Laylo Rustamova

Qizlarning sun’iy intellekt va kiberxavfsizlik bo‘yicha savodxonligi oshiriladi 12-sentabr kuni Toshkent shahridagi Inha universitetida xotin-qizlarning sun’iy intellekt savodxonligi, kiberxavfsizlik va raqamli xavfsizlik bo‘yicha bilim va ko‘nikmalarini rivojlantirishga qaratilgan tadbir o‘tkaziladi. Tadbir “Capacity Building in AI Literacy and Cybersecurity for Girls” loyihasi doirasida UNOPS, IT Ta’lim Uyushmasi va Raqamli texnologiyalar vazirligi ko‘magida, Yevropa Ittifoqining Global Gateway tashabbusi bilan tashkil etilmoqda. Tadbirning asosiy maqsadi — yosh ayollarni zamonaviy raqamli muhitda xavfsiz, mas’uliyatli va samarali faoliyat yuritish uchun zarur bilim va amaliy ko‘nikmalar bilan ta’minlash. Dastur doirasida sun’iy intellektdan xavfsiz, axloqiy va mas’uliyatli foydalanish, raqamli va kiberxavfsizlik; ma’lumotlar savodxonligi va dezinformatsiyani aniqlash, ijtimoiy manfaatlar va fuqarolik faolligida sun’iy intellekt vositalaridan foydalanish yo‘nalishlarga e’tibor qaratiladi. Dasturdan interaktiv sessiyalar, amaliy mashg‘ulotlar va soha ekspertlari ishtirokidagi muhokamalar o‘rin olgan. Mashg‘ulotlar davomida ishtirokchilar sun’iy intellekt va raqamli texnologiyalardan foydalanish imkoniyatlari bilan bir qatorda, ushbu muhitdagi mavjud xatarlar va ulardan himoyalanish usullari haqida ham ma’lumot oladi. Tadbir sanasi: 2026-yil 12-sentabr Boshlanish vaqti: 09:00 Manzil: Toshkent shahridagi Inha universiteti Tadbirda sun’iy intellekt, kiberxavfsizlik, texnologiyalar va raqamli transformatsiya yo‘nalishlariga qiziqadigan qizlar va yosh ayollar ishtirok etishi mumkin. Ishtirok etish uchun ro‘yxatdan o‘tish: https://forms.gle/Ajkq3hHzn1cZHy7YA

🎓 Olmosmi yoki ko‘mir? Tanlov o‘zingizniki! Ko'pincha talabalar yangi o‘quv yilini birdaniga katta maqsadlar bilan boshlab, hech qancha vaqt o'tmay shashtlari so'nib qoladi. Yangi o‘quv yili mukammal bo‘lish uchun emas, kechagi o‘zingizdan yaxshiroq bo‘lish uchun berilgan yangi imkoniyat. Shoshilmang. o‘zingizni boshqalar bilan emas, kechagi o‘zingiz bilan solishtiring. Ba’zan bitta maqsad kechagi o‘zingizdan yaxshiroq bo‘lishning o‘zi kifoya. Har kuni bitta bo'lsa ham yangi bilim va yangi ko‘nikma egallab, bir qadam oldinga yurishga harakat qiling. Ko'rasiz, vaqt o‘tishi bilan ana shu kichik qadamlar sizni katta natijalarga olib keladi. Yangi o‘quv yilingiz sifatli bilim, foydali tajriba va yangi imkoniyatlarga boy bo‘lsin, aziz talabalar! ➖➖➖➖➖➖➖➖➖➖ ☎️ Veb-sayt |😎 Telegram | 😎Instagram | 😎Facebook

Ростан ҳам Кун фотоси бўлибди, шундай эмасми?! Андижон шаҳар Биринчи сонли ихтисослаштирилган мактаб интернати ўқувчилари экан.

Шунақа таъсирландим шу постни ўқиб... Менку шаҳарда катта бўлганман, лекин вилоят ва қишлоқларда ростан ҳам шу ҳолат бўлганда...

🥹🤲

Бугун таълим сифатига яна бир муҳим нуқтаи назардан қарадик — битирувчи натижаси орқали. Бугун Таълим сифатини таъминлаш миллий агентлиги томонидан "Битирувчилар сифати индекси" натижаларига бағишланган матбуот анжумани бўлиб ўтди. Аслида бу шунчаки навбатдаги статистик кўрсаткичлар эмас. Бу — битирувчининг олий таълим муассасасини тамомлагандан кейинги реал натижасини баҳолашга қаратилган янги ёндашув. Яъни битирувчи диплом олгандан кейин нима бўлади? У меҳнат бозорига қанчалик тез киради? Қанчалик барқарор иш билан таъминланади? Расмий даромади қандай? Индекс айнан шу саволларга рақамлар орқали жавоб беради. Энг муҳими, бу маълумотлар энди абитуриент учун ҳам амалий аҳамиятга эга. Олий таълим муассасасини танлашда фақат таълим жараёни ёки дипломга эмас, балки шу муассаса битирувчиларининг меҳнат бозоридаги реал натижаларига ҳам қараш имконияти пайдо бўлмоқда. Шу маънода, "Битирувчилар сифати индекси" абитуриентлар учун муҳим йўлбошчи ва келажакдаги таълим танловида объектив мезонлардан бирига айланиши мумкин. Бугун индекс натижалари акс этган махсус платформа ҳам тақдим этилди. Бу эса маълумотларни янада очиқ, тушунарли ва фойдаланиш учун қулай шаклда тақдим этишга хизмат қилади. Менимча, бу жараённи мамлакатимизда кейинги йилларда таълим соҳасида амалга оширилаётган кенг кўламли ислоҳотларнинг мантиқий давоми сифатида ҳам баҳолаш мумкин. Чунки таълимдаги ислоҳотлар нафақат янги таълим ташкилотлари, дастурлар ва имкониятларни яратиш, балки натижани ўлчаш, очиқ кўрсатиш ва жамоатчиликка тақдим этиш маданиятини ҳам шакллантирмоқда. Қувонарлиси ҳам шу бўлди: таълим сифати тобора кўпроқ аниқ маълумотлар ва реал натижалар орқали баҳоланмоқда. Чунки яхши таълим — бу фақат диплом эмас. Унинг ҳақиқий қиймати инсоннинг кейинги ҳаёти, имкониятлари ва меҳнат бозоридаги натижаларида намоён бўлади. Бугун ана шу натижани кўрсатиш йўлида яна бир муҳим қадам ташланди. 🇺🇿

#matbuot_anjumani Oliygoh bitiruvchilarining mehnat bozoridagi natijalari tahlil qilindi 26-avgust kuni Ta’lim sifatini ta’minlash milliy agentligi tomonidan “Bitiruvchi sifati indeksi natijalari"ga bag‘ishlangan Matbuot anjumani o'tkaziladi. Tahlil doirasida 170 ta oliy ta’lim tashkilotining bitiruvchilari haqidagi ma’lumotlar o‘rganilgan. Matbuot anjumanida: ➖Bitiruvchiga ish topish uchun o‘rtacha qancha vaqt kerak? ➖Qaysi oliy ta’lim tashkilotlari bitiruvchilari mehnat bozoriga tezroq chiqmoqda? ➖Bitiruvchilarning qancha qismi barqaror band? ➖Bitiruvchilarning o‘rtacha rasmiy daromadi qancha? ➖Qaysi oliy ta’lim tashkilotlari Indeksda eng yuqori natijalarni qayd etdi? Matbuot anjumani davomida jurnalistlar oʻzlarini qiziqtirgan savollarga masʼullardan javob olishadi. Murojaat uchun tel: +998935353085 📅 26-avgust, soat 10:00 📍Manzil: Oliy taʼlim, fan va innovatsiyalar vazirligi binosi ➖➖➖➖➖➖➖➖➖➖ ☎️ Veb-sayt |😎 Telegram | 😎Instagram | 😎Facebook

Шундай ёшингизда сизга гул беришларини ёки гул беришни истармидингиз... Мен эса истардим...

Байрам муносабати билан Давлатимиз раҳбари томонидан мукофотланган инсонлар қаторида Рақамли технологиялар вазири Шерзод Хотамович Шерматов ва Ташқи ишлар вазири Бахтиёр Одилович Саидов борликларини кўриб айниқса ҳурсанд бўлдим. Бу икки инсон билан бирга ишлаш насиб қилганидан доим ғурурланаман. Уларнинг ҳар биридан жуда кўп нарса ўрганганман, тажриба орттирганман. Улардаги нафақат раҳбарлик балки инсонийлик жиҳатлари ҳам таҳсинга лойиқ ва бунданда юксак мукофотларга муносиб деб биламан. “Меҳнат шуҳрати” ордени муборак бўлсин! Аллоҳим мартабангизни икки дунёда улуғ, юзингизни ёруғ қилсин!

Buxoro viloyatiga yana keldik — may oyida belgilangan rejalar ijrosini, natijalarini ko‘zdan kechirmoqdamiz. “Jo‘yzar” kanalining 9 kilometrlik qismi betonlashtirildi (yana 10 kilometrida jarayon davom etmoqda). Bu yiliga 12 million kub metr suvni tejash imkonini beradi. Shu yerning o‘zida baliqchilik xo‘jaligi ham ishga tushirildi. “Shayxoncha” mahallasida 240 o‘rinli zamonaviy bog‘cha barpo etildi. Shuningdek, turizm sohasidagi yangi loyihalar — “Afshona” majmuasi, etno-uylar, “Jo‘yi Muliyon” kanalini tiklash, yangi aeroport yaqinidagi mehmonxonalar va klaster masalalari muhokama qilindi. Asosiy maqsad yiliga 10 million sayyohni jalb qilib, Buxoroni shunchaki tranzit hudud emas, balki to‘laqonli sayohat maskaniga aylantirishdir. Tashrifimiz yakunida Buxoroi sharifning “Yetti pir” qadamjolarini ziyorat qildik. — Снова в Бухарской области — оцениваем результаты майских обсуждений. На канале Жуйзар забетонировали 9 км (ещё 10 км в работе), что сэкономит 12 млн кубометров воды в год. Рядом уже работает рыбное хозяйство. В махалле «Шайхонча» возвели новый современный детсад на 240 мест. Также обсудили новые туристические проекты: комплекс «Афшона», этнодома, восстановление канала Жуйи Мулиён, гостиницы и кластер у нового аэропорта. Цель — привлекать 10 млн туристов в год, и чтобы Бухара стала для них полноценным путешествием, а не просто транзитной точкой. Завершили визит посещением святынь — семи пиров Бухары.

Мана бу рўйхатни тайёрлаётганда, мени бир жиҳат жуда таъсирлантирди. Академик Беҳзод Йўлдошев — h-index бўйича ушбу рўйхатда биринчи ўринда. У 2024 йил 28 август куни 79 ёшида вафот этган. Аммо орадан икки йил вақт ўтган бўлса-да, унинг илмий ишлари ҳануз халқаро илмий адабиётларда иқтибос қилинаётгани, бошқа тадқиқотчилар томонидан ўрганилмоқда. У инсон юқори энергиялар физикаси соҳасида халқаро миқёсда тан олинган олим, физика-математика фанлари доктори, профессор ва академик. Унинг 400 дан ортиқ илмий ишлари мавжуд бўлиб, уларнинг бир қисми нуфузли хорижий илмий нашрларда чоп этилган. Бугунги натижага қаранг: Scopus’да 329 та илмий мақола, 7 177 та иқтибос ва h-index — 56. Демак, инсоннинг ҳақиқий мероси, балки, унинг ўзи йўқлигидан кейин ҳам яшашда давом этадиган ишларидир. Инсон ҳаётдан кетади, аммо унинг илми, кашфиётлари ва меҳнати бошқалар учун хизмат қилишда давом этади. Мен учун бу рейтингдаги рақамлар шунчаки статистика эмас. Уларнинг ортида йиллар давомида қилинган меҳнат, илм ва ўзидан кейин катта илмий мерос қолдирган инсоннинг ҳаёти бор. Тўғриси жудаям ҳаяжонли... Биз бу дунёда қандай из қолдирар эканмиз?! Аллоҳим ўтганларни раҳматига олсин🤲

Ish beruvchilar bitiruvchilar haqida qanday fikrda? Umummilliy ish beruvchilar so‘rovnomasi mamlakatimizning barcha hududlarida davom etmoqda.

So‘rovnomada 132 ta oliygoh bitiruvchilarini ishga qabul qilgan 4 560 nafar ish beruvchini qamrab olish rejalashtirilgan bo‘lib, bugunga qadar ularning 1 837 nafari, ya'ni 40 foizi ishtirok etgan.

Ish beruvchilar bitiruvchilarning bilimi, amaliy ko‘nikmalari va kompetensiyalari haqida o‘z fikrlarini bildirmoqda. Ular yangi xodimlardan nimalarni kutayotgani va mehnat bozorida qanday ko‘nikmalar muhimligini ham baholamoqda. So‘rovnoma natijalari oliygoh va texnikumlarning Milliy reytingida muhim indikatorlardan biri sifatida foydalaniladi. Hurmatli ish beruvchilar! Befarq bo'lmang, so‘rovnomada ishtirok etib, bitiruvchilarning mehnat bozori ehtiyojlariga mosligi haqida o‘z fikringizni bildiring! English ➖➖➖➖➖➖➖➖➖➖ ☎️ Veb-sayt |😎 Telegram | 😎Instagram | 😎Facebook

Ураааа! Болаларимиздан яна бир тарихий ғалаба! Ўқувчиларимиз халқаро Информатика олимпиадасида 3 та бронза ва 1 та кумуш медални қўлга киритдилар! Илк бор бу Олимпиада Ўзбекистонда ўтказилиб унда 97 давлатдан энг иқтидорли ёш дастурчилар иштирок этдилар.

Кеча оддий бир вазият менга одамлардаги жуда муҳим кўникма problem-solving, яъни муаммога ечим топиш қобилияти ҳақида ўйлашимга сабаб бўлди. Яқиндагина қизим 8 ойлик жияним стул тагига кириб, чиқишга ақли етмай йиғлашни бошлаганида, "ёрдам берманглар ўзи problem-solving қилишни ўргансин, истаса бемалол ўзи чиқа олади" деганда унинг бу гапи мени хайрон қолдирди, энг қизиқ томони жияним ростан ўзи кириб қолган жойидан чиқа олди, яъни муаммодан чиқишни уддалади 😃 Энди кеча бўлган воқеа ҳақида айтиб бераман. Жуда шошилинч равишда устига ёзув туширилган торт керак бўлиб қолди. Ўзим истаган қандолат маҳсулотлари ишлаб чиқарувчисининг бир нечта филиалга қўнғироқ қилдим. Деярли ҳаммасида "камида 1–2 кун олдин буюртма бериш керак, бунинг имкони йўқ", дейишди. Таслим бўлмадим Беруний филиалига қўнғироқ қилдим, Малика исмли қиз кўтарди. Вазиятимни тушунтирдим. У эса аввалги филиал ходимлари сингари "бунинг умуман иложи йўқ" деган жавобни кутдим, лекин кутилмаганда у "Имкон қадар ечим топишга ҳаракат қиламан", деди. Ва ечим топди. Албатта, битта торт Cake Lab каби катта компания учун катта аҳамиятга эга бўлмаслиги мумкин. Лекин мен учун бу вазиятда тортдан кўра бошқа нарса муҳимроқ бўлди. Маликада муаммони эшитиш, вазиятни тушуниш ва ечим излаш деган жуда яхши кўникма бор экан. Менимча, ҳар қандай соҳада инсонда бўлиши мумкин бўлган энг қимматли кўникма айнан мана шу. "Бу менинг ишим эмас" дейиш ҳар доим осон. "Буни ҳал қилса бўлади" дейиш эса масала. 8 ойлик жияним билан бўлган ҳолат бунга мисол, биз катталар одатла болаларга кичиклигидан унинг муаммосини ўзи ҳал қилишга имкон бермасдан кўз ёшига қараб унга ёрдам берамиз ва ҳал қилиб қўямиз. Шахлодан эшитган бу гапи ҳақида ўйлаб юргандим, бу ҳақда ёзгим келганди, олдимдан чиққан бу вазият эса бунга сабаб бўлди. Албатта, бу билан болани қийнаш, унга ёрдам бермаслик керак деган фикрдан йироқдаман. Шунчаки бола ўзи ечим топиши мумкин бўлган вазиятларда унга шу имкониятни бериш кераклиги ҳақида ўйлаб қолдим. Малика каби қайси соҳада бўлмасин, ўз ишини яхши кўрадиган, одамларнинг муаммосини ўз муаммосидек қабул қилиб, имкони борича ечим топишга ҳаракат қиладиган инсонлар кўп бўлсин. Торт бу постни ёзишга бир баҳона эди... Барчамизга севимли бўлган "Газета.уз" нашрига эса ташкил топган кун яна бир бор муборак бўлсин!

Telegram асосчиси Павел Дуров ўзининг 11 миллиондан ортиқ обуначиси бор каналида Ўзбекистонда ўтаётган Халқаро информатика олимпиадаси — IOI 2026 ҳақида пост жойлади. У IOI’ни юқори синф ўқувчилари ўртасидаги энг нуфузли дастурлаш мусобақаси сифатида таърифлаб, Telegram’нинг олимпиада ғолибларига умумий қиймати камида 117 минг доллар бўлган эксклюзив рақамли коллекциялар — Algorithm Cups тақдим этишини маълум қилди. Дуров, шунингдек, олимпиаданинг айнан Ўзбекистонда ўтказилаётганини рамзий деб атади: алгоритм сўзи номи билан боғлиқ бўлган ал-Хоразмий — алгебра асосчиси — юртида IOI мезбонлик қилинмоқда. Нуфузли олимпиаданинг Ўзбекистонда ўтказилаётгани халқаро IT ҳамжамияти эътиборини ҳам тортаётгани жудаям зўр. Ўзбекистон💪🇺🇿

Қизим Ширинга қўнғироқ қилдим:

— Қизим, нима қиляпсан? — Ойижон, ҳозир жуда бандман, гаплашолмайман. Бразилия жамоаси кечки овқат вақтигача еб олиш учун бирор егулик сўраганди, шуни ташкил қилишим керак. — Хўп, қизим юзингни ёруғ қилсин

Телефонни қўйиб, ичимда: "Ҳудога шукр, қизим жараёнга киришиб кетибди", деб ҳурсанд бўлдим. Ҳозир қизим Ўзбекистонда илк бор ўтказилаётган "Халқаро информатика олимпиадаси — IOI 2026" тадбирида ташкилий жараёнларда иштирок этяпти. Дунёнинг қарийб 100 та давлатидан иқтидорли ёшлар жам бўлган ушбу нуфузли олимпиада кеча ўз ишини бошлади. 1 ҳафта давомида дунёнинг турли давлатларидан келган ёшлар учун мусобақалар, тадбирлар, учрашувлар ва турли жараёнлар ташкил этилмоқда. IT Education Association ишлаган вақтларимда ушбу олимпиада ташкилий жараёнлари бошлангандан жамоамизга қизимни ҳам имтихонлардан кейин жараёнга жалб қилиб иш ўргатинглар, деб илтимос қилиб юргандим. Бу илтимосим ерда қолмади, жамоадан кетган бўлсам ҳам Ширинимни ташкилий жараёнларда иштирок этишга имкон беришди. Бугун қизим нафақат Ўзбекистон балки халқаро миқёсида йирик бўлган ушбу йирик тадбирнинг кичкинагина бўлса-да, бир қисми, Аллоҳимга беҳисоб шукр. Назаримда, айнан шундай тажрибалар бола учун жуда катта мактаб бўлади: турли давлатлардан келган инсонлар билан ишлаш, мулоқот қилиш, қандайдир муаммони ҳал қилиш масъулиятини ҳис қилиш ва энг асосийси катта жараёнларни қандай ташкил этилишини ичидан кўриш. Бугун Ўзбекистон дунёдаги нуфузли халқаро информатика олимпиадасига мезбонлик қиляпти бу жуда фахрли туйғу. Мен учун эса бу икки карра фахрли, чунки бу жараёнда қизим ҳам бор. Юзинг ёруғ бўлсин Иллоҳим, қизим. IOI 2026 Ўзбекистон терма жамоасига улкан ОМАД ва ЗАФАРЛАР ёр бўлсин! 🇺🇿🇺🇿 Ватанимиз байроғи баланд бўлсин, ва Ўзбекистон номи бутун дунёга машҳур бўлсин Бу болалар эртага Ватанига Ўзбекистондай Давлат борлигини билиб қайтишади. P.S. Хох ишонинг хох ишонманг, суратни менинг бир неча кунлик "қатъий илтимосимдан" кейин, бугун вақтли бориб тушиб жўнатди. Олимпиаданинг очилиш маросими бугун: Уни ушбу ҳавола орқали кузатиш мумкин: https://www.facebook.com/share/v/1CuKadGfhx/

ШОККА ТУШДИМ. Ассалому алайкум, аслзода ўқирманлар. Бугун ишхонамизда бўлган воқийға мени чунонан шокка туширди. Бу муштипаргина ҳаётимда бир ўзим шокланаманми, қолганлар ҳам шоклансин деб сизларга ҳам улашмоқ истаюр бу суюқ кангул. Шу десангиз, бугун ҳар доимгидек ишлаб ўтирибмиз. Биз билан ишлайдиган бир аёлнинг 4- синф фарзанди, офисга йиғлаб келиб қолса денг. "Нима бўлди?" деб сўрасак, дўсти билан урушиб қолибди. Ана энди, мана шу жойида боланинг онаси : "Сен иплос ўзинг ёмонсан. Янги кийимни расво қилибсан!" ёки, "Сени урган ярамас ким бўлди? Ҳозир, ота-онасининг олдига бориб дабдаласини чиқариб келаман!" деса керагов, деган иккита вариант келди. Йўқ, мен қилган иккита таҳмин ҳам ухлади. Боланинг онаси : "Ҳа, нима бўлди? Нима сабабдан дўстинг билан урушдинг?" деди. Мени шокка туширган жойи машетта. Бола : "Дўстим билан кўчада ўйнаётган эдик. Ўша дўстим ширинлик еб, ширинликнинг қоғозини ерга ташлади. Мен унга чиқиндини ерга ташлама. Махсус чиқинди қутисига ташла. Ҳамма чиқиндини ерга ташлайверса, кўчалар чиқиндихона бўлиб кетади. Ер шарига, об-ҳавога зарар келтиради дедим. Шу гапимдан кейин ҳам ташлаган чиқиндисини олмасдан кетиб қолди. Кейин мен чиқиндини ердан олиб чиқинди қутисига ташладим-да, унга ахмоқ дедим. Шунга урушиб кетдик" деса бўладими? Тасаввур қилаяпсизми? 4 синф боласи нималар деяпти? Фақат Японияни, ўз кўчасини, ўз маҳалласини тоза тутиш ҳақида гапирмаяпти. Ер шари деяпти)) Қойилотун-қойилун) Бяғи ундан ҳам қизиқ. Она боласининг гапини эшитиб : "Кўчаларни тоза сақлаш, қоидага риоя қилиш деган тоза қалбингни оғритмоқчи эмасман. Аммо, дўстинг билан бунақа урушиб кетишинг яхшимас. Бир марта огоҳлантириб, эшитмаса, ўзинг олиб чиқинди қутисига ташла. Яна давом эттирса, ўқитувчинга хабар берганинг яхши деб ўйлайман" деса бўладими? 4- синф боласи билан катта одамдек гаплашига тасаннотун-тасонун деб юбордим. Шунақа гаплар аслзода ўқирманлар. Хулосолог сифатида хулоса қиладиган бўлсам, - ҳа, майли хулоса қилмайман. Мурғаккина ҳаётимда хулоса қиламан деб ўзимни ўзим қийнамай. Мен бечора кўп эмас, яна 80 йилгина хотиржам яшаб олсам бўлди)) Барчаларингиз аслзода, зиёли, устоз инсонсизлар. Шундай экан, хулосани ўзингизга қолдирамиз! Баҳодир НИППОНИЙ - Яхши кунларда сиз билан бирга. Кимонолардан сўранг) Каналга уланиш👈