❤ملتقى طلاب الطب❤ (السودان)

الليلة خلّينا نمسك موضوع Transport across cell membrane... (النقل عبر غشاء الخلية) ونفكفكو سوا بالبلدي كده، لكن طبعاً مع المصطلحات الطبية الحتلاقيك في امتحاناتك . شفت الـ Cell membrane (غشاء الخلية) ده؟ ده عامل زي "حرس الحدود" للخلية، وبنقول عليه Semi-permeable أو Selectively permeable (شبه نفاذ)، يعني ما أي زول بيدخل بمزاجه، في حاجات بتمر بساهل وحاجات بتتعقد . النقل ده عموماً بنقسموا لي نوعين رئيسيين: 1️⃣. Passive Transport (النقل السلبي) النوع ده رايق ومريح، No energy required (ما بيحتاج طاقة/ATP)، وبحصل حسب الـ Concentration gradient (تدرج التركيز)، يعني المواد بتتحرك من التركيز العالي (High concentration) للتركيز الواطي (Low concentration)، زي الموية النازلة من المنحدر . فيه تلاتة أنواع أساسية: 📌Simple Diffusion (الانتشار البسيط): المواد بتعبر غشاء الخلية عدييييل كده من غير مساعدة زول. دي بتخص المواد الـ Lipid-soluble (البتذوب في الدهون) والغازات، لأنو الغشاء أصلاً عبارة عن Phospholipid bilayer. أمثلة: الأكسجين (O_2) وثاني أكسيد الكربون (CO_2). 📌 Facilitated Diffusion (الانتشار الميسّر): هنا المواد بتكون زعلانة لأنها ما قادرة تمر براها (إما لأنها Water-soluble/Hydrophilic بتذوب في الموية، أو حجمها كبير). فبتحتاج واسطة! الواسطة دي عبارة عن Transport proteins (بروتينات ناقلة) موجودة في الغشاء، وبتنقسم لـ: 🔵Carrier proteins: بتغير شكلها عشان تمرق المادة. 🔵Channel proteins: عاملة زي القنوات أو النفق. 🔵Osmosis (الخاصية الأسموزية): ده انتشار خاص بـالـ Water molecules (جزيئات الموية). الموية هنا بتتحرك من المحلول الناقص ملح (Low solute concentration) للمحلول المليان ملح (High solute concentration) عشان تعادل الكفة. 2️⃣ Active Transport (النقل النشط) هنا ح نجي لي الشغل الحار! النقل ده بيمشي Against the concentration gradient (عكس تدرج التركيز)، يعني من التركيز الواطي للتركيز العالي (زي الكأنك بتدفر ليك عربية لي محل عالي ). وعشان كده Requires energy (ATP) (ضروري يوفر طاقة). وبنقسم برضه لنوعين: 📌Primary Active Transport: ده بيستهلك الـ ATP عدييل وبشكل مباشر . أشهر مثال: مضخة الصوديوم والبوتاسيوم Na^+/K^+ ATPase pump. دي بتطرد 3 أيونات صوديوم (3 Na+) برة الخلية، وتدخل أيونين بوتاسيوم (2 K+) جوة الخلية، وتخسر في العملية دي جزيء ATP واحد. 📌Secondary Active Transport: هنا الناقل بيمسّك مادتين مع بعض، وحدة ماشة مع تدرج التركيز (ودي بتوفر الطاقة للعملية)، والتانية ماشة عكس التدرج (ودي المستفيدة). الطاقة هنا ما جاية من ATP مباشر، بل جاية من طاقة الحركة المخزنة من الـ Primary transport. وفيه طريقتين: 🔵Simport (Co-transport): المادتين بيتحركوا في نفس الاتجاه (زي دخول الصوديوم والجلوكوز سوا جوة الخلية Na^+-Glucose\ cotransporter). 🔵Antiport (Counter-transport): المادتين بيتحركوا في اتجاهين متعاكسين (واحدة تدخل وواحدة تطلع، زي الـ Na+-Ca{2+} exchanger). 3️⃣ Vesicular Transport (النقل الحويصلي) وده للمواد الكبيرة الحجم الـ (Macromolecules) الما بتنفع معاها القنوات ولا المضخات، فبتقوم الخلية تغلفها بـ Vesicle (حويصلة) عشان تنقلها بي واسطة : 🔵Endocytosis (الإدخال الخلوي): الخلية تبلع الحاجة لجوة. وبتشمل: _Phagocytosis: (Cell eating) بلع المواد الصلبة (زي لما خلايا الدم البيضاء تبلع البكتيريا). _Pinocytosis: (Cell drinking) شرب السوائل. _Exocytosis (الإخراج الخلوي): الخلية تطرد الحاجات لبرة (زي إفراز الهرمونات أو النواقل العصبية Neurotransmitters). ان شاء الله يكون الكلام واضح وبسيط ليكم 🩺✨