❤ملتقى طلاب الطب❤ (السودان)

Tissue Repair and Wound Healing يا جماعة بعد ال Cell injury وال Inflammation الاتشرحوا قبلنا عندي سؤال بسيط جداً لو الجسم اتخرب واتأذت الخلايا........... حيقعد يتفرج على الخرابة دي؟ 😂 طبعاً لا الجسم عندو قسم صيانة كامل 😂 والقسم ده هو موضوعنا اليوم Tissue Repair and Wound Healing يعني الجسم كيف يصلح ال tissue بعد ما يحصل ليهو injury أول حاجة لازم نعرف الفرق بين حاجتين Regeneration و Repair الـ Regeneration يعني الجسم يعوض الخلايا المفقودة بخلايا شبه الأصل فال tissue يرجع قريب من الطبيعي أما الـ Repair فالجسم ما بقدر يرجع النسيج زي الأول بصورة كاملة فيعمل نسيج بديل وغالباً يكون فيهو scar يعني ندبة كدا يعني بالمختصر المفيد كدا Regeneration = رجعنا الحاجة زي ما كانت Repair =ما قدرنا نرجعها عملنا ليها بديل 😂 طيب الجسم حيقرر يعمل شنو؟؟؟؟؟ الموضوع بيعتمد كتير على نوع الخلايا عندنا Labile cells دي بتتجدد باستمرار زي خلايا ال Skin Stable cells ما بتتقسم باستمرار لكن لو حصل injury ممكن تنقسم زي hepatocytes Permanent cells دي قدرتها على الانقسام ضعيفة جداً زي neurons و cardiac muscle cells وعشان كده لو حصل damage شديد في الخلايا دي ال regeneration بيكون محدود والـ scar formation ممكن يحصل طيب نجي للسؤال المهم ..... الجرح نفسه بيلتئم كيف؟ خلونا نتخيلو كأنو بيت ووقع 😂 الجسم ما بجيب العمال يبنو من أول دقيقة أول حاجة لازم يوقف المشكلة 1. Hemostasis يعني وقف النزيف الـ blood vessels يحصل ليها vasoconstriction والـ platelets تتجمع وتعمل plug وبعدها يتكون fibrin clot يعني الجسم قال أول حاجة أقفل الحنفية 😂 بعدها 2. Inflammation هنا الـ neutrophils وال macrophages يجو ينضفو المكان من bacteria والـ dead tissue اللي هو الخلايا الميته والـ macrophages مهمة برضو لأنها ما بس بتنظف دي بتفرز growth factors بتساعد في ال healing يعني عامل نظافة ومدير مشروع في نفس الوقت 😂 طيب بعد التنظيف بيجي شنو 🌚 3. Proliferation هنا حتبدأ مرحلة البناء ال fibroblasts حتجي وتنتج collagen و extracellular matrix وبرضو تحصل Angiogenesis يعني تتكون أوعية دموية جديدة والـ epithelial cells تبدأ تغطي سطح الجرح يعني باختصار شديد شديد كدا Fibroblasts = بناء Angiogenesis = أوعية دموية جديدة Epithelial cells = تغطية الجرح بعد ما البناء يخلص وخلاص كدا حتجي المرحله بتاعت التشطيب 4. Remodeling الجسم يبدأ يرتب ال collagen ويقويه والـ collagen type III الموجود في البداية بيتبدل تدريجياً بـ type I collagen الأقوى لكن في النهاية......... نسأل نفسنا سؤال هل ال scar بيرجع زي النسيج الأصلي؟ لا أكيد ما زي الاصلي ال scar ممكن يقفل الجرح ويقويه لكن ما بالضرورة يرجع نفس التركيب والوظيفة الطبيعية طيب الجرح لو كان صغير ونضيف؟ ده اسمو Primary intention زي surgical incision الجرح بيكون صغير وحواف الجرح قريبة من بعض وال scar غالباً صغير لكن لو الجرح كبير وفيهو tissue loss؟ ده Secondary intention وهنا بنحتاج granulation tissue أكتر وبيحصل wound contraction أكتر والـ scar بيكون أكبر طيب أهم حاجة ممكن تخلي الـ healing يتأخر شنووو ؟؟؟ Infection وبرضو poor blood supply، foreign bodies، mechanical stress ومن العوامل العامة كدا Malnutrition، Vitamin C deficiency، Diabetes، و glucocorticoids. وبرضو ممكن ال healing يمشي زيادة عن اللزوم 😂 فيطلع لينا Hypertrophic scar أو Keloid الفرق هنا ع السريع كدا Hypertrophic scar غالباً بكون داخل حدود الجرح أما Keloid ممكن يتجاوز حدود الجرح الأصلي طيب لو دايرين نقفل القيم ونلم الموضوع دا كله في أربعة كلمات بنقدر طبعا ممكن Stop Clean Build Remodel Stop = Hemostasis Clean = Inflammation Build = Proliferation Remodel = Remodeling وده هو ببساطة شديد شديد ال Tissue Repair and Wound Healing. الجسم اتجرح وقف النزيف نظف المكان بنى نسيج جديد وبعدها رتب وقوى الشغل يعني الجسم ما عندو دكتور صيانة واحد... الجسم ذاتو هو المستشفى 😂 هذا والله تعالى اعلم ♥️♥️ #المكتب_الاكاديمي #ملتقى_طلاب_الطب_السودان