nasafziyo.uz | Расмий

#Кун_ҳикмати

Кун одами бўлишга эмас, ҳақиқат одами бўлишга ҳаракат қилинг. Чунки, кун ўзгаради, ҳақиқат эса ўзгармайди... Жалолиддин Румий.

🤩 @nasafziyo 🌟 @nasafziyo

НЕЪМАТНИ КЎПАЙТИРИШНИ ИСТАШ НОШУКРЛИКМИ? #шукр ❓ 2227-САВОЛ: Инсон ўзи эришиб турган даражадан янада юқорироғига интилиши ношукрлик ҳисобланадими? Масалан, дўконимни кенгайтириш, ишчилар сонини кўпайтириш ва тизимни янада ривожлантиришни истайман. Шундай ҳолатда ҳозирги неъматларга ношукрлик қилган бўламанми? Шу ҳақда тўлиқ тушунча берсангиз. 💬 ЖАВОБ: Бисмиллаҳир Роҳманир Роҳим.  Бундай қилиш ношукрлик бўлмайди. Аввало шукрнинг ҳақиқатини аниқлаб олсак. Уламоларимиз шукрни уч нарса билан таърифлаганлар: неъматни Аллоҳ таолодан деб эътиқод қилиш, тил билан Унга ҳамд айтиш ва ўша неъматни Ул зот рози бўладиган йўлда ишлатиш. Демак, шукр – бор имконият билан чекланиб, тўхтаб қолиш эмас, балки уни ўз ўрнида ишга солишдир. Ношукурлик эса бунинг акси: неъматни менсимаслик, “менда арзирли ҳеч вақо йўқ” деб ҳисоблаш ёки уни ўз ақлим ва кучим билан топдим деб билиш, Аллоҳнинг тақсимотидан кўнгли тўлмай нолиш ёхуд бошқанинг қўлидагига ҳасад қилиш. Сиз айтаётган нарса эса булардан бирортаси ҳам эмас. Сиз сўраган нарса ношукрлик эмаслигини Қуръони каримнинг ўзи кўрсатиб турибди. Аллоҳ таоло: “Қасамки, агар шукр қилсангиз, албатта, сизга зиёда қилурман” (Иброҳим сураси, 7-оят), деб зиёдани шукрнинг мукофоти қилиб қўйган. Агар кўпайтириш ношукрлик бўлганида, шукрнинг ажри кўпайиш бўлмас эди. Саҳобаи киромлар ичида Усмон ибн Аффон ва Абдураҳмон ибн Авф розияллоҳу анҳумо каби катта савдогарлар бўлган. Аллоҳнинг Расули уларни бу ишдан қайтармаганлар, аксинча: “Солиҳ кишининг қўлидаги ҳалол мол нақадар яхшидир!”, деб марҳамат қилганлар. (Имом Аҳмад ривояти). Шуни таъкидлаш керакки, ишларни кенгайтириш билан биргаликда зиммамиздаги мусулмонлик бурчларини ҳам унутмаслигимиз лозим. Аллоҳ таоло Қуръони каримда бундай марҳамат қилган: رِجَالٌ لَا تُلْهِيهِمْ تِجَارَةٌ وَلَا بَيْعٌ عَنْ ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ “Кишилар бордирки, уларни на тижорат ва на савдо (ишлари) Аллоҳнинг зикридан, намозни баркамол адо этишдан ва закот беришдан чалғита олмас. Улар диллар ва кўзлар изтиробга тушиб қоладиган кун (қиёмат)дан қўрқурлар” (Нур сураси, 37-оят). Шунинг учун қуйидагиларга эътибор бериш лозим: ишни деб намоз ва диний вазифаларингиз қолиб кетмасин, келаётган мол-дунёнинг ҳалоллиги назардан қочмасин, закот ва садақа ўз вақтида адо этилсин, ишчиларнинг ҳаққи поймол бўлмасин, кенгайтириш “фалончидан ўтай” деган мақсад билан эмас, ўзи ва ўзгаларга кўпроқ фойда етказиш нияти билан бўлсин. Мана шундай қилсангиз, Аллоҳ таоло ишларингизга барака беради ва икки дунё саодатига эришасиз, иншааллоҳ. Валлоҳу аълам. Ўзбекистон мусулмонлари идораси Фатво маркази. 🤩 https://t.me/Ustoz_Rahmatillo_domla

Абдуллоҳ ибн Аббос розияллоҳу анҳумо айтадилар: «Яхшилик (тоат) таъсирида юзда зиё, қалбда нур, баданда қувват, ризқда кенг-мўллик, халқлар қалбида муҳаббат ҳосил бўлади. Ёмонлик (маъсият) таъсирида эса юзда қоралик, қалбда зулмат, баданда заифлик, ризқда танглик, халқлар қалбида нафрат ҳосил бўлади». Telegram | Facebook | Instagram | Youtube | nasafziyo.uz 🎩 https://t.me/Ustoz_Rahmatillo_domla

#Ҳидоят_таваллуди Рубаййиъ бинти Муаввиз розияллоҳу анҳога: «Бизга Расулуллоҳ соллаллоҳу алайҳи васалламни васфлаб беринг», деб айтилди. Шунда саҳобийя онамиз: «Болагинам, У зотни кўрганингда эди, порлаб турган қуёшни кўрган бўлардинг», дедилар. Имом Доримий ривоят қилган. Telegram | Facebook | Instagram | Youtube | nasafziyo.uz 📖https://taplink.cc/nasafziyo.uz

ТАЙЁРЛАБ БЕРИЛГАН

УСТОЗ ЗАЙНИДДИН ДОМЛА ЎМИ РАИСИ ЎРИНБОСАРИ, УЛАМОЛАР КЕНГАШИ АЪЗОСИ

↪️ ВИДЕОНИ УЛАШИНГ 📷Instagram 🔵Facebook 🎬Youtube 🚀Telegram

#Bosh_imom_minbari Энг яхши хулқ

🎙Раҳматилло домла Усмонов - Ўзбекистон мусулмонлари идорасининг Қашқадарё вилоятидаги вакили, вилоят бош имом-хатиби.

https://t.me/joinchat/AAAAAFLbtImNQqKWruwBuA https://t.me/Ustoz_Rahmatillo_domla

#Дуо Аллоҳ таоло Иброҳим алайҳиссаломнинг ушбу дуоларини Қуръонда зикр қилади: رَبِّ اجْعَلْنِي مُقِيمَ الصَّلَاةِ وَمِنْ ذُرِّيَّتِي رَبَّنَا وَتَقَبَّلْ دُعَاءِ Роббижъалнии муқимас солати ва мин зурриййатии. Роббанаа ва тақоббал дуаа'. «Эй Роббим! Мени ҳам, зурриётимдан бўлганларни ҳам намозни тўкис адо этувчи қилгин. Эй Роббимиз! Дуоимни қабул этгин» (Иброҳим сураси, 40-оят). Улашинг: @nasafziyo

✨ Ассалому алайкум ва роҳматуллоҳи ва барокатуҳ! 🌱Хайрли тонг! Аллоҳ таоло бугунги кунингизни хонадонингизга файз, қалбингизга хотиржамлик ва танангизга соғлик-омонлик бериш билан бошласин. Сиз бошлаган ҳар бир хайрли ишда Ўзи мададкор бўлсин. 📖 Тонгги ҳикмат: Шукр қилинган неъмат зиёда бўлур, шикоят қилинган неъмат эса қўлдан чиқур. Кунимизни шукр ва зикр билан бошлайлик. 📿 Кунлик зикр: «Алҳамдулиллаҳиллазий аҳяна баъда ма аматана ва илайҳин нушур». (Бизни вафот эттиргандан кейин қайта тирилтирган Аллоҳга ҳамд бўлсин. Қайтиш Унинг ҳузуригадир). Telegram | Facebook | Instagram | Youtube | nasafziyo.uz 💭https://taplink.cc/nasafziyo.uz

#muftiy_minbari Аллоҳни рози қиладиган амаллар 🎙 Шайх Нуриддин Холиқназар ҳазратлари Telegram | Facebook | Instagram | Youtube | nasafziyo.uz 📖https://taplink.cc/nasafziyo.uz

#xabar #muftiy #anjuman #tafsilot 🌙 ЖИДДА АНЖУМАНИ ТАФСИЛОТЛАРИ ✅ Ўзбекистон мусулмонлари идораси Матбуот хизмати 📱 OBUNA BO'LING ✅ VA ULASHING🗣 ✈️Telegram  📱Instagram  💬Facebook   ▶️Youtube

#ЯНГИЛИКЛАР_ВАҚТИ

🗣Шаҳрисабздаги "Оқ масжид" жомесининг янги биноси қурилиши бошланди

Ушбу масжиднинг янги биноси қад ростлаши натижасида ҳудуд аҳолиси ва масжид қавми учун янада кенг, қулай ва замонавий шароитлар яратилади... ➡️ Батафсил

🗣Хушхабар: Хожа Бухорий таълим муассасаси мудири илмий даражага эга бўлди

Ўткир Ғузаров Қарши давлат университети ҳузуридаги Илмий кенгашда "Педагогик жараёнда Бурҳониддин ан-Насафийнинг дидактик ғояларини тизимлаштириш механизмлари" ("Гўзал хулқлар" асари мисолида) мавзусидаги диссертация ишини муваффақиятли ҳимоя қилди... ➡️ Батафсил

🗣Диний таълим соҳасидаги халқаро ҳамкорлик кенгаймоқда

Тошкент ислом институти ректори, тарих фанлари бўйича фалсафа доктори (PhD) Уйғун домла Ғафуров, Мир Араб олий мадрасаси проректори Учқун Авлиёқулов ва мазкур олий мадрасанинг «Диний фанлар» кафедраси мудири Нарзулло домла Аҳмедовдан иборат юртимиз диний таълим муассасалари вакиллари Россия Федерациясида бўлиб, бир қатор нуфузли халқаро анжуман ва учрашувларда иштирок этди... ➡️ Батафсил

🗣Имом Бухорий мажмуаси яқинида беш юлдузли биринчи меҳмонхона очилди

...240 ўринли “Hadith Hotel” индонезиялик инвесторлар билан ҳамкорликда барпо этилган бўлиб, Имом Бухорий мажмуаси атрофидаги жойлаштириш воситаларининг энг йириги, шу билан бирга, илк беш юлдузли меҳмонхона ҳисобланади... ➡️ Батафсил

🗣Бухородаги "Сайфиддин Бохарзий" масжидида янги таҳоратхона фойдаланишга топширилди

...Мазкур иншоот бир вақтнинг ўзида 70 нафаргача намозхонга хизмат кўрсатиш қувватига эга. Шунингдек, унда имконияти чекланган фуқаролар учун махсус жиҳозланган 4 та алоҳида хона ҳам ташкил этилган... ➡️ Батафсил

🗣Бош имом масжидлардаги бунёдкорлик жараёни билан танишди

Наманган вилояти бош имом-хатиби, Уламолар кенгаши аъзоси Абдуллоҳ домла Саматов Поп туманидаги «Якка тут» ҳамда Мингбулоқ туманидаги «Гулбоғ» жоме масжидларида бўлди... ➡️ Батафсил #yangiliklar 📝Баҳриддин Хушбоқов ✅ Ўзбекистон мусулмонлари идораси Матбуот хизмати 📱ISHONCHLI VA RASMIY MANBA📲 OBUNA BO'LING ▶️ YouTube | 📷Instagram | 🔵 Facebook

#Видео #ҳақ 📹 Синдирилган идишни қандай тўлаб берилади? 🎙 Аббосхон домла Қосимов

Ўзбекистон мусулмонлари идораси Фатво маркази мутахассиси

👨‍💻 Тўлиқ ҳолда кўриш ✅ Улашинг: @nasafziyo

#Намоз_вақтлари ҚАШҚАДАРЁ ВИЛОЯТИ  07.09.2026 йил ҳолатида

🕋 Бомдод 05:35; 🕋 Пешин 13:00; 🕋 Аср 17:10; 🕋 Шом 19:05; 🕋 Хуфтон 20:35.

📖«Албатта, намоз мўминларга вақтида фарз қилингандир». (Нисо сураси, 103-оят). 🔑Жаннатнинг калити намоз, намознинг калити таҳоратдир". (Ҳадис). عَنْ أَبِي حُمَيْدٍ أَوْ أَبِي أُسَيْدٍ رَضِيَ اللهُ عَنْهُ، عَنِ النَّبِيِّ صلى الله عليه وسلم قَالَ: «إِذَا دَخَلَ أَحَدُكُمُ الْمَسْجِدَ فَلْيُسَلِّمْ عَلَى النَّبِيِّ صلى الله عليه وسلم، ثُمَّ لِيَقُلِ: اللَّهُمَّ افْتَحْ لِي أَبْوَابَ رَحْمَتِكَ، فَإِذَا خَرَجَ فَلْيَقُلِ: اللَّهُمَّ إِنِّي أَسْأَلُكَ مِنْ فَضْلِكَ». رَوَاهُ مُسْلِمٌ وَأَبُو دَاوُدَ وَالنَّسَائِيُّ. «Набий алайҳис-салом: «Қачон сизлардан бирортангиз масжидга кирса, Набий алайҳис-саломга салом берсин. Сўнгра: «Аллоҳумма ифтаҳ лий абваба роҳматика», – десин. Чиқаётганида: «Аллоҳумма инний асъалука мин фазлика», – десин», – дедилар». Telegram | Facebook | Instagram | Youtube | nasafziyo.uz 🎩 https://taplink.cc/nasafziyo.uz

#siyrat_suhbatlari 📿 ЁШЛАРГА РАСУЛУЛЛОҲНИНГ ﷺ ҚАЙСИ ВАСИЯТЛАРИНИ ЭСЛАТГАН БЎЛАРДИНГИЗ? 👤Юнусхон домла Мамарасулов 👤Раҳимберди домла Раҳмонов 👤Яҳё домла Абдураҳмонов Ўзбекистон мусулмонлари идораси Матбуот хизмати. #rasulullohni_sogingan_ummat (2-қисм) Telegram | Facebook | Instagram | Youtube | nasafziyo.uz 📖https://taplink.cc/nasafziyo.uz

#xabar #muftiy #anjuman #sauida 🌙 Муфтий ҳазрат Саудия Арабистонидаги нуфузли халқаро анжуманда иштирок этмоқдалар ⏺Бугун, 7 сентябрь куни мусулмон дунёсининг энг нуфузли илмий муассасаларидан бири — Халқаро Ислом фиқҳи академияси томонидан Жидда шаҳрида халқаро конференция ўз ишини бошлади.

🌙Ушбу нуфузли анжуманда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари мазкур давлатлараро мақомга эга ташкилот аъзоси сифатида иштирок этмоқдалар.

🌙 Илмий-фиқҳий кенгашда мусулмон оламининг кўзга кўринган уламолари, академияга аъзо давлатларнинг муфтийлари, етакчи фатво кенгашлари раҳбарлари, Ал-Азҳар сингари йирик илм даргоҳларининг олимлари ҳамда нуфузли тадқиқот марказлари профессорлари қатнашмоқда.

💬Сўзга чиққан нотиқлар хотин-қизларни ҳар қандай шаклдаги тазйиқ, зўравонлик ва камситишлардан ҳимоя қилишда дин пешволари ҳамда уламоларнинг ўрнини ошириш, оилавий қадриятларни мустаҳкамлаш ҳамда зўравонликка қарши муросасиз муҳитни шакллантиришда илмий-шаръий манбаларнинг аҳамияти ҳақида нутқ қилмоқдалар. Шунингдек, Ислом дини аёллар ҳуқуқлари, шаъни ва қадр-қимматини юксак даражада қадрлашини тарғиб қилишга алоҳида урғу қаратмоқдалар.

➡️Анжуман тафсилотларини тармоқларимизда кузатиб боринг. ✅ Ўзбекистон мусулмонлари идораси Матбуот хизмати 🌐 MUSLIM.UZ GA 📲 OBUNA BO'LING ✅ VA ULASHING🗣 ▶️ YouTube | 📷Instagram | 🔵 Facebook

#xabar #diniy_talim 📢 ДИНИЙ ТАЪЛИМ МУАССАСАЛАРИДА ЯНГИ ЎҚУВ ЙИЛИ БОШЛАНДИ  

📚 Бугун, 7 сентябрь куни Ўзбекистон мусулмонлари идораси тасарруфидаги ўрта махсус диний таълим муассасаларининг барча курслари ва олий диний таълим муассасаларининг 1-курс талабалари учун янги 2026-2027 ўқув йили бошланиши муносабати билан “Ягона Ватан, ягона халқ бўлиб, янги ҳаёт ва келажак яратамиз!” шиори остида очилиш тадбирлари бўлиб ўтди.

✅Мазкур маросимларда Дин ишлари бўйича қўмита, Ўзбекистон мусулмонлари идораси, ҳудудий ҳокимлик масъуллари, диний таълим муассасалари раҳбарлари, бош имом-хатиблар, ўқитувчи ва талабалар иштирок этди. 📖 Тадбирлар Қуръони карим тиловати, хайрли дуолар ва давлат мадҳияси билан бошланди.

💡 Сўзга чиққан мутасаддилар барчани мустақиллигимизнинг 35 йиллиги ва янги ўқув йили бошланиши билан қутлади. Юртбошимиз томонидан диний-маърифий соҳага алоҳида эътибор қаратилаётгани, хусусан, яқинда ҳам бир гуруҳ уламолар “Имом Бухорий” ордени билан тақдирлангани ёрқин далил экани алоҳида таъкидланди. Шунингдек, жорий йилда Тошкент ислом институтини илк магистрлар тамомлагани, эндиликда докторантура ташкил этилиши режалаштирилаётгани ҳам айтиб ўтилди.

📝 Шу билан бирга, диний таълим муассасалари фаолияти йилдан-йилга такомиллашаётгани, жумладан, ўқув дастурлари замон талабига қараб янгилаб борилаётгани, кириш имтиҳонлари электрон тест шаклида ўтказилиб, энг муносиб талабалар саралаб олинаётгани, мударрис ва талабаларга ҳар жиҳатдан шароитлар ҳозирланаётгани, ана шундай имкониятлардан унумли фойдаланиб, талабалар астойдил ўқиб-ўрганиб, яхши мутахассис бўлишга ҳаракат қилиши лозимлигига урғу қаратилди. 💭 Тадбирлар давомида диний таълим муассасаларига ўқишга янги қабул қилинган талабалар ҳам сўзга чиқишди.

🎁 1-курс талабаларига Ўзбекистон мусулмонлари идораси раиси, муфтий Шайх Нуриддин домла Холиқназар ҳазратлари номидан эсдалик совғалари улашилди.

🤲 Якунда Ҳақ таолодан элу юртимиз тинчлиги ва фаровонлиги, мустақиллигимиз абадий бўлиши ҳамда янги ўқув йили хайрли ва манфаатли кечишини сўраб хайрли дуолар қилинди. 🇺🇿 Шундан сўнг ўқув хоналарида “Мустақиллик дарслари” бошланди. ✅ Ўзбекистон мусулмонлари идораси Матбуот хизмати 🌐 MUSLIM.UZ GA 📲 OBUNA BO'LING ✅ VA ULASHING🗣 ▶️ YouTube | 📷Instagram | 🔵 Facebook

ФАРЗАНДЛАРИМИЗГА НАСИҲАТ ҚИЛИБ ТУРАЙЛИК

УСТОЗ ЗАЙНИДДИН ДОМЛА ЎМИ РАИСИ ЎРИНБОСАРИ, УЛАМОЛАР КЕНГАШИ АЪЗОСИ

↪️ ВИДЕОНИ УЛАШИНГ 📷Instagram 🔵Facebook 🎬Youtube 🚀Telegram