #CyberScam @tikvahethiopia

ሕይወት ሁለት ተቃርኖ በአንድ የሚያጋምዳት፣ የሁለት ተቃራኒ ገጸ ባህሪ ነጸብራቅ ናት።  እግዚአብሔር በዚህ ሁሉ የሕይወት ልዩ ልዩ መልክ ውስጥ ለዘለአለማዊ አጀንዳው ጽኑ ነው። ግሩምም ስውር ሰፊ ጥበበኛ እጅም አለው፤ በሕይወታችን የሚሆነውና የሚሆንብን፣ የሚመጣውና የሚሄደው ፣ መልካሙና ክፋው የሰውና የጊዜ መልክ ለምን? እንደሆነ ህልምም፣ ድራማም፣ የሚያልፍ እና የሚለወጥ ባይመስልም እግዚአብሔር ግን ለራሱ ክብርና ለሌሎች መታነጽ አድርጎ በሕይወታችን አስደናቂ ታሪክን ይፈጥራል። በዚህ ሁሉ ውስጥ ግን ሁኔታዊ ያልሆነን የእግዚአብሔርን ፍቅርና ምህረት ብቻ እናያለን። ምንተስኖት መኩሪያ

ክፉ ቅናት እንደካንሰር ያለ በሽታ ነው። ቀስ በቀስ ውስጣችንን እየጨረሰ የሚገለን። በዋናነት እኛን ከዚያም ሌሎችን የሚጎዳ ክፉ ሥር ነው። የእኛንም የሌሎችንም እድገት የሚገታ ነቀርሳ ነው። ምንተስኖት መኩሪያ እንድታነቡት ጋበዝኳችሁ!

"እውነት ለጊዜው ትደበቃለች እንጂ አትሞትም።"

በማሕበራዊ ትስስር ድረ ገጾች ከምንታዘባቸውና ለትዝብት ከተጋለጥንባቸው ክስተቶች አንዱ በእነዚሁ መገናኛ መንገዶች የሚጋሩ ጽሑፎቻችን፣ አስተያየቶቻችን፣ ጥያቄዎቻችን፣ ትችቶቻችን፣ አገልግሎቶቻችን እና ክርስቲያናዊ ግብረ-ገባችን መስሎ ይታየኛል። የአንድ ነገር ልኩና መለኪያው ሲዛነፍና ልኬት በመመዘኛው ካልሆነ የሚያመጣው ውጤት የየግል እምነት፣ መርህ፣ አረዳድና ነገረ ትርጓሜ መሆኑ አይቀሬ ነው። የሁሉ ነገር መለኪያችን የሕያው የእግዚአብሔር ቃል ብቻ ሊሆን ይገባል። ይህንንም በጽኑ አምናለሁ። እንደ ባለአእምሮ ማሰብንም እቀበላለሁ። የግል ፍላጎቶች፣ ድብቅ ፍላጎቶች፣ የየራስ እውቀትና አረዳድ፣ እኛ የምንወደው፣ የእኛ... የሚሉ ሚዛኖች በቃለ እግዚአብሔር ቢፈተሹና ቢቃኙ መልካም ነው። ከቃለ እግዚአብሔርም በልጠውብን እንዳይሆን መመርመሩ ያድነናል። እግዚአብሔር የውስጠ ምክንያት አምላክ ነው። #ሁሉን እንደቃሉ! #ሁሉን ለእግዚአብሔር ክብር! #ሁሉን አካሉን ለማነጽ! #ሁሉን በፍቅር! #ሁሉን ለእግዚአብሔር መንግስት! #ሁሉን ወንድሞችን ለማቅናት! እንሁን! እናድርግ! እግዚአብሔር ልባችንን ይፈውስ! የልብ አንድነትንም ያድለን! ምንተስኖት መኩሪያ