🌹دګلونو ګېډۍ🌹

د مؤمنانو لۀ ميندو څخه د نبي عليه السلام پسې نزدې چې وفات شوه هغه زينب بنت جحش وه. دا د نبي عليه السلام د عمه (أميمة) لور وه. لومړی د زيد بن حارثة پۀ نکاح کې وه. خپله به يې ويل: زما نکاح لۀ اوۀ اسمانونو بره اللّٰه تعالیٰ تړلې ده. دليل د احزاب ۳۷ اية. نوموړې بي بي د عمر رضي اللّٰه عنه پۀ دوره کې وفات شوه. 📖 زاد المعاد (۱ج/۱۰۵، ۱۱۰)

مسکین ته د خیرات ورکولو پر مهال داسې فکر مه کوه چې ته د هغه دنیا جوړوې؛ بلکې داسې فکر وکړه چې هغه ستا آخرت جوړوي. ځکه هغه ستا د مال محتاج دی، خو ته د هغه د دعا او د الله تعالی د اجر محتاج یې. ستاسې په نظر، صدقه د چا لپاره ډېره ګټه لري؛ ورکوونکي ته که اخیستونکي ته؟

ثابت البُناني رحمه الله انس رضی الله عنه ته وویل: دواړه سترگې دې رانږدې کړه چې ښکل يې کړم، په کومو چې دې رسول اللهﷺليدلی دی. الجامع لأخلاق الراوي / الخطيب البغدادي (١/ ١٩٠)

رسول اللهﷺ فرمایی! الله تعالی ځیني فرضونه مقرر کړي، نو مه یې ضایع کوئ؛ ځیني حدود یې ټاکلي، نو مه ترې اوړئ؛ ځیني شیان یې حرام کړي، نو مه یې ماتوئ؛ او د ځینو شیانو په اړه یې د هېرېدو لامله نه، بلکي د رحمت لکبله چوپتیا غوره کړې، نو په هغوی پسي پلټنه مه کوئ. (صحیح المسلم)

رسول اللهﷺ فرمایی! څوک چې د ماخوستن لمونځ په جماعت ادا کړي، داسي دی لکه نیمه شپه چې یې په عبادت تېره کړې وي. (صحیح مسلم)

رسول اللهﷺ فرمایی. کله چې له تاسو څخه څوک هغه کس ته وګوري چې په مال یا ظاهري بڼه کې تر ده غوره دی، نو باید هغه کس ته هم وګوري چې تر ده کم دی. (متفق علیه)

که غواړې پوه سې چې له الله تعالی سره ستا د اخلاص کچه څومره ده، نو له ځانه وپوښته: ایا ته خوښوې چې ستا نېک عمل خلکو ته ښکاره سي؟ ایا غواړې چې نورو ته یې بیان کړې او خلک پرې خبرې کړې؟ ایا په دې عمل سره د خلکو رضا، ستاینه او تعریف غواړې، که یوازې د الله تعالی رضا او د آخرت کور؟ حسن بصري رحمه الله تعالی فرمایي: ما داسې خلک لیدلي چې خپل نېک عملونه یې پټول، لکه څنګه چې تاسې خپلې ګنا•هونه پټوئ...!

د زنکدن سختوالی د سړي د ښه او بد دلیل نه دی. ځکه عایشة رض. وایی چې تر پیغمبرﷺ ما د هیچا زنکندن سخت نه دی لیدلی.

حضرت ابوهُریرة رضی الله عنه خو به ښه پېژنئ! دا دده مبارک صحابي وطن او کلی دی. د رسول اللهﷺ لپاره یې کور. وطن. خپلوان او هر څه پرېښودل. او هلته په مسجد نبوي کې ورسره اوسېدی. ابو هُریرة رض. تر ټولو صحابه و زیات روایت کونکی دی او د دده مبارک حدیثونه تر ټولو ډېر دي چې د پیغمبر علیه السلام څخه یې را نقل کړي دي.

Photo from حافظ عزیراشنا

زموږ یوه استاد قصه کوله! یو چا به همېشه ویل چې زه د رسول اللهﷺ سره تر ټولو زیاته مینه لرم. آن له صحابه وو هم. نو یوه شپه یې خوب لیدی چې رسول اللهﷺ په یوه موټر کې سپور دی او د غونډۍ په طرف یې لوړ خېږوي. خو موټر شاته زورونه وهي. همدا کس یوې او بلې خوا ته ځغستل. چې یوه ډبره یا کاڼی پیدا کړي تر څو موټر شاته له ښویېدو ودروي. کله چې د هغې خوا یې تیږه په لاس کې راخیستې را روان و. نو ویې لیدل چې صحابه کرامو د موټر ټیرونو ته خپل سرونه ایښي دي. سمدستي پښېمان سو او ویې ویل چې زه غلط وم. صحابه کرام هغه خلک وه چې د دین په خاطر یې مال. کورنۍ. وطن او ټول خپلوان پرې یښې وه. صحابه کرام هغه خلک وه چې د خپلو وینو په قیمت یې دین او رسول اللهﷺ ساتی. صحابة کرام هغه خلک وه چې آن د رسول اللهﷺ لاړي مبارکې به یې لا ځمکي ته نه پرېښودلې او پر بدن به یې مښلې. صحابة هغه خلک وه چې د رسول اللهﷺ تویه سوې وینه به یې څښله او په ځان به یې ګډوله. همدا صحابه وه چې په خپلو قربانیو، وینو او سرښندنو یې موږ ته د اسلام دا ستر امانت راورساوه. صحابه خو صحابه وه. قربان یې سم🤍🫀

د اُحد ماښامنی. نن د جمعې مبارکه شپه ده، پر خپل محبوب رسول الله ﷺ ډېر درود شریف ووایاست. اللهم صلِّ وسلم وبارك على نبينا محمد ﷺ. رسول الله ﷺ فرمایلي دي: «پر ما د جمعې په ورځ او شپه ډېر درود ووایاست.

د محـراب سجده، د سهار د وروستیو شېـبو (اسـحارو) استغفار او د الله تعالیٰ سره د راز و نیاز او مناجات اوښکي؛ دا هغه ځانگړني دي چي یوازي مؤمنان پرې ویاړي او همدوی ئې څښتنان دي. استاذ محمد احمد الراشد کتاب: الرقائق

﴿أَيْنَمَا تَكُونُوا يُدْرِكْكُمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ﴾ هر چېرې چې یاست، مرګ به مو ومومي، که څه هم په کلکو ماڼیو کې یاست. [النساء: ٧٨] *موږ ټول په همدې لاره روان یو... توپیر یوازې دا دی چې څوک مخکې رسېږي او څوک وروسته.*

له ‌حضرت عائشې رضي الله عنها څخه روایت دی چې له حضرت رسول اکرم صلی الله علیه وسلم څخه مې واورېدل چې فرمایل یې: بېشکه مؤمن د خپلو ښو اخلاقو له امله د قائم اللیل (د شپې تهجد کوونکي) او د صائم النهار (د ورځې د پرلپسې روژه نیوونکي) درجې ته رسېږي. (رواه ابو داود)

رسول اللهﷺ فرمایی! داسي هېڅ ورځ نه راځي چې بندګان پکې سهار وکړي، مګر دا چې دوې پرشتې راکښته سي. یوه وایي: اې الله! هغه چا ته چې ستا په لار کې لګښت کوي، بدل او برکت ورکړه. او بله وایي: اې الله! پر بخیل او له خیر څخه پر منع کوونکي تاوان راوله. متفق علیه.

کله چې په کور کې مور او پلار درباندې وهل بند کړل نو پوه شه چې له دې وروسته وهل به زندګي درکوي. که نه یې پوه ، بیا یې ولوله...

څومره مبارک سفر. چې منزل یې مدینة منوّرة وي. رسول اللهﷺ فرمایی! څوک چې پر یوه قَسم بل قَسم وخوري، بیا وویني چې له هغه څخه بل کار غوره دی، نو هماغه غوره کار دې وکړي او د خپل قسم کفاره دې ادا کړي. (متفق علیه)

دعا د عبادت مغز جوړوي که له هر عبادت وروسته په اخلاص سره د رب په دربار کې د عبادت د قبولیت دعا وغواړې او د مشکلاتو د حل لپاره ورته زارۍ وکړې ، نو د عبادت خواري به رنګ راوړي او د دعا کیفیت به دې د زړه تیاره کونجونه روښانه کاندي.

د اخلاص او پر دین د ثابت پاته کيدو مرستندویه لاملونه: شیخ صالح الفوزان حفظه الله فرمایي: هغه اسباب چې انسان ته د اخلاص او پر دین د ثابت قدمۍ توفیق ورکوي، دا دي: د ایمان پیاوړتیا. د الله تعالی ډير ذکر کول. د قرآن کریم ډير تلاوت کول. د نېکانو ملګرتیا او له صالحو خلکو سره ناسته ولاړه. دا ټول د زړونو د ژوند او روښانتیا لاملونه دي. همدارنګه د الله تعالی ذکر کول، له بېځایه لوبو، غفلت او هر هغه څه څخه ځان ساتل غواړي چې انسان د الله له ذکره غافلوي. الله تعالی فرمایي: ﴿لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ ۚ وَمَنْ يَفْعَلْ ذَٰلِكَ فَأُولَٰئِكَ هُمُ الْخَاسِرُونَ﴾ ستاسې مالونه او اولادونه دې تاسې د الله له یاد څخه نه غافلوي، او څوک چې داسې وکړي، هماغوی تاوانیان دي...! (سورة المنافقون: ۹)