Laylo Rustamova

Диплом олишнинг ўзи етарли эмас Бугун таълим тизимида битирувчилар бандлигини таъминлашга қаратилган иккита муҳим янгиликни эълон қилдик. Биринчидан, Ўзбекистонда илк бор Битирувчи сифати индекси жорий этилмоқда. Энди олийгоҳлар фақат диплом бериш билан эмас, балки битирувчиларининг меҳнат бозоридаги муваффақияти орқали ҳам баҳоланади. Индекс ишга жойлашиш тезлиги, бандликнинг барқарорлиги, ўртача даромад, умумий бандлик даражаси каби кўрсаткичларга асосланади. Энг муҳими, баҳолаш 10 та давлат ахборот тизими интеграцияси орқали автоматик шаклланади ва инсон омили минималлаштирилади. Иккинчидан, барча олийгоҳларда профессионал фаолият юритадиган Карьера марказлари ташкил этилади. Уларнинг самарадорлиги энди фақат мавжудлиги билан эмас, балки битирувчиларни ишга жойлаштиришдаги реал натижалари билан баҳоланади. Бу ўзгаришлар олий таълимни янги босқичга олиб чиқади. Энди асосий савол: университет нечта талаба қабул қилгани эмас, балки унинг битирувчилари ҳаётда қанчалик муваффақият қозонаётгани бўлади. Таълим сифати аудиторияларда эмас, битирувчиларнинг меҳнат бозоридаги натижаларида намоён бўлади. Шу нуқтаи назардан, ушбу янгиликларни олий таълим сифатини баҳолашдаги муҳим бурилиш нуқтаси деб ҳисоблайман. Асосийси таълим ва меҳнат бозори ўртасидаги масофа қисқараётганининг амалий ифодасидир.

Bitiruvchi sifati indeksi joriy etiladi Bugun Prezident Shavkat Mirziyoyevga taqdim etilgan ta’lim tizimini rivojlantirishga oid taqdimotda oliygohlari faoliyati samaradorligini baholashning zamonaviy mexanizmi — Bitiruvchilar sifat indeksini joriy etish bo‘yicha muhim qarorlar belgilab olindi. Endilikda O‘zbekistonda oliy ta’lim muassasalari faoliyatini baholashning yangi mexanizmi — Bitiruvchilar sifat indeksi joriy etilmoqda. Mazkur indeks nafaqat bitiruvchilarning ishga joylashganligini, balki ularning mehnat bozoridagi muvaffaqiyati va kasbiy faoliyati sifatini ham baholash imkonini beradi.

Indeks quyidagi asosiy mezonlar asosida shakllantiriladi: ➖ ishga joylashish tezligi; ➖ barqaror mehnat faoliyati; ➖ o‘rtacha daromad; ➖ umumiy bandlik darajasi.

Indeks inson omilisiz 10 ta davlat axborot tizimi (HEMIS, soliq, mehnat, ijtimoiy himoya, bojxona va boshqalar) bilan integratsiyada avtomatik shakllanadi. Ijtimoiy himoyaga muhtoj bitiruvchilar (yetim, nogironligi bo‘lganlar) natijalari 2 baravar koeffitsiyent bilan hisoblanadi. Ta’lim sifatini ta’minlash milliy agentligi tomonidan oliygohlar har yili mazkur ko‘rsatkichlar asosida baholab boriladi. Baholash tegishli toifadagi ta’lim tashkilotlari kesimida har yili 1-iyuldan keyin, o‘tgan yilning 1-iyulidan joriy yilning 30-iyunigacha bo‘lgan davr natijalari asosida amalga oshiriladi. Indeks natijalariga ko‘ra mamlakatdagi eng yaxshi natija qayd etgan TOP-20 oliy ta’lim muassasasi 500 million so‘m miqdorida pul mukofoti bilan rag‘batlantiriladi. Dastlabki indeks natijalari joriy yilning avgust oyida e'lon qilinishi kutilmoqda. English ➖➖➖➖➖➖➖➖➖➖ ☎️ Veb-sayt |😎 Telegram | 😎Instagram | 😎Facebook

Баъзан биргина қисқа видео минглаб сўздан кўпроқ таъсир қилади. Мактабга бормасдан, оғир меҳнат ичида кун кечираётган болалар… Бундай видеоларни кўриб, таълим имконият, умид ва инсон ҳаётини ўзгартирувчи йўл эканлигини йўл эканлигини яна бир бор англайсан. Биз кўпинча ўқишни оддий ҳол деб қабул қиламиз, нолиймиз, кечиктирамиз. Аммо дунёда шундай болалар борки, улар учун мактаб — орзу. Шундай ҳикоялар бизга билим олиш имконияти ҳам энг катта неъматлардан бири эканлигини англатади. Таълим инсон тақдирини ўзгартирадиган энг кучли восита, бу имкониятдан албатта фойдаланиш керак...

Сифатли таълим — бу тасодиф эмас, балки аниқ тизим ва баҳолаш жараёнидир. Таълим сифатини таъминлаш миллий агентлиги мамлакатимиздаги олий ва касбий таълим муассасаларини аккредитациядан ўтказиш, уларнинг сифатини баҳолаш ва халқаро стандартларга мослигини таъминлаш билан шуғулланади. Унинг расмий саҳифалари орқали эса сиз соҳадаги энг муҳим янгиликлар, қарорлар ва қизиқарли фактлар билан танишиб боришингиз мумкин. Кузатиб боринг — таълим сифати ортида нима жараёнлар кечаётганини яқиндан билиб оласиз 👇 ☎️ Veb-sayt |😎 Telegram | 😎Instagram | 😎Facebook

Oliy ta’lim tashkilotlarida kompleks va maxsus davlat akkreditatsiyasi nima? Ular qanday tartibda amalga oshiriladi? Video orqali mazkur jarayon tartiblari bilan tanishing. ➖➖➖➖ What are comprehensive and specialized state accreditation in higher education institutions? How are they conducted? Learn about the procedures and stages of these accreditation processes through this video. ➖➖➖➖➖➖➖➖➖➖ ☎️ Veb-sayt |😎 Telegram | 😎Instagram | 😎Facebook

👇

Лайло Рустамова Ўзбекистон Республикаси Президенти Администрацияси ҳузуридаги Таълим сифатини таъминлаш миллий агентлиги ахборот хизмати раҳбари этиб тайинланди. Лайло Рустамова меҳнат фаолияти давомида мамлакатимизнинг қатор нуфузли оммавий ахборот воситаларида самарали фаолият юритган. Жамоатчилик билан алоқалар соҳасидаги фаолиятини 2017 йилдан бошлаб, турли йилларда Хотин-қизлар қўмитаси, UzAuto Motors ҳамда Халқ таълими вазирлигида ахборот сиёсати ва жамоатчилик билан алоқалар йўналишида раҳбарлик лавозимларида ишлаган. Тайинловга қадар IT Ta’lim Uyushmasi PR бўлими бошлиғи вазифасида фаолият юритиб келаётган эди. Каналга қўшилиш 👈 Facebook | Instagram | Медиабанк

Суратдаги мана шу болажонлар ҳаётимнинг мазмуни! Улар билан бирга ўтказган ҳар бир оним мен учун байрам, улар билан бўлганда барча ғам ва ташвишларни унутаман ва келажакка бўлган умидларим уйғонади. Менга Ойижон, Холажон ва Аммажон мақомини берган Яратганга беҳисоб шукр. Бугун болажонларимизнинг байрамлари ва мен шу фурсатдан фойдаланиб, дунёдаги жамийки болажонларга дилимни тубидаги энг энг энг эзгу тилакларимни билдирмоқчиман. Ҳеч бир болажон дард нима билмасин. Мустаҳкам соғлик ва бахтли болалик уларга доим ёр бўлсин. Ҳаётлари қувончли лахзаларга бой бўлсин, токи улғайганларида ўша хотиралар уларга ҳам фарзанларига бахт улашишларига туртки бўлсин. Ҳар бир бола ота-онасининг қайноқ меҳрга тўла бағрида улғайиб, ҳимояга эҳтиёж сезмасин! Ҳар бирингизни Аллоҳим Ўз паноҳида сақласин! Яхшиям борсизлар🥹🤲🙏

350 миллион сўмлик автомобиль, хорижга саёҳатлар, 1 минг АҚШ доллардан 100 миллион сўмгача пул мукофотлари, ноутбук ва бошқа қимматбаҳо совғалар! Буларнинг барчаси “Беш миллион сунъий интеллект етакчилари” лойиҳаси доирасида ўтказилган Миллий танлов ғолиблари бўлган таълим муассасалари ҳамда унда дарс бериб таҳсил олаётганларга тақдим этилди 👏👏 Фақат 2025 йилда ушбу лойиҳа доирасида 640 минг иштирокчи таълим олган🔥

Креатив ўқитувчилар глобал муаммони кўрсатишнинг зўр йўлини топшибди. Инсонни ўйлантирмай қўймайди: биз ҳар куни қанча вақтимизни экранга беряпмиз, қанчасини эса ҳақиқий билим олишга?

Вазир айтидаги қизлар билан суҳбатлашди Апрель ойининг тўртинчи пайшанбаси Халқаро Ахборот-коммуникация технологияларида қизлар куни нишонланади. Ушбу сана муносабати билан Рақамли технологиялар вазири Шерзод Шерматов соҳада фаолият юритаётган бир гуруҳ қизлар билан учрашиб, суҳбатлашди. Вазир қизларни байрам билан табриклаб, улардан соҳага айнан қизларни жалб қилиш бўйича таклиф ва ғоялар билан қизиқдилар. Вазир билан суҳбатлардан бири “Muxlisa AI” ортида турган 30 дан ортиқ қизларнинг жамоасини бошқараётган Анора Амирова билан бўлди. Анора 28 ёшда, 2 нафар фарзанднинг онаси. У "Узинфоком" компаниясида фаолият юритаётган қизларимиздан. Аноранинг таклифи уйда ўтирган қизларни маҳаллаларда уйда оилавий шароит билан ўтириб қолган аёл ва қизларни маҳаллаларда курслар ташкил қилиш орқали АйТига жалб қилиш бўлди. Қизлар билан вазир ўртасидаги мулоқот шунчаки тадбир эмас эди — бу қизларга бўлган эътибор, ишонч ва имкониятлар ҳақидаги самимий суҳбат бўлди. Бугун фурсатдан фойдаланиб Анора ва унинг жамоасидаги қизлар билан учрашдим. Турли ҳудудлардан йиғилган ва мутлақо айтига яқин бўлмаган соҳалардан йиғилган қизлар ва уларни бир ғоя ортида АйТи бирлаштирмоқда. Бу эса “орзу қилиш мумкин” деган фикрни “орзуни амалга ошириш мумкин” даражасига олиб чиқади. Бугун — ICT'даги Халқаро қизлар куни. Шу муносабат билан IT соҳасида ўз йўлини топаётган ва топишга интилаётган ҳамда келажакни яратаётган барча қизларни табриклайман. Сизлар ўзгаришларни бошлаётган қизлар авлодисиз.

Ҳар бир инсоннинг ички сиғими турлича, шунинг учун реакциялари, имкониятлари ва ўсиш даражаси ҳам бир хил эмас. Характер ва яна бошқалар ҳақида… Олдингизда учта бола. Бир оила. Бир муҳит. Бир хил ота-она. Лекин… уч хил олам. Гап бири ақллироқ бошқаси унчамаслиги ҳақида эмас. Шунчаки бу турлича оламлар ва руҳнинг турлича вазифалари ҳақида. Бири дарҳол ечимга интилади — унинг ички майдони аллақачон истак ва изланиш босимини кўтара олади. Бошқаси йиқилади, асабийлашади, уддалай олмайди, лекин бу “кучсизлик” эмас, балки унинг олами бу йўлни қабул қилишга тайёр эмаслиги. Учинчиси эса кузатади, синаб кўради ва ўз йўлини излайди. Бу ерда бир муҳим нарсани тушуниш керак, шунчаки биз тенг бўлиб туғилмаймиз. Ҳаётда эса айбдорни эмас балки ўз имкониятларимизни кенгайтириш ҳақида ўйлашимиз керак.

“Tasavvur qila olsangiz — demak, amalga oshira olasiz. Eng katta yutuqlar avval ongda paydo bo‘ladi, keyin hayotda ro‘yobga chiqadi. O‘zingizga ishoning, katta orzu qiling va har kuni shu orzuga bir qadam yaqinlashing.” — Shuhrat Sattorov, Toshkent shahridagi xalqaro Amity universiteti rektori 😜Telegram 😂Facebook 😀Instagram 😅Youtube 😃Linkedin

Маданият вазири вайнер Бобур Мансуровни мукофотлаганини жуда кўпчилик танқид қилиб ёзибди. Ҳамма ёзган одамларни фикрини ҳурмат қиламан. Лекин бу фикрларга нисбатан ўз нуқтаи назаримни билдиргим келди. Бу вайнер йигитнинг ижодини кузатиб бораман. Унинг видеолари орқали жамиятдаги жуда муҳим муаммоларни енгил, ҳазиломуз шаклда олиб чиқилиши катта маҳорат. Баъзиларга бу контент оддий ва енгил туюлиши мумкин. Лекин аслида бу — ЗАМОН талаби. Бугунги аудитория узун маърузаларни эмас, қисқа ва таъсирли форматни қабул қиляпти, бу ҳеч кимга сир эмас. Авваллари бу вазифани театр, сатира ва "Муштум" каби нашрлар бажарган бўлса, бугун бу рольни айнан шундай ижодкорлар бажаряпти, деб ўйлайман. Шу нуқтаи назардан қарасак, бу фақат “вайн” эмас, балки замонавий ижтимоий санъатдир. Бугун биз ҳам одамлар онгига таъсир ўтказиш учун янги форматларни қабул қилишимиз керак. Мана шундай муаммо кўтарилган вайнлардан бирини олиб келдим ушбу видеода. Улардан бирини жойладим ва мана яна бир нечтасига ҳавола: https://www.instagram.com/p/DTITExHDbPP/ https://www.instagram.com/p/DCjluepNICb/ https://www.instagram.com/p/DWRJk7BDZx9/

Фуқаролар Давлат ҳаётида ва аксинча Давлат ўз фуқаролари ҳаётида қандай бўлиши керак? 1990 йилда Ироқ ва Қувайт ўртасидаги уруш пайтида 170 000 дан ортиқ ҳиндистонликлар бегона юртда қолиб кетади. Пулсиз, алоқасиз ва эртанги кунга умидсиз. Ўша уруш сабабли Ҳиндистон дунё тарихидаги энг катта эвакуациялардан бирини амалга оширади — у ўз фуқароларини уруш ичидан олиб чиқади. AIR India компанияси Гиннесс рекордлар китобига кирган 488 парвозни амалга оширади. Бу воқеани мен дам олиш кунлари томоша қилган "Қутқарув парвози" ("Airlift") ҳинд киноси орқали кўрдим. Бу мен учун шунчаки кино эмаслигини ҳис қилдим. Энг аввало юртимдаги тинчликка Аллоҳга чесиз ҳамдлар айтган бўлсам, яна менга таъсир қилган бошқа ҳолатлар ҳам кўп бўлди. Бу ҳақда нима учун ёзаётганимни охирида хулоса қиламан. Фильмдан кичик воқеа: Ўзларини деярли қувайтлик деб ҳисоблаган ҳиндлар ўша қийин онларда ўз Давлатидан паноҳ кута бошлашади. Ўшанда бир ҳинд бошқасига "нимага бизга Давлат ёрдам бермаяпти. Нима қилиб берди бизга Давлат" деган саволларни қўяди. Шунда бошқаси аслида биз ўзимизни қувайтлик деб ҳисоблар эдик, шу ерда яшаяпмиз, "Энди бошга иш тушганда бирор жойи оғриганда онасини эслаган боладай Давлатимизни эслаб қолдик. Биз ўзимиз Давлатга нима қилдик?" деган жавобни беради. Кўпгина ҳаракатлар натижасида улар Давлатдан ёрдам олишга эришишади. Ҳиндистон ҳукумати ўз фуқароларини эвакуация қилиш ечимини қилади ва бу учун бор имкониятини сафарбар қилади. Шу ерда бир нарсани ўйлаб қолдим, қаранг аслида киносанаъти — бу шунчаки ҳикоялар жамланмаси эмас. Бу давлат образини яратадиган куч. Бу тарихни, қадриятларни кўрсатадиган ва ишончни шакллантирадиган кучли восита. Бизнинг Давлатимиз ҳам турли қийин инқирозли вазиятларда, масалан пандемия пайтида, Яқин Шарқ ва Афғонистондаги вазиятларда ўз фуқароларини ҳимоя қилган ва қилиб келмоқда. Бизда ҳам кўрсатса бўладиган шундай ҳикоялар бор. Лекин улар ҳали ҳам бундай кучли ҳикояларга ва ҳис-туйғуларга айланмаган. Фильмни якунида аэропортда ҳиндларни эвакуацияси учун кўтарилган байроқдан ҳудди ўзим қутқарилаётгандек суюндим, тасаввур қилинг ўзимизни байроқни кўрганда қандай таъсир қилиши мумкин. Бизнинг киносаноатда ҳам шундай ҳақиқий, кучли ва табиий равишда инсонни ўз Давлатига меҳрини оширадиган воқеалар кўп ва уларни кўтариш керак. Эҳтимол шундай ҳикоялар орқали Давлат имиджини нафақат халқимиз балки халқаро даражада оширса бўлади. Эҳтимол шунда ёшлар ҳам ғурур туйғуси уйғониб, ўзларига бизнинг масъулиятимиз нимадан иборат деган? саволни бера бошлашади. Фильмни албатта кўришни тавсия қиламан. Ўйлаб кўриш ва хулоса қилиш эса ҳар кимнинг ўзига ҳавола.

So`zlamoq ersang gapingni, Burkama pardoz bilan. Kelsa kim qoshingga, boqqin E’tibor, e’zoz bilan. Jism-u joning birla tingla Do`st-u yorlar suhbatin, Inson insondir hamisha Hamfikr, hamroz bilan. Toma-toma ko`l bo`larmish – El aro bordir naql, Bir butun olam yaralmish Kam-kamu, oz-oz bilan. O`z kamolingga o`zing sen Posbon-u soqchi bo`l. Xokisor-u xor etma Ulfati nosoz bilan. Tolma oltin tog`i birla Qolsa odat istasang, Odamiylik deb atalmish Bebaho me’ros bilan. Yo`q, umr yo`li uzilmas, Zoye ketkurma uni, Qaydagi nokas-u nomard, Qaydagi vosvos bilan. To abad Oxunjoningni Bog`la mahkam roz bilan. Bog`la mahkam roz bilan… She’r muallifi: Oxunjon Hakim

Қизингиз улғайганда, у билан қандай тил топишиш мумкин? 🌱 Қиз болада аёллик ҳислари уйғонар экан, у онаси томонидан ўзининг эътироф этилишини, ўртада янги чегаралар ўрнатилишини истайди ва онаси билан ўзаро рақобатлашишни бошлайди. Яхши кўрган инсонидан ўзига ёқадиган муносабат кўришни, розилик ҳиссини туюшни истаб, турли ўй-хаёлларга берилади. Гўёки бу туйғуни унга фақатгина ўзга жинс вакили тақдим эта оладигандек туюлади... Она билан қиз ўртасида дўстлик кўпригини қуриш ҳамда ушбу кўприкдаги дарз кетган, ёрилган жойларни таъмирлаш мазкур ҳолатдаги энг яхши ечимдир. Ушбу ноқулай вазиятни муолажа қилишда онадан фақат сокинлик, мулойимлик ва ҳикмат билан иш кўриш талаб этилади. 📚 "Қизларжон" китобидан ⭐️ @BintuSodiq

Кеча бир қизиқ ҳолат бўлди. Қизимни Яндекс Такси орқали чақирилган машинада Ҳиндистонлик ҳайдовчи олиб кетди. Ва шу пайт бир фикр хаёлимдан ўтди... Яқинда бир IT мутахассис билан интервьюда у айтган гап ёдимга тушди: «Мен доим ёшларни IT соҳасига киришга ундайман. Чунки бу соҳада яхши даромад қилиш мумкин. Кўпчилик эса, ҳамма «айтишник» бўлиб кетса, бошқа ишларни ким қилади? — деб сўрайди. Мен эса ўзбек бой бўлса қолган ишларни қилгани бошқалар келади» (https://youtu.be/AWK3LYARYI8?si=dQRwnunqSPGAg7YM) Дарҳақиқат бугун юртимизда фаолият юритаётган кўплаб чет эл фуқароларини кўряпмиз. Мамлакатда даромадлар ошиб борган сари, иқтисодиёт бошқа давлатлардан мутахассисларни жалб қила бошлайди. Бу табиий жараён: одамлар юқори даромадли соҳаларга ўтади, бозор эса янги иштирокчилар билан тўлдирилади. Бугун Тошкентда хорижлик ҳайдовчини кўриш ҳам оддий ҳол бўлиб қола бошлагани бу мамлакат иқтисодий жиҳатдан жозибадор бўлиб бораётганининг белгиси деб ўйладим. Бу нимани англатади демак имкониятлар яратилаяпти, турмуш даражаси ошиб бормоқда, хизматлар сифати ва рақобат кучаяпти. Баъзан бундай ҳолатларга ҳайрат билан қараймиз. Лекин эҳтимол, бу ривожланишнинг оддий белгиларидан биридир. Дарвоқе, қизимга хайдовчи хайрлашаётган вақтда “ассалому алайкум” деб хайрлашибди, Шахло эса инглизчада унга ассалому алайкум деб кўришганда айтилишини хайрлашаётганда эса “Хайр” дейилишини айтган. Хайдовчи эса кулиб узр сўраган ва хайр деган. Қизим жудаям ҳурсандчилик ва хайрат билан бу ҳолат ҳақида айтиб берди. Иловада хайдовчининг исми ўзбекча кўрсатилган негадир балки у осон бўлиши учун шундай кўрсатгандир ёки исмини алмаштирган.