To’qimachilik sanoati texnologiyasi fakulteti

Tavallud ayyom muborak! Respublikamizda ilm-fan rivojiga katta hissa qo'shib kelayotgan, o'zining ilmiy maktabiga asos solib, eng muhim natijalarga erishgan «To'qimachilik matolari texnologiyasi» kafedrasi professori, texnika fanlari doktori, Turon fanlari akademiyasi akademigi Muqimov Mirabzal Mirayubovich bugun 28-may sanasida qutlug' 81 bahorni qarshi oldilar. M.M.Muqimov jonkuyar murabbiy, mehribon ustoz va kamtarin inson sifatida o'zining fidokorona mehnati bilan nafaqat o'z oilasida, balki Respublikada va jahonda katta obro' qozongan yetakchi olimdir. Ustozga uzoq umr, sihat-salomatlik, oilaviy baxt-saodat, hotirjamlik, mashaqqatli ilm yo'lida charchamasdan biz shogirdlar baxtiga doimo sog'-omon bo'lishlarini tilab qolamiz. Hurmat bilan institut jamoasi va shogirdlaringiz!!! https://t.me/tstf_talabalari

🇨🇳2-kursni tamomlagan talabalar oʻqishni Xitoyda davom ettirishi mumkin! TTYSI va Xitoyning Changshu texnologiya instituti oʻrtasidagi kelishuvga binoan taʼlim jarayonini chet elda davom ettirish imkoniyati yaratildi. Bunda talabalar toʻquv, trikotaj, yigirish, tikuv va avtomatika yoʻnalishlarini tamomlagan boʻlishi shart. Ariza topshirgan talabalar oʻrtasida tanlov oʻtkaziladi. Tanlovda ishtirok etib, gʻolib chiqing va ikkita oliygoh diplomiga ega boʻling! Batafsil maʼlumot olish uchun 2-bino 217-xonaga murojaat qilishingiz mumkin. https://t.me/tstf_talabalari

Samarqand — afsonayu ertak shahri. Tojikzabon millatdoshlarimiz orasida Samarqand sayqali roʻyi zamin ast, Buxoro quvvati Islomi dini xast, degan naql bor. Bu soʻzlarni inkor etib boʻlmaydi — Samarqand haqiqatan ham kurrayi zaminning sayqalidir. Bu shaharning koʻrki, oʻziga xos arxitekturasi va urf-odatlari vatanimizning koʻhna tarixi va uning shon-sharafiga havola qiladi. Ichki turizimni rivojlantirish, yoshlarga maʼnaviy ozuqa ulashish hamda tarixiy qadamjolarni yod etish maqsadida 25-may kuni TTYSI talabalari uchun koʻhna Samarqand shahriga sayri-sayohat uyushtirildi. https://t.me/tstf_talabalari

🚤 QAYIQ Bir qayiqchining kichik qayig‘i bor ekan. Qayiqning ikki eshkagi bo‘lib, ularning birida “niyat”, ikkinchisida esa “harakat” deb yozilgan ekan. ➡️Qayiqqa chiqqan odamlar bu yozuvlar sababini so‘rasa, qayiqchi shunday javob berar ekan: “Agar men faqat “niyat” deb yozilgan eshkakni harakatlantirsam, u holda qayiq bir joyda aylanib qolaveradi. Agar faqat “harakat” deb yozilgan eshkakni harakatlantirsam ham, qayiq bir joyda aylanaveradi. Agar ikkalasini birgalikda aylantirsam, qayiq manzilga yetadi.

Inson ham faqat niyat qilsa-yu, harakat qilmasa, bir joyda aylangan qayiq kabi manzilga yetolmaydi. Maqsadga yetish uchun “niyat” va “harakat” birdek harakatlanishi lozim”.

✈️https://t.me/tstf_talabalari

20-may kuni toʻqimachilik sohasi mutaxassislari bilan uchrashuv boʻlib oʻtdi. Unda Shabnam tekstil korxonasi toʻquv boʻlimi boshligʻi Avazbek Mirzaxmedov hamda Umida Uzoqovalar ishtirok etishdi. Taʼkidlash joizki, Umida Uzoqova 1990-2000-yillarda Uchqun toʻqimachilik attorlik buyumlari fabrikasining bosh dissinatori, 2000-2008-yillarda Kulxan qoʻshma korxonasida ishlab chiqarish direktori, 2008-2016-yillar mobaynida esa Mudofaa vazirligining koʻp tarmoqli unitar korxonasi rahbari lavozimlarida ishlagan yetuk mutaxassis hisoblanadi. Mentorlarning talabalar bilan olib borgan suhbati nafaqat kasbning texnik kompetensiyalari, balki professionallik odobi xususidagi bilimlariga ham salmoqli hissa qoʻshdi. https://t.me/tstf_talabalari

Kimyogarlar kuni nishonlandi... “Kimyo” kafedrasi professor-o’qituvchilari hamda “Kimyo” kafedrasi qoshidagi “Tadqiqotchi“ to‘garagining faol talabalari ishtirokida 13-may kuni talabalar turar joyida kimyogarlar kuniga bag’ishlangan “Mo’jizakor kimyo-intellektual yoshlar nigohida” deb nomlangan bayram tadbiri bo‘lib o‘tdi. Tadbirni ochib berish uchun so‘z “Kimyo” kafedrasi mudiri S.X.Karimovga berildi. Ular kafedra tarixi, ta’lim-tarbiya sohasida olib borilayotgan ishlar, yutuqlar va natijalar to’g’risida qisqacha to’xtalib o’tdi. Boshlovchilar ishtirokchilarga, tomoshabinlarga kimyoviy moddalar to’g’risida bir necha she’riy topishmoqlar berishdi va qiziqarli ma’lumotlarni aytishdi. Keyin navbat iqtidorli talabalar S.Musurmonqulova va M. Boboqulovalarga berildi. Ular kimyo bilan bog‘liq bir qancha qiziqarli tajribalarni ko‘rsatib o‘tdilar. Tadbir so’ngida talabalarga a’lo baholari, namunali xulqi va kafedra tadbirlarida aktiv ishtirok etganlari uchun tashakkur e’lon qilindi. https://t.me/tstf_talabalari

#Oybek To'qimachilik sanoati texnologiyasi fakulteti 7-22 guruh talabasi Masharipova Shirinoyning Muso Toshmuhammad o'g'li Oybekning qalamiga mansub she'ridan videolavha. https://t.me/tstf_talabalari

Milliy raqs, urf-odatlar va modalar namoyishi – TTYSI talabalarining adiblar yodi hamda ijodiga baxshida etgan ulkan ehtirom. Ayni shu kayfiyat, ayni shu ruh va shukuh bilan “Uchinchi Renessans yoshlarini tarbiyalashda Muso Toshmuhammad oʻgʻli Oybekning badiiy merosi” nomi ostidagi konsert dasturi poytaxt ahli va mehmonlari eʼtiboriga taqdim etildi. Tadbir Xalqaro Nordik universiteti, Islom Karimov nomidagi Toshkent davlat texnika universitetlari hamkorligida tashkil etildi. https://t.me/tstf_talabalari

17-may kuni boʻlib oʻtgan ochiq muloqotlarning birida uchinchi bosqich talabalaridan sohaga yoʻnaltirilgan ingliz tili oʻquv kurslarini tashkil etish xususida soʻrov kelib tushgan edi. Bugun talabalarning istagi bajarildi. 20-maydan boshlab, 2-oʻquv binosida joylashgan 311-xonada talabalar uchun toʻqimachilik va uning sohalariga yoʻnaltirilgan, mutlaqo tekin ingliz tili kurslari tashkil etiladi. Kurslarning vaqti va jadvali haqida batafsil maʼlumot olish uchun TSTF dekanatiga murojaat qilishingiz mumkin. https://t.me/tstf_talabalari

17-may kuni boʻlib oʻtgan ochiq muloqotlarning birida uchinchi bosqich talabalaridan sohaga yoʻnaltirilgan ingliz tili oʻquv kurslarini tashkil etish xususida soʻrov kelib tushgan edi. Bugun talabalarning istagi bajarildi. 20-maydan boshlab, 2-oʻquv binosida joylashgan 311-xonada talabalar uchun toʻqimachilik va uning sohalariga yoʻnaltirilgan, mutlaqo tekin ingliz tili kurslari tashkil etiladi. Kurslarning vaqti va jadvali haqida batafsil maʼlumot olish uchun TSTF dekanatiga murojaat qilishingiz mumkin. Telegram | Instagram